نورهان ذكى
شعرت إسراء وكأن الدنيا تدور من حولها، كأن خن*جراً مس*نوناً
اخترق قلبها فمز*قهُ إربًا !!
كان وقع تلك الكلمات على قلبها شديداً، فحاولت أن تتمالك
أعصابها وتدخل .. فهدأت من نفسها ودخلت وكأنها لم تسمع
شيئا قط.
وعندما دخلت صمتت والدتها وخالتها فجأة وانقطع الحديث!!
الأم : إيه يا حبيبتي حمد لله على السلامة .. خلصتى ؟
- اسراء : آه خلصت
- الخالة: إيه يا سوسو مالك يا حبيبى وشك مخطوف كدا ليه ؟
- اسراء : لا يا خالتو مفيش حاجة ، كنت فى المق*ابر عند بابا ولسه راجعة
- الخالة : ماشى يا حبيبتى ، ادخلى حدى شاور كدا وهدي أعصابك عشان متناميش كدا وانتى زعلانة
إسراء : حاضر ، أومال فين البنات يا خالتو ؟
- الخالة : غادة رجعت البيت علطول عشان كانت تعبانة وأسماء
معاها ، أحمد كان هنا بس مشى من شوية
- إسراء : ماشى ، أنا هدخل آخد شاور
الخالة: مالها بنتك يامنال ؟ - انتى مروحتيش معاها المق*ابر ليه؟
- الأم : ما انتى عارفة يامنال إن نفسيتى بتبوظ لما يدخل المق*ابر وأعصابى بتتعب
#الكاتبة_نورهان_زكي_الجبروني
الخالة : عليا أنا برضو الكلام دا ؟! .. أنا وانتى عارفين كويس إنك مش عارفة تواجهي حسن الله يرحمه ولا تقضى قدامه حتى وهو م*يت ، بإيدك تروحيله تزوريه وتكلمى معاه وتشرحيله كل حاجة أحسن ما هو أكيد عارف وغضبان عليكى ومش هيسامحك
أبدا لو محاولتيش
- الأم : بقولك إيه يامها ، أنا اللى فيا مكفينى والله ومحدش حاسس بیا ولا بكم الخراب اللي جوايا بقالى سنين
مها .. أنا حياتى من أولها بايظة أساسا وكل حاجة كانت عكس رغبتى ، أنا مخترتش أعيش حزينة ولا ذليلة لحد ولا عمری اخترت حاجة وجت صح دايما اختياراتى بتقلب كوارث..حياتى بقا ونصيبى هعمل إيه ؟؟ . ثم انهارت فى البكاء
- الخالة : حقك عليا يا حبيبتى مقصدش والله أنا عايزة مصلحتك
بس اهدى دموعك غالية عليا والله ... ثم احتضنتها
بينما إسراء فى غرفتها مستلقية على سريرها وتُحدق بسقف الغرفة وهى فى حالة من الصدمة ، يدور بيالها ألف سؤال لا تعرف له إجابة .
وبينما كانت تفكر حدثت نفسها قائلة : أي أخت ؟؟
أبى كان دوماً يقول أني وحيدته ، لم يقل يوماً أن لى أختاً !
إذا ماذا تقصد أمى ؟ ومن الذى يمنعها من رؤية أختى إن
كان ذلك صحيحاً ؟ أنا لا أفهم شيئاً .
#الكاتبة_نورهان_زكي_الجبروني
مفيش غير نسمة اللي ممكن تساعدنى ، أنا محتاجة أحكيلها.
- ثم أمسكت بهاتفها واتصلت بصديقتها نسمة..
- نسمة : إيه يا حبيبتى عاملة إيه ؟
- اسراء (بنبرة صوت حزينة) : الحمد لله ...
- نسمة: لا صوتك ميطمنش خالص - مالك يا بنتى؟
- اسراء ( بدأت فى البكاء) ثم قالت : أنا مختوقة أوى يا نسمة ، فى
حاجة حصلت صدمتنى لازم أحكيلك ، محتاجة أشوفك ضرورى ...
نسمة : انتى بتعيطى يا إسراء ؟ مالك يا حبيبتى بس ايه اللى حصل؟
- اسراء : مش هينفع نتكلم فى الموبايل، نتقابل بكرا وأحكيلك
- نسمة : ماشى يا حبيبتى، بإذن الله .. خلى بالك من نفسك
. سلام
- وفى صباح اليوم التالى استيقظ إسراء بعد ليلة كاملة من
التفكير والحيرة وذهبت لتقابل نسمة فى منزلها
نسمة : أهلا يا حبيبتى ، تعالى اتفضلى...
ثم جلسا .. وبدأت نسمة الحديث : إيه يا إسراء خضتيني عليكى.
مالك يا روحى ؟
إسراء بحزن : والله يانسمة سمعت حاجة غربية امبارح لحد الآن
مش مصدقاها وحاسة إنى فى حلم .
نسمة : لا إله إلا الله ... خير يا حبيبتى احكيلي ..
ثم حكت لها إسراء ما حدث الليلة الماضية وما سمعته من حديث والدتها وخالتها .
#الكاتبة_نورهان_زكي_الجبروني
نسمة بصدمة : ايه ؟!!.. يعنى ايه أختك ؟!!
إسراء : مش عارفة والله يانسمة بس تفتكرى لو بجد ليه أنا وهى
مش مع بعض دلوقت؟
نسمة : ما انتى سمعتى أهو يا إسراء إن فى واحد مانع مامتك
تشوف بنتها اللى هى بنته فى نفس الوقت ،
بس ازاى هى والدتك متجوزة ؟!! - يعنى ممكن تكون اتجوزت حد تانى مثلا
بعد والدك .. أو .. أو قبل ما تعرفه أصلاً ! .. طب ولو اتجوزت
فعلاً تهديدات إيه بقا الموضوع غريب بجد!
إسراء : لا لا أمي متجوز تش غير أبويا ومن يوم ما اتوف*ى وهى معايا ، وبرضو مستحيل تكون اتجوزت قبله ، دى متجوزة بابا الله يرحمه وهى عندها ١٧ سنة يعنى كانت صغيرة وكانت أول جوازة ليها .
نسمة : مش عارفة بس فى لغز مش مفهوم في الموضوع ، طب. والدك قبل ما يمو*ت كان بيتعامل مع والدتك كويس ؟ يعنى كان بينهم أى خلاف ؟
إسراء: لا خالص .. بس أنا كنت بشوف دائما ان بابا كان الأحن وكان بيقدم كل حاجة حلوة عشانها وعمره ماجر*حها بس ماما كانت دايما مش بتبادله نفس الشعور ، كنت بحس أوقات ان فى حاجة منعاها تحب بابا، رغم إنها كانت كويسة معاه لكن بالنسبة لكل اللى عمله فهى معملتش حاجة تقريباً.
#الكاتبة_نورهان_زكي_الجبروني
ثم تابعت حديثها قائلة: أنا مش عارفة ليه مدخلتش وقتها وواجهت أمي وخالتى وقولتلهم إنى سمعت ، يمكن كان حد يوضحلي بدل الحيرة والخوف والقلق اللى أنا فيه دلوقت .
نسمة : لا لا يا إسراء مكانش ينفع تواجهي أبداً لأن طبيعي كانوا هينكروا ، انتى لازم تسألي حد تانى حد يكون قريب من والدتك بس مش خالتك ..
قوليلى ، هى أمك معندهاش أصدقاء أو صديقة واحدة قريبة منها ؟
- إسراء : لا .. اللي أعرفه إن ماما محددة علاقاتها بالناس من زمان مش بتطمن لأى حد كدا انها تحكيله ، معرفش غير طنط فاطمة كانت أقرب صاحبة ليها وكانت ماما بتحبها جدا بس بقالهم فترة وهم بعاد عن بعض ومش بيتكلموا زى الأول .
- نسمة : خلاص مستنية إيه ، أكيد طنط فاطمة دى تعرف عن ماضي والدتك شوية، لازم تروحيلها وتكلمى معاها وتطمني
- إسراء : ماشى بس فى مشكلة ، أنا مش معايا رقمها ولا حاجة
هوصلها إزاي ؟؟
نسمة : أنا هخلى ماما تجيبلك الرقم بطريقتها متقلقيش خالص
و بعد يوم..
- نسمة: أنا هبعتلك الرقم يا سوسو وادعيلي
- إسراء : متحرمش منك يا نسومة بجد
- ألووو سلام عليكم .. ازيك يا طنط فاطمة عاملة إيه ؟
#الكاتبة_نورهان_زكي_الجبروني
- فاطمة : الحمد لله مين معايا ؟
إسراء : كنت عايزة حضرتك فى خدمة بس مش هينفع فى التليفون
ممكن توصفيلى العنوان أجبلك البيت؟
- فاطمة : تحت أمرك يا حبيبتى بس خير ان شاء الله
اسراء : خير ان شاء الله متقلقيش لما آجى هحكيلك
- ثم وصفت لها فاطمة العنوان، فذهبت اليها دون علم أمها.
- فاطمة : تعالى يا حبيبتى اتفضلى .. إيه دا شكلك مش غریب عليا ، انتى مين ؟
- إسراء : أنا إسراء حسن عبد الغفار بنت منال صاحبتك .
فاكراها؟
- فاطمة : آه ازيك يا إسراء ، ما شاء الله كبرتى خالص وبقيتى عروسة آخر مرة شايفاكى وانتى صغيرة أوى.. منال !؟ ( ثم تنهدت وتابعت حديثها ) ما خلاص بقى مبقيناش صحاب زى الأول ، كل واحدة راحت لحالها
- إسراء: ليه زعلتوا من بعض وبطلتها تتكلموا زى الأول ؟!
- فاطمة : حبيبتى أنا عمرى ما كنت هبعد عنها هي اللى اختارت .
لما رفضت تسمعنى وشافت أن نصيحتى ليها تَحكُّم !
- إسراء : مش فاهمة نصيحة إيه ؟ وهوا ايه اللى حصل بينكم ؟
- فاطمة ، يصى يا حبيبتى أيًّا كان اللى حصل مينفعش اتكلم فى
حاجات كانت سر بيننا في يوم .
#الكاتبة_نورهان_زكي_الجبروني
- إسراء : لا مقصدش ، بس عاوزاكي تقوليلي أمي كانت تعرف حد غير أبويا ؟ .. حتى لو مجرد معرفة ، أرجوكي أنا واقعة فى مشكلة ومحدش غيرك هيساعدنى .
وظلت فاطمة مصرة على الإنكار بدافع كتمان السر ولكن بعد اقناع
إسراء لها وافقت وبدأت الحديث .
- فاطمة : هحكيلك يا بنتى ، لكن اوعدينى محدش يعرف الكلام دا؛ لأن
أمك كنت يعتبرها أحتى فى يوم مرضاش ليها الأذى.
-إسراء: متقلقيش أوعدك.
كل اللي أعرفه إن أمك زمان كانت بنت جميلة وبسيطة وروحها حلوة ، لكن جدك كان شديد عليها جدًا وجدتك اتوفت وأمك صغيرة خالص...
منال كانت بتترعب من أبوها لأنه كان دايما عصبى وعلى أتفه الأسباب ، كان ليها عم على خلافات مع أخوه (جدك ) وابنه الكبير (خالد) كان بيحب أمك من زمان أوى وكان مغرم بيها ، أمك حيته من ورا أبوها ومحدش كان يعرف .. وكانت ناوية إنها هتبقى مراته فى يوم بس الخلافات تخلص وخالد يطلبها من عمه ،
لكن مر الوقت فجأه والوضع اتغير، وفى يوم لقت أبوها جايبلها عريس ومصمم عليه .. العريس دا هو ابوکی یا إسراء (حسن) كان راجل محترم و مقتدر ماديا وحالته كويسة جدا ، وجدك ما صدق لقاه ووافق علطول..
وقال لأمك أهو ينجيكى من الفقر اللى احنافيه، وغصب عليها، وأقسم إنها لو رجعه فى يوم غضبانة أو متطل*قة هيدف*نها ح*ية !!
#الكاتبة_نورهان_زكي_الجبروني
أمك اضطرات تتجوز حسن لأجل خوفها من أبوها، وعاشوا مع بعض أول سنة مكانوش متفقين لكن أبوكى كان متفهم جدا إنها لسه صغيرة ، مكنش بيزعلها وكان دايما بيحاول يرضيها وبس -- لحد ما فى يوم قالها انه مسافر فى شغل برا مصر و كلها سنة ويرجع .. ويادوب سافر جدك م**ات!
سنة ورا سنة ولسه مرجعش وأمك وحيدة فى البيت ، كنت دايما بروح أقعد معاها من وقت للثانى، لحد ما في يوم لقيتها بتقولى خالد مش مبطل يكلمنى ولسه شاريني وعايزنى وأنا مش هقضى عمرى كله حزينة كدا ووحيدة كفاية أبويا غصبنى على واحد سابنى وط*فش ، أنا وخالد هنتجوز
- رديت عليها بصدمة : انتى مجنونة يا منال ، جواز إيه ؟!!
مينفعش يا بنتى اعقلى وفكري، كدا هتبقى خاصية لجوزك !
- وبرضو مهما حاولت كلامى مفرقش معاها خالص وعملت اللى فى دماغها واتجوزت خالد، كان بيقابلها فى شقة أبوهاالله يرحمه ، لأن مكنش حيلته فلوس ولا شقة بس كان بيحبها...
كنت دايما بنصحها تبطل بقا وتبعد وكان عنيدة ومسمعتش الكلام ، وانقطعت أخبار أمك عني ومسمعتش عنها حاجة..
لحد ما ابوكي رجع في يوم من السفر بعد غياب ٨ سنين وكانت مفاجأة للكل ،
أمك طبعا رجعت عاشت مع ابوكي وكانت خايفه لأحسن يعرف حاجه وعدى ٣ شهور على رجوعه وأمك حملت وروحت اتطمن عليها كنت فاكرة إنها قطعت كل حاجة بينها وبين خالد أتاريهم لسه بيتقابلوا من ورا أبوكي وهو في الشغل زعقت فيها جامد وقولتلها: ح*رام عليكي بقا يا منال !! اتقي الله في جوزك واعقلي شوية أنا خايفة عليكي .. زعلت من كلامي وقاطعتتي فترة ورجعت تاني ولما عرفت من برا إنها خلفت من خالد بنت برضو روحتلها وزعقت فيها جامد ومتقبلتش كلامي وطر*دتني!
إسراء بصدمة : يعنى ايييييه ؟ .. أنا ممكن أكون بنت خالدد!!