رواية زواج من أجل التحليل
الفصل الحادي عشر 11
بقلم ريري
مضت تلاتة شهور احسن تلاته شهور في حياتي كلها اتعرفت علي جاراتي وبقي عندي صحبات امشي معاهم الجبنة ولانو حي شعبي مرات الصباح لو دايرة حاجه من الجزارة امشي معاهن اجيبها وعماد م عندو اعتراض نهائي بالعكس بحب يخليني اتعرف بي الناس وحتي عرفني بي مرت صحبو معاذ جهان وبقينا اصحاب شديد وتاني اخوات صحبو عبد الرحيم ودايما اصحابو بجو البيت بس بمشو الصالون وم شوفت احمد خالص وخلال الشهور دي فرشت البيت احسن حاجه واحلي حاجه في عماد انو بحب الحاجه السمحة وكل فترة يديني اشتري حاجه لي البيت لمن فرشتو كلو بس تعاملو معاي غريب جدا نهائى م اتغير وعلي طول البس قدامو توب ولا عباية وهو في غرفة وانا برضو وزرت اهلي مرتين بس حسيت انو م مرحب بي عشان كدا بقيت بمشي زي زمان ساعات وبطلع لكن مهاب وخباب بجوني طوالي ومرات بنومو عندي انور جا مرة واحدة بس مسافه العصير وطلع طوالي الليله مشتهية لي فطائر قاعدة بي مزاج بعمل فيها وبعد الضهر عندي جبنه بتاعت صندوق ماشة ليها قلت اعمل الغدا مرة واحد واطلع ظبطت حلة فاصوليا رهيبة عماد بحبها ومعاها رز زايد الفطائر دي ودخلت استحميت وسرحت شعري ولبست لي فردةكبدية ظابطة كدا مع الحنه حاجه رهيبة وشلت تلفوني وطلعت لي هيام جارتي ومشينا بيت نوسة ست الصرفة ونسة وضحك وجبنتي وجبنتك وم خلو شمار حايم م قالنو يداب حسيت اني متزوجة اول مع احمد دا كان سجن ساي تلفوني ضرب عاينت لي الشاشة طبعا مسجلة عماد بي العوض الجميل ❤️
عماد: هبة وين انتي جيت البيت وم لقيتك
هبة:مع نوسة لكن هسي بجي
عماد: سريع الموضوع مستعجل
وقلت لي النسوان راجلي جا ولازم امشي وطلعت.
قاعد متوتر ي ربي هبة ح يكون رد فعلها شنو لمن تعرف بس كل م اعاين لي القسيمة ابتسم براي في التلاتة الشهور دي اتعلقت بيها شديد اول مرة زول يهتم بي ادق تفاصيل اكلت شربت نومت صحيت عيان ملابسك وسخانة م تطلع قبل الشاي خلتني مدمن حاجه اسمها هبة من بعد جات هي حسيت اني انسان بس خايف تكرهني بعد تعرف الحقيقة المخفية عنها ي رب انا مستعد لي اي حاجه بس هي م تبعد عني سمعت الباب فتح اتوترت اكتر
هبة:عماد مالك الليله بدري كدا
عماد:هاك شوفي
ومديت ليها القسيمة كنت متابع ردت فعلها كان ظاهر عليه مصدومة ي رب استر بس
كنت بعاين لي القسيمة وانا مصدومة العقد دا امس كيف بس انا متزوجة لي تلاته شهور وحاجه كيف كيف عقدنا كان امس...