رواية زواج من أجل التحليل
الفصل الثلاثون 30 والاخير
بقلم ريري
اتصلت تاني بس الرقم كان مغلق دموعي جرت يعني هو كويس وشاف مكالماتي بس م رجع لي ولا فكر فيني ليه ي عماد
معاذ: هبة
هبة: لقيت منو خبر
معاذ: اي عامر قال كان معاهم لمن مسكو احمد واتكلم معاهو ولمن انا اتصلت ليقت الرقم مغلق
هبة: خير يعني لو نحنا مهمين كان اتصل لينا بس نحن م ضروري عن اذنكم
قمت لبست ملابسي وشلت شنطتي وجيت طالعه
جهان: ماشة وين
هبة: بيتي
جهان : اقعدي لمن عماد يجي
هبة: معليش ي جهان خليني امشي
جهان : طيب خلي معاذ يوصلك البيت
وطلعت مع معاذ وصلني البيت ومشي فتحت باب الشارع لقيت باب الهول فاتح دخلت البيت جوا وفتحت غرفتنا لقيت عماد نايم طبعا اتغظت منو شديد بس حمدت الله انو هو كويس بس مستحيل اوصل معاهو وعرفت انو بس كان بعاملني كويس عشان يضمن انو انا اكون معاهو عشان يغيظ بي احمد فتحت النور ونزلت الشنطة وبديت انزل فيها ملابسي وحاجاتي كلها م خليت شي وبديت اشيل حاجاتي ال في التسريحة وقعت من الفرشة قام عماد صحي مخلوع وعاين لي
عماد: هبة جيت متين
هبة : قبل شوية
عماد : بتعملي في شنو
هبة: زي م شايف بلم في حاجاتي ماشة اهلي
عماد: لمن تخلصي قولي اوصلك
هبة: شكرا بعرف بيتنا
وشلت حاجاتي كلها وطلعتها الصالة اتوجعت ولا اتمسك بي شوية كمان عايز يوصلني وكمان انتي قال شنو بحبني ها حب دا انتي اصلا حظ تعيس زيك ولا عمري م ح اشوف السعادة دخلت الحمام عندي حاجات شلتها وجيت عايزة اشيل الشنطة مسك يدي اتوقعتو يكون عايز يمنع امشي بس كلام دمرني شديد لمن حسيت بي الم في قلبي
عماد: خليها بشيل الحاجات انا
هبة: كتر خير بشيل حاجاتي براي و ورقتي تصلني لو سمحت
عماد: ان شاء الله
وشال الشنطة والاكياس حقتي وطلع قدامي
وقف ركشة ركبت ورفعت حاجاتي وهو جا ركب معاي قال زي م سوقتك ح ارجعك لي بيتكم وركب معاي كنت عايزة ابكي بس مستحيل ابكي قدامو
م اتوقعت انها بي السرعة دي تطلب الطلاق كنت عارف بس م كنت قايل انها ح تكون مستعجلة تخلص مني بس من البداية زواجنا كان غصب عنها بس كنت بحس انها بتحبني بس هي كانت بتعمل نفسي الشي لي احمد عشان تبري زمتها وتكون قايمة بي واجبها معاي م اكتر اتمنيت الشارع دا يبقي طويل وم نصل بيتهم بس احلامي دايما م بتتحقق وقفنا نزلت شنطتها وحاجاتها وكلمت ابوها وطلعت طوالي بس لمن طلعت حسيت اني خليت روحي معاهم حسيت اني جسد من غير روح بجد هبة بقت كل حاجه بالنسبة لي بس م بقدر اكون اناني واحتفظ بيها لي نفسي
بعد شهر
احمد اتحكم بي 25 سنه بعد عامر قدم الادلة جاب ليهو عماد علي العندو واتوفي بعد اسبوعين بسبب جرعه زايدة اخدها في السجن والمجهول طلع واحد اسمو شهاب بتاجر بس م بتعاطي واتحكم بس برضو بي25 سنه
صحيت الصباح علي صوت ابوي بكورك اصلا من يوم جابني عماد ودي حالتي ابوي بقي م طايق وجودي في البيت خالص وقال انتي اصلا شوم محل م اقول ارتحت منك القي انك جيتي راجعه 😭 لمن اطلقت من احمد م كان فارق معاي بس عماد مع انو لسه م طلقني بس فراقو بقي لي صعب شديد تعبت في بعدو شديد وكل مرة اقول ارجع ليهو بس بتذكر انو من يوم جيت م سال مني ولا حتي فكر يتصل علي جهان بتجي مرة مرة عشان تشوفني وبتسمع كم كلمة بس بتمشي عشاني انا لو م هي كان زمان جنيت ربنا يصبرني قمت استحميت وبديت انضف في البيت حتي مهاب وخباب بقيت م بتكلم معاهم زي زمان بقيت اقلب الوقت شغالة ولا نايم بس كرهت كل حاجه بعد عماد والدنيا بقت لي مسيخة
شهر كامل م مشيت الشغل ولا رجعت البيت من يوم وصلت هبة بت اهلها م رجعت البيت عندي واحد كدا بعرفو بقيت قاعد عندو وكل افكاري في هبه حسيت كاني ميت الاكل م بضوق ليهو طعم ولا بحس بي اي حاجه لي اول مرة احس اني يتيم بجد بعد فارقت هبة حسيت اني وحيد في الدنيا دي وم عندي زول وتلفوني من يوم طلعت مقفول م فتحتو خلاص م عايز اتكلم مع معاذ او جهان لانو بتذكر هبة مع انو م قادر انساها شهر حسيت بيهو سنين م شهر واحد ايامو كلها زي بعض انوم اصحي اكل اشرب بس دي ايامي كدا بس خلاص انا قررت اكون اناني حتي لو هي م عايزني انا م ح اخليها بجد اشتقت ليها فتحت تلفوني واتصلت علي معاذ
عماد: السلام عليكم
معاذ: عماد ي حيوان انت وين انا لي شهر بفتش فيك قافل تلفونك وقاطع خبرك كنت عايز اجن
عماد: والله اقفل الخط وتاني م تعرف عني شي
معاذ: خلاص سكت بس كنت وين
عماد: مع واحد صحبي كدا
معاذ: والشغل
عماد: م قاعد امشي م كان عندي ليهو اخلاق
معاذ: وهبة
عماد: غمضت عيوني وسالتو مالها
معاذ : حرام عليك البتعملو فيها دا البت ادمرت نفسيا
عماد: كيف ليها حصل شنو
معاذ : وصف لي انا جاي عليك
وصفت ليهو جا وطلعت معاهو
عماد: احكي لي مالها هبة
معاذ : البت اتدمرت نفسيا وتعبت شديد بعد انت سبتها وحكي ليهو يومو ال م جيت البيت كانت عاملة كيف البت كانت ح تموت لانها م عارفة محلك
عماد: بس هي قالت بتحب زول وانا خفت يكون م انا خفت انها تبعد عني لانو اتزوجتني عشان احمدوبقت معاي خوف من انو احمد يرجعها ليهو وتاني بعد العمليه جات شالتو ملابسها وطلبت الطلاق عرفت انها م عايزيني
معاذ: م سالت روحك واحدة يومين م عارفة حاجه عن زوجها وتعرف انو فتح تلفونو واتصل لي صحبو وقفل تلفونو راجع ح تحس بي شنو
عماد: ابتسمت كانت خايفة علي
معاذ: دا ال فهمتو من كلامي دا كلو
عماد: دا المهم في الموضوع
معاذ: عماد البت بتحبك وميتة فيك
عماد:وصلني بيت ناس هبة
معاذ: ماشي بي شكلك الجربان دا
عماد: ليه م سمح
معاذ: لا ارح الصالون
مشيت الصالون حلقت وظبطت روحي ومعاذ جاب لي طقم ظابط كدا ومشيت محل هدايا اشتريت هدية حلوة وشكولاتة وشلت بوكي ورد واتمليت ريحة تمام ههههه وحجزت في مطعم راقي كدا ومعاذ خلي جهان تحنك اهل هبة وجبتها المطعم
جهان: هبة خليني اربط ليك عيونك عاملة ليك مفاجأة
هبة: مافي داعي ليها والله
جهان : ارح ياخ
جهان ربطت لي عيوني ودخلنا المطعم وهي سايقني فكت الربطة بتاعت العيون وانصدمت عماد قدامي قرب مني بعض مدي لي الورود والهدية مسكتهم لي جهان وحضنتو يداب حسيت بي
حينزل الجزء الثاني م̷ـــِْن الروايه
تمت بحمد الله
وايضا زورو قناتنا سما للروايات
من هنا علي التلجرام لتشارك معنا لك
كل جديد من لينك التلجرام الظاهر امامك