بقلم يارا محمد
حذيفه
مش غريبه عليكي طول عمرك بتحبي الاذي لغيرك يا تاليا تعرفي انا هعمل كل جهدي علشان اخلي اواب يحب ملك وهخليها تبقي ست البيت ده و انتي هتكوني مجرد هامش ف حياة اواب .
تاليا بغضب
ده علي جثتي انا ارميها ف الشارع قبل هي ما تفكر تلعب من ورايا وخالفت اتفاقنا ساعتنها هما الاتنين وانت هتكونوا ميتين .
حذيفه بتحدي
هي معاها تسع شهور يا تاليا بوعدك لو اواب مش حب ملك انا هسيب البيت و ارجع اسبانيا من غير ما تشوفوني ف حياتكم تاني لكن لو انا كسبت التحدي ده انتي مش هتكوني هنا ها موافقه .
تاليا بدون تفكير
موافقه وبعدين اظن انك خسران يا حذيفه الموضوع بينهم واصل لدرجه وحشه اوي .
أما ف غرفه ملك اواب دخلها بعصبيه وهي وقفت ف نص الاوضه مستنياه يهدي شويه .
اواب بعصبيه
تاني مرة اشوفك بتضحكي مع حذيفه تاني مش هتشوفي خير .
ملك بهدوء
ممكن تهدي بلاش عصبيه انا مش عايزة العلاقه بينا متوترة بالشكل ده انا عارفه انك بتكرهني واني مجرد رحم بديل لكن خلينا ع الأقل نكون صحاب ف الفترة دي تحديدا متخليش عصبيتك تسيطر وكمان اللي تحت بيكون اخوك يعني ده اللي باقيلك لو حصل ليك حاجه صلح علاقتكم المشروخه يا اواب هترتاح .
حذيفه
سامعه مفيش غير الهدوء تعالي معايا نشوف بيعملوا ايه .
ملك
ها قولت ايه يا اواب موافق نكون صحاب لتسع شهور .
اواب بعد ما كان عصبي هدي شويه و قرر يدي نفسه فرصه معاها و يمكن تكون حنينه عليه مش زي تاليا .
اواب
موافق يا ملك احنا محتاجين فعلا نرتب امورنا .
ملك حضنته بابتسامه و هدوء وقالت بهزار
و ده حضن مني ع انك شطور و بتسمع الكلام .
ف لحظه بدون تفكير حضنها هو كمان وشدد ع الحضن وكله تحت نظرات تاليا اللي كانت موجوعه و غيرانه و حذيفه اللي مبسوط ليهم
و بيتمني اللي ف دماغه يتحقق ويقدر اواب يحبها .
أما اواب طلعها بالعافيه من حضنه وبصلها بصه مطوله وخطف منها قبله زوجيه ف لحظه عابرة أما تاليا شهقت والدموع غرقت وشها وراحت غرفتها وبكت بقهر حذيفه سابهم بهدوء و محدش حس بيه
أما اواب بعد عنها وبصلها ولاحظ عيونها العسلي و ابتسم ليها
انا مش ندمان ع اللي حصل بينا دلوقتي صدقيني انا هعتبرك صحبتي انا مشاعري متلخبطه يا ملك مش عارف احدد الصح عن اذنك .
قبل ما يمشي لاحظ الكروشيه اللي عملته متقطع .
اواب
ايه اللي القماش المقطوع ده .
ملك
بصراحه يعني أنا بحب اعمل كروشيه وعملت واحد باسم البيبي الاسم اللي بحبه لكن تاليا شافته وقطعته و قالت لي انها هي اللي ليها حق أنها تسميه مش انا .
اواب بهدوء
وانتي كنتي عايزة تسميه ايه
ملك بدون تفكير و فرحه حقيقيه
عمير أو معاويه بحب الاسمين دول اوي بصراحه بتمني يكونوا توام و اسمي الاسمين دول تعرف لو مت هكون فرحانه اني اسميهم و اموت بسلام .
اواب قرب منها وكتم كلامها .
انا مش هقدر اعيش من غيرك ابدا اولدي انتي و هنسمي الاسامي ع ذوقك أنا ماشي دلوقتي .
اواب خرج قبل ما يضعف قدامها وراح غرفته لقي تاليا بهدومها .
اواب
انتي رجعتي امتي يا حبيبي .
تاليا بصتله من غير تصديق و ردت بدون نفس
من خمس دقائق انت عملت ايه مع البنت دي .
اواب بكدب
ضربتها لو كنتي قدمتي كنتي بتلاقيني ببهدلها متخافيش انا مسيطر عليها .
تاليا كشفت كدبه هي اه مش بتحبه بس مش عايزة حد ياخد حاجه بتاعتها و اواب لازم تبقي مسيطرة عليه للآخر قربت منه بهدوء .
تاليا بهمس
تعرف انك واحشني اوي يا اواب نفسي نكون مع بعض .
اواب بعد عنها
مش وقته يا تاليا انا حاليا هتبقي مشغول ف التسليم بكرة عن اذنك هنام.
سابها و راح ياخد شاور وهي حست بفتور بينهم ومش بقي يحبها غفلت مكانها .
رزعت الباب عليها وكانت بتكمل ف كروشيه جديد .
تاليا بزعيق
انا قولتلك انك مالكيش حق ف البيبي ده فاهمه متعمليش القرف ده تاني وجوزي تبعدي عنه انتي مجرد غرض و هنرميكي .
ملك
انتي اللي هتكوني برة مش انا يا تاليا فاهمه لاني قررت اني اكون ست البيت ده زوجه ل اواب و ام أولاده الي انتي مش قدرتي تخلفيهم وهو بيحبني انسي كل حاجه هتبقي ليا هنا .
تاليا بغضب مسكتها وكانت هتصريها بس ملك كانت اقوي منها وحصلت بينهم خناقه ووقعت ملك تاليا من ع السلم وهي قامت مفزوعه .
تاليا
لا لا مش هخليها تعمل كده لا لازم اضحي بالولد ده خلاص مش هخليها هنا لغايه مايحصل اللي حصل ف الكابوس دلوقتي .
اواب مش كان ف سريره ف عرفت انه راح التسليم هي قامت وعملت اكل ليها وحطت فيه حاجه وراحت ليها خبطت ودخلت لقتها بتعمل نفس الكروشيه .
تاليا
انا جبت ليكي اكل اعتذارا مني ع كلامي معاكي .
ملك
شكرا ليكي تعبتي نفسك أو اتعبي لانك هتبقي الخدامه بتاعتي بعدين .
تاليا
افندم .
ملك ......
الفصل الثاني عشر من هنا