بقلم يارا محمد
وهران برجاء
ارجوكي اسمعيني، لازم اقولك ع السبب اللي خلاني اعمل كده اسمعيني، مرة واحدة بس .
ريم ببرود
تمام اتكلم مع أن مبررك مش هيشفعلك وياريت بسرعه؛ علشان اشوف غيث الأهم منك انت و ابوك .
وهران حكي ليها كل حاجه وتهدي*د أبوه وان دخوله ف حياتها علشان بس، ينتق*م من سفيان بأوامر أبوه .
بس صدقيني الشئ الوحيد الحقيقي ف الموضوع هو حبي ليكي، و بلغت ابويا أن مش هكمل وهعيش حياتي مستقر معاكي بس هو هددني بقتل*ك لو معرفتيش الحقيقه .
ريم برغم انها اتكسرت اكتر من كلامه وأنها كانت مجرد حجر شطرنج، ف لعبتهم بس كرهتهم اكتر بكتير وبصتله .
ريم
وهران حكايتنا انتهت انت وعامر بيه قررتم تكسروني؛ بس انتوا غلطانين أنا بقيت قويه ومش يهمني ، دلوقتي لو دوست عليكم كل اللي ليكم عندي هو غيث وبس ، ف اي وقت تحبه تشوفوه مش همنعه عنكم .
عامر بغضب
ومين قلك أن احنا عايزين حاجه تفكرنا بيكم تعرفي لو كنت عارف بحملك كنت اجهضتك بأبشع طريقه، بس انتي لعبتيها كويس وملحوقه هحسرك عليه .
عامر من جبرو*ته كان داخل الفيلا يقتل غيث، بس ملحقش وصوت صراخه هز جدران الفيلا كلها .
وكانت ريم السبب لأنها ضربت نار ع رجله .
ريم بغضب و شراسه
لو ايدك لمست ابني هيكون اخر يوم ف عمرك، انت فاهم انت شخص مش عنده احساس بابنه هيكون عندك احساس بحفيدك؛ أنا بحذرك يا غرباوي لو هوبت ناحيه ابني أو فكرت تاذيه هتكون نهايتك موت*ك ع ايدي .
سابته بعنف ع الأرض وبصت ل وهران
خد ابوك و امشي من هنا و لو عايز تشوف غيث هبلغك بأمر المحكمه، علشان بعد اللي حصل مش هتشوفه ، غير بحراسه بعد كده بره يا وهران أنا بكرهك، من كل قلبي ومتحاولش؛ تصلح الأمور علشان مش هرجع ليك لو انذليت قدامي .
وهران خد أبوه وخرج من غير كلام حس أنه خسر ريم القديمه واللي قدامه شخصيه مش يعرفها .
ريم وسفيان دخلوا الفيلا وغيث جري عليهم بخوف .
غيث
مامي هو الراجل الوحش عملك حاجه اذاكي؟
ريم بابتسامه
لا يا بطلي أنا كويسه قوي ولو كنت محتاج مساعدة؛ كنت هقولك ع طول بس اسمعني ده والدك تمام ف اي وقت عايز تشوفه قولي وانا هوديك.
غيث
شكله راجل وحش بس هسمع كلامك حاضر .
ريم
يلا روح مع الدادة اغسل سنانك ونام علشان فيه كلام كبار، مع جدو لازم نحكي فيه .
غيث سمع كلامها وريم دخلت مع ابوها المكتب واتكلمت .
ريم
قبل ما تقولي سرك لازم اعرف الاول سر العداوة بينك وبين عامر علشان اكون فاهمه الأمور أوضح .
سفيان
اقعدي هقولك كل حاجه .
أنا وعامر كنا أصحاب وصداقتنا قويه بس فجاه بعد عني لأسباب مش واضحه ولما واجهته، اكتشفت أنه غيران مني ومن نجاحي، سواء ف دراستنا أو ف شغل قولتله اكتر من مرة نشتغل مع بعض ؛ و هتنجح لو عطيتك نصائح بس هو قفل دماغه، حاول بكل الطرق يهد اسمي و شركتي للاسف كان بيفشل، وكان عايز يدمر كل حاجه من حواليا بس للاسف حقده وغله خلاه يدبر ليا حادث؛ وده اللي خلي العلامه اللي ف ايدي تعيش معايا كنت بهاوده وبحاول اساعدة بس بعد اللي عمله مقدرتش اكمل ف استنزاف طاقتي ، معاه لانه وصل لاعلي حدود الغل ؛ وهي قتلي وكان بيصارعني ع سلطه الشغل مين هيبقي كبير السوق الاول وده سبب عداوتنا يا ريم.
ريم
محدش غلطان غير عامر ف الموضوع عنده و حقده ؛ خلاه يعملوا فينا كده طيب عرفت سبب عداوتك معاه ايه بقي السر اللي مخبيه .
سفيان
قبل ما احكي توعديني ما اسقطش من نظرك ولا تكرهيني .
ريم
بابا أنا عمري ما اكرهك ودائما مثلي الاعلي بس قولي ف ايه قلقتني .
سفيان
ريم أنا أصولي اسبانيه من ام مصريه واب اسباني المهم ابويا كانت تاجر اسل*حه كبير ،ف برشلونه اتجوز امي و خلفتني بس لانها كان عندها مشاكل صحيه مقدرتش تنجب ولاد تاني ف اتجوز التانيه، برغم أن والدتي؛ كانت شديدة وعصبيه وقلبت الدنيا الا أنها قبلت بالأمر الواقع، بعدين والست التانيه خلفت ولد زارني بعد ما جيت من عندك لما ولدتي .
ريم بهدوء
و ايه فكرك بيك دلوقتي وليه سبتهم .
سفيان
سبتهم لاني مش عايز ادخل العالم ده واقنعت ابويا بكده كنت فاكر الاول أنه هيتخلي عني ، و يقتلني بس فوجئت أنه موافق ع بعدي عن العيله؛ ومشاكلها واتجوزت مامتك وغيرت اسمي من غفران الكسندر ل سفيان العزازي ، بس فضلت ع تواصل وعارفين بيكي و بابنك كمان واخويا لما جه حذرني .
ريم
حذرك من ايه بالظبط؟
سفيان
حذرني أن ف منافس لابويا راح لعامر ، و اتفقوا ع تصفي*تي بأنهم يدسوا س*لاح ف شركتي ويبلغوا عني بس عمك جه هنا بأمر من جدك لأنهم خافوا عليا ؛ وقالي و بيحاول أنه يحميني باي طريقه وده السر اللي مخبيه عنك خوفا من انك تكرهيني.
ريم بابتسامه وصدق
وانا عمري ما اكرهك ابدا كويس أن جدي متفهم ، واتفهم وضعك وسابك تعيش حياة عاديه ؛ بس قولي ليه قولتلي دلوقتي هل يا تري بسبب المؤامرة دي ولا حاجه تاني .
سفيان
لان بعدها باسبوع وصلي ايميل من ابويا وطلب يشوف حفيدته وابنها ، ف أنا عايز اعرف رايك انتي موافقه ولا لا ؟
ريم
انت خايف منهم عليا .
سفيان
لا عمري ابويا يمكن راجل قاسي بس حنيه الدنيا فيه ،و هيحبك وواثق فيه أنه مش هيخذلني ، لأن لو حصل حاجه والمؤامرة؛ اتنفذت هكون مطمن وانتي معاهم .
ريم
مفيش حاجه هتجري ليك فاهمني انت مش هتوقع ف الفخ ؛ ده ابدا وبعدين اتاريني بقول مالي قويه ومش مهتمه بحاجه كده عرفت السبب دلوقتي بلغهم اني موافقه ،وجاهزة اتعرف عليهم .
سفيان حضنها وارتاح من السر ، اللي كان جبل ع أكتافه حجز تذاكر لإسبانيا وبعد يومين كانوا هناك وصلوا لفيلا كبيرة و ريم انبهرت بيها، وكان والد سفيان ف مقدمه استقبالهم سفيان قرب منه ومسك أيده وباسها احتراما ليه .
سفيان
ازيك يا والدي اخبارك ايه .
الكسندر
مر زمن طويل يا غفران اخيرا رايتك مرة أخري لكني سعيد انك بخير وبص ، وراه ولقي ريم واقفه هي وابنها سفيان بصلهم هو كمان .
سفيان
ريم تعالي سلمي ع جدك باحترام انتي اول مرة تيجي .
ريم قربت عندهم بهدوء ومسكت ايد جدها وباستها وهو رحب بيها بحضن وابتسامه ؛ ورحب بابنها كمان ودخلوا لجوه وكان معمول علشانهم حفله استقبال عائليه الكل رحب بيهم .
وادي
أنا ابقي عمك وادي تعرفي شايف فيكي غفران وهو شاب ، كان واثق ف نفسه اوي انتي شبهه بالظبط وبص لابنها ازيك يا بطل .
غيث
أنا كويس شكرا يا عمو .
ريم قعدت معاهم كانت خايفه شويه بس ابوها طمنها ، وفجاه ظهر شاب عيونه رمادي وحادة وقعد معاهم .
الكسندر
رابي سلم ع عمك غفران وبنته .
رابي بهدوء
حضرتك العم غفران كنت بسمع عنك من جدي و والدي وعرفت كمان انك سبت شغلهم وبقيت ، رجل اعمال ف مصر تشرفت بيك ؛ وبص ل ريم اهلا بيكي .
ريم ابتسمت ليه وركزت مع ابنها ؛ وطول العشاء رابي كان متابع حركاتها ، وهي حست بعيون محاوطاها .