رواية زواج من أجل التحليل
الفصل الرابع والعشرون 24
بقلم ريري
شربنا الشاي بعد الاخبار الظابطة ديك طلعنا انا مشيت مع عبدالله نبيع الموتر ولازم بي سعر كويس عشان يقفل مع القروش العندنا ومعاذ مشي لي عبدو
عبدالله:ياخ ارح الورشة بتاعتك انا تعبت والاسعار كلها م حلوة
عماد: اصبر ان شاء الله بجي سعر كويس
عبدالله: انت شهاب قريبك دا م كان عايز موتر
عماد: دا زول كلام ساي م بدفع وموتري خسارة فيهو والله
عبدالله:والله انت م جادي
عماد: والله انت عارف علاقتي انا وموتري دا علاقتنا عميقة كيف
عبدالله: ههههه شديد اها هبة كيف
عماد: كشرت ليهو بتسال ليه
عبدالله: الله الله عشتا وشفتا عماد بيحب والله ي هبة طلعتي م هينة.
عماد: اي يحبها مش مرتي
عبدالله: هسي انا قلت حاجه
عماد: قوم ارح اركب عرفت ح ابيع الموتر وين
عبدالله: وين
عماد: عندي زبون كدا بصلح موترو عندي طوالي ارح ليهو
عبدالله: الله يطلع زيتك ياخ ومن الصباح مخلينا حايمين هنا
عماد: طلع من بالي
واتحركنا علي زبوني وصلت ولي حظي لقيتو هو زاتو قاعد حكيت ليهو الحاصل والسعر العايزو وافق طوالي بي السعر الانا قلتو شلت القروش ومشيت المغلق بتاع معاذ لأنو عبدو ح يجيهو هناك
عماد: م متذكر اخر مرة جيت فيها بي مواصلات متين
عبدالله: الموتر مريح والله
عماد: الزول دا بكون جا
عبدالله: بكون
وصلنا الدكان بس كان معاذ براهو عبدو دا مواعيد مظبوطة
عماد:سلام
معاذ: وعليكم السلام
عبدالله: زولك دا وينو
معاذ: جا وفات
عبدالله: كيف وفات ليه
معاذ: وريتو موضوع العربية بس وقال هو احمد دا م عايز معاهو اي تعامل لانو بتاع جرجرةوفات مرق
عماد: دي مشكلة شنو دي احلها كيف
عبدالله: عبدو متوقعتها منو نهائى
معاذ: ولا انا والعمل هسي
عماد: نشوف زول تاني يلا سلام لي كم يوم مشيت الورشة خليها لي الاولاد
عبدالله: انا زاتي والله امس م مشيت الشغل
معاذ: تمام نتلاقي بعدين
عماد: هوي ي عبدالله م قلت مبروك لي معاذ مرتو حامل
عبدالله: احلف ياخ الف مبروك تتحلا بي السلامة ان شاء الله وعقبالك ي عماد وعقبالي انا اعرس.
عماد: هههه امين عشان نخلص منك
عبدالله: دي ماف ليكم قاعد ليكم في حلقكم
وطلعنا كل زول مشي بي شارعو وصلت الورشة سلمت علي الشباب وعندي شغل بديت فيهو طوالي عشان اخلص واشوف لي حل لي مشكلتي شغال اظبط في عربية كدا تلفوني ضرب لقيت دي هبة
هبة: هلا
عماد: اهلين كيفك
هبة: تمام الحمدلله وانت كيف