رواية زواج من أجل التحليل
الفصل السادس عشر 16
بقلم ريري
بعدت عني هبة وكانت لابسة عباية صلاة مشت سلمت علي معاذ وجهان ودخلنا المطبخ
معاذ: عماد لاحظت احمد دا م طبيعي
عماد: اي لانو احمد بتعاطى
معاذ : شنو
عماد: اي الاسبوع الفات كنت بتكلم مع عامر وقال لي شوفت احمد مع واحد مشبوه بتاع بنقو ومخدارت
معاذ: لالا ياخ احمد بدمر في نفسو براهو
عماد: شكلو بتعاطي ليهو فترة طويلة لانو لاحظت لي صحتو نازلة شديد
معاذ: ح تعمل شنو
عماد: عايز اتباعو لمن اقبضو مع زولو دا واصور عايز اسجنو
معاذ: ي زول
عماد: اي عشان اخد منو اعتراف بي انو اغتصب نهاد وتاني شاكك مش بتعاطي بس وبروج كمان
معاذ: دا كلام كبار شديد لو اثبت عليهو الكلام دا تكون اخدت حق نهاد وارتحت منو
عماد: اي والله بس الكلام دا عايز شغل ويكون بينا انا وانت بس
معاذ: ان شاء الله م ح يطلع نهائي
معاذ وجهان نامو عندنا اليوم داك و ونسة وضحك وجهان ونست هبة لمن نستها الحصل اوشغلتها عنو علاقتي مع هبة رجعت زي اول وتعلقوي بي
بيها ماشي يزيد وحاسي اني بديت احبها بس م عايز اضغط عليها لانو هي طالعه من علاقه فاشل ويمكن تكون مدمرها شديد في عايز اخليها تثق فينا واشوفو اذا في مشاعر من ناحيتها لي طلعت من الشغل بدري لانو زي المواعيد دي احمد بمشي لي زولو داك ركبت موتري ومشيت قريب من المكان وقرشت موتري وكملت الباقي لمن وصلت لقيت احمد واقف مع الزول وبتكلمو في حته ضرا كدا طلعت تلفوني وبديت اصور صورة وصوت
احمد: ي زول القروش اصبر لي يومين تلاتة هسي م عندي
مجهول: احمد انت عارف شغلنا دا م فيهو اصبر لي سلمني واسلمك بس
احمد: ياخ انا مفلس والبضاعه الوزعتها لسه م قبضت حقها وانا م عندي ومحتاج شديد لانو مواعيد جرعتي قربت اديني وبعد اديك
مجهول : احمد البضاعة م حقتي لمن تجيب قروش تعال شيل مني
احمد: اديني جرعة واحدة لي انا بس
مجهول: قروشك ولا مافي جرعة
احمد: لكن انا م شغال معاك من زمان
مجهول: شغلنا دا م فيهو كلام زي دا رقمي عندك لمن تجيب قروش اضرب لي
والمجهول مشي قعد في الارض وبقي محتار يعمل شنو
واثناء م انا بصور تلفوني ضرب وشفت احمد قبل علي جهتي بس م شافني وقمت جاري قبل م يصلني وصلت موتري وركبت واتحركت علي معاذ
ضربت لي جهان كم مرة م ردت انا زهجانه وقاطعه موضوع قمت لبست ملابسي وشلت شنطتي وطلعت وانا في الباب اتذكرت اني م كلمت عماد ضربت ليهو
بعد مسافة ردا علي
عماد....