رواية حبيبي فالجيش الفصل الثالث 3 بقلم مياده خاطر
تيا:ايه في ايه
سيلا: واحنا مروحين السواق شكله كان سكران عملنا حادثه
تيابصدمه ودموع بتهدد بالنزول:البنات جرالهم حاجه
سيلا:غرام كويسه الحمد لله بس تغريد
تيا:تغريد نالها يا سيلا انطقي
سيلا:تغريد كانت جنب الشباك فلما العربيه خبطط فالتريله أنا حضنت غرام ونزلت تحت الكرسي وتغريد اتخبطط جامد علي دماغها وبتنزف والاسعاف جت وهيا حاليا فالعمليات
هنا تيا أغمي عليها تاني مالصدمه وسليم خد منها الفون وفهم كل حاجه من سيلا وخد عنوان المستشفي وراحلهم
بعد تلت ساعات الدكتور خرج وسيلا وغرام وسليم جريو عليه
سليم:تغريد عامله ايه يا دكتور طمني
الدكتور:هي كان عندها نزيف داخلي واحناوقفناه وانشاء الله تكون كويسه
سليم:الحمد لله الف شكر يا دكتور
تيا بعد ما فاقت شالت الكانولا وجريت علي بره الممرضه وقفتها بس هي مهمتمتش وجريت علي بره وخبطط فسليم
سليم:ايه ده انتي بتجري ليه
تيا بتعيط وتقول تغريد
سليم:أهدى انا كنت عندها وهي كويسه الحمد لله
تيا:بجد عوزه اشوفها
سليم:هي مفاقتش مالبنج لسه اما تفوق هوديكي
تيا:بنج بنج ليه
سليم حكالها اللي حصل
تيا:يعني هي كويسه بجد
سليم:ايوا اهدي بقا
تيا بعياط:أنا تعبت اوي ليه كل اللي بحبهم بيسيبوني فالاول بابا وماما وبعدين هلال وبعدين عمي يطلع هو اللي قتلهم وعاوز يقتل اخويا عشان الشركه ودلوقتي تغريد
سليم:وعسي أن تكرهوا شيئا وهو خير لكم اهدي ومتزعليش كله خير والله
تيا :والنعمه بالله والنبي وديني لأختي
سليم:انتي مكلتيش بقالك يومين واغمي عليكي مرتين كلي وهوديكي علطول
تيا:مش عاوزه اكل وديني لأخواتي
سليم:كلي وهوديكي
تيا:لاء مش ولقت ايد سليم علي بوقها وقالها هتاكلي يعني هتاكلي
تيا تاهت فعنيه الغامضه اللي فيها عمق رهيب وفاقت علي سليم وهو بيشدها جابلها اكل وأكلها وراحوا عند تغريد تيا اول ما شافت غرام حضنتها جامد واعدوا يعيطوا كتير وبعدين حضنت سيلا
سيلا بعياط:أنا اسفه يا تيا غصبن عني أنا عارفه انك امنتيني عليهم بس غصب عني
تيا:خلاص متزعليش قدر الله وماشاء فعل خير يارب
سليم :احم أنا اسف بس لازم امشي دلوقتي اهلي مشفتهومش من سنتين واول ماجيت جيت علي هنا رقمي اهو لو عوزتي حاجه قوليلي وهاجس الصبح انشاء الله
تيا:لاء اتفضل معلش تعبناك معانا
سليم:هلال ده اخويا وانتو اخواتي ولا تعب ولا حاجه
تيا:ربنا يخليك
سليم:سلام
تيا:سلام
ومشي سليم علي بيت أهله واعدت تيا وسيلا وغرام جنب تغريد لحد متفوق
في بيت سليم
الحج اسماعيل ابو سليم:ابني حبيبي وحشتني اوى ايه الغيبه الطويله دى موحشناكش ولا ايه
سليم:لاء ازاى ياحاجه وحشتوني كتير جدا والله بس معلش بقا الحرب خدت وقت طويل
الحجه كريمه ام سليم:جريت عليه بالحضن ابني حبيبي وحشتني اوي اوي يا قلب امك عامل ايه واخبارك اه
سليم:أنا كويس يا حبيتي متقلقيش عليا أنا بخير
الحج اسماعيل:هتعد معانا كتير بقا ولا زى كل مره
سليم:اسف يا حاج هرجع بعد اسبوع شغل بقا
امه:ربنا معاك يابني هحضرلك لقمه تاكلها
سليم اومال فين لسه مكملش الجمله ولقا اللي بتنط عليه وبتحضنه من ضهره
سليم:لسه بسأل عليكي وحشتيني يا صغنن
سلمي:متقولش صغنن اما كبيره دلوقتي وعندى ٢٠ سنه(سلمي اخت سليم الصغيره عندها ٢٠ سنه طويله وشعرها كيرلي وعيونها عسلي وبيضه فكليه فنون جميله وذكيه جدا وبتفهم بسرعه البرق وبتحب سليم مووووووت)
سليم:مهما تكبري هتفضلي الصغنن بتاعي
سلمي:شوفي يماما ابنك
امهم:بس ياسليم متزعلش الصغنن اقصد اختك
سلمي: ماما
سليم بضحك:شفتي حتي امك اهه 😂
سلمي بزعل مصطنع:أنا مش هكلمك تاني روح ومتجيش تاني اصلا
سليم :أنا اسف بس مكنتش اتوقع ان الهزار يقلب معاكي بالكلام ده
سلمي:اي ده انت زعلت انا بهزر معاك في ايه متقلش بقا
سليم:لاء خلاص ماما أنا طالع انام
وطلع سليم قوضته وبعد دقيقه واحده لقا سلمي وراه
سلمي:سليم بجد متزعلش انت عارفه اني بهزر
سليم:مش زعلان أنا بس تعبان وعاوز انام
سلمي بعياط:والنبي ما تزعلي والله طلعت تلقائي انت عارف اني بحبك ومقدرش استغني عنك والله فغياب السنتين كنت بعيد كل يوم عشان وحشتني
سليم حضنها وقالها يا هبله أنا مقدرش ازعل منك انتي بنتي الصغيره وانا اللي مربيكي حد يزعل من بنته
سلمي:يعني مش زعلان
سليم:مقدرش اصلا
سلمي فرحت وحضنته جامد وبعدين أعدت قدامه وقالتله احكيلي
سليم باستغراب: احكيلك ايه
سلمي :عيونك الغامضه دى محدش بيفهمها الا أنا وعيونك فيها كلام كتير ارغي
سليم:ارغي فى حد يقول لأخوه الكبير ارغي
سلمي:متغيرش الموضوع قول بقا مالك
سليم حكالها كل حاجه عن تيا وهلال من طأطأ لسلامو عليكوا
سلمي بحزن:يا حرام ليه كل ده يحصلهم
سليم:نصيبهم بقا اما قلقان لملحقش أعلما كل حاجه قبل ماامشي هتبقي مصيبه وعمها مش بعيد يخلص عليها
سلمي:أنا عندي فكره حلوه
سليم:الحقيني بيها
سلمي:السنه اللي فاتت كان في شركه كبيره للمقاولات طالبه متدربين من الكليات عشان يشتغلوا فيها وكانزا عاوزين منهم ١٠ بس واحنا كنا ٢٠ فأنا اشتركت بهدف التدريب بس حاجه جديده وكده بجانب كليتي واتعلمت كل حاجه تقريبا وكسبت معاهم بس رفضت عشان كليتي وعشان مش عاوزه اشتغل دلوقتي فأنا دلوقتي فأجازه ولسه فاضل شهر علي مالكليه تبدأ اقدر اساعدها واعلمها كل حاجه بالشهر ده
سليم حضنها جامد وقالها بحبك اوي انتي نجدتيني فعلا ربنا يخليكي ليا
سلمي بتكبر مصطنع:اومال أنا شويه ولا ايه انت بس اللي متعرفنيش
سليم:يا ولا 😂
سلمي:طيب بص عندي شرط الأول
سليم:اهو هنطمع اهو 😂 عوزه ايه
سلمي:كمل
سليم:اكمل ايه
سلمي:اللي كنت بتقوله
سليم:منا قلت كل حاجه
سلمي :كداب مقلتش علي حبك لتيا
سليم:حب حب ايه انتي هبله
سلمي:مش عليا أنا بفهمك من نظره
سليم وهو بيزقها بره الأوضه بت عاوز انام روحي شوفي وراكي ايه
سلمي:يبقي كلامي صح بتخبي عليه ماشي يا سليم يا ماما يا ماما سليم بيح
سليم حط ايده علي بوقها قبل ما تكمل وقالها بقا كده ماشي والله مانا متكلم معاكي تاني
سلمي:أنا بهزر علي فكره وماما تحت فالمطبخ ولو بتموت فالصاله مش هتسمعك أنا بس عملت كده عشان تعترف واعترفت 😂😂😂
سليم :يابنت ال ماشي اطلعي بقا وطلعها وقفل الباب
سلمي من بره:ماشي ماشي بس خليك فاكر أنا اللي مجمع القلبين دول تصبح علي خير
سليم فرح بكلامها اللي مكنش عارف يعترف لنفسه بيه وان أخته هي اللي حسن بيه هو بسحبها من غير ما يشوفها بيحبها من ايام مكان اخوها بيحكيله عنها وحبها اكتر اما شافها
عند تيا
تغريد فاقت والدكتور كتبلها خروج وروحوا واكلوا التؤم ونيموهم وسيلا قالتهاها احكيلي مين المز اللي كان معاكي ده
تيا:مز بتحبي اخويا وتقولي علي غيره مز
سيلا:متغيريش الموضوع مين ده
تيا حكتلها كل اللي سليم قاله
سيلا بصدمه:بقا كل يحصل واحنا نايمين علي ودانا فعلا تشوفه موسي يطلع فرعون طب وانتي هتعملي ايه
تيا:اخويا يقوم بالسلامه بس وأقسم بالله لارجع حق اهلي تالت ومتلت
سيلا:يارب
تيا:مش هوصيكي البنات هيكونوا معاكي طول مانا فالشركة
سيلا:متخفيش والله أمان
نامت سيلا وائل وقفت فالشباك بتتوعد لعمها ومره واحده سرحت فعيون سليم اللي مش مفهومه وفاقت مش شرودها واستغفرت ربها ودخلت نامت الصبح قاموا فطروا وراحوا كلهم عالمستشفي عند هلال واتفجؤا ب