بقلم يارا محمد
بالليل كانت ملك ف اوضتها ماسكه ابرة وقماش بتطرزه لأنها بتحب التطريز وشغفها مش انطفي من ناحيته كانت مبتسمه وهي بتعمله سمعت صوت باب اوضتها اتفتح بصت ناحيته لقيته اواب استغربت منه دخل وقعد جنبها بس اتصدمت من عملته .
اواب حط رأسه ع كتفها و ده اول مرة يعمل حاجه زي كده قامت من جنبه بخوف .
ملك : انت بتعمل ايه انت مش واعي صح كنت رايح اوضتك ف جيت بالغلط .
اواب : متخافيش انا واعي ممكن نتكلم مع بعض محتاج اتكلم معاكي .
ملك كانت متردده منه بس قعدت جنبه ب شويه خوف منه .
ملك : وعايز تتكلم ف ايه انت بتكرهني و متجوزني علشان الولد و بس عايز مني ايه تاني .
اواب
احس اني طبيعي لو لمرة مع حد عادي ؛
حط رأسه ع كتفها و هي اتشنجت بس فضلت قاعدة .
عايز اكون لمرة واحدة انسان طبيعي ساعات بتمني اني مش اكون غني أو الذنب اللي عملته زمان انا بعترف بغلطتي لو كنتي انتي قتلتي بالغلط ف انا ....
فجأة اتفتح الباب بعنف وكانت تاليا واقفه بتبصلهم بغضب و غيرة بصت ل اواب .
تاليا بابتسامه مزيفه
حبيبي ممكن تيجي معايا عايزاك ف موضوع مهم .
تاليا مشيت وهو وقف بس ملك مسكت أيده .
ملك
انا هنا لو احتجت تفضفض ف اوي وقت هكون ف استقبالك.
بصلها بنص ابتسامه ومشي وهي رجعت تكمل التطريز بتاعها بحب أما اواب دخل ورا تاليا اللي هاجمته بعنف .
تاليا
انت مجنون و لا شارب حاجه كنت عايز تقولها انك قتلت ابوك علشان تاخد أملاكه وطردت اخوك من هنا .
اواب
متعليش صوتك انتي مش ف زريبه تعرفي كان نفسي اقابلها من زمان ع الأقل كنت هعيش مرتاح .
تاليا بصراخ ليه
ما تسكت بقي و تبطل نغمتك الكدابه احنا الاتنين اشتركنا ف الجريمه دي و لا نسيت واحنا كنا السبب ف طرد اخوك من هنا .
اواب
بمناسبه اخويا انا تصالحت معاه وهو راجع علشان يشوف زوجه اخوه .
اواب فجر قنبلته و مشي وسابها مصدومه .
تاليا
لا انا مش خليته يطرده زمان ويكتشف حاجه عني علشان يرجع بعد السنين دي انا لازم اتصرف حتي لو وصلت بيا اقتل الاتنين هعملها .
تاليا من غضبها راحت ل ملك وفتحت الباب عليها بعنف وهي اتخضت و لما شافتها مسكت رقبتها بعنف و قسوة .
تاليا
اسمعي مش واحدة جربوعه زيك اللي بتاخد جوزي مني متنسيش انك مجرد أداة وبس اسمعي الكلام و مش تتكلمي مع اواب أو تخليه يلمحك و الا هسقطك بدون رحمه وأبلغ عنك انتي فاهمه .
ملك مش كانت قادرة ترد هي ضاغطه ع رقبتها بعنف و قسوة وبالعافيه بعدت عنها وفضلت تكح جامد .
تاليا
المرة دي سيبتك بس المرة الجايه نهايتك هتكون ع ايدي انتي فاهمه .
تاليا لاحظت التطريز اللي كانت عملاه و كان باسم هي بتحبه *نوح* بصتلها و جابت مقص وخربت الاسم و التطريز المميز اللي عملته
انتي مش ليكي حق حتي ف تسميته ده ابني انا مش انتي لانك هتتنازلي عليه أو بفكر اخليكي الخدامه بتاعتي .
ملك كانت بتبكي بقهر ع حالها السجن اهون عليها من تاليا بس مفيش ف أيدها حيله متكتفه .
تاليا رجعت اوضتها وهي مش مستحمله ودماغها هتنفجر دورت ف الدولاب و طلعته ابتسمت و اخدت منه و ارتاحت قوي نامت وهي واخدة جرعتها .
تاني يوم كانت ملك ف الجنينه مبسوطه وهي حواليها ورد سمعت صوت خشن بس هادي من وراها .
انتي ملك .
ملك......