رواية زواج من أجل التحليل
الفصل الثامن 8
بقلم ريري
هبة: عادي م مشكلة
عماد: بعد نفطر طالعين
هبة: انا وانت
عماد: اي
هبة: بتردد وين
عماد: السوق اشتري ليك هدوم وحاجات ليك وانا م شاء الله شغلي ماشي بديك انت كل فترة قروش اشتري حاجه لي البيت لانو فاضي والقروش الحاليا عندي بتشتري حاجاتك اني وغرفة نوم وحبة حاجات لي المطبخ
هبة: حاضر
كلامها بسيط جد واغلب حاضر وكويس نادر م تسالني فطرنا وهبة دخلت تلبس جات طالعه بي التوب الامس زاتو طبعا معاذ جاي يسوق عربيتو
عماد: هبة بتعرفي تركبي موتر لانو معاذ جاي يسوق عربيتو
هبة: م بعرف والله بس بتعلم
عماد: تمام
طلعت الموتر وركبنا بعد علمتها تركب كيف وصلنا السوق بتاع ام درمان لانو قريب من البيت دخلنا اول محل كانت واقفة وم اختارت حاجه خالص
عماد: هبة مالك واقفة اختاري العايزاهو
هبة: يعني م ح تختار لي انت
عماد: الملابس ليك انتي م انا حتي بعد كلامي دا بدت تختار بعد م لفينا نص السوق اشترت ليها ملابس بيت وطلع وعبايات وكم توب وفساتين بي الطريقة دي م ح اقدر ارجعها معاي بي الموتر عندي واحد صحبي عندو محل دهب مشيت عليهو الميزاينة م تسمح بي غير دبلة اشتريت ليها الدبلة وطلعنا
هبة: ي عماد تاني مشينا وين
عماد: عايزين بتجاز وحاجات لي المطبخ
هبة : بس انا تعبت
عماد: تمام نرجع وبكرا اديك تجي تشتريهم براك
هبة: انا امشي السوق
عماد: اي الصباح بنزلك هنا وبمشي
هبة: تمام
الساعه بقت 4 قلت لي ناكل حاجه هنا وبعدين نمشي البيت دخلنا اكلنا في كفتيريا السوق وطلعنا الموقف ركبت هبة ركشة هي والحاجات وانا مشيت علي الشباب
كنت راكبة في الركشة مبسوطة اول مرة في حياتي اطلع براي بجد حبيت عماد دا اول مرة احس بي الحرية وصلت البيت الاكياس كانو كتار 4ولا 5 اكياس دخلتهم البيت كنت مبسوطة شديد اجرب داا والبس زي الشافعة لمن تعبت قلت اخد لي نومة صحيت علي زول بصحي فيني
عماد: صحي النوم الساعه7ونص
هبة: نومت قدر دا معليش م عملت غدا
عماد: عارف تعمليهو في شنو انا جبت جاهز لمن اجيب جاحات المطبخ
هبة: حاضر
عماد :هبة انا م زي احمد و م بتحكم فيك عايزك تكوني علي طبيعتك معاي اطلعي الجيران اتكلمي مع صحباتك اعملي النفسك فيهو كويس
هبة: كويس
وطلع الهول تعاملو معاي حلو شديد بس انا م عندي صحبات تلفون زاتو م عندي وكان نفسي اقرا الجامعه بس الله قادر
طلعت اتغديت معاهو وبقيت قاعدة بعد مسافة اتكلم معاي
عماد: هبةتعالي شوفي الصور دي
هبة : حاضر جيت قعدت معاهو كان بتفرج علي صور غرف
عماد: تعالي اختاري غرفة
هبة: طيب
كانت مجموعة من الغرف كل واحدة احلي من التانية اختارت واحد وقال لي بكرا بمشي اشتريها وكل زول مشي سريرو
صحيت صلاة الصباح صليت وطلعت نضفت الهول والمطبخ وقعدت لمن عماد صحي
عماد: صباح الخير ليه م صحيتني
هبة: صباح النور قلت اخليك علي راحتك
عماد: لالا اذا صحيتي بدري صحيني عليك الله
هبة : حاضر
عماد: البسي عشان طلع
طلعنا ركبت وراهو وقف جنب ست شاي شربنا عندها الشاي ونزلني في السوق وقال لي
عماد: دي ورقة فيها رقمي لو حصل حاجه اقرب زول اتصلي لي منو لمن اجيب ليك بعدين تلفون
هبة :حاضر
شلت الورقة ومشيت دخلت اشتريت سخان وهيتر واشتريت طقم بتاع حلل وطوة ودسته كبابي موية ودسته كبابي شاي ودستة كبابي جبنه وسيرمسين وحافظة مويةوسكين ومعالق ودستة بتاعة صحون وبتجاز وخلاطة وحاجات صغيرة صغيرة لي المطبخ وفضل قروش الركشة وحاجة بسيطة بالجنبة وصلت الموقف اتفقت مع بتاع ركشة وبديت ارفع في حاجات والركشة اتحركت اتذكرت انا م فطرت واكيد عماد داير غدا جيت بي سوبر ماركت وجزارة مع بعض وقفت بتاع الركشة ونزلت لي اول مرة في حياتي اتسوق واطلع وانزل براي دخلت شلت حاجه لي الغدا ولي شاي الصباح ورفعتهم دخلت الجزارة شلت لحمة وانا طالعه شوفت اخر زول كنت اتمني اشوفو بقيت شغالة ي رب م يشوفني ي رب ي رب وبقيت جارية علي الركشة قبل يشوفني بس انا ياتو يوم كان حظي زي حظ الناس قولت هبة دي انا جاني ليك هبوط
احمد: هبة ي زفت انتي اقيفي
منو يقيف جري جريت علي بتاع الركشة وقلت امشي سريع
احمد: والله اقتلك اصبري لي الليله
وركب عربيتو وبقي ماشي ورا الركشة وانا دموعي دي عشرة عشرة وم عارفه مصيري ح يكون شنو....