رواية حبيبي فالجيش الفصل الثاني 2 بقلم مياده خاطر
تيا وهي راجعه لاخوها بعد ما صلت اتفجأت بإيد بتشدها وتدخلها اوضه
تيا:اي ده انت مجنون
سليم:اهدي بس كده واسمعيني
تيا:اسمع ايه انت ازاى تشديني كده
سليم:اسف ياستي هه اسمعي بقا
تيا:في ايه
سليم:عمك معتصم جه بره مع ولاده
تيا بفرحه:بجد عمو معتصم جه أنا مشفتوش من ساعه مابابا وماما ماتوا طب اوعي خليني اروح اسلم عليه وحشني اوي
سليم:استني هنا هو مش جاي عشان يبص عليكوا ياختي
تيا:انت بتقول ايه
سليم:انتي متعرفيش حاجه فاسمعي اللي هقولك عليه وانتي ساكته
تيا:اسمع ايه هو في ايه
سليم:ممكن تهدي واسمعيني
تيا:طب خلص عوزه تروح لعمو
سليم:يابنتي عمي تاني قلتلك ده مش جاي عشان يزوركوا ده جاي عشان يستولي عالشركه بعد تعب اخوكي
تيا بصدمه:انت بتقول ايه انت مجنون انت مين اصلا عشان تقول كده انت عارف عمي ده بيحبنا اد ايه انت عارف انا بحبه اد ايه انت اكيد اتجننت
سليم:والله مش بكدب عليكي واكيد هو سبب حدثه اخوكي زى ماكان سبب حادثه اهلك
هنا تيا برقت جامد مالصدمه ووقعت مره واحده ومش مستوعبه اللي سليم قاله
سليم:اسمعي بقا هشرحلك كل حاجه بس دلوقتي تروحي لعمك ولا انك تعرفي حاجه وتسلمي عليه عادي ولوفتح موضوع الشركه تقوليه انك انتي اللي هتديري كل حاجه لحد مااخوكي يقوم بالسلامه مفهوم
تيا:بس أنا مش عارفه اي حاجه فالشركه وعمري ماروحتها ولا بفهم اي حاجه فيها
سليم:عارفه بس مش لازم عمك يعرف ده فهميه انك مكان اخوكي ومش هتسمحي لحد يحط رجله فالشركه نهائي
تيا:خلاص تمم يلا نروح
راحت تيا ووراها سليم وهناك شافت عمها ومراد وعمر ولاد عمها
تيا:ازي حضرتك يا عمو عامل اي
عمها:الحمد لله يابنتي ايه مش هتحضنيني زى كل مره
تيا:لاء ازاي وحضنت عمها وسلمت علي ولاد عمها سلام باليد
معتصم:أنا عارف أنه مش وقته بس الشركه لازم حد يديرها يابنتي انتي عارفه دى فلوس ناس ومينفعش حالها الواقف ده
تيا:ايوا طبعا ياعمو عندك حق انشاء الله من بكره هنزل الشركه وهقف مكان اخويا لحد مايقوم بالسلامه
معتصم:وانتي بتفهمي فالكلام ده علي حد علمي انك عمرك ما روحتي الشركه ولا بتفهمي فيها حاجه أنا ممكن اخلي مراد وعمر يقفوا مكان اخوكي لحد ما يقوم بالسلامه
تيا :لا ياعمو كتر خيركوا أنا هعرف اتصرف
معتصم:يابنتي انتي فإيه ولا فإيه لازم تقفي جنب اخوكي واخوات الصغيرين مين هيراعيهم
تيا:هقدر ياعمو متخفش اخويا مربيني علي اني مضعفش واكون ادها
معتصم: بس يابنتي الحمل تقيل عليكي
تيا:معايا ربنا ياعمو متقلقش
معتصم:أنا بس عاوز اساعدكم متخفيش وبعدين انتي مش بتفهمي بالشركه حاجه هتعملي ايه عمر ومراد فاهمين كويس فالشغلانه دي هيقدروا علي كل حاجه
سليم:أنا هساعدها يا حاج تيا اختي وسليم اخويا وانا هقف جنبها لحد ما هلال يقوم بالسلامه
تيا بتتفاجأ باللي سليم قاله خصوصا انها اول مره تشوفه أو تسمع عنه بس فرحت باللي قاله
معتصم:وانت مين لمواخذه ولاد عمها يقفوا جنبها انت مين بقا
سليم:أنا صاحب هلال من زمان جدااا وعارف كله عن شغله لانه دائما كان بيكلمني عنه وهساعد تيا لحد ما تعرف كل حاجه
معتصم:وانت شغال ايه بقا انشاء الله
سليم: أنا ظابط فالجيش وكنت نازل اجازه اسبوع واول ما عرفت الخبر جيت علطول
معتصم:وانت فاسبوع هتعلمها كل حاجه ازاى
سليم:متقلقش هقدر انشاء الله
معتصم:وانتي موافقه عالكلام ده يابنت اخويا
تيا:ايوا يا عمو متخفش أنا بفهم بسرعه ولو معرفتش اكيد هقولكوا يعني متخفش
معتصم:زي ما تحبي أنا ماشي يلا يا ولاد
مشي معتصم هو وولاده وتيا بصت لسليم بصه بمعني فهمني يلا
سليم:هقولك علي كل حاجه بس الاول خلي صاحبتك تاخد البنات الصغيرين ويمشوا عشان مينفعش يسمعوا
تيا كلمت سيلا وقالتلها روحي تغريد وغرام عشان يناموا شويه بقالهم يومين فالمستشفي
سيلا:ليه في اي ومين ده
تيا:هفهمك بعدين روحي بس وتعالي بكره الصبح
سيلا:ماشي
التؤم :احنا مش عاوزين نمشي يا تيا عوزين نعد معاكي قلقانين علي هلال
تيا بحنيه :روحوا مع سيلا كلو وناموا وتعالوا بكره الصبح اتفقنا
التؤم: بس
تيا :مفيش بس يلا وهتيجوا تاني عشان خاطرى
التؤم:ماشي
ومشيت سيلا هي والبنات وبصت تيا لسليم تاني
سليم بصي أنا عارف اللي هقوله ده صعب بس اسمعيني ومتقاطعنيش لحد اما خلص
تيا :تمام يلا
سليم :اعرفك بنفسي أنا سليم عندي ٣٠ سنه اعرف اخوكي من زمان جداا بس مجتش فرصه اقابلكوا لاني كنت يسافر كتير مع اهلي بس علاقتي باخوكي متقطعتش وحاليا أنا ظابط فالجيش وبنزل اجازه كل ٦شهور بعد اسبوع وارجع تاني بس كان في حرب فاعدت سنتين ولسه نازل المهم اخوكي من ساعه حادثه اهلك كلمني وحكالي وانا شجعته وقلتله لازم تقف مع اخواتك ملهمش غيرك وكده يعني المهم أنه سمع مني وجمد وشال مسؤوليتكم وكان بيحكيلي عنكم دايما المهم أنه جه بعد الحادثه بشهر وكلمتي
فلاش باك
سليم:الو ازيك يا صاحبي عامل ايه عاش من سمع صوتك ايه مالك اختفيت ومبقتش تسأل ايه
هلال بصوت مخنوق:أنا مش كويس خالص يا سليم أنا تعبان اوى
سليم بخوف:مالك يابني في ايه وصوتك مالك
هلال:عمي
سليم:ماله عمك
هلال:هو اللي قتل ابويا وامي
سليم بصدمه :انتي بتقول ايه هي مش حادثه
هلال:لاء طلعت حادثه مدبره وفرامل العربيه كانت متشاله
سليم :فهمني بقا كده واحده واحده عشان تهت منك
هلال:بص من أسبوع كده كنت رايح لعمي عشان أكلمه واخليه يدخل معايا شريك بالشركه وانا داخل سمعته بيكلم فالفون فاستنيته بره علي ما يخلص وسمعته بيقول حاضر هديك الفلوس استني بس لازم ادخل مع هلال فالشركه الاول وبعدين اديك اللي انت عاوزه وبعدين لقيته بيقول يابني أنا هديك والله أنا عارفه انك تعبت وعارف أن شيل فرامل العربيه من غير اي دليل صعب وعارف اني وعدتك بمليون جنيه لو خلصتني من اخويا ومراته بس اصبر عليا لازم ادخل الشركه الاول وبعدين نخلص من هلال زى أهله واستولي علي كل حاجه وان كان عالبنات فهم بيحبوني ومش هيشكوا فحاجه
سليم:وانت عملت ايه اما سمعت كل ده
هلال:جريت علي بره وانا مش شايف ادامي مالصدمه وركبت العربيه وجبت عالبيت ومكنتش عارف اعمل ايه أنا خايف يا سليم خايف علي اخواتي وعايز اجيب حق ابويا وامي
سليم:بص للاسف انت معكش دليل بس اصبر متخافش حق امك و ابوك هيرجع ياصاحبي صدقني المهم متخليش عمك يحط رجله فالشركة فاهم وابعد عنهم تماما واقطع علاقتك بيه
هلال:ازاى هقوله ايه لو سمحت يا عمي اقطع علاقتك بيا
سليم:يا ابني افهم بص هو لما يجي يكلم فموضوع الشركه قوله لاء وحاول متخليهوش يحط رجله فالشركة نهائي وصدقني هو هيقطع علاقتوا بيك بس خلي بالك من نفسك وحرس منه ملوش امان
هلال:خلاص ماشي هعمل اللي قلتلي عليه
سليم:عين العقل يا صاحبي وحياتي عندك لحق اهلك هيرجعلك تالت ومتلت لو بعد ميت سنه
هلال:ربنا يخليك ليا يا صاحبي
سليم :ويخليك يا حبيبي سلام
هلال:سلام
باااااااااااااااااك
سليم:وادى ياستي كل الحكايه ومن ساعتها هلال بيحكيلي محاولات عمك دخوله الشركه بس اخوكي كان بيرفض دايما ومحاولات قتله بس الحمد لله اخوكي ربنا كان بيقف معاه كل مره بس المره ده مش عارف مخدش حذره ليه واهو وقع ربنا يقومه بالسلامه بقا
تيا بعد كل اللي سمعته ده وقعت من طولها ومدرتش بنفسها بس سامعه سليم وهو بينادى باسمها بس
وبعد ساعه بالظبط تيا فاقت لقت نفسها فؤضه ومتعلقلها محلول ولقت سليم جنبها وبيقولها انتي كويسه
تيا :اه في ايه اللي حصل واعده هنا ليه
سليم:أغمي عليكي بعد اللي قلتهولك وكمان مكلتيش من يومين
تيا:فكك مني دلوقتي هنعمل ايه وانت زى ماقلت هتمشي بعد اسبوع هعمل أنا ايه
سليم:متخافيش أنا عارف كل حاجه عن الشركه واخوكي قالي أن ايده اليمين هي هند وهي هتعلمك كل حاجه بعد أما امشي اهم حاجه تجمدى كده وتكوني ادها واهم حاجه تمنعي رجل عمك مالشركه وخلي بالك من نفسك ومن اخواتك عمك هيلف ويدور عليكوا فاهمه
تيا:خلاص فهمت
سليم:أنا هروح اجيب اكل لازم تأكلي عشان تعرفي تقفي علي رجعلك ومتناقشنيش فاهمه
تيا:خلاص ماشي بس هات الفون اطمن عالبنات
أداها سليم الفون ورنت علي سيلا
تيا:الو سيلا البنات عاملين ليه
سيلا بعياط:الحقيني يا تيا الحقيني
تيابخوف:في ايه قولي
سيلا.........