بقلم يارا محمد
ريم كانت بتحاول تفك نفسها ومش قادرة ، وعامر مكممها وقاعد قدامهم هما الاتنين بس المشكله كان موصل اسلاك كهر*با ب كرسي وهران ومش عارف يتحرك .
عامر
انتي جبتي اخرك معايا يا بنت العزازي كل ما احاول أتخلص منك الاقيكي بتفلتي منها وكل مرة بتقوي عن الاول ، ايه طيب ابوكي وعرفت اتخلص منه زمان جوزتك لابني علشان تبقي تحت طوعي و يوهمك بحبه ؛ بس هو زي الغبي حبك بجد وكنت معتمد اخليكي تديني الشغل بتاع ابوكي بس انتي مش بتسمعي كلام حد ابدا ، بالمناسبه الولد فعلا ابنك و أنا اللي خليت المعمل يزور التحليل وتعاونت مع مافي*ا السل*اح وانا اللي دبرت القضيه لابوكي وخليته مات بحسرته ؛ وانتوا اللي جبتوه لنفسكم لما دورتوا ورايا وعرفتوا جوازي وابني اللي راميه لازم السر ده يدفن معاكم .
ريم كانت بتسمعه وهي مش مصدقه شره وقسوته وعدم اتزانه ف الكلام هو اتحول لشخص مريض بشع ، كل اللي يهمه يدمر كل اللي حواليه نزل القماشه منها وهي اتكلمت .
ريم
انت واحد حيوان مريض ، و ف قلبك سواد الدنيا هتستفيد بايه لما تعمل كل ده .
عامر
و لا حاجه أنا اللي يهمني اقتلك لأن عامله زي الشوكه ف ضهري ، بس الاول اموت ابني لانه غبي ، وبوظ كل حاجه وانا مش محتاجه شغل سكينه الكهربا وابتدا وهران يص *رخ من الوج*ع و ريم بتصرخ من منظره عامر حب يستمتع ف حطها قدامه ، علشان تشوف منظره .
ريم بصراخ
بعد عني ارحمه مهما كان هو ابنك ، خلي عندك مشاعر و لو لمرة واحدة .
عامر ضربها بالق*لم بقس*وة وهي اتوجعت جامد .
عامر كان نفسي اعمل فيكي ما بدالي لو كنا لوحدنا بس خلاص هخلي وهران يشوف منظرك دلوقتي هعذبك ، براحتي و كده كده مفيش حد هينجدك مني هقتل*كم انتوا الاتنين ولا حد هيحس بيكم ؛ و هدفنك*م جنب ابويا ف الجنينه.
ف بيت ريم رابي وارين بيشتغلوا و بيجمعوا الادله الكافيه اللي هيقدروا يدينوا عامر بيها ، خمس دقائق وصلت رساله لفون رابي وفتحها و اتصدم من الفويس.
عامر بشر
الحق مراتك تعالي ودعها قبل ما تموت ع ايدي .
الاتنين سمعوا الفويس ،و اتخضوا منها ورابي لفت نظره رساله منها بتقول انها هتلحق وهران من أبوه قبل ما يقتله ، بسبب اللي عرفه عنه رابي جري. وشغل العربيه و أرين ركبت معاه وساق باقصي سرعه ليهم ف الوقت ده عامر بصلها بشر وابتسامه مرعبه .
عامر
هعيشك اسوء ساعتين ف حياتك ، لو كان جوزك عنده مقدره يوصل بدري .
عامر ضربها بالقلم بغل جامد ، وهران فضل يتحرك بقوة علشان يقدر يفك نفسه بس مش قادر وعامر مستمر ف غله و حقده ف ريم بيضرب ، باقصي قوته لغايه ؛ ما نزفت دم فجاه سمعوا حد كسر الباب .
عامر فكها ومسكها من شعرها وبقت رهينه ليه ، طلع بيها لبرة بس قبل ما يطلع شغل الكهربا ع وهران ، علشان يموت ومحدش يحس بيه طلع بيها والمس*دس ف دماغها ،و رابي كان رافع المسدس ناحيتهم .
رابي بصدمه من منظرها
هقتلك يا عامر و هندمك ،ازاي تمد ايدك عليها .
عامر
ابعد انت و اللي معاك و الا هفضي المسدس ف رأسها فاهم بعدوا .
عامر خرج بيها بسرعه وكتفها ف العربيه وطلع بيها ع الصحراء و رابي لحقهم أرين سمعت صوت مكتوم جريت ع الصوت لقت وهران جريت عليه ، و بطلت الكهربا اللي شغاله و فكته و وهران وقع من كتر الكهربا ، اللي دخلت جسمه .
شافت نبضه ولقت فيه نبض ضعيف اخدته بصعوبه وراحت المستشفي .
أما عامر اخد ريم لصحراء و وقفوا ع قمه عاليه .
رابي
سيبها بهدوء اعقل يا عامر ، اللي بتعمله مش هتاخد منه فايدة حتي لو عملت ايه .
عامر بضحك هستيري
مش مهم فائدته المهم اخلص من نسل سفيان أنا كنت السبب ف موته ، و دلوقتي الدور ع بنته و اخر حاجه حفيده ؛ واخد أملاكهم و شركاتهم واكون أنا اكبر واحد ف السوق .
رابي
و تفتكر هتكون مرتاح عمرك ما هتكون علشان انت شخص قاتل يا عامر ، مش هتستفيد هتعيش باقي عمرك وحيد منب*وذ .
عامر
اخرس بقي أنا بضيع وقتي معاك ليه اصلا
وبصلها بشر وبص وراه زقها وكانت هتقع من أعلي قمه الجبل رابي جري عليها ،وعامر كان هيقتله بس رابي سبقه و ضربه طلقه، ف دماغه وهو اللي وقع ورابي لحق ريم ،شدها ليه و حضنها حضنته بقوة وفضلت تبكي .
رابي
انتي كويسه متخافيش طول ما أنا جنبك مش عايزك تخافي فاهمه .
ريم
وهران لازم نلحقه قبل ما يموت عامر كان حاطط ف كرسيه اسلاك كهربا ، و بيعذبه وشغلها قبل ما يطلع بيا .
أرين اتصلت ع رابي وبلغته أنها لحقت وهران ع اخر لحظه .
رابي و ريم وصلوا المستشفي وشافوه الدكتور بلغهم أن ف غيبوبه .
بعد شهرين الأمور اتحسنت اكتر من الاول شركه عامر اتشمعت بثبوت أنه بيتاجر ف الاث*ار و السل*اح ، وهران مش اتحبس مكان أبوه لانه بلغ الشرطه أنه مش كان يعرف بالامور دي و أنه ليه شركه مستقله ، عن أبوه اما بعد الحادثه مبقاش يقدر يحرك أيده اليمين ؛ ف يوم دخلت عليه ريم و رابي .
وهران بابتسامه
ريم اخيرا افتكرتيني تعرفي من ساعه ما جيت هنا ومحدش سئل عليا ابويا خلاص مات و انتي نسيتي اني كنت جوزك ف يوم من الايام و كمان ااا.
ريم
وهران أنا مش جايه ازورك مفيش بيني وبينك علاقه خلاص ، كل اللي جايه علشان النهاردة الورقه دي و بس.
وهران مسكها بايده السليمه وقرا النتيجه الورقه كانت تحليل نسب .
التحليل بيثبت قدامك ان نسبه تطابق عينتك مع غيث ايجابيه يعني غيث ابنك التحليل اللي عملته مع عامر كان مزور * و اقنعك بكده لاسبابه المريضه أنا طلبت عينه دم منك و انت ف غيبوبتك وعملت التحليل تاني ، و دي النتيجه السليمه و ف اي وقت محتاج تشوفه أنا مش همانع .
وهران دموعه غلبته وبكي وبصلها .
أنا آسف ع كل حاجه عملتها ع غدري ليكي واللي عملته ف المحكمه ، انا اسف حقيقي بعتذر أنا كنت شخص حقي*ر اوي ؛ حتي كان عندي امل اصالحك و نرجع لبعض.
ريم
خلاص مبقاش ينفع اثق فيك تاني يا وهران اللي بيني وبينك غيث اللي هتحتاج معجزة علشان يثق فيك ويبطل يخاف منك ، أنا خلاص لقيت حبي الحقيقي مع رابي انت و ابوك عيشتوني ف ضغط ؛ واذي نفسي أنا اسف بس عندي اللي يخليك تنشغل معاه .
الباب فتح و دخلت أرين بس كان معاها ولد ف حدود الست سنين وقف قدامه ، بابتسامه و ريم بصتله بس رابي اللي اتكلم بدالها.
رابي
تعبنا اوي عقبال ما اقنعنا مشرفين الدار أن احنا قرايبه والسبب ف ده أرين عرفت بعلاقتها تخلص الموضوع وجبناه هنا عمر اخوك اللي ابوك كان سايبه هناك ، مكنش ينفع يفضل هناك اكتر من كده .
عمر قرب منه بابتسامه وحضنه ببرائه وهران بادله الحضن .
رابي
احنا لازم نمشي ورانا طيارة يلا يا ريم .
وهران
انتي هتسيبي البلد بجد ، مش بتقولي كلام كده و خلاص .
ريم
ماليش حاجه هنا خلاص مبقاش ينفع وجودي ف مكان ابويا مش فيه اتمني ليك حياة احسن مع بنت بتحبك.
ريم ورابي مشيوا من المستشفي و رجعوا البيت حضروا شنطهم وجاهزة ع السفر بعد اسبوع .
عدي الاسبوع و ريم ودعت كل ركن ف بيتها للابد أرين رجعت روسيا و ريم مع ابنها و رابي رجعوا اسبانيا مع بعض وبدات شغل هناك و رابي علشان بيحبها بلغ جده بأنه هيسيب شغل السلاح ، و يدير الشركه مع ريم؛ وريم حبت رابي واعترفت ليه بده أما وهران قرر يعيش وحيد بس هيفضل يحب ريم للابد ، وربي اخوه الصغير وعاشوا مع بعض .
تمت بحمد الله