رواية زواج من أجل التحليل
الفصل السابع والعشرون 27
بقلم ريري
عماد:الزول ال ح يشتري العربية
معاذ : منو
عماد: عمك محمد تتذكرو
معاذ: اي والله طلع من بالي نهائي والزول دا بعزك شديد
عماد: اي يعني كدا ظبطت بكرا الصباح نمشي ليهو بي التلفون م ينفع
معاذ : اي
عماد: انا ماشي البيت
معاذ: مالك
عماد: طولت من البيت
معاذ: وهبة
عماد: ماشة معاي والصباح بجيبها
معاذ: م مافي ليك تبيت هنا بس
عماد: هههه لالا ياخ انا عايز اطمئن علي البيت ونجي
معاذ: امشي انت وتعال خلي هبة
عماد: اخلي بيتي وم اخلي هبة
معاذ: هههههههاي م عرفتك والله بيت عندنا ولو م مرتاح هنا نظبط ليك الصالون
عماد: انت عايز تسكني هنا ولا شنو
معاذ: لو لقيت طريقة م برفض
عماد: اها الحاج والحاجه م ناوين يجو بعد دا
معاذ: بعد اسبوع
عماد: خلاص نمشي نقعد معاهم يومين بعد يجو
معاذ: ان شاء الله
عماد: قوم اتخارج ورسل هبة عشان عايز انوم
معاذ: طرد عديل
وطلع معاذ قعدت مسافه بس م جات وانا اصلا كنت تعبان عشان كدا نومت قبل تجي
صحيت تاني يوم لقيت السرير الجنبي فيهو معاذ عرفت انو هبة م جات وشكلو معاذ طردوه صحيتو ودخلت الحمام جيت صليت وغيرت ملابسي شربنا الشاي ومشينا علي عمك محمد
عماد: سلام عليكم
عمك محمد: وعليكم السلام اوووو عمدة وين الحي بيك
عماد: والله قاعد ياهو مع جري الدنيا
عمك محمد: اخبارك شنو
عماد: والله كويس انت كيفك
عمك محمد: والله كويس الحمدلله وين معاذ وعبدالله م ظاهرين نهائي
عماد: الحمدلله كويسين والله ومعاذ زاتو جا معاي بس جاهو تلفون
عمك محمد: ايوا اها لسه ما ناوي تعرس
عماد: والله عرست ياخ لي فترة
عمك محمد: ي زول ومالك م عزمتني
عماد: والله م عملت عرس عقد علي الضيق كدا
عمك محمد: ايوا العرس الجاية ان شاء الله
عماد: مكتفي بيها م عايز تاني
عمك محمد: والله اخير ليك
عماد: والله ي عم محمد انا جايك في موضوع كدا و ي ريت م ترفض
عمك محمد: ان شاء الله م بردك خائب
عماد: اصلا دا المتوقعو منك والله بتعرف احمد صحبنا داك
عمك محمد: اي بعرفو زولكم المغضوب داك
عماد: ايوا عندو عربية عايز اشتريها منو بس انا عندي مشكلة معاهو م ح يبيع لي
عمك محمد: والله زول دا مالو دا مشكوك فيهو مالك عليهو اشتري من اي محل تاني الزول دا م تمام
عماد: عارفو عشان كدا لازم اشتري منو العربية دي
وح ابيعها طوالي
عمك محمد: اممم يعني عندك فهم
عماد: عليك نور