رواية زواج من أجل التحليل
الفصل التاسع والعشرون 29
بقلم ريري
كنت بتكلم مع جهان ومديت ليها التلفون تشوف حاجه وم شلتو تاني منها قامت سالنتي
جهان : بتحبي عماد ولا لا
هبة: اي بحبو دي م دايرة ليها اتنين تلاته
جهان: ههههاي هاك دا عماد متصل وانا فتحت الخط
طبعا انخلعت وقلعت من التلفون وقفلت الخط ي رب م يكون سمع كلامي يقول عني شنو
هبة: بالغتي ي جهان ليه عملتي كدا
جهان: عادي مش راجلك
هبة: حتي ولو انتي عارفة ظروف زواجنا ي الله
جهان : يلا عادي ولا ح يقول حاجه
جهان قامت تستحمي وانا بقيت قاعدة محتارة في الحصل دا اف تاني قلت احسن اشغل نفسي وفعلا شلت اسود كانت جهان عايزة تعملو وبديت انضف فيهو يمكن انسي الحصل دا وتاني فكرة عماد امور ح تكون مشيت ولا لا
ارجع ليها ولا اعمل شنو ولا اعمل م سمعت شي بقيت مقلق شديد قلق اكتر من لمن كنت محتار من يشتري العربية يمكن عشان خايف هبة تكون حبت زول غيري بس مستحيل تصرفتها والتعامل بتاعها م بقول انها بتحب غيري ي رب م ح اقدر اتحمل انها تبعد عني واخيرا ليقت زول يفهمني يحس بي يهتم بي وبي اقل تفاصيلي قفلت معاي شديد بقيت زاتو م قادر اركز في شغلي في النهاية قررت ارجع البيت لانو لي منو كم يوم وهبة ح اخليها عن معاذ وجهان غيرت هدومي ومشيت علي البيت وصلت البيت لقيت هادي وم فيهو اي حياة رجع زي زمان بس يمكن هبة منتظرة اني اخلص من احمد وتطلب الطلاق مني فتحت البيت حسيت بيهو كيف كيف ولعت الانور كان نضيف وريحتو حلوة مع انو لينا كم يوم ماف دخلت الغرفة طلعت لي برمودة وفنيلة من غير اكمام ودخلت الحمام استحميت وطلعت صليت المغرب واصلا نفسي مسدودة من اي حاجه قفلت النور وقفلت تلفوني وطلعت نومت
هبة صليت المغرب معاذ جا ليهو نص ساعه بس عماد م جا الليله اتاخر شديد لو متأخر قاعد يتصل لي بس الليله نهائي م اتصل غير قبيل اف مالو ي ربي خلاص ساعه كدا لو م جا ح اتصل ليهو
جهان: عماد الليله اتاخر مالو
معاذ: والله م عندي فكرة وغشيت الورشة قالو طلع بدري
هبة : والله م عارفة مالو الليله لكن ساعة كدا لو م جا نتصل ليهو
معاذ: كويس
وشغل الشاشة كنا نحضر في فليم في mbc2بس انا م فهمت حاجه ليهو بالي كان مع عماد مرة الساعه شلت تلفوني وطلعت.الحوش اتصلت عليهو كم مرة بس تلفونو مغلق قلبي وجعني وراسي بقي يودي ويجيب يمكن احمد عرف وعمل ليهو حاجه يمكن حصلت ليهو حاجه في الشارع دخلت لي معاذ
هبة: ي معاذ من قبيل بتصل لي عماد بس رقمو مغلق اتصل لي ناس الورشة يمكن شافهو ولا قال ليهم ماشي حته
معاذ: اهدي طيب
وشال تلفونو وبقي يتصل لي الناس واحد واحد بس م في زول عندو خبر عن عماد قام اتصل لي عبدالله وقال اخر مرة شاف فيها عماد الصباح قبل يطلعو انا هنا خلاص قلبي وقف ودموعي بدت تجري براها وقلت حصلت ليهو حاجه بس مافي حاجة غير كدا معاذ قال لي عبدالله وعبدالرحيم جايين وح يمشو يفتشو عليهو وطلعو وجهان تهدي فيني بس انا م قادرة وقلت احمد لانو شراني بكون عمل ليهو حاجة وابكي معاذ وعبدالله جو راجعين زي الساعة 10 وقالو م منو خبر واي ي عماد مشيت وين ومعاذ قال لي نصبر لي الصباح يمكن يجي وبقينا صابرين معاذ دخل غرفتو وجهان قعدت معاي وتصبر فيني لمن نامت بس انا م قدرت انوم م ح اقدر اصلا وانا م عارفة عماد وين ليها اي حاجه حلوة في حياتي لازم اخسرها فكرت يمكن مشي لي اهل ابوهو بس هو قال لي م عندي معاهم علاقة عشان كدا استبعدتهم الليل دا بقي لي طويل وشديد وم عايز ينتهي .
صحيت الصباح لازم الليله اتباع احمد من الصباح لانو م عارف العملية في اي لحظة عشان كدا دخلت استحميت ولبست وطلعت ونسيت خالص انو تلفوني مقفول وتفكيري كلو اعرف العملية الساعه كم طلعت وصلت قريب من بيت احمد لقيتو طالع بقيت ماشي وراهو اول شي مشيت شرب جبنه عن ست الشاي ومشي كم مشوار وانا طبعا وراهو لحدي م الساعه بقت 4 مشي علي السوق الشعبي ومن السوق الشعبي دخل بي شوارع مشبوها كدا طلعت تلفوني عشان اتصل لي عامر لقيتو مقفول فتحتو وجاتني كمية من الرسائل والمكالمات الفائتة عملتو صامت واتصلت لي عامر وقال انو هو برضو ماشي ورا احمد قفلت الخط وبقيت ماشي وراهو لحدي م وصل حته كدا تحس بيها مهجورة ومكسرة وقف هناك وطلع تلفونو اتصل لي زول شوية جا واحد راكب موتر ولابس طاقية
احمد: البضاعة وين
المجهول: موجودة وين الكاش
احمد: موجود بس اشوف واسلمك وتسلمني
المجهول: تمام
وفتح شنطة الضهر طلع منها كيس ابيض احمد فتحو رشة حبة في يدو وشمها
احمد: تمام كم كيس وكم حبة
المجهول: 20 كيس 100 حبة
احمد: تمام وطلع القروش مداها ليهو الزول مدا ليهو الكرتون قبل م احمد يمسك منو الكرتونة في بوكس كبس عليها احمد طوالي رامي الحاجه وجرا وجرو وراهو ناس وبتاع البوكسي جرا وبتاع الموتر المهم قدرو يحاصرو بتاع الموتر لانو دخل بي شارع مقفول ومسكهو
والباقي جرو ورا احمد لمن لقيتهم مسكو بتاع الموتر لحقت ديلك لقيتهم ساكين احمد ودخلو بي زقاقات عمري م شفتها مهجورة وعفن وحالتها صعبة المهم بعد تعب قدرو يمسكو احمد بعد واحد ضربو طلقه في رجلو حتي مسكنهو
انا الفيني كملت
جهان : معاذ طلع من الصباح يفتش ليهو اصبري هسي بجي
هبة: ح يكون وين من امس اصحابو م عارفين عن حاجه ولا بمشي لي اهلو اها ح يكون وين ي رب رجعو لي سالم
جهان: ان شاء الله اتصل ليك يمكن يكون فتح التلفون
هبة: جربي يمكن
جهان اتصلت ودخل معاها جرس بس مافي زول برد لمن دخل جرس لمن قلب عمل شح ورجع لي بصيص امل انو عماد كويس وم حصلت ليهو حاجه حاولت كم مرة بس م في رد
كان نفسي امشي اقول ليهو تستاهل بس مع الاسف عامر مانعني اظهر لي اي سبب لانو يمكن يكون في خطر علي عشان كدا وقفت محلي لمن رفعو بتاع الموتر والبضاعه واحمد في البوكسي لمن شفتو كداا لمن حسيت بي الراحة واخيرا اخدت حق اختي وحق هبة وح اعيش مع هبة وانا مطمئن عليها وقفت لمن البوكسي اتحرك اتصل لي عامر وسالتو من هنا ح يمشو وين قال لي القسم طوالي وح يبدا في إجراءات القضية طوالي ويفتح قضية ليهو عشان الاغتصاب قفلت من عامر وعاينت لقيت كمية من المكالمات من هبة وجهان ومعاذ وعب