رواية زواج من أجل التحليل
الفصل السابع عشر 17
بقلم ريري
عماد: اهلين
هبة: وين انت في الهواء دا
عماد: طلعت من الورشة ماشي علي معاذ في الشغل
هبة: خلاص انا ماشة لي جهان ممكن امشي
عماد: امشي بس م تتاخري كويس
هبة: كويس
وقفلت البيت وطلعت ركبت ركشة لي بيت جهان وصلت دقيت الباب مسافة بس مافي رد ي ربي طلعت ولا شنو اتصلت عليها ردت
هبة: وين انتي ي بت
جهان : كنت في الحمام
هبة: افتحي الباب
جهان: كويس
وجت فتحت لي الباب سلمت عليها وقعدنا اتونسنا تمام وعملنا الجبنه
جهان : اها اخبارك شنو
هبة: والله كلو تمام وانتي
جهان: الحمدلله وعاملة شنو مع عمدة
هبة: ونحن زي م نحن
جهان: ليه كم مرة انا قلت ليك اديهو فرصة عماد كويس
هبة: والله ي جهان انتي عارفة انا طالعه من علاقة سيئة جدا وفاقدة الثقة في نفسي خلي باقي الناس
جهان: هبة لازم تنسي الماضي وتعيشي حياتك م لازم تقيفي في نفس النقطة
هبة: قاعدة احاول بس م عايزة اظلم زول لانو انا مدمرة حاليا م انفع لي اي حاجه لازم اتعافا انا اول وعماد زاتو قال عايز يديني فرصة لمن انسي الحصل معاي عشان نقدر نبدا حياتنا صاح
جهان: كلامك صاح بس انتي براك م ح تقدري تتعافي لازم تخلي لي عماد فرصة عشان يقدر يساعدك م تقفليهو
هبة: صراحة في حاجات كتير بسبب عماد انا بديت انساها ومشاعر وحاجات انا لي اول مرة اعيشها بي سبب عماد حتي مسجلهو العوض الجميل بس انا عايزة احس بي اني بحبو بجد م بحبو لانو عوضني عن حاجات انا فقدتها
جهان : كلامك صاح وانتي اصلا تستاهلي ي احلي واجمل هبوية
هبة: عملتي الغدا بتاعك
جهان : بري والله
هبة: انتي عارفة انا م حصل اكلت برا البيت رايك شنو نخلي الشباب يطلعونا نتغدا برا
جهان: احلي فكرة طيب ننتهي من الجبنه ونضرب ليهم
هبة: حلوة واها انتي موضوع البيبي حصل فيهو شنو
جهان: تصدقي نسيت لو وافقو بعدين بجيب معاي شريط فحص
هبة: طيب و وصلنا الونسة
معاذ: ي هلا شنو المفاجأة الحلوة دي
عماد: هههه ولا مفاجأة ولا حاجه بس جبت اثباتات لكن م كفاية
معاذ: اثباتات شنو بقيت محامي ولا شنو
عماد: نسيت ولا شنو اثباتات عشان موضوع احمد
معاذ : ايوا نسيت والله
عماد: صورت ليهو فيديو مع واحد وشكلو هو فلس وداك رفض يديهو من غير قروش
معاذ: عشان كدا احمد قال لي شوف لي زول يشتري مني العربية
عماد: احي م عندي قروش تشتري لي العربية بتاعتو دي وبعدين م معروف يمكن قروش حرام
معاذ: نشوفو زول يشتري العربية بي سعر ميت واكيد هو ح يبيع لانو محتاج لي الجرعة
عماد: حلو والله افكارك تمام
معاذ: كيف دا كلامك
عماد: طيب انا عايز اوري الفيديو دا لي عامر
معاذ: خطوة كويسة وعشان تكون محمي وعندك دعم في حال احمد عرف انك متابعو
عماد: اي
اتصلنا لي عامر وحكيت ليهو الحاصل لانو اصلا دا مجال شغلو ورسلت ليهو الفيدو وقال تاني م تمشي براك وانو هو ح يمشي معاي وقفلت منو
معاذ: ربنا يعينك وينصرك عليهو
عماد: امين ي رب
تلفون معاذ ضرب وردا
معاذ: جوجو العسل ....تمام الحمدلله ......كويس اي معاي.....طالعين........وين ........خلاص بقول ليهو وبديك خبر...... سلام
وقفل من جهان وقبل علي وقال
معاذ: دي جوجو وقالت هبة معاها وانو هم الاتنين م عملو غدا لانو عايزين ياكلو برا
عماد: انا م عندي مشكلة
معاذ: وافقت بي السرعه دي
عماد: اي لانو هبة نادر م تطلب شي وعشان احمسها انو تطلب مني وم تخجل بوافق طوالي
معاذ: والله انت حبيت البت ديل
عماد: ضحكت شكلي والله
معاذ: طيب ارح خليني اقفل المغلق دا ونطلع
هبة: اها قال ليك شنو
جهان: قال بتصل لي
هبة: ان شاء الله عماد يوافق
جهان: لكن عبايتك دي م بتمشي بيها معاي
هبة: هي عباية ارقي من الروقي زاتو
جهان: دا كيف دا
المهم تشيلي من فستان وتمشي بيهو اصلا قوامنا قريب من بعض بس انتي مليان اكتر
هبة: طيب امري لي لله قبل الشباب يجو ارح نجيب اختبار الحمل وتعمليهو لو بقي في تعملي بيهو مفاجأة لي معاذ
جهان: مرات بتفكري والله
هبة: دي دماغ شغالة مش بتنام ي بنتي
جهان : ارح وخلي النقة
وطلعنا مشينا الصيدلية واشترينهو وغشينا الدكتن شلنا اندومي 2 ورجعنا البيت
جهان: ناكل الاندومي اول لانو لو طلع مافي شي نفسي بتقفل وم باكل تاني
هبة: انتي اتفائلي وان شاء الله خير
جهان: ان شاء الله
دخلنا المطبخ وظبطنا الاندومي دا تمام وشلنهو وجينا البرندة بتاع جهان وبدينا ناكل
جهان: عاد انا بحب الاندومي دي كيف بس م معاذ عندو معاها جن م بحبها نهائى الا اكلها وهو مافي
هبة: اناا اصلا بحبها بس من عرست احمد بقيت م باكلها لانو احمد م بجيبها وبقول لي م تطلبي مني شي بس رجعت ليها بعد عرست عماد
وقعدنا ناكل....