رواية زواج من أجل التحليل
الفصل الخامس 5
بقلم ريري
بعد اسبوع كنت قاعدة وببكي علي حظي لانو ابوي غير رايو لانو بدل كان جاي يتقدم قال يعقد ويسوقني طوالي من غير اي حاجه امي جابت لي توب وطقم من عندها قالت لي البسيهم لي بحصل معاي كدا واثناء م انا بندب في حظي سمعت صوت الرصاص يعني عقدو لي علي راجلي المجهول وشوية ح امشي علي مصيري المجهول برضو ي رب لطفك
تم العقد وانا لحدي هسي م شوفت العروس بس م مهم طبعا اعمامي جو معاي لي العقد اصلا هم اتنين بس وعمتي واحدة واصلا م راضينين بس م في زول يقدر يفتح خشمو معاي طبعا كان مفروض تعارف بس احمد لانو مستعجل اصر علي اعقد طوالي عشان نخلص هههه وهو م عارف المنتظرو بعد العقد دا المهم شوية كدا وقلت ليهم جيبو العروس فعلاطلعت وهي جات كنت واقف قدام العربية بتاعت معاذ حنستو وي الله اقنعتو حتي وافق طبعا عريس مستحيل اجيها بي الموتر بس جات وظاهر عليها كانت بتبكي وجنبها اخوانها التوام وصلت وانا كان واقف جنبي عمي الكبير ولمن شافتنا بكت زيادة انا زاتي احترت فيها دي مالها يمكن مجبورة م عارف
طلعت وانا في الباب شفت ولد سمح ومعاهو عمك كبير وعمك دا قاشر لمن غلط قلت دا بس ياهو العريس وتعالو شوفو البكي وصلت العربية ركب الود السمح محل السواق واحد تاني شاب برضو قدام وركبت مرا وعمك الكبير حتي ركبت انا وكان في عربية تاني ركبت وانا بدعي ربنا يخلصني من حياتي اف وصلنا بيت كبير كدا نزل الود الشاب ومعاهو المرة وطلعت دي اخت العريس ودا ولدها وعمك نزل ركب قدام مع الود السمح السايق قلت معانها دا ولدو وانا بقيت ورا مشينا مسافة كدا وقف جنب بيت تاني ونزل الراجل الكبير وقال لينا مع السلامة والف مبروك احترت واخيرا اتكلم الود السايق وقال لي تعالي قدام نزلت من سوكات وقعدت جنبو يعني عمك دا م العريس الحمدلله وحبة ارتحت
عماد: السلام عليكم
هبة: وعليكم السلام
عماد: طبعا م بتعرفني لانو العرس حصل بي سرعة انا عماد زوجك
هبة: شنو وكنت مصدومة معقولة المزة دا راجلي
عماد: عارف انك مصدومة بس لمن نصل البيت عندي كلام كتير ح اقولو ليك
هبة : طيب وسكتنا علي كدا وصلنا مطعم نزل جاب بيتزا وسندوتشات شاورما وبيبسي واتحركنا بعد مسافة وصلنا بيت كدا عندو بابين واحد كبير واحد صغير نزل فتح الباب الكبير وقال لي م تنزلي ودخلنا بي العربية جو. البيت كان بيت سطوح والحوش صغير قدر العربية ومعمول ضفرة .....