رواية زواج من أجل التحليل
الفصل الخامس عشر 15
بقلم ريري
م خفت بس لازم اتصرف لانو شكلو عارف انو عماد مافي دخلت وقفلت باب الهول بي الترباس والمفتاح ودخلت المطبخ شلت لي سكين ودخلت الغرفة عملت نفسي الشي وجيت اضرب لي عماد اتذكرت تلفونو قاعد هنا جا في بالي معاذ جا طوالي اتصلت ليهو المرة الاولي المرة التانية التالته حتي ردا وكانت جهان قلت ليها
هبة: واي جهان قول لي معاذ الحقني احمد تلب لي في البيت وعماد ماف خليهو يحصلني
جهان: سجمي وانتي وين هسي
هبة:جو الغرفة وقفلت البواب علي وشايلة السكين لكن لو م قدرت احمي نفسي منو بقتل نفسي ولا اخليهو يقرب مني
جهان : هسي بنجيك
وقفلت مني وبقيت ادعي واقرا في قران ي رب تحفظني
معاذ: م كملت النوم لكن الساعه10
عماد: نومت قدر دا
معاذ: اي والله قوم اهلك لكن اتغدا اول
وفي كلامنا داك جات جهان داخلة
جهان: واي عماد الحق هبة احمد تلب ليها في البيت
اصلا م وقفت اسمع باقي الكلام ركبت موتري وطيران البيت وصلت كيف الله اعلم فتحت الباب لقيت باب الهول فاتح قلبي وقع خوفت يكون عمل ليها حاجة دخلت لقيتو بحاول يفتح باب الغرفة وسامع صوت هبة تبكي جريتو وبقيت اضرب فيهو زي المجنون الا رفعوني منو معاذ وعبدالله كان وشو كلو دم
اول م جهان قالت الكلام عماد لقيت الغبار بتاعو بس اتصلت لي عبدالله لانو بيتو اقرب لي عماد وشلت مفتاحي وطالع جهان قالت لي الا امشي معاك لبست توب البيت وطلعنا وصلت لقيت عبدالله داخل قدامي لانو كان بعيد شوية دخلنا الهول لقينا عماد بضرب في احمد لي طريقة مجنونة وعماد البنية بتاعتو م شاء الله ي الله رفعنهو من احمد لمن عاينت لي احمد وشو كان منتهي بس احمد يبطل جن يداب وقفنا عماد منو احمد اتكلم
هبة: حقتي ومستحيل اخليها ليك وزي م جننت بت خالتك ح اجنن هبة وتنتحر زيها وبقي يضحك وهو شكلو شراب حاجه ي الله بعد كلامو داك مسكنا عماد قال الا يقتلو وعبدالله رفعو وتكلو ومشي
عبدالله ساق الزفت دا وطلع كان نفسي اقتلو دقيت الباب لي هبة وبقيت اتكلم معاها
عماد: ي هبة احمد طلع افتحي الباب عليك الله افتحي م تخوفني علي اكتر وفتحت الباب ودخلت في حضني وبقت تبكي وكانت منهارة شديد
هبة: ي عماد عليك الله م تخليني براي انا خايفة يرجع تاني
عماد : م ح يرجع اوعدك
هبة: انا خايفة كان بقول انو ح يقتلني ومستحيل يخليني ليك وانك مستحيل تفوز عليهو
عماد: اهدي م ح يحصل حاجه
معاذ: احم احم نحن هنا...