رواية حبيبي فالجيش الفصل الثامن 8 بقلم مياده خاطر
العسكري:لقينا الشنطه دى يا فندم
وفتحوا الشنطه واتفاجئوا بكميه الصور لتيا وهلال وتغريد وغرام وابوهم وأمهم فأماكن كتير ودفتر مذكرات كبير محطوط تحت الصور دى
سليم:ايه كميه الصور دى
سلمي:اكيد كان بيصورهم كتير عشان بيخطط لقتلهم
الظابط فتح المذكرات علي صفحه كده ولفت مكتوب العنوان(اسعد يوم فحياتي)وبدأ يقرأ بصوت عالي (انهارده اسعد يوم فحياتي لاني اخير وبعد عناء قدرت اتخلص من اخويا ومراته وعملت خطه جهنميه متخرش المايه وكل الفضل يرجع الواد سعيد هو اللي شال فرامل العربيه من غير اى دليل وراه والعربيه عملت حادثه واخويا ومراته ماتوا انا دلوقتي اقدر بكل سهوله اني اخد الشركه واعمل كل اللي عاوزه )واكتر اتنين انصدموا مالكلام ولاده عمر ومراد لانهم ميعرفوش حاجه عن الكلام ده
الظابط:كده اقدر اقولكوا أنه أول ما يتمسك هياخد اعدام لمؤبد
مرات معتصم:والنبي لاء ارحموا جوزي ابو هلال الله يسامحه هو اللي خد الشركه ومرضيش يديه ورثه وهو عمل كده بعد ما اتخيل عليه كتير
سليم:اخرسي انتي وجوزك ختوا ورثكوا من زمان وسافرتوا ولما جيتوا ولقيتوا ابو هلال عامل الشركه ومكبرها طمعتوا فيها وهما ياما اتحيل عليكوا تخضوا شركاء بس طمعكوا عماكوا
مرات معتصم:انت بتقول ايه انت مين اصلا عشان تكلم كده
سليم:هلال كان بيحكيلي علي كل حاجه ومن زمان وانا عارف كل حاجه
الظابط:هتقولوا هو فين ولا اخد امكم
عمر:وامي مالها بقا والله مانعرف هو فين
الظابط:ترن عليه وتخليه يجي والا هناخد امكم
عمر:طيب هون عليه
معتصم:الو ايوا يا عمر في ايه مشغول
عمر:بابا تعالي ضرورى بسرعه
معتصم:بقولك مشغول ليه في ايه
عمر:ماما تعبانه ومحتاجينك
معتصم: طيب عشر دقائق وهكون هندكو
الظابط:روح يابني اخفي العربيه من بره وانتوا انتشروا فالبيت واختفوا وانتو لو حذرتوا ابوكوا أو قلتوا اي حاجه والله ما هرحمكوا
مرات معتصم:راحت فجنب ولسه هترن سليم سحب منها الفون
مرات معتصم:انت ازاى تجرأ
الظابط:انتي يا ست انتي اتلمي والا هاخدك فالاسم وهمرمطك هناك
مرات معتصم بصت بغيط لسليم وتوعد
وبعد عشر دقائق معتصم وصل فعلا ودخل لقا عمر ومراد وأمهم واقفين والخوف باين عليهم
معتصم:ماامكوا كويسه أهه اومال جبتوني ليه
ومره واحده البوليس نط عليه من كل ناحيه
الظابط:سلم نفسك يا معتصم يا حسيني
معتصم:ايه ده في ايه
الظابط:انتي متهم بخطف الانسه تيا الحسيني وقتل محمد الحسيني وزوجته امل الحسيني
معتصم:حضرتك أنا راجل محترم ايه اللي بتقوله ده أنت متخيل اني هقتل اخويا ومراته وهخطف بنت اخويا
الظابط :طلع دفتر مذكرات معتصم ومعتصم اوى ما شافه أنصدم وعلامات الخوف اتمكنت منه
معتصم:ايه ده انتو جبتوه منين وازاى تفتحوا خصوصياتي
الظابط:دي عمايلك اللي خلتنا نلاقيه ونفتحه واتفضل عالاسم
سليم:تيا فين
معتصم:بما اني كده كده داخل السجن يبقا جثه تيا هتوصلكوا
سليم مسكه جامد من هدومه :وقسما بالله لو لمست شعره منها لدفنك مكانك
معتصم بصله بصه شريره :متقدرش حضره الظابط أنا عاوز ارفع قضيه اعتداء علي سليم
الظابط:انت بتهزر انت متعرفش أن اللي بتتكلم عنه ده يبقي حضره الظابط سليم المرشدي اكبر ظابط فالجيش المصري
معتصم: يعني ايه أنا من حقي ارفع قضيه
الظابط:هههههههه من حقك ضحكتني قول تيا فين والا ولادك ومراتك هيشرفوا معاك
معتصم:وهما مالهم بقا انشاء الله
الظابط :لتقول تيا فين لهمرمطهم ادام عينك
وبما أن معتصم بيحب مراته جدااا وجاب ولاده بعد عذاب فميقدرش يضحي بيهم لانهم نقطه ضعفه وهو فاللحظه دى كره نفسه جداااا أن سمح أن يكون له نقطه ضعف ورن علي رؤوف
رؤوف:ايوا يا كبير
معتصم:هات تيا البيت هنا فورا
رؤوف:ليه حصل ايه يباشا
معتصم:اسمع اللي بقولك عليه
وفعلا خدوا تيا ووصلوا عن بيت معتصم
سليم أو ما شافها حري عليها وحضنها جامد وهي حست أن روحها اتردتلها وحضنته هي كمان وبعد شويه لاحظت وضعهم فبعدت بسرعه والبوليس خد معتصم ورؤوف وعبد الصمد ومشيوا
سليم لمرات معتصم وعمر ومراد:وقسما بالله لو حد فيكوا قرب ناحيه تيا أو اخواته لتكون نهايتكوا
وخدها وراح عالمستشفي واول ما شافت أخواتها وسيلا جريت عليهم حضنتهم جامد وعيطوا كلهم
سيلا:انتي كويسه ياحببتي عامله ايه
تيا بصت لسليم وابتسمت وبصت لسيلا تاني:اما كويسه الحمد لله متخفيش
سليم:أنا هروح الظابط واشوفهم وصلوا لايه ومشي وسلمي اللي أعدت معاهم
سلمي:حمدالله علي سلامتك يا تيا كلنا قلقنا عليكي
تيا:الله يسلمك ربنا يخليكي
تيا:صحيح هلال عامل ايه
سيلا::الحمد لله الدكتور طمنا عليه وقال إنه احتمال يفوق فالكام يوم دول
تيا:الحمد لله الحمد لله اللهم لك الحمد
سيلا:تعالي بقا نروح نغير ونرتاح شويه ونيجي
تيا:تمام يلا سلمي تعالي معانا
سلمي:لاء أنا هروح لسليم
تيا اضايقت جامد :تروحي تعملي ايه لسليم
سلمي فرحت أن تيا غيرانه:راحه هشوفه وبعدين هاخده ونروح
تيا:خلاص تمم بس كانت متغاظه اوي وعينيها بدأ شرار وسلمي فرحانه بكده
وتيا خدت سيلا وأخواته وروحت وسلمي راحت لسليم
فالاسم،،،،
الظابط:متقلقش يا سليم بيه مش هيطلعوا هنحتاج بس شهاده الانسه تيا علي أن عمها هو اللي خطفها وعاللي رؤوف وعبد الصمد عملوه
سليم:تمام هجبهاا بكره
وسليم طالع شاف سلمي
سليم:ايه اللي جابك هنا وهما فين
سلمي:روحوا يرتاحوا شويه وانا جيت اخدك ونروح نسيت انك المفروض تمشي بكره
سليم حط ايده علي دماغه:ااااه نسيت طب يلا
وهما فالعربيه سلمي:سليم هلال انشاء الله هيفوق فالكام يوم الجاين واحب اقولك أن تيا بتعشقك مش بتحبك كل اما تعرف أني راحالك بتتغاظ وتتضايق
سليم:لازم اسمعها منها قبل ماامشي أنا مش جاى الا بعد ست شهور
سلمي:طيب انت ماشي بكره بليل صح هنشوف هيحصل ايه
سليم:يارب
وروحوا وسليم لم شنطه وظبط كل حاجه وبليل راح لتيا عشان تقدم شهادتها فالاسم
سليم:تيا يلا
تيا:جايه اهو
وهما فالعربيه
تيا:سليم هو في حاجه بينك وبين سلمي
سليم:صديقه من زمان واحنا زى الإخوات وقريبين من بعض اوي
تيا:يعني ايه قريبين من بعض
سليم:نعرف كل حاجه عن بعض وبنعمل كل حاجه مع بعض من زمان
تيا:ااه تمام
سليم :انتي مفيش حد فحياتك
تيا:لاء اقرب حد ليا هلال ومفيش غيره
سليم:يعني مش بتحبي حد مثلا او في حد معجبه بيه
تيا حبت تغيظه :لاء مفيش غير هلال وسيلا وتغريد وغرام
سليم:وانا
تيا:انت اي
سليم خد باله ماللي قاله:لاء مفيش معلش سرحت بس وانا بكلمك
تيا:تمام
وباقي الطريق فصمت تام وكل واحد نفسه يعترف التاني بحبه بس مش قادرين ووصلوا الاسم وتيا اول ما شافت عمها
تيا:أنا كنت بحبك جدا وبعتبرك زي بابا بس طلعت وحش جدا ورحمه بابا وماما لهنتقم اشد انتقام
وبصت الرؤوف وعبد الصمد:وانتو هندمكوا عاليوم اللي فكرتوا تقربوا فيه مني
سليم:هما عملولك ايه الكلاب دول
تيا بعياط: تخيل بعد ما قلعوني البلوزه غصب عني عشان يضللوكوا كانوا عوزين عوزين ،،،،وانفتحت فالعياط اكتر
سليم جري عليهم ونزل عليهم ضرب جامد
الظابط:سليم بيه مينفعش كده سيب القانون هياخد حقها
سليم تف عليهم وشتمهم وراح ليتا وحضنها وقالها متزعليش ومتخفيش محدش هيقرب منك تاني
تيا مسكت فيه جامد وعيطوا لحد ما هديت وبعدين أدمت أقوالها ومشيت وهما ادام العربيه
سليم:أنا خلاص ماشي بكره بليل
تيا اتسمرت مره واحده وزعلت لأنها نسيت أنه هيقعد اسبوع ومش هيرجع الا بعد ست شهور ودموعها نزلت وبصتله وقالتله :خلاص ماشي بكره
سليم:ايوا وسلمي هتخليها معاكي فالشركة متقلقيش
تيا بصوت شبه مسموع:بس أنا عوزاك انت
سليم:بتقولي حاجه
تيا:بقول تروح وتيجي بالسلامه
سليم :الله يسلمك يلا عشان اوديكي البيت
وركبوا وطول الطريق صمت تام وتيا باثه للشباك ودموعها نزله لأنها اتعودت عليه وحبته جدااا ايوا جبته جداااا وعشيقته واول ما وصل نزلت جري عالبيت من غير ما تكلمه ولا تبصله وهو زعل جدا ودمعه نزلت غصبن عنه ومشي
تيا طلعت ودخلت علي اوضتها وسيلا كانت نيمت البنات وشافتها جريت عليها واول ما تيا شافتها حضنتها جامد واعدت تعيط
سيلا:مالك بس في ايه بتعيطي ليه
تيا:خلاص ماشي بكره مش هشوفه الا بعد ست شهور وممكن اكتر
سيلا:هو مين ده أنا مش فهمه حاجه
تيا:سليم يا سيلا سليم
سيلا :وانتي زعلانه ليه استني تيا انتي حبتيه
تيا:حبيته دي قليله اوي أنا عشقته من اول مره شفته فيها
سيلا:طب ومقولتليش ليه أو هو مقالش حاجه
تيا:أقوله ازاى وهو بيحب سلمي
سيلا؛هو قالك كده
تيا:قال إنهم قريبين من بعض وزي الاخوات وعارفين كل حاجه عن بعض يبقي ايه
سيلا:وهو قالك زي الاخوات فين اللي بيحبها
تيا:انتي مبتشوفيش بيهتم بيها ازاى ولا هي بتهتم بيه ازاى
سيلا؛صحاب من زمان وبيعتبروا بعض اخوات فيها ايه وهو مقالكيش حاجه تاني
تيا:سألني أن كان في حد فحياتي أو بحب أو معجبه بحد
سيلا:وانتي قلتي ايه
تيا:قلت مفيش غير هلال وانتي والتؤم
سيلا :غبيه يعني هو لو كان بيحبك هيعرف انك مش بتفكري فيه حتي
تيا:اعمل ايه يعني وهو خلاص ماشي بكره
سيلا:أنا هتصرف متقلقيش
تيا:هتعملي ايه
سيلا:سيبيها عليه بس واهدى ونامي واستعدي تروحي الشركه بكره لان هند اتصلت وقالت محتاجينك جدا هناك
تيا:ماشي أنا هنام
وسيلا أعدت جنبها وتمشي ايديها علي شعرها لحد ما نامت وقامت من جنبها طلعت بره ورنت علي سلمي
سلمي:ها قوليلي
سيلا:بتحبه يا بنتي والله بتحبه اقفلي بقا اللعبه دي لانها فكره أنه بيحبك انتي
سلمي:استني شويه بس
سيلا:بقولك ايه دى صاحبتي وانا مرضاش العذاب ده ليها فاهمه
سلمي:متخفيش كله هيخلص بكره بس متجبلهاش سيره زي ما اتفقنا
سيلا:تمام سلام
ستووووب نفهم بقا
(سيلا كانت ماشيه من تلت ايام وشافت سلمي وهي بتحضن سليم
سيلا:أنا اسفه سلام
سليم:استني انتي فاهمه غلط
سيلا:أنا ما قلتش حاجه ومليش دعوه سلام
سليم:استني سلمي اختي
سيلا وقفت وبصتله بصدمه:اختك مش صاحبتك
سلمي:لاء يا ستي أخته بس أنا عملت كده عشان سليم بيحب تيا وعايز يعرف هي بتحبه أو لا فأنا قلتله نعمل اني صاحبتك وهي لو بتحبك هيبان غيرتها وانا معاك
سيلا:طب ليه كده كده هي هتتإذي
سلمي:متقلقيش مش هنطول فاللعبه دي
سيلا:طيب أنا اقدر اعمل ايه
سلمي:تعرفيلي هي بتحبه أو لاء اكيد هتقولك لانك صاحبتها المقربه
سيلا:تمم ماشي )
سيلا بعد ما قفلت مع سلمي وبتبص وراها شافت تيا واقفه ومكشره
تيا:كنتي بتكلمي مين ومترضليش العذاب ازاى
سيلا،،،،،،،،،،،،،،