نورهان ذكى
وفجأة انقطع الاتصال بينهما وصرخت منال: مهاااا.. ألوووو .. مهااا..
منال بقت بتجري زي المجنونة وبتلف حوالين نفسهاا
وبتسأل نفسها ياترى مين الل ما*تت من بناتها بنت خالد ولا بنت حسن؟؟
خوف وقلق رهيب ملاها وفجأة وقعت على الأرض وهي فاقدة احساسها بوعيها تمامًا !
قبل ساعة..
"في منزل خالد.."
الخالة مها : أنا عارفة انك مستغرب زيارتي يا خالد أنا الل مانعة نفسي من سنين أشوفك عشان مطي*نش عيشتك بس لحد هنا وكفاية اوي يا ابن عمي يا محترم!!
انت تنطق دلوقت وتقولي البت فيييين؟؟؟
والله ما هسيبك غير لما تقولي على كل حاجة وتخليني أشوفها يا إما ورحمة أبويا وأبوك لأبلغ البوليس وعليا وعلى أعدائي..!
خالد: مها أنا عمري ما أذيتكم..أنا
مها: وليك عين تكذب يا ب*جح!!
خالد: يا ستي اديني فرصة أشرحلك هوا ليه محدش عايز يسمعني ويفهم ؟
مها: احكي يا سيدي وسمعني بس هتخلص رغي ونقوم نروح للبت.. انت فاااهم؟
خالد هز رأسه بالموافقة وبدأ يحكي:
مها أنا حبيت منال من كل قلبي والله وحبيتها بجنون كمان وعشت عمري كله أحلم إنها تبقى ليا مكنش في ايدي حاجة أعملها .. انتي عارفه المشاكل الل بين أبويا وابوكي زمان ايام العيلة وابويا حكم عليا ابعد عنها وأبوها برضو وكل واحد فيهم جوزنا لحد من غير إرادتنا لكن حبنا كان أقوى من كل الظروف مكنش ينفع تسيبها تروح لغيري بسهولة كدا .. اتقابلنا واتفقنا نحافظ على حبنا مهما حصل ومحدش هيعرف ، مراتي مات*ت وسابتني أنا وأحمد معداش كتير وشرفت بنتي التانية الل ملت عليا الدنيا وحبيتها وشوفت فيها منال ، وبعد فترة بعدت منال واختارت تفضل مع حسن وانا مقدرتش على دا منعتها تشوف بنتها و..
مها: كمل.. وقتل*ت جوزها!.. طب تقدر تقولي ازاي جالكم قلب تتفقوا عليه ازااي
#الكاتبة_نورهان_زكي_الجبروني
هوا أذاكم في ايه دا انتم الل أذيتوه بأخلاقكم القذرة دا راجل محترم مراته خان*ته مع صاحب عمره الخ*اين الل بيكرهه !
خالد: اصبري عليا يا مها شوية عارف اني غلطت بس دا كان دين على أختك وكان اتفاقنا من الأول؟
منال : دين ايه واتفاق ايه ؟؟ ايه التخريف داا؟؟؟
خالد: مش هينفع أسكت أكتر من كدا وأدام الموضوع اتكشف يبقى خلاص لازم يتكشف كامل .. أنا مراتي مما*تتش طبيعي .. مراتي اتق*تلت !!
مها: اييه ؟ اتقت*لت؟؟ مين ق*تلها ولييه أصلا ؟؟؟
خالد: أنا قت*لتها !!
مها: ايييه ؟؟ يا نهار اس*و*د !! ... لالا يا خالد كدا كتير أقسم بالله وذنبها ايه غادة ذنبها ايه قولي دي كانت ملاك ماشي على الأرض لا كان في حد في طيبتها ولا حنيتها في الدنيا وكانت زوجة مخلصة ليك جدا .. ليه تنهيها كدا ليه؟؟!
خالد: مها أنا عايزك تهدي وتفهمي وتقدري الل هحكيه بهدوء ومن غير أي عصبية ولا صوت عالي أنا فيا الل مكفيني.
مها: انت عايز ايه ؟ عايز ايه من الناس انت ماشي في غابة وشايف نفسك أسد تفترس أي حد ضعيف قدامك ويكون ليك فريسة سهلة !!.. انت مريض لا يمكن أبدا تكون طبيعي مستحيل !!.. كمل يا خالد وفهمني ايه ذنبها غادة قول...
خالد: مهما تقولي يا مها .. مش هيغير حاجة الل حصل حصل خلاص .
غادة كان لازم تمو*ت .. لو كانت عرفت بالل بيني وبين منال كانت فضح*تني !
منال الل طلبت مني أخلص منها عشان نعرف نشوف بعض وميبقاش في أي قلق ، وأنا وافقتها بشرط إني برضو أخلص من حسن !
حطيت لغادة س*م في العصير بعد ما ولدت أحمد بيومين عشان منهيش الاتنين كنت قاصدها هي بس!
كانت لازم تم*وت يا مها .. عمري ما حبيتها ولا شوفتها حبيبة
#الكاتبة_نورهان_زكي_الجبروني
مها: يخر*بيت بجاحتك يا خالد أقولك ايه غير إنك بجد مجنون ومنال مجنونة أكتر منك ولازم تتعالجوا بجد دا مش تفكير ناس طبيعية أبدا مؤكد انتو مجانين !!
ولسه خالد هيتكلم..
صرخت مها: ايييه بقا.. انت عاايز اييه ؟؟
فاكرني هسكت زي الباقي ؟؟
أنا فضلت طول عمري ساكتة وأقول عشان أختي ودا برضو ابن عمي زي أخويا أكيد ليهم عذر دا بيحبوا بعض وبلابلااا..
لكن أنا الل غلطانه مش انتم وهعرف كويس اوي انتقم منكم وأخليكم عبرة لكل الناس.
والله لأندمكم على الل عملتوه وهدفعكم التمن غالي اوي..
خالد بعصبية: بلاش تهور يا مها أنا مش عايز أأذيكي طلعي نفسك برا الموضوع دا!!
مها ضحكت بسخرية وقالت: تؤذيني يا خالد؟؟ ..طب والله عال !
ايه هتس*مني زي مراتك ولا هتخليني أم*وت في حادثة زي حسن؟
خالد سكت وحاول يداري قلقه..
صرخت مها بأعلى صوت: أعلى ما في خيلك اركبه .. أنا مبقاش يهمني حد خلاص.
خالد: شوفي يا مها اعملي الل تحبيه لكن متلومينيش على ردة فعلي بقا..
مها سكتت رغم ان كلها غيظ وسألته: أنا عايزة أشوف البنت حالا يا خالد..
خالد بصلها بعيون كلها دموع وقالها: مش هينفع يا مها .
مها: ممكن أعرف ليييه؟
هوا انا المفروض أشوفها امتى في المحاكم ولا ناوي تخليها غريبة عننا طول عمرها .. ذنبها ايه تعيش ضحية أق*ذر أب وأم؟؟؟
وفضلت تضغط عليه بالكلام..
لحد ما انهار وقالها: مش هينفع يا مها قولتلك!!..
مش هينفع عشان مااا*تت!!!
مها بصدمة وذهول: إيه؟؟ انت بتخرف تقول ايه فين البنت يا خااالد؟؟
وفضلت تصرخ كل ما يقولها إنها ما*تت واتصلت بمنال فورا رغم مقاومة خالد ليها...
منال بعد ما سمعت مكالمة أختها راحت لخالد البيت وهي منهارة وسألته : فين بنتي يا خالد؟؟ انطق فين بنتييي؟؟؟
مها قالتلي انها ما*تت .. أنا لسه مكلماها بعد ما خرجت من عندك وقالتلي على كل حاجة
لو مها مقدرتش تشوفها وهي خالتها ف أنا أمها يا خااالدد..!
#الكاتبة_نورهان_زكي_الجبروني
خالد: اهدى يا منال انتي كمان أنا مش ناقص كفاية الل فيا..
منال بحرقة: أهدى؟.. أهدى ايه هوا انت شايف ان الل بيحصل دا عادي؟؟
بنتك ما*تت يا بني آدم انت!!
انت خلاص الرحمة اتنزعت من قلبك!!
قولي البنت فين يا إما قسما بالله أق*تلك وطلعت من شنطتها سك*ينة وهددته بيها!
خالد اترعب وقال: اهدي يا مجنونة اهدي والله هقولك.
وفضل يتراجع بخطواته لورا بخوف وهي تتقدم ناحيته..
خالد: أنا مخبي بنتنا يا منال من زمان عشان بخاف عليها ومش عايز حد يشوفها أو يحاول يتعرضلها بأي أذى.. كان لازم تعيش في أمان بعيد عن العالم دا تعيش مع أكتر حد بيحبها في الدنيا .. أنا .. على فكرة كل الل بيحصل دا بسببك انتي يا منال .. انتي الل اختارتي تبعدي رغم اني كنت شاري ومستعد أضحي عشانك كنا هنعيش سوا وبنتنا تتربى بيننا .. خلصنا من أكبر عقبتين في حياتنا مراتي وجوزك وقولنا هنعيش سوا طلعتيلي بحوار الناس وكلامهم وميصحش وهتبقى فضيحة .. عايزاني أعمل إيه يعني طبيعي وحقي أحتفظ بالل باقيلي منك لنفسي وبس .. كنت بحب بنتنا عشان بتفكرني بيكي ليها نفس طلتك الل بنجذبني كل مرة وريحتك ونظرتك الل مليانة طبطبة عليا من قسوة الأيام..
أنا عمري ما خدت حاجة بحبها دايما الدنيا بتختارلي الل مش عايزه .. دايما مغلوب على أمري ومليش رأي في أي حاجه حتى الجواز أنا يوم ما اخترت الإنسانة الل بحبها وقولت هتعوضني عن الل شوفته في الأيام من مرار..
القدر مأرادش نكون سواا وأبويا غصبني على الست غادة .. الل اعرفه ان البنات هم الل يتغصبوا على الجواز مش الرجالة أنا شوفت العجب يا منال في حياتي واتعقدت بما فيه الكفاية كان لازم اخد حقي من الدنيا ومنك عشان عمري ما وجعتك وضحيت بكل حاجه عشانك وبرضو محبتيش تكوني معايا
كنت شاريكي ورايدك بنور عيني وبرضو محاولتيش عشاني ولو لمرة..!
انتي محبتنيش يا منال..
منال رمت الس*كينة وهديت وقالت: ايه الل انت بتقوله دا يا خالد ؟؟.. دا انت حبيب عمري أنا محبتش غيرك واختارتك وحاولت لكن أنا ست ومتجوزة وعندي بنت والناس كلامها مش بيخلص كان لازم أبعد عشان منتف*ضحش في البلد !
خالد: هشششش اسكتي يا منال بالله عليكي أنا وانتي عارفين كويس إنك حبيتي حسن!
حبتيه يا منال مش كدا؟..
منال اتوترت ولفت الناحية التانية وقالت:
خالد.. أنا..
أنا يعني لو مش بحبك ايه الل يجبرني أكمل معاك وأساعدك تمو*ت جوزي ؟
خالد: منال متغيريش الموضوع .. انتي حبيتي حسن يا منال !
منال بعصبية: الله .. هوا في ايه يا حسن متغيرش انت الموضوع!!
خالد ضحك باستهزاء وقال: حسن؟؟! .. حلو دا أنا بقيت حسن؟
منال: بقولك إيه أنا اتلغبطت عاوزة أشوف بنتي يا خالد .. حتى ولو لآخر مرة في عمري!
ومش همشي من هنا غير لما أشوفها وديني عندها حالا.. وإلا ما هرحمك يا خالد.. يلااا
#الكاتبة_نورهان_زكي_الجبروني
خالد اتحرك ناحيتها بهدوء وجذبها وقالها: منال أنا عايزك تعرفي وتتأكدي كمان إني أكتر واحد حبيتك ولا يمكن يكون حد حبك قدي!
ومش عايز كل الل بيحصل دا يفرقنا تاني أنا ما صدقت اتجمعنا وبقيت أشوفك .. خليكي معايا يا منال وأنا عمري ما هخليكي تندمي على قرارك دا وهعوضك عن كل حاجة وحشة حصلت بس خليكي جمبي!
منال بكل عصبية واندفاع زقته بعيد عنها بقوة وقالت: ابعد بقا انت معندكش د*م بقولك عاوزة أشوف بنتي الل ما*تت بسببك وبسبب إهمالك ليها وقسوتك عليها .. انت قت*لت بنتي يا خالد .. انت نهيت حبنا بإيدك أبقى مجنونة لو وثقت فيك تاني أو كملت معاك!
خالد يا حبيبي فوق .. انت مريض والله مش طبيعى تكون كدا عاوز كل حاجة ليك عاوز راحتك انت وبس والباقي مش مهم.
كملت وهي منهارة من العياط:
انت أناني وعندك حب ذات رهيب أنا فين من كل أفكارك دي لو بتحبني بجد ؟؟!
كل همك ترضي طمعك وأنانيتك وخلاص أما ترضي غيرك دي صعبة عليك اوي!
أنا .. مش عارفة حتى ليه حبيتك انت وعمرك ما عملت حاجة ف صالحي تصرفاتك الطايشة وعلاقتنا الغير مرضية دي الل وصلتنا لكدا !
رخصت نفسي ودوست على كرامتي واستحملت أكون زوجة خا*ينة وأم حقي*رة لبنتي الل من جوزي حلالي ولبنتي الل منك مفرقوش كتير الاتنين مكنتش ليهم الأم المثالية!
انت بهدلتني ووجعتني وكنت بفضل أحبك وأذل نفسي وأرجعلك ولما أحب أصون كرامتي ألاقيك بتهددني ببنتي الل هي ضحية طيشي وغبائي من البداية!
جريت ورا مصدر أذايا عشان بس قلبي متعلق بيك .. وسيبت أكتر حد كان بيحاول يسعدني بكل الطرق وعمره ما أذاني .. كان بيخليني أحبه مش بيبعدني عنه بتصرفاته وطمعه!
خالد بصلها بصدمة وقالها: هه !! .. يبقى أنا عندي حق يا منال انتي حبيتي حسن يا منااال حبتيه وبتكذبي عليا طول الفترة الل فاتت دي ..
منال: أيوا يا خالد حبيته .. عشان دا جوزي وكمان إنسان برئ أكتر من أي حد شوفته في حياتي كان قلبه فيه حنية العالم وكلامه كله طبطبة وتفاهم كان راقي وراضي بكل حاجه حتى لما كان بيحس إني بتجنبه ومش قابلاه!
كان بيحاول يسعدني عشان أحبه .
خالد ضحك بسخرية وقال: وأنا يعني الل مكنتش بخليكي تحبيني؟؟
عمل ايه هوا سي حسن دا زيادة عني دا أنا قت*لت اتنين عشانك فاهمة يعني اي؟؟
منال رفعت صوتها وقالت: انت عملت عشاني اه بس مصايب وأفعال كلها تودي في داهية وتدل انك مش كويس .. حسن كان بيعمل الحلو بس كان سوي نفسيا يا خالد انت مريض!
خالد اتعصب جدا وصرخ بأعلى صوت: اخرسي يا منال اخرسييي .. أنا أحسن من ستين واحد زي حسن !! .. بتقارنيني بمين أصلا دا أو$خ صاحب أنا شوفته في حياتي خد حبيبة عمري مني أنا الل كنت أولى بيكي من الأول .. دايما كان بياخد كل حاجة حتى النجاح طول عمره كان أنجح وأذكى مني والناس كلها بتحبه أنا الل كنت منبوذ من الكل !! تيجي في الآخر ببساطة تقوليلي أحسن مني؟؟
منال دمعت وهي مركزة جامد في عيون خالد وقالت: صحيح يا خالد مراية الخب عمياء زي ما بيقولوا.. احنا مش بنختار الل بنحبهم لما بنفكر بقلبنا لو كنا بس نركن المشاعر على جمب ونفكر كويس بعقلنا كنا عرفنا إننا كلنا بنختار ناس مش شبهنا يعني حسن حبني وأنا مش شبهه وأنا حبيتك وانت مش..
خالد: لااء.. لا يا منال أنا وانتي شبه بعض من زمان اوي وانتي عارفة دا كويس
فاستدارت منال حتى لا تنظر إليه وقالت: خالد أنا حسن بيجيلي في المنام كل سنة في يوم ذكرى وفاته بالذات بيواجهني بكل الل عملته فيه وقد اي انا شخص خاين ليه .. وكل دا بسببك يا خالد .. فمعتقدش إننا شبه بعض أنا جايز مكنتش مثالية زي حسن الله يرحمه لكن أنا مش مريضة زيك.. انت عايز كل حاجة لنفسك وبس يا خالد!
#الكاتبة_نورهان_زكي_الجبروني
وفجأة وبدون مقدمات..!!!
خالد مد إيده على الأرض وسحب السكي*نة وشد منال من رقبتها بذراعه فصرخت وحاولت تقاوم لكن خالد كان أقوى منها ..
خالد بحرقة: انتي يا منال الل وصلتيني لكدا .. بس هعمل ايه أنا مش عارف أنساكي ولا أكرهك وبرضو مش مقدرة أي حاجه عملتها عشانك حسن بقا أحسن مني دلوقت يا منال..!
لكن مش هسيبك تفكري في حد غيري ولا تكوني لغيري ولا حد يحبك غيري انا وبس حبيبك انتي فاهمه ولا لااا ؟؟؟
وفجأة غرس السك**ينة في رقبتها وسال الد*م..!!
وقعت منال على الأرض ووقع معاها خالد على ركبه..
ونزل فوقها بطع*نات متتالية بكل وحشية وكأنه غير مدرك لما يفعل !!
وفجأة دخل أحمد وإسراء ونسمة وبعض أصدقائهم ومن خلفهم الشرطة..!
إسراء صرخت لما شافت المنظر في حين أن نسمة أغمى عليها !
إسراء : اتأخرنا اويييي!!! .. وانهارت في البكاء.
وأول ما اتحركوا ناحية خالد عشان يقبضوا عليه بصلهم بعيون جاحظة وحمرا وشكلها مرعب جدا وعروقه كادت تتفجر من وجهه شديد الاحمرار !!
وصرخ بقوة وحضن منال وغرق في دمها الل كان مالي المكان وقال: محدش هياخدها مني تانيييي .. أنا ما صدقت بقت معايا خلاص .. وفجأة تصيبه هيستيريا بكاء مفاجئة ويقول: أنا آسف يا حبيبتي بس انتي الل عملتي كدا انتي السبب !!
فسحبوه بالقوة بعيدا عن منال وأتت الإسعاف لتستلم جثة منال..
وفي القسم استجوبوا خالد لما هدي عن مكان بنته!
وبعد محاولات كثيرة من الإنكار عرفوا المكان..
وعلى الفور اتحركوا للمكان الل قال عليه..
دخلت إسراء خلف أحمد الذي سقط على الأرض من المنظر..!
غالية مماتتش طبيعي زي ما خالد قال
خالد ذب*حها ..!!!
إسراء فضلت تصرخ وتنكر الل شايفاه: لالا كدا كتير بقا والله كتير هوا ايه احنا في غابة كل حد ضعيف يتق*تل!!؟
ايه دا يا أحمد غالية اتق*تلت ابوك الل عمل كدا لييييه طيب لييييه؟؟؟
دي ملهاش ذنب في أي حاجه دي أكتر واحدة اتظلمت فينا
يعمل فيها كدا ليه بس؟؟
وجريت على غالية وحضنتها وعيونها كلها دموع وقالت: حقك على عيني يا نور عيني يا أغلى من عيني!
أنا آسفة إني اتأخرت عليكي يا غالية آسفة والله.. انتي استحملتي كتير اوي لوحدك وأنا مش مش معاكي المفروض كنت ابقا جمبك يا حبيبتي.. أنا الل غلطت لما عرفت ان ليا أخت واني مش هبقى بنت وحيدة خلاص مجريتش عليكي وخدتك في حضني وطمنتك.. أديني بقيت وحيدة زي ما أنا ملحقتش أكلمك وأسمع صوتك وأشبع منك .. انتي سبتيني بدري اوي يا غالية!!
ياما قولتلك يا أحمد وديني لأختي ليه مروحناش ليه؟؟
أحمد : والله كان بيعرف اني بروح ف بيغير المكان كل مرة واديكي زي ما انتي شايفه حابسها ورابطها كأنها حيوانة !
منال: ورحمة أبويا يا غالية ما هسيب حقك ما*تت الل دمرتك ودمرتني .. الموت نجدها مني!
نسمة : اهدي يا إسراء حق أختك عند ربنا ملوش لزوم تدخلي في مشاكل أكبر من كدا.
إسراء: مش هقدر أعيش غير ما اخد بثأري وأشوف خالد دا مذلول قدامي كدا وبيتمنى الموت وشايفه أرحم مني!
"يبدوا أن غالية قد ما*تت بالفعل .. لكن هذا ما هو ظاهر .. فلقد كان مو*تها مختلفًا لم يكن هروبًا أو غيابًا .. بل كان عودة للمواجهة ، ليثبت ان الشر وإن انتصر ظاهريا ففي الواقع قد هُزم وسُحِقَ أرضًا .. فـ غالية لم ت*مُت ؛ ولكنها قد عادت لتثأر "...!!!
#الكاتبة_نورهان_زكي_الجبروني
إسراء كانت في قمة حزنها الفترة دي لكن كان أهم حاجة بالنسبالها إنها تخلص من خالد وشره للأبد وتضمن إنه خلاص هيروح مش هيرجع..
وبالفعل خالد دخل مصحة نفسية وأثبتوا إنه مريض نفسي وحالته بتسوء كل يوم.
والبلد كلها بقت تتكلم عن خالد المجنون اللي قتل حبيبته وبنته منها !
الكل بقا بيحكي ويتحاكى وسيرة أم إسراء بقت على كل لسان..
إسراء ارتاحت شوية لما عرفت بمصير خالد وإن خلاص ربنا بين*تقم منه ، كانت بتزور أبوها دايما وأمها وأختها وتدعيلهم رغم كل الل أمها عملته لكن إسراء كانت حزينة جدا بسبب الكلام الل بتسمعه من الناس ..
بقت تتجنب الناس ودايما بقت قاعدة في البيت ، وخالتها وبناتها ونسمة كانوا دايما بيزوروها لكن إسراء كانت بتتغير للأسوأ كل يوم .. كانت دايما ساكته وسكوتها ميطمنش!
خالتها قلقت عليها جدا وحاولت تتكلم معاها كذا مرة لكن بلا جدوى .. اقترحت عليها نسمة تعرضها على طبيب نفسي ، ومرت الأيام وبدأت إسراء رحلة علاجها من كابوس عاشت فيه أيام طويلة قلب حياتها ودمرها..
كابوس خلاها تفقد الثقة في كل الل حواليها وتعتزل الناس وتختار السكوت بدل المواجهة ..
الدكتور الل بيعالجها قال لخالتها:
لما شوفت إسراء لأول مرة حسيتها مش مريضة أبدا.. إسراء بأفضل حال وصحتها النفسية أحسن مننا .. الفكرة إنها حاربت كتير بنفسها وكانت مخلصة جدا لوالدها وحتى لوالدتها برغم كل الل شافته منها .. إسراء واجهت القدر والواقع عشانهم ومحدش بيعمل كدا إلا لو كان إنسان قوي و مخلص جدا .. إسراء بطلة عشان شافت كل دا واتصرفت بحرص ومغلطتش وجابت حقها وحق أبوها بالقانون .
وفي يوم..
أحمد اتصل بنسمة..
أحمد: ألو ازيك يا نسمة مفيش أخبار عن إسراء هي عاملة ايه دلوقت؟
نسمة: الحمد لله يا أحمد الدكتور بيطمننا كل يوم وحالتها بتتحسن .
أحمد: طب الحمد لله أنا هبقى أزورها ان شاء الله.
ومرت الأيام وحالة إسراء اتحسنت ورجعت تشوف الدنيا من تاني إنها تستاهل نصبر عشانها ونتحمل .
وبعد مدة..
أحمد راح يزور أبوه في المصحة
الممرضين حاولوا يمنعوه يدخل عشان حالته مش مستقرة وكان الكل خلاص شايفينه مجنون !!
لكن أحمد قاوم ودخل..
خالد أول ما شافه قام وقف وفضل باصص في عينه زي ما يكون مش مصدق إن ابنه قدامه .
لكن أحمد كان واقف مصدوم من شكل أبوه الل اتغير خالص للأسوأ..!
كان نحيفًا شاحبًا والعظم يبرز من وجهه وحول عينيه بدت هالات سوداء تكسوا عينيه الحمراء كما ظهر عليه الضعف الشديد ويداه كانتا ترتعشان بشدة !
فجاء في نفس أحمد أن يضم والده لصدره وما إن تقدم خطوة تراجع خطوات مبتعدًا عنه بنظرات كلها حزن وأسى !
خالد بنبرة صوت ضعيفة: إيه يا ابني انت مش عاوز تسلم على أبوك؟
أحمد ابتسم عشان يداري حزنه وقال: أبويا؟؟ فين أبويا دا أنا مش شايفه؟؟فيين؟؟؟
أنا مش شايف قدامي دلوقت غير شخص مريض قاعد في المستشفى عشان يتعالج..
عارف عنده ايه؟
عنده مرض اسمه " حب التملك أو الحب الاستحواذي " أعراضه بقا الأنانية والغيرة المفرطة والشك والتهديد وانت ما شاء الله عملت كل دول وأكتر لحد ما نهيت على أكتر حد حبيته .. عايز مين يثق فيك تاني إذا كنت أنا ابنك ومش واثق فيك؟؟
انت فضلت ترضي طمعك لآخر لحظة والنتيجة؟
أهو راقد في المستشفى لوحدك والم*وت مستنيك يعني خلاص خلصت .
أنا بس جاي أفكرك إن الست دي بغض النظر عن انت كنت شايفها ايه دمرتها ودمرت بنتها وسمعتها ، وربنا مش هيسيبك حق البنت دي وأبوها وأمها .. انت دمرت عيلة كاملة!
وأحب أقولك برضو..
انت أسوأ أب في العالم ومستحيل تكون إنسان كمان !
عموما انت مبقتش فارق معايا خلاص أنا اعتبرتك ميـ*ت فوجودك زي عدمه .
مش هفتكرك ولا هحكي لولادي عنك .. مش معقول هقولهم جدكم كان مجنـ*ون ومجرم !
وهتمنى ربنا يحييني لحد ما أشوف نهايتك وعدل ربنا وحق الناس الطيبين دول بيرجع..
#الكاتبة_نورهان_زكي_الجبروني
خالد: أحمد أنا مش مجنـ ون يا أحمد ..
بطل تقول زيهم المفروض انت الل عارفني كويس.
أحمد: ما هو عشان عارفك كويس بقولك انت فعلا مجنـ ون معاهم حق.
خالد : محدش حط نفسه مكاني للحظة .. عشت عمري كله بتهان من أب وأم جهلة وعيلة كلها مشاكل حتى يوم ما حبيت أكتر واحدة مأساتها مشابهه ليا القدر يرفض نتجمع والظروف تبقى ضدنا وييجي صاحب عمري الل وثقت فيه ياخدها بكل سهولة يقوم أبويا يقول ازاي يقل منك كدا أنا هجوزك الأحسن منها ويجوزني واحدة لا عمري حبيتها ولا حسيتها شبهي أقوم أحارب كل الظروف دي عشان أرجع لحبيبتي وبرضو الظروف هي الل ظلمتنا وخلتنا نغلط واديها راحت وسابتني وحدي أدفع تمن غلطتنا !
أحمد : متلومش الظروف .. لوم نفسك الل وسوستلك بالغلط وخليتك تنسى مبادئك ودينك وتغلط غلطة كبيرة زي دي!
انت لو كنت حبيت مدام منال فعلا كنت عرفت تحافظ عليها وترضى بالقدر وتقول الحمد لله وربنا يعوضكم بالأحسن.. لكن شوف أديك حاربت الظروف وسخطك على قدرك وصلك لفين؟.. ضيعتها وضعت!
فتحرك خالد نحو النافذة ونظر للسماء قائلا :
" أحببتها من كل قلبي ولم أكن أريدها لغيري!
فرغم كونها منال .. لكنها كانت صعبةَ المنال!
حاربتُ لأجلها الزمان .. وحين نِلتُها نِلتُ منهــا!! "
حاول أحمد إمساك دموعه ولكنه فشل وتسارعت دموعه بالتساقط فاستدار مودِّعًا والده وانصرف.
لم يكن يعلم هل سيراه مجدَّدًا أم لا؟
وفي اليوم التالي..
استيقظ أحمد على مكالمة من رقم غريب!
ألوو..أستاذ أحمد معايا؟
أحمد: أيوا مين معايا
حضرتك لازم تيجي المصحة حالا!
أحمد : ليه خير؟ في حاجه
والدك انتـ*حر !
أحمد اتصدم وجري ع المستشفى..
ولما وصل شاف تجمع كبير من الناس والكل مرعوب من المنظر !!
أحمد بص وشاف ...
أبوه مشنـ*ووق بحبل في السقف وميـ*ت!
الدكاترة حاولوا يهدوا أحمد لحد ما الإسعاف وصلت لاستلام الجث*ة ..
واكتشفوا عند فحصهم لجث*ة خالد اسم منال منحوتًا بآلة حـ ادة على ذراعه الأيسر والد*م يسيل منها بغزارة !!
أحمد مكنش مستوعب الل بيحصل وكأنه في كابوس مش فاهمه..
ما*ت خالد وراحت معاه جرايمه لدار الحق!
#الكاتبة_نورهان_زكي_الجبروني
ومرت الأيام والكل بيحاول يتخطى الل حصل..
والظروف اتحسنت مع الوقت .. إسراء عايشة مع خالتها وبناتها خلاص خالتها بقت معتبراها بنتها وعوضتها حب وحنان عن السنين الل فاتت ، وصاحبة عمرها نسمة لسه زي ما هي أو بمعنى أصح " المريح في الأمر أن صديقي الذي ظننت به خيرا لازال صديقي للآن " .. كما كانت إسراء تقول دومًا.
وفي يوم..
أحمد طلب يقابل إسراء زي ما كانوا متعودين يشوفوا بعض كل فترة .
وفضلوا يتمشوا على الكورنيش وفجأة وقفوا يبصوا للمياه ويستمتعوا بالهواء النقي المنعش..
أحمد: وحشتيني يا إسراء
إسراء ابتسمت ومردتش
أحمد: تعرفي إنك النهاردة أحلى من كل يوم؟
إسراء ضحكت وقالت: أحمد انت بتلف وتدور على ايه ما تقول عايز ايه؟
أحمد ضحك وقال : مشكلتي إني وقعت مع واحدة لماحة بتفهمها وهي طايرة .
بصي بقا يا ستي .. أنا بحبك وعايز أتجوزك .
إسراء سكتت وبصتله وقالت:
أحمد انت إنسان جميل وجدع جدا ، لكن مش هينفع خلينا أصدقاء أحسن !
أحمد: وليه يا إسراء مينفعش لييييه؟؟
مش خلاص مشاكلنا كلها اتحلت؟
إسراء: هي اه اتحلت لكن ظاهريًّا !!
الواقع بقا إني بنت منال وانت ابن خالد.
يعني مستحيل أخوض تجربة أمي تاني!
أحمد بعيون كلها دموع: طب وايه ذنبنا نعيش بذنبهم؟.. دي حياتنا احنا.
إسراء: أنا آسفة يا أحمد .. لكن أرجوك اسمع كلامي ، بلاش نحارب الظروف زي منال وخالد ونرجع نندم .. خلي ربنا يختارلنا الأحسن ومكان ما يكون الخير هنكون بلاش نفترض الأسوأ دلوقت .
أحمد دموعه نزلت وقال: حبي ليكي يختلف عن حب خالد لمنال ، عشان كدا هسمع كلامك وأرضى باللي ربنا عايزه .. وهفضل معاكي وهسندك لآخر العمر .
إسراء ابتسمت وقالت: وأنا راضية بكل الل فات الحمد لله وهرضى بالجاي أيًّا كان ربنا مش بيجيب حاجة وحشة أبدا .. وفي كل الحالات ف انت هتفضل أعز أصدقائي يا أحمد .
تمت بحمد الله