رواية زواج من أجل التحليل
الفصل الثامن والعشرون 28
بقلم ريري
معاذ: السلام عليكم شكلي جيت متاخر
عمك محمد: شديد وينك ي زول
معاذ: موجود انت اسال بس كيف انت وكيف الاولاد عليك
عمك محمد:ةكويسين والله انت كيف
معاذ: والله الحمدلله ماشي الحال
عمك محمد: اتوكلنا علي الله متين الكلام دا
عماد: الليله
عمك محمد: م مستعجل شديد
عماد: اكتر من م انت متوقع واصلا القروش جاهزة بس انت تمشي تشتري بس
عمك محمد: تمام ارح طيب لانو عندي مشوار
عماد: دقيقة اتصل لي عبدالله لانو هو ال ح يمشي معاك لي احمد
اتصلت لي عبدالله واكيد نايم دي م عايزة ليها اتنين تلاتة اتصلت مرتين حتي التالته ردا علي
عماد: سنه عشان ترد قوم سريع واتصل لي احمد قول ليهو لقيت مشتري
عبدالله: انت منو واحمد ي زول
عماد: عبدالله م تخليني اطلع ليك بالتلفون صحصح معاي انا عماد ي زفت
عبدالله: اها مالك م تصل من الصباح
عماد: قوم شوف العواليق دا وين عشان تمشي مع عم محمد
عبدالله: خير 10 دقائق واجيك
عماد: 10 حقتك ولا العديل
عبدالله: اكيد حقتي ههههه
عماد: تمام نص ساعه وتكون معانا
وقفلت منو.
عمك محمد: اها تفطور شنو
عماد: والله م في داعي لي التعب ويداب شربنا الشاي
عمك محمد: هسي اخر مرة جيت دكاني دا متين اقعد بلا كلام كتير معاك قوم ي ولد جيبي لينا فطور.
معاذ: عبدالله لو قلت ليهو الفطور قداما بجي طاير طيران
عماد: داك م زول بطنو
معاذ اتصل لي عبدالله وقال ليهو منتظرنك بي الفطور اتاخرت بنفطر
معاذ: 10 دقائق والاخ ح يكون هنا
وبقينا نتونس مع عم محمد لمن عبدالله يوصل
هبة: والله ي جهان انا خايفة عليهو احمد دا زول شراني امو الولدتو م عندو ليها حاجه
جهان: عماد حزر وعارف هو بعمل في شنو م تخافي عليهو وبعدين خلينا نستمتع بي الاجازة المفتوحة دي هههههاي
هبة: اي والله اها ارح نمشي بعد الفطور لي ابتهال نشرب الجبنه معاها
جهان: خلاص كويس
عبدالله جا في اقل من ربع ساعه الزول دا الموضع من يكون فيهو اكل بكون جادي لمن غلط
معاذ: م شاء الله م اتوقعتك بي السرعة تجي
عبدالله: الفطور وينو
عمك محمد: كدي سلم اول انت اصلا م بتتغير
عبدالله: اووووو عمك كيف الحال والاحول
عمك محمد: الحمدلله انت كيف لسه م خليت الجن
عبدالله: الحمدلله انا لو خليت الجن الشلة دي بتبقي مسيخة
عمك محمد: والله صحي ههههه الفطور جاهز اقعد بس
فطرنا وشربنا معاهو الشاي وطلعو هو وعبدالله سوا بي عربية عم محمد وانا ومعاذ كلو واحد مشي شغلو
عمك محمد: ياخ احمد دا م كان كدا بس الكلام دا جاهو بعد اقترب وجا
عبدالله: اي والله 4 سنين الاخيرة دي بقي فيها كدا حيرنا زاتو
عمك محمد : الله يهديهو بس
اتصلت لي احمد وقال لي تعال لي البيت وصلنا بيتو كان قاعد قدام الباب
عمك محمد : دا احمد مالو بقي كدا
عبدالله: انت م عارف انو بقي مدمن
عمك: بقي يشرب مخدرات كمان
عبدالله: اي والله
نزلنا سلمنا عليهو وعم محمد قال مستعجل عشان عندو مشوار شاف العربية وادهو السعر بتاعنا احمد اول رفض وقال بتجيب اكتر بس في النهاية وافق لانو محتاج لي القروش عم محمد خلي الود الجا معاهو يسوق العربية ودفع لي احمد القروش وشال من الورق وقال ليهو بكرا نظبط الورق بس احمد رفض وقال ليهو بكرا عندي مشوار مهم خليها بعد بكرا وركبنا ومشينا علي كدا اتصلت لي عماد وريتهو الحاصل ومشيت علي شغلي
عبدالله اتصل لي وقال اشترو العربية يعني احمد مشوار بكرا قايم طوالي اتصلت لي عامر وكلمتو انو احمد استلم القروش وقال لي عبدالله انو بكرا عندو مشوار مهم وعامر قال لي انو هو متابعو وان شاء بكرا ح يمسكو بي البضاعه بتاعتو وقفل الحمدلله الامور ماشة تمام ي رب م تحصل حاجة والوضع يكون تمام اخيرا بكرا ح اخد حقي منو واقدر اعيش مع هبة وانا مطمئن جات هبة في بالي قلت اتصل ليها واتصلت المرة الاولى م ردت والتلنية بعد قرب الخط يقطع ردت
عماد: الو
هبة : انتي عارفة اني بحبو اصلا دي م ليها اتنين تلاتة
جهان: هههههاي هاك قرر عماد متصل ليك وانا رديت
وفجأة الخط قطع هبة بتحبني انا ولا منو وراسي بقي يودي ويجيب....