رواية زواج من أجل التحليل
الفصل الخامس والعشرون 25
بقلم ريري
عماد: تمام بس في الورشة قاعدة مع جهان ولا رجعتي البيت
هبة: مع جهان بس عايزة امشي البيت
عماد: لالا خليك مع جهان لمن اجي انا
هبة: انت في شنو علي طول بقيت مشغول ومافي ومهموم
عماد: قلت ليك بحكي ليك بس حاليا م عندي طريقة
هبة: تمام راحتك مع السلامة
عماد: هبة بس كانت قفلت الخط وكملت معاي اشتغلت كم عربية وفي النهاية زهجت ولبست هدومي وقفلت الورشة وطلعنا انا والشباب ركبت المواصلات ورجعت بيت معاذ طبعا انا م عايز هبة تكون براها في البيت لمن اخلص من احمد دا لانو بقيت م مطمئن عليها دقيت الباب وفتحت لي هبة
عماد: السلام عليكم
ردت السلام ومشت طوالي ولا اشتغلت بي دخلت البرندة الامس وقعدت جهان سلمت علي وطبعا هبة من فتحت الباب وجابت الموية م شفتها وجهان قعدت شوية واتخرجات فتحت تلفوني وبقيت اقلب في الاستديو م لقيت ولا صورة لي انا وهبة مع بعض كويس اخلص من زولي دا واقرف هبة بي الصور وضحكت جا معاذ سلام ودخل غير ملابس وجا قعد معاي
معاذ: اها الحل شنو
عماد: والله انا زاتي احترت
هبة: محتارين في شنو
معاذ: موضوع كدا
هبة ايوا
عماد: اقعدي ي هبة عايز احكي ليك حاجه
هبة: جهان منتظراني عشان نعمل الغدا
معاذ : اقعدي انا بساعد جهان
عماد: امس انا كنت مشغول م أمس بس لي كم يوم
هبة: اها
عماد: احمد تاجر مخدرات
هبة: عارفة
عماد: عارفة من متين
هبة: جهان قالت لي انا كنت مفتكرة انو هو بتعاطي بس
عماد: انتي كنت قاعدة معاهو وعارفة انو بتعاطي واصلتي معاهو
هبة: كنت مجبورة كلمت ابوي بس م اشتغل بي كتير وقال لي م اول ولا اخر واحد
عماد: اممممم ممكن تاني م تجيبي سيرتو لانو بتنرفز من السيرة
هبة: انت الفتحت الموضوع
عماد: طيب انا عندي تسجيل من عبدالله بثبت انو احمد اغتصب نهاد وانو هو تاجر مخدرات وبعد بكرا عندو عملية بس عايز يبيع العربية لانو م عندو قروش وانا بعت الموتر بتاعي وعبدالله ومعاذ كملو القروش عشان نشتري العربية بس م ينفع واحد مننا يشتري العربية لانو ح يشك فينا بس كدا كلو شي
هبة: عماد دا شنو المورط نفسك فيهو دا
عماد: انا م ظاهر في الواجها بس بساعد عامر صحبي لانو شغال مع ناس المكافحة
هبة: وباقي يوم واحد لي العملية وانت م لقيت مشتري وبعدين وافقت تبيع موترك
عماد: هههه اي بفتش لسه وبعدين انتي اهم من الموتر
هبة: كيف م فهمت