رواية زواج من أجل التحليل
الفصل الرابع 4
بقلم ريري
عندي بيت دي الحاجه الوحيدة البقت لي من اهلي البيت دا كان غرفة وعريشة قش ومطبخ وحمامات بس تعبت وشقيت عشان بنيتو سطوح كان هادي كالعادة اصلا مافي زول بجيني غير اصحابي مرة مرة دخلت استحميت وجيت نومت طوالي لانو تعبان
كنت قاعدة بي مزاج لحدي م جاني مهاب جاري وقال لي م شفتي ي هبة
هبة: في شنو
مهاب: احمد قاعد مع ابوي في الصالون
هبة : داير شنو المتخلف دا
مهاب: م عارف لانو قال لي ابوي موضوع مهم ف ابوي قال لينا اطلعو برا
هبة : يعني بعد اتطلق م عايز يحل من راسي الزول دا
مهاب: م عارف كدي جيبي الرمود
هبة: هاك عكرت مزاج اف
وقمت من جنب مهاب مشيت علي الصالون احاول اسمع بس م سمعت شي في النهاية زهجت ومشيت المطبخ اغسل عدتي احسن
كنت قاعد مع ابو هبة وقلت ليهو
احمد: اسمعني ي عمي انا هبة دي م قنعت منها ولسه عايزها
ابو هبة: بس م في طريقة ارجعها ليك بيها
احمد: عارف بس انا لقيت حل بس انت توافق عليهو
ابوهبة: كدي قول
احمد: نعرس لي هبة وبعد كم شهر نخليهو يطلقها واجي اعقد عليها انا
ابوهبة: بس الكلام دا م حرام
احمد: نحن م ح نقول لي هبة حاجه ح نخليها علي أساسا انو عريس عادي
ابوهبة : طيب
احمد: بس انت اقنع بتك ام راس كبير دي
ابوهبة: م تشيل هم ح توافق غصبا عنها ان شاء الله بس دا منو ال ح يوافق بي كلام زي دا
احمد: لالا العريس موجود وعارف القصة كلها
ابوهبة : اذا كدا تمام جيبو وتعال
احمد: خلاص بعد اسبوع بجي هو عشان م تشك
ابوهبة: خير
احمد: يلا سلام وطلعت ربطة بتاعت قروش اديت ليهو وطلعت اصلا عارفو راجل طماع وجنو قروش مرقت وانا مبسوط مشيت علي البيت والمزاج الف انو خطتي ماشة تمام واني ح ارجع هبة قريب واخليها تشوف المر معاي وتندم علي اليوم الجات فيهو
ي بت ي هبة تعالي هنا سريع
ابوي دا بنادي فيني ليه طلعت لقيتو بحمر
ابوي: سنه عشان تجي
هبة: اسفة
ابوي: قفلي خشمك دا جاك عريس وانا موافق بيهو الاسبوع الجاي ح يجي يشوفك والاسبوع البعديهو العقد وتمشي معاهو
هبة : بس ي ابوي
ابوي: قفلي وم تفتحي خشمك دا احمدي الله انو جاك عريس وانتي مطلقة يلا غوري من وشي
مشيت وانا دموعي عشرة عشرة يداب م خلصت من احمد ابوي عايز يعرس لي تاني والمشكلة انو مستعجل شديد ي ربي ح يكون راجل كبير ولا واحد عندو عشرة اطفال ولا شنو ي ربي اموت وارتاح من البحصل لي دادخلت غرفتي وبقيت ابكي لمن عيوني وجعتني وشكلي نومت صحيت علي زول بهز فيني لقيت امي
امي: ي سجم قومي انا طالعه
هبة: وانا مالي
امي: ملة التملك قومي اعملي الغدا انا ماشة الجبنه مع جاراتي
هبة : كويس هو شنو
امي: اعملي شوربة ورز وفي بطاطس اعمليها قيمة
وطلعت مشت قمت وانا زهجانة وقافلة معاي صليت الضهر ودعيت شوية وجيت المطبخ شلت البصل وبقيت اقطع فيهو وهو اصلا حار وانا عايزة لي سبب ابكي بيهو وبقيت اقطع وابكي لمن اتنهف ورفعت حلتي في النار ومشيت الصاله اقطع البطاطس ومهاب وخباب يعاينو لي ساي عارفين لو اتكلمو معاي م بحصل خير قطعتها ومشيت طفيت البصلة وانا افكر في البحصل لي معقولة ابوي عايز يعرس لي فجاءة كدا بس الكلام دا حصل بعد م جا احمد معقولة احمد جاب لي عريس بس ليه وبقيت افكر وافكر سويت الغدا ومشيت قعدت في الصاله لقيت خباب ومهاب مافي يعني انا براي بعد الشيطان يوسوس لي انتي قاعدة براك اشردي احسن م تتعذبي تاني ومعروف العريس دا يكون كيف ويمكن اكعب من احمد بس لو شردت امشي وين اهلي ح يكلمو ابوي وم عندي صحبات امشي ليهم بري احسن لي اقعد قبلي لانو لو عملت كدا ابوي بقطع رقبتي ودي مافيها اتنين اصلا اف دي افكار شنو هسي قلت احسن شي اعمل جبنه ظابطة كدا مشيت المطبخ لقيت لي فشار عملتو وسويت الجبنه وقعدت قدام الشاشة وشغلت مسرح مصر وبقيت احضر .....