رواية زواج من أجل التحليل
الفصل العشرون 20
بقلم ريري
ي جماعه م ممكن انا اتعب واكتب واساهر وافتش شبكة لمن روحي تطلع وفي النهاية يجي زول يسرق رواياتي ويحذف منها اسمي م عندي مانع زول ينشر رواياتي بس اسمي م يتحذف منها لانو دا تعبي واذا م وقف نشر من غير اسمى ح اوقف الرواية
وصلنا البنات ومن هناك طوالي بيت احمد لقينا عبدالله منتظرنا جنب الباب بتاع احمد
عبدالله: اتاخرتو كدا مالكم
معاذ: وصلنا البنات بس
عبدالله: طيب ارح اعزموني غدا
عماد: وشغلنا ال مع احمد
عبدالله: انا قمت بي الواجب وزيادة
عماد: احلف
معاذ : والله م جادي
عبدالله: ارح اكلوني وبعدين احكي ليكم
عماد: احلي اقاشي لي احلي عبدالله
عبدالله: حبيبي والله
معاذ: اركبو ارح
وركبنا مشينا محل بتاع اقاشي ظابط في شارع الوادي عبدالله مجنون بتاع اقاشي عشان كدا عزيتو زي م عزاني
معاذ : اها احكي لينا م قادر اصبر اكتر من كدا
عبدالله: وخشمو ملينا ي دولي اصبر اكمل اتلي دا
عماد: الله يقرفك اقفل خشمك اكل وبعدين احكي الحاصل
معاذ: الانتظار دا صعب
عماد: انتظرت سنين الدقائق دي م بتاثر معاي
هبة: هسي ي جهان المشوار دا بكون وين
جهان: امممم انا خيالي دا لو اشتغل بجيب افكار تخلينا انا وانتي نبكي
هبة: كدي قولي يمكن فضولي يهدا شوية
جهان: يمكن م مشوار شغل يمكن عندهم موعد مع البنات الهاي هاي ديل نوع باربي البتقول ياي و واو وبيبي
هبة: تفتكري
جهان: قلت يمكن لانو مشوار اخر الليله غو يمكن يكون شغالين ديلرات
هبة: ديلرات دي شنو كمان
جهان: م تقولي لي م بتعرفي معني ديلر
هبة: اول مرة اسمع بيها والله
جهان: واي من البراءة
هبة: جهان انتي عارفة انا م كان عندي صحبات ولا بطلع عشان اعرف الكلام دا وطلعت من المدرسة بدري
جهان: عارفة عارفة طيب ي ستي ديلر معناها تاجر مخدرات
هبة: سجمي راجل شغال تاجر مخدارت وا رمادي وا سوادك ي هبة من مريض نفسي لي تاجر مخدرات حظ السواد حظي
جهان: بس بس بهظر معاك ي بت
هبة: عليك الله
جهان: والله وبعدين عماد زول م شاء ادب واخلاق م عندو كلام زي دا لا سجائر لا غيرو
هبة: الحمدلله م زي الزفت احمد الله يحرقو محل م يقبل م مخلي شي م بشربو
جهان: احمد بشرب عرقي
هبة: عرقي وبنقو وعلي م اظن مخدرات ومرات بحس بيهو زي ال م نصيح كدا
جهان : كيف يعني
هبة: بحس زي العندو مرض نفسي
جهان: بكون لانو عاميلو دي م بتاعت زول نصيح
هبة: اي والله شيلنا من سيرتو....