رواية زواج من أجل التحليل
الفصل الثالث عشر 13
بقلم ريري
عبدالله: احمد انت بقيت كدا مالك
احمد: مالي
عبدالله : شكلك وكل حاجه فيك متغيرة والله
احمد: بتهي ليك بس اسمعني ارح علي عبد الرحيم
عبدالله: والله عبدالرحيم سافر ليهو يومين انت م كنت قاعد لمن قال لينا
احمد: لالا م متذكر والله هو سلام عندي مشوار ضروري ومشي
الله يهديك ي احمد معاذ بكون منتظرني وطلع مشي علي معاذ في بيتو وصل بيت معاذ وسلم عليهو
معاذ:احمد وين م جاء
عبدالله: عندو مشوار مهم
معاذ: والله قلبي حاسي احمد دا عندو مصيبه
عبدالله : اي والله وشكلو متغير شديد وبقي بنسي كتير وعلي طول م مركز
معاذ: الله يهديهو بس برضو شايل هم عماد الليلة مفروض يكلم هبة بي الحقيقة
عبدالله:اي بس لحظت ليهو اتعلق بيها كيف
معاذ:اكيد لانو وفرة ليهو الراحة والاهتمام والحب وعوضتو عن فقد اهلو
عبدالله: يمكن لانو حافظ عليها وخلصها من احمد تسامحو
معاذ: ان شاء الله عمدة طيب يستاهل كل خير
دقيقة اتصل ليهو واتصل علي عماد
عماد: الو
معاذ: هلا اها الحصل
عماد: زعلت مني شديد وهسي دخلت غرفتها وم عارف اعمل شنو
معاذ: كزول متزوج وعندي خبرة خليك جنبها واسيها وجيب ليها هداية ولطف الجو
عماد: طيب بحاول
عبدالله: عمدة ي قلب
عماد: اوووو عبدو ازيك انت تمام
عبدالله: تمام والله بس انت بقيت مافاضي
عماد: اموري تظبط وكلكم معزومين عندي
عبدالله: خروف غير كدا م عايزين
عماد: ابشر تب
معاذ : يلا سلام وطول بالك
وقفل منو
عماد قفلت من الشباب ودخلت غرفة هبة كانت نايمةودموعها لسه م جفت مسحتهم ليها وشغلت المكيف وقعدت جنبها مسافه اعاين ليها جميل بشكل حلو شديد قربت من خدها وطبعت بوسة خفيفة فيهو وبقيت قاعد جنبها عاينت لي الساعه كانت 6ونص وهي م اكلت اصحيها ولا لا في النهاية قررت اني اصحيها وفعل صحت بس من شافت وشي صرت لي وم اتكلمت
عماد: الغدا اجيبو هنا ولا برا
هبة: انا م عايزة اكل انت
عماد: انا جعان بس من غيرك م باكل
هبة: م تاكل
عماد: ازعل مني بس م ترفضتي الاكل قومي ارح الغدا
بعد تعب حتي. وافقت تجي تاكل معاي قمت عشان اجهز الغدا جات سالتني
هبة: يعني م جاهز
عماد:هسي بجهز
هبة: غسل يدينك مسافة ارص الغدا
وفعلا مشيت غسلت يدي وقعدت في الهول منتظر هبة جابت الاكل واكلنا وبعدها رجعت غرفتها اتاكدت انها نامت دخلت الغرفة وراها طفيت النور وطلعت جنبها لي اول مرة انوم جنب هبة وبعدها نومت ...