نورهان ذكى
وجدت إسراء والدتها تقف أمامها غاضبة بشدة.. فتوترت ثم ذهبت إليها، وفجأة أمسكتها والدتها من شعرها وسحبتها بقوة !!
فصرخت إسراء : ياماما .. سيبيني يا ماما !! -- سيبينى !!!
. ونسمة تركض من خلفها مسرعة وتحاول تهدأتها يا طنط اهدى وسيبيها هفهمك كل حاجة والله ... يا طنط اهدى و النبى !
- أما والدة إسراء فلم تنطق بكلمة واحدة حتى وصلوا المنزل ..
- الأم : أنا عايزة أعرف ازاى تروحى بيت شاب وتدخلى وتقعدى معاه ؟ از اى سمحتى لنفسك بكدا ؟؟ يا قليلة الحياء أنا معرفتش أربيكي .. والله العظيم يا إسراء لأربيكى من أول وجديد عشان الله حصل دا مش هيعدى بسهولة ..!
- فقاطعت نسمة حديثها وقالت : يا طنط والله حضرتك فاهمة غلط ، إسراء مظلومة أنا كنت معاها و الله محصلش حاجة ...
ولسه هتكمل نسمة كلامها .. فجأة صرخت الأم بها : وانتى بقى ياصاحبة العمر يا جدعة يا محترمة كفاية أوى لحد كدا .. مش عايزة أشوفك تانى ولا يكون ليكى أى علاقة بإسراء...
اطلعى برااا .. !!
- فانفطر قلب نسمة ونظرت الإسراء فى صدمة وانهارت من البكاء وخرجت من المنزل مسرعة !
- حاولت إسراء اللحاق بها وصرخت بأعلى صوت: نسمة!
ولكن سرعان ما جذبتها والدتها نحوها بقوة وصرخت بها لتكف عن الصراخ.
- إسراء بنبرة صوت حزينة يملؤها الغضب : انتى عاوزة منى إيه ؟
سيبنى فى حالى ... أنا عمرى ما كنت خاي*نة زيك !
#الكاتبة_نورهان_زكي_الجبروني
وفجأة وبدون أى مقدمات .. ضربتها الأم بالقلم على وشها وصرخت بها:
اخرسي يا حيوانة! - - مسمعش صوتك
- إسراء بأعلى صوت عندها: انتى بتضربينيي؟.. هوا أنا الغلطانة دلوقت؟
أنا والله ما هسكت مهما عملتى وها خد حق أبويا وكرامته اللى بقت فى الأرض .. والله أبويا خسارة فيكى ، حسبي الله ونعم الوكيل
- وفجأة مسكتها الأم من شعرها بكل غضب وسحبتها على الأرض ودخلتها الأوضة وحبستها .. وقالت بغضب : بتتحديني يا إسراء ؟
طب والله لأوريكى يا إسراء وهعرفك أنا مين عشان تتكلمى معايا كدا !
- مشيت الأم وفضلت إسراء تصرخ بكل قوتها : طلعينى .. والله ما هسيبك ، وهجيب حق بابا !!
- ومر الوقت على نفس الوضع .. وإسراء لا تكف عن البكاء والصراخ.
وفى يوم .. إسراء لقت باب الأوضة بيفتح ، وكانت خالتها .. فاعتقدت إنها جايبالها أكل زى كل مرة ، لكن المرة دى خالتها كانت داخلة بهدوء وبتتلفت يمين وشمال وقالت بصوت هادئ : إسراء ،
قومى يا حبيبتى .. تعالى ، اخرجى أنا هفتحلك الباب أمك خرجت
متقلقيش ، .. نزلت إسراء من سريرها بدون كلام . قربت منها خالتها وقالت لها : حبيبتى أنا مش عاوزاكى تزعلى منى غصب عني والله لكن مقدرش أشرحلك حاجة دلوقت ، روحى لنسمة أنا حكيت لها على كل حاجة بس اتحركي بسرعة قبل ما أمك ترجع ....!.
- إسراء بحزن : هعرف إيه تانى أصعب من اللي عرفته يا خالتو ؟
فى أصعب من إنى اكتشف إن أمى خانت أعظم وأحب راجل فى الدنيا
وغير كدا دا كمان بابا !!..
- فقاطعت الخالة حديثها قائلة: إسراء حبيبق أنا عاوزاكى تسامحينى على أى حاجة حبيتها عنك ، لكن والله العظيم أنا كنت فاهمة غلط وخايفة عليكى .. صدقيني لما عرفت الحقيقة أنا متردد تش لحظة إن أصلح غلطى وانتى دلوقت أهم من أختى لأنها غلطت وحقها تتعاقب وهجيبلك حقك منها وهبقى معاكى يا حبيبتى
- امتلأت عيون إسراء بالدموع ، وسألت خالتها : طب هى فين دلوقت ؟ ولو رجعت وملقتنيش منا كدا هعملك مشكلة.
#الكاتبة_نورهان_زكي_الجبروني
- الخالة : لا متقلقيش أنا ظبطت كل حاجة قومى بس بسرعة روحى لنسمة وهى هتشرحلك كل حاجة .. بس قبل ما تمشى فى حاجة لازم تعمليها .. واتفقوا إن إسراء هتسيب رسالة لأمها .. توضح فيها انها هربت
ورايحة لسكة القطار وهتن*تحر !! لأنها تعبت من الدنيا كلها وحاسة بالذنب تجاه والدها فقررت تروحله فبالتالى أمها هتفتكرها مات*ت ومش هتفكر فى حاجة تانية ... وبالفعل نفذوا الخطة وإسراء وصلت لنسمة ، إسراء كانت محرجة جدا من نسمة بسبب اللى أمها عملته معاها آخر مرة.. لكن نسمة أول ما شافت إسراء رحبت بيها جدا وحضنتها بقوة ودخلوا وإسراء وكلها شغف تعرف إيه اللى خالتها قالته لنسمة مهم للدرجة دى
- إسراء : ها يانسمة احكيلى بسرعة أرجوكى
- نسمة : حاضر .. من كام يوم أحمد اتصل بيا وقال إنه عرف كارثة !!
بس أرجوكى يا إسراء حاولى تتمالكى أعصابك عما أحكيلك
- إسراء عيونها دمعت وهزت رأسها بالموافقة.
- فتابعت نسمة : أحمد اكتشف إيه السر الخطير اللى بين أبوه وأمك !
إسراء بلهفة : اي هوا؟؟؟
نسمة:هوا والدك اتوفى ازاى ؟؟
- صدمت إسراء وظهر الخوف والقلق على وجهها وقالت ، مما انتى عارفة يانسمة إنى مبحبش أفتكر اليوم دا ! .. وزادت الدموع بعينها وبدأت تحكى لنسمة ما حدث ...
" # فلاش باك #
الساعة السابعة صباحا..
إسراء: صباح الخير يا بابا ، انت نازل الشغل النهاردة ؟
- :الاب صباح النور يا حبيبة بابا ، آه يا حبيبتى نازل إن شاء الله
أومال ماما فين ؟
- إسراء :- مش عارفة بس قالت إنها رايحة لخالتو عشان تعبانة.
- الأب : ياه بدرى كدا ؟ .. طب تعالى يلا نفطر سوا وانتى تروحى مدرستك وأنا شغلى ، يلا عشان أوصلك فى طريقى .
وبالفعل انطلق الأب بسيارته ومعه ابنته إسراء وودعها أمام المدرسة بعناق شديد وعندما انتهت إسراء من يومها الدراسي ، خرجت من المدرسة فلم تجد والدها بانتظارها كما وعدها !
فسارت إلى المنزل على قدميها .. ولكن لفت انتباهها حشد كبير من الناس أمام المنزل وصوت الصراخ يعلوا المكان !!!
فأسرعت إسراء للداخل وعلمت أن والدها قد رحل !! .. وعندما سألت عن ما حدث له ... سمعت والدتها تحكي لصديقاتها .. قائلة : حسن عمل حادثة بعربيه وهوا راجع من الشغل ، العربية انفجرت بيه وولعت !! ..
بصراحة يانسمة دا كل الله أعرفه عن اللي حصل لبابا
نسمة أخدت نفس عميق وقالت ، بصى يا إسراء ، أحمد كان اتصل بيا من يوم وقالى انه دور ورا أبوه لحد ما عرف إن هوا اللى ق*تل أبوكى !!
إسراء بصدمة : إيه ؟!! يعنى ايه ق*تله انتى بتقولى إيه ؟؟
#الكاتبة_نورهان_زكي_الجبروني
- نسمة : اهدى ، أنا اتصدمت زيك والله ومكنتش مصدقة برضو إن الكلام دا حقيقي - أبوه كان شغال مع والدك
لكن هو فى نفس الشركة وكانوا أصدقاء ، والدك كان بيحبه ومآمنله لأنه قريب مراته وصاحبه من زمان .. لكن خالد كان جواه كمية حقد من ناحية والدك بسبب حاجات كتير، أهمها : إنه كان صاحبه وأخد منه حبيبته الل مكانش والدك يعرف أبدا إنه بيحبها !
شاف إنه محفوظ عنه فى كل حاجة ، فقرر ينتقم منه ويخلص منه ! .. وفى اليوم دا خرج خالد قبل والدك وقطع سلك الفرامل بتاع عربية والدك فبالتالى عمل الحادثة الفظيعة دى !
- إسراء مصدومة ومنهارة من اللى بتسمعه ، لحد ما سمعت الصدمة الأكبر!
فتابعت نسمة : واللي عرفته كمان يا إسراء إن والدتك اللي اتفقت مع خالد يمو*ته!!
صرخت إسراء..: ايييه انتي بتقولي ايه يعني خاي*نة وقات*لة ؟؟ طب ازاااي .. ازااي بجد عايشة وسطنا كل دا كدا عااادي ازاي ؟؟؟؟
كانت بتنام كل يوم جمبه وهي بتكرهه كدا طب ضميرها فيين مأنبهاش لحظة ؟؟ كانت بتنام مرتاحه ازاااي؟؟
حسبي الله ونعم الوكيل.. قسما برب العزة ما هسيبها !!
نسمة حضنتها وحاولت تهديها: إسراء مش هينفع اللي بتعمليه دا كفااية اهدي لازم تهدي ونفكر المرة دي نتصرف صح ازاي؟ .. لاازم..
إسراء فجأة قطعت كلام نسمة وقالت: خالتي كانت عارفة يا نسمة؟! .. عارفة إن أختها قات*لة؟!!
نسمة : كنت لسه هقولك .. اول ما عرفت الكلام دا علطول فكرت اني لازم اقابلها واقولها واشوف ازاي تسكت على دا..
روحتلها وحكيت لها وقولتلها إن مامتك طردتني .. وقولتلها انا عرفت كذا كذا
اتصدمت جدا وقالت إنها متعرفش غير مني وحلفت بكدا .
#الكاتبة_نورهان_زكي_الجبروني
كنت متلغبطة اوي وطلبت منها تساعدني واللي شجعني لما لقيت عندها استعداد تعاقب أختها وأخيرا شافتها ظالمة ومذنبة
اول حاجه اتفقنا نخرجك ونبقى سوا ونخطط مع بعض
إسراء بغضب : نخطط اييه دي واحدة قا*تلة وخا*ينة دي تستحق الش*نق!!
نسمة: إسراء يا حبيبتي الموضوع مش بالبساطة دي لازم دليل أو أي حاجه نقدر نثبت بيها التهمة عليهم.
اصل المحكمة مش هتحكم بالإعد*ام من مجرد كلام كدا.
اهدي بقا خلينا نفكر بعقل شوية .
اول حاجه لازم نقابل احمد دلوقت ..
ف اتصلوا بأحمد وجابوه واتجمعوا سوا ف كافيه وبدأوا يتكلموا ..
إسراء: أحمد أنا عايزة أشوف أختي بقا.
أنا لازم اخدها ، مش هقدر أسيبها مع واحد مريض زي دا..
أحمد وعدها انه هيخليها تشوفها لكن في الوقت المناسب وقال ان بقاله فترة متخانق مع والده بسبب اللي حصل واكتشف انه هوا اللي كلم أم إسراء وقالها بنتك هنا ..
طلع فاهم وراسي على كل حاجة وعرف اللي وصلوله.
أحمد مشي من البيت لكن كان موجود في نفس الوقت..!
اخترق تليفون أبوه عشان يراقب كل مكالماته صديقه " عمار " بيفهم ف الهاكينج ( الاختراق ) وقرر يساعده ومش بس كدا زرع جهاز تسجيل في غرفة والده.
وبكدا يقدر يجمع كل المعلومات اللي عاوزها..
والمفاجأة إن خالد طلع مجنون بيكلم نفسه وبيقول كل حاجة في حواراته المجنونة دي..!
كان كلامه مع نفسه يدل انه عاوز كل حاجة لنفسه لكن مكنش معترف ب دا.
#الكاتبة_نورهان_زكي_الجبروني
أحمد شاف وسمع كتيير ومكنش متخيل ان فعلا والده هيطلع مريض نفسي وحالته خطر اوي كدا !
كانت صدمة بالنسباله انه يبقى ابن قات*ل ومريض .. لكنه فضل يتابع والده على أمل انه يطلع منه بأكبر قدر من المعلومات المسجلة وكمان بدأ يفكر في خطط جديدة يهزم بيها والده نهائيا!!
عادت الأم للمنزل ولحقت بها أختها فلم تجد إسراء فصدمت وبحثت عنها في كل أرجاء المنزل فلم تجد لها أي أثر !!
ثم دخلت غرفتها تفتش في أغراضها فإذ بها ترى رسالة على مكتبها تخبرها أنها ستن*تحر !!
فأسرعت تركض وتصرخ : مهاااااا.. الحقينييييي!!
الخالة( بابتسامة باردة ) : في ايه؟
الأم ( وقد بدى عليها البكاء المصطنع المبالغ فيه ) : بنتي يا مهاااا بنتيييي !! هتم*وت نفسهااا .. آآآآآآه
الخالة ضحكت بسخرية وقالت : وانتي من امتى بيفرق معاكي المو*ت؟؟!
الأم بصدمة: ايه ؟؟ انتي بتقولي ايه؟؟
الخالة بعصبية : زي ما سمعتي يا منال .. من امتى بيفرق معاكي من يمو*ت ومين يعيش طول عمرك مش بيهمك غير نفسك وبس طول عمرك أنانية وحقودة يا بنت أبويا!
منال: ءااا.. انتي بتقولي ايه يا مها مالك؟؟
مها: مكنتش أعرف ان أختي وصاحبة عمري وأكتر حد بحبه في حياتي يطلع بالبشاعة دي !! .. يعني خاي*نة وكمان قات*لة قت*لتي حسن لييييه يا منال أذاكي في ايه وأنا اللي عمالة أساعدك واقول اختي ولازم أقف جمبك واجيبلك حقك من الحيوان الل ظلمك خالد حبيب القلب يا ست هانم يا محترمة !!
صرخت منال في وجه أختها بعصبية وقالت : اييييه ؟؟ أنا معملتش حاجة وبعدين جبتي الكلام دا منين؟؟ أنا حكيتلك على كل حاجة بطلوا ظلم وافتراء بقااا
مها بعصبية : ظلم يا جا*حدة حرام عليكي يا شيخة منك لله وبنتك لو جرالها حاجة ذنبها في رقبتك يا منال حسبي الله ونعم الوكيل فيكييي..
ثم غادرت وتركتها...
وتمر الأيام وإسراء غايبة عن بيتها وأمها متعرفش عنها حاجة وألف فكرة في دماغها إنها تنقذ نفسها من المصيبة اللي هي فيها حاسة إنها خلاص هتقع كل حبايبها بيتخلوا عنها واحد ورا التاني فجأة حتى أختها سابتها !!
بتكلم نفسها : إيه يا منال؟ .. الدايرة عمالة تضيق حواليكي والحوار قلب جد مبقاش في وقت لازم تفوقي وتفكري هتعملي ايه؟ لو كل حاجه انكشفت هضيع لازم ألحق نفسي في أقرب وقت!.. يقاطع حديثها مع نفسها رنة تليفونها..
لسه بتقول ألوو..
سمعت صريخ رهييييب وبكاااء وأختها بتقولها : بنتك ما*تت يا منال !! منك لله ربنا ينتقم منك يا ظالمة !!
منال بكسرة وصوت مهزوز اوي: مين فيهم؟؟؟...