رواية زواج من أجل التحليل
الفصل الرابع عشر 14
بقلم ريري
اسبوع اسوا اسبوع في حياتي كلها هبة م راضية تتكلم معاي بس الاهتمام نفسي الشي م تغير شي مهتمه بي اكلي ولبسي بس م بتتكلم معاي وكنت ماشي بالوصية بتاعت معاذ وعبدو وادلع فيها واجيب ليها في الهدايا بس برضو م رضتعلي بس وراها وراها
كنت داخلة الفيس اقلب في القروبات ساي طبعا متكيفة عماد شغال لي دلع عمري م شافتو قلت ازعل منو كم يوم وبعدين ارضي اتذكرت حياتي مع احمد ومع عماد م كان في علاقة نهائي اصلا اهتمام ودلع وهدايا بجد الحمدلله صاح انصدمت من انو كان قاعد معاي من غير عرس بس عمرو م قرب مني ودايما كان محترم خصوصياتي ختيت التلفون وقمت اجهز الغدا عملت شوربة ومعاها اسود ورز وقلت اعمل تحلية كاستربي لبن بحبو شديد انتهيت منو ودخلت الحمام استحميت ولبست بجامه ظابطة كدا انا وسط لا سمينة لا ضعيفة وسرحت شعري واحدة وعملت لي كحل ومرطب لي خشمي واتريحت وشغلت الشاشة وبقيت احضر في مسلسلي واصلا من الصباح جهزت شنطتي ماشة ناس امي يومين وجاية بس قلت العب بي اعصابو شوية سمعت الباب فتح ولا اشتغلت بيهو سلم برضو م قلت ليهو حاجه قمت جبت ليهو موية وجيت راجعه قعدت في المسلسل وهو يتكلم ولا اشتغلت بيهو في النهاية قام دخل الغرفة وطوالي جا طالع واتكلم معاي
عماد: هبة دا شنو
برضو م رديت ليهو وعاد السوال كم مرة بس فجاءة الزول مسكني من يدي لمن قمت من السرير وكورك فيني لي اول مرة
عماد: انا بتكلم معاك دا شنو
هبة: شنو
عماد: الشنطة ال في السرير دي
هبة: شنطتي
عماد: وماشة وين ان شاء الله
هبة: بيت اهلي
عماد: استغفر الله انا قلت ليك شنو ي هبة
هبة: شنو
عماد: هبة م تجنني مش قلت ليك ازعلي زي م دايرة بس جو البيت دا وخلي عارفة طلعة من هنا ماف الا انا جنازة
وفك يدي وطلع الشارع طوالي عاينت لي يدي لمن حمرت من المسكة بتاعتو وقلت في سري الله يجزيك ي جهان انا كان مالي ومال الافكار دي وهسي طلع زعلان اف ودخلت افضي الشنطة لانو تاني م اظن امشي اليومين ديل ناس امي
طلعت من شدة الغضب لمن م شايف قدامي معقولة بعد العملتو دا كل هي لسه مصرة ترجع اهلي بس انا م بقدر مستحيل اخليها تمشي حتي لو ح احبسها في البيت بس م تمشي ولقيت نفسي قدام بيت معاذ دقيت الباب فتحت لي جهان
عماد: السلام عليكم
جهان: وعليكم السلام اتفضل
عماد: معاذ موجود
جهان: اي في الحمام ادخل لمن يطلع
ودخلت توش مشيت البرندةاصلا جهان ومعاذ ديل انا ساكن عندهم عديل ومرات اسبوع م برجع بيتي قعدت لمن الاخ يطلع من الحمام وفجأة شالتني نومة
الساعة بقت 10وعماد م منو خبر اول مرة يتاخر كدا ي ربي حصل معاهو حاجه اف تاني م بهزر معاهو والله اول م يجي ح اعتذر ليهو واقول انا سامحتو وكنت بهزر معاهو اتصلت عليه لقيت تلفونو في الغرفة جوا دي مصيبة شنو كمان سمعت كركبة برا في الحوش قلت يمكن دا هو جا بس م سمعت الباب فتح طلعت اشوف بس كان القي ليك احمد في الحوش...