رواية زواج من أجل التحليل
الفصل العاشر 10
بقلم ريري
احي ي الله كنت خايفة بالجد بس بعد شوفت عماد ارتحت حبة اتكلم معاي وطمني بعدها سالني من الحاجات الجبتها وريتو ليها ودخلت المطبخ وبديت اعمل الغدا بس لحظت لي حاجه غريبة جدا انو عماد دا م عاين لي نهائي ودايما بعيد مني ي ربي مالو وبقيت اعمل في الغدا
عبدالله : مالك ي احمد
احمد: عماد الكلب مخلي هبة ماشة علي كيفها
عبدالله:كيف
احمد: لقيت هبة جاية من السوق مع بتاع ركشة براها كنت ناوي عليها بس لمن وصلت لقيت عماد قاعد وانت عارفو براك
عبدالله: كان فرمك لو هبشتها
احمد: انا م خايف منو بس قلت احتمال يكسر حنك الاتفاق عشان كدا سكت
عبدالله: قصدك يخليها مرتو علي طول
احمد: كدي يعرس اول بعدين يفكر في الحاجات دي
عبدالله : قصدك شنو انو هبة م زوجه عماد
احمد: لا لسه لانها م كملت العدة
عبدالله: طيب والعقد
احمد:دا كان وهمة لي ناس الحلة بتاعتهم ولي اهل عماد لانو انت عارف هم صعبين كيف
عبدالله: والماذون وافق يعقد كيف
احمد: اتفقنا معاهو ودفعت ليهو قروش وعمل عقد وهمي
عبدالله: والله م جادي
احمد: جادي وانا عشان واثق في غماد انو مستحيل يفكر يعمل حاجه لي هبة عشان كدا عملت الموضوع دا
عبدالله: وابو هبة
احمد: كم ربطة وسكت
عبدالله: راجل بخجل ولا عندو شرف يبيع بتو
احمد: عبدالله م تعمل لي فيها الشيخ كيف عبدالرحيم
عبدالله: الله يهديك ومشي
اصلا م فكرت في كلام عماد لانو يمكن خايف علي منظرو ولمن يعرسها بعد تلاته شهور والشهرين البعد العرس ينتهو وترجع هبة لي وضحك واتصلت لي زولي
احمد: الو
مجهول: ي هلا
احمد: طلبي موجود
مجهول: اي موجود
احمد: تمام جاي عليك انا
انا عارف البحصل دا م صاح بس مجبور عشان اشيل حق نهاد من عيونو بس ح احافظ علي هبة من روحي ومن احمد اخ من التفكير هبة دخلت المطبخ من قبيل وتاني م جات طالعه اتذكرت التلفون الجبتو ليها شلتو ومشيت عليها
عماد: هلا انتهيتي
هبة : قربت
عماد: جبت ليك حاجه
هبة:شنو
عماد: مديت التلفون ليها دا
هبة: دا لي انا
عماد: اي ومعاهو شريحة كمان
هبة: شكرا ليك انت عارف انو دا اول تلفون لي بالجد شكرا
كانت مبسوطة بيهو شديد زي طفلة جابو ليها لبسة العيد مسكينة م تستاهل دا كلو يحصل ليها بس اول م تكمل العدة ح اعقد عليها عديل واحمد لو مات م ح يشوف ضفرها اصبر لي بس صحيت من تفكيري علي هبة بتتكلم معاي
هبة: عماد
عماد: اي خلصتي
هبة: اي اخت ليك ولا شوية
عماد: ميت من الجوع جيبي الاكل
هبة : حاضر بعد الغدا ممكن تعلمني بستخدمو التلفون كيف لانو م بعرف
عماد: طوالي م عندك مشكلة
ودخلت المطبخ تاني وانا مسكت تلفوني
بخت في الغدا وانا ح اموت من الفرحة حياتي كلها ماشة لي الاحسن من يوم شوفت عماد دا ربنا يديم لي الحال دا شلت الغدا وطلعت ليهو وبدين ناكل من سكات بس عماد قال لي كلام غريب شديد
عماد: هبة بالله عبايتك او توبك دا م تتطلعيه الا مواعيد النوم ولا انا مافي كويس
عشان خايفة يقلب علي وافقت من غير كلام ورجعنا ناكل تاني من غير صوت لحدي م هو قام وانا بعد دخلت الاكل وغسلت العدة وعملت كبايتين شاي وجبتهم الهول وجيت قعدت منتظراهو يتكلم عشان يوريني اشغل التلفون كيف قلت يمكن نسي بس كنت خايفة اذكرو شرب الشاي وضرب كم تلفون واتكلم مع كم زول بعد قفل تلفونو واتكلم معاي
عماد: هبة تعالي اوريك التلفون بشتغل كيف
هبة: جيت
شلت التلفون وجيت اقعد جنبو بس هو زاح مني مسافة وعلمني بتصلو كيف ويرسلو كيف وتاني شغل لي الواتساب وقال الفيس دا موضوع طويل خليهو بكرا وانا وافقت
عماد: هبة الغرفة التانية المقفولة نضيفها عشان ندخل فيها غرفة النوم دي
هبة : حاضر
عماد: انا طالع شوية وبجو معاي اصحابي عشان ندخل الغرفة
هبة: كويس
وطلع علي كدا نسيت موضوع الغرفة وبقيت اتصور واتعولق في التلفون عاد م اول مرة امسك تلفون جلاكسي مرات كنت بشيل الربيكة بتاعت امي وابوي بنهرني بختها وامشي بعداك قمت نضفت الغرفة وجا عماد واصحابو دخلو الغرفة وقعدو مسافه العصير وطلعو طوالي
عماد: هبة نومي في الغرفةالجديدة وانا بنوم في الغرفة القديمة
هبة: تمام
مالي اقول ليهو لا اصلا ح اخد راحتي واستكشف تلفوني بي مزاج بس الراجل دا تصرفاتو غريبة عديل بحسسني انو انا م مرتو ي ربي يكون بعمل كدا لانو عايز يرجعني لي احمد بس هو وعدني شلت الفكرة من راسي اكتر من كدا ممكن اجن عادي قلبت في التلفون شوية لحدي م نومت..