بقلم نهله أيمن
عدى يومين...وادهم بيدور على نور بجنون...ومش عارف يوصل لحاجه...
ادهم بغضب
_ يعني ايه مش لاقي حاجه يا مرااد يعنى ايه ؟
مراد بيحاول يهديه
_ يا ادهم افهمنى انا عملت كل اللى اقدر عليه وبعت ناس يراقبو اللى اسمه عثمان ده لما عرفت انه ف القاهره...
ادهم بجنون
_ يومين يا مراد يومين وانتو مش عارفين توصلو لحاجه !
_ نعمل ايه يا ادهم ؟ والله انا عملت كل اللى اقدر عليه بس موصلتش لحاجه وكمان معاد التسليم انهارده !
ادهم اتنهدت بتعب بقالو يومين بيدور ومش عارف يلاقيها...
_ انتى فين يا نور....انا تعبت مش عارف الاقيكى..
*****************
عند نور كانت نايمه فى الارض بضعف وبتنادى على حد...
_ عايزه ماايه...حد سامعنى حرام عليكو...
الباب اتفتح ودخل منه شخص
_ نور..
نور بصت للشخص ده وقالت
_ سيف !
سيف راح ليها قومها وجابلها مايه واكل..
_ احسن دلوقتى ؟
_ الحمدلله ...ثم قالت بدموع
_ سيف خرجنى من هنا انا عايزه اخرج
سيف بهدوء
^اهدى ي نور انا دلوقتى مش هعرف اخرجك بس اوعدك هعمل كل اللى اقدر عليه عشان اخرجك...
نور هزت راسها بدموع
_ بس المهم متقوليش لحد انى جيت هنا عثمان لو عرف هيقوم الدنيا فهمانى
_ حاضر مش هقول حاجه..
سيف قام وكان خارج
نور ندهت عليه بسرعه
_ سيف
_ نعم !
نور جت تقوم وقعت تانى وصرخت بصوت عالى..
_ اااه
سيف جرى عليها
_ نور مالك فى ايه ؟
نور بألم
_ انا كويسه...عيزاك بس تروح مديريه الامن وتسأل عن واحد اسمه مراد الالفى وتقوله مكانى فين بس متقولش انت مين سامع..
_ حاضر..اوعدك هخرجك انهارده..
_ شكرا يا سيف..اللى حصل زمان بيتكرر تانى بجد شكرا
_ شكرا على ايه انتى اختى يا هبله..
_ صح حبيبه كويسه؟
سيف بحزن
_ ايوا كويسه المهم دلوقتى انا همشى...وابقى اجيلك تانى اخرجك
_ ماشى..
سيف سابها وخرج..وهى قعدت ورجع ليها شويه امل انها تخرج من هنا قبل ما عثمان يجي تانى ....
&&&&&&&&&&&&&&&
عند * سالم عمران *
_ عبده..انت يا زفت
^ ايوا يا معلم
_ الحاجه جاهزه ؟
_ ايوا يا معلم كل حاجه جاهزه ومستنين بس اوامرك
_طيب يلااا امشى جهز الرجاله واننا هنتحرك دلوقتى
_ امرك يا باشا...
عبده خرج ..اما سالم مسك تليفونه ورن على حد
_ كل حاجه جاهزه وانا هتحرك دلوقتى
الطرف التانى
_. تمام وانا هخلص مصلحه اكده وهحصلك...
_ تمام...
قفل معاه وخرج واتجهو لمكان تسليم الشحنه ...
^فى مديريه الامن^
كان مراد بيتكلم مع اللوا...
_ يا فندم المعلومات اللى جتلنا كانت مجرد تمويه..
_ يعنى ايه يا سياده المقدم ؟
_ يعنى يا فندم الشحنه هتتسلم برى مش بحرى
_ معلوماتك مؤكده المره دي ولا...
_ ايوا يا فندم الجاسوس اللى لينا عند سالم عمران لسه جاي منه خبر دلوقتى وانهم اتحركو...
_ يبقى توكل على الله وخد القوات واتحرك حالا..
_ تمام يا فندم..عن اذنك
_ اتفضل..
مراد خرج من مكتب اللوا لقى واحد من الظباط بينادى عليه
_ مراد بيه
_ نعم يا اشرف ؟
_ فى واحد فى مكتب حضرتك سأل عليك ومستنيك هناك
_ واحد ؟ مقلش مين ؟
_ لا يا فندم
_ طيب روح انت
تنهد مراد بزهق
_ انا عارف انه يوم ابيض من اوله..
اتجه مراد ناحيه المكتب..
_ ايوا مين حضرتك ؟
_ انا سيف الشرقاوى ابن عم نور ....
مراد بصدمه
_ نور..!
_ ممكن تقعد وانا هفهمك
مراد قعد وسيف اتنهد وبدأ يحكى لمراد كل حاجه
_ انا ابقى سيف الشرقاوى اخو عثمان وابن عم نور...نور دلوقتى عثمان اخويا محتجزها فى مخزن قديم تبع العيله فى الصعيد......
مراد بصله بشك
_ وانت عرفت انى اعرف نور منين ؟ وانا ايه يخلينى اصدقك..
سيف ابتسم وطلعله تسجيل بصوت بنور..
_صوتها ده ولا لا ؟ وكمان هى اللى قالتلى على اسمك وانى اجى المديريه واسأل عليك...
مراد قام سلم عليه وقال
_ تمام شكرا يا سيف...
_ العفو..عن اذنك..
سيف خرج ومراد مسك تليفونه يكلم ادهم وخد حاجته وجهز القوات وخرج...
*********************
عند ادهم كان بيجهز نفسه...وبيفكر فى نور...
_ مش عارف انا شاغل بالى بيكى ليه ؟ يمكن عشان انقذتينى !..بس لاا..انا حاسس بحاجه اكبر من كدا
..وهلاقيكى. يا نور وهقلب عليكى الدنيا مش هسيبك..
كان بياخد حاجته وخارج للمهمه تليفونه رن...
_ ايه يا مراد ؟
_ ادهم انا عرفت نور فين..
ادهم سكت للحظه من الصدمه بعدها قال بسرعه
_ فين يا مراد ؟
_ فى مخزن قديم تبع عيله الشرقاوى.
ادهم رد بسرعه
_ ماشى يا مراد جهز الرجاله وابعت الظابط اشرف ومصعب يروحو يقبضوا على عمران وانت اسبقنى على قصر الشرقاوى بالقوات يلاا يا مراد اتحرك...
ادهم قفل مع مراد وخد حاجته بسرعه ونزل
_ واخيرا لاقيتك يا نور...
مراد سمع كلام ادهم وبعت اشرف ومصعب على مكان التسليم..
وهو وادهم راحو قصر الشرقاوى...
&&&&&&&&&&&&
فى القصر*
احمد بصرامه
_ اسمعى يا حرمه منك ليهاا..مفيش واحده فيكو تخرج من الدار..سامعين ولا ولا...
حبيبه
_ امرك يا ابوى
احمد ووجه كلامه لفاطمه مرات عثمان..
_ وانتى يا فاطمه تاخدى خلجاتك وترجعى دوار ابوكي
فاطمه بصدمه
_ ليه يا ابوى انا عملت ايه ؟
_ مش عايز حديت كتير يا بت المركوب انتى اسمعى الكلام عثمان ابنى هيبعتلك ورقه طلاقك فاهمه ولا لا...
بصت فاهمه ليه بغل..وقالت
_ امرك يا ابا الحج
سعاد ردت بكره
_ البت عملت ايه ؟ وبعدين ولدك مجالش انه هيطلجها
_ وانا جولت انه هيطلجها وملكيش صالح انتى
ردت سعاد بقهر
_ربنا على الظالم
اما حبيبه طلعت اوضتها..وكلمت سيف
_ الو ايوا يا اخوي
_ اسمعينى يا حبيبه...حاولى تخليكى فى اوضتك ومتخرجيش منها غير لما اجى انا واخدك ها !
حبيبه بقلق
_ ليه يا اخوى فى ايه ؟
_ اسمعى الكلام بس ولما اجى هفهمك
_ حاضر يا اخوى
قفلت مع سيف وقالت بقلق
_ استرها يارب
اما فاطمه ف كانت واقفه فى المطبخ مع الشغاله
_ اسمعى اللى اجولك عليه ي غبيه انتى..هتروحى تديهم الشاى ده وبعدها مشوفش وشك تانى سامعه
_ امرك يا ست فاطمه..
الشغاله راحت تعمل اللى فاطمه قالت عليه
فاطمه بغل
_ هانت كلها كام دقيقه واخلص عليكم...
&،&&&&&&&&&&&&&&
فى مكان التسليم فى الصحرا
كان واقف سالم وعاصم مستنين عربيات الشحنه توصل...
عدى وقت...وجت اربع عربيات وبعدها ظهر عثمان...
سالم ببسمه
_ عاش من شافك يا عثمان..
عثمان ببرود
_ اخبارك يا سالم..
سالم بخبث
_ زي م انت شايف كدا ف احسن حال
رد عثمان
_ يارب دايما...الفلوس جاهزه ؟
_ جاهزه والبضاعه ؟
_ موجوده
شاور عثمان لرجالته يجيبو البضاعه..
وسالم شاور لعاصم عشان يجيب الفلوس
عثمان ببرود
_ بضاعتك اهي
_ ودي فلوسك
على بعد قليل منهم كان واقف مصعب والقوات
مصعب بجمود
_ جاهزين يا رجاله ؟
_ جاهزين يا فندم..
_ على بركه الله.... 3 2 1 هجووووم
_ سلم نفسك انت وهو...
المكان اتحول لساحه حرب وصوت الطلقات بقى عاالى....
عثمان قدر يهرب...
اما عاصم اضرب بالنار ومات
وسالم اتصاب واتقبض عليه...
المهمه نجحت وتم القبض على سالم عمران...
♤♤♤♤♤♤♤♤♤♤♤♤♤♤♤
عند ادهم ومراد وصلو قدام القصر اتصدمو لما لقو القصر بيولع...
ادهم بصراخ للقوات
_ طفو النار بسرعههه يلاااااا...
اهالى البلد اتلمو وكل واحد كان بيحاول يطفى النار
ادهم لاحظ وجود حد جوا
_ مراد فى حد جوا
مراد بص لاقى بنت واقفه بتصرخ..
سيف جه واتصدم جرى بسرعه يدخل جوا
مراد وقفوا
_ سيف اهدي مينفعش تدخل
سيف بصراخ
_ حبيبهه ماماااااا...
مراد بص ناحيه الشباك تانى بتاع القصر...ولقى البنت واقفه..
دخل بسرعه من غير ما يفكر
ادهم بصراخ
_ مرااااد
اما مراد دخل جواا لقى جثتين على الارض ومتفحمين...
فضل ينادى بصوت عالى
_ اناااا هنااا...
بص فوق لقى البنت واقفه واغمى عليها جرى ناحيتها ولحقها قبل م تقع على السلم...
شالها وحاول يخرج بيها من النااار وبعد صعوبه قدر يخرج
سيف اول ما شافه..جرى عليه بسرعه خدها منه
_ حبيبه حبيبه فوقى يا حبيبتى انااا هنااا اهو حبيبه ردى عليا.
مراد
_ حد يجيب مايه
جابو مايه ورشوا على وشهاا لحد ما فاقت..
حبيبه بدموع
_ سيف بابا وماما
سيف حضنها وهو بيهديهاا وقال بدموع
_ اهدى يا حبيبتى خلاص انا هنااا اهدى..
مراد بصلهم بحزن
اما ادهم ف كان سابهم وراح المخزن اللى عرف هو فين من سيف...لقى اتنين واقفين على الباب ضرب واحد بالنار والتانى كسر رقبته..
دخل المخزن بسرعه وهو بينادى على نور
ادهم
^ نور...نور انتى فين ؟
نور سمعت صوت ادهم حاولت تقوم بسرعه وقالت بدموع
_ ادهم !!
ادهم سمع صوتها وراح ليها بسرعه...
_ الحمدلله الحمدلله انتى كويسه صح هاا..؟
نور بدموع
_ انا كويسه..
ادهم حمد ربنا انه لاقاها..
_ متتصوريش كنت خايف عليكي قد ايه..كنت هتجنن عليكي
نور بصت ليه بدموع وبسمه
_ ليه.؟
ادهم مسك ايدها وقال
_ لا دي محتاجه شرح كتير لما نخرج من هنا هقولك..
_ ده لو خرجتو صاحين من هنا يا سياده المقدم !!
نور بصدمه وخوف
_ عثمان..!!
عثمان بغضب
_ ايوا عثمان يا فا**** بقا هو ده اللى رفضانى عشانه ؟
ادهم ببرود
_ ملكش دعوه بيها كلمنى اناا...
عثمان بكره وغضب
^ لاا ده انت ليك حسااب كبير معايا ومش هخليك تخرج من هنا على رجليك
رد ادهم ببرود
_ انا قدامك اهو اللى عندك اعمله..
عثمان رفع المسدس فى وشه
نور بخوف وسرعه
_لاا لاا يا عثمان سيبه وانا هعملك اللى انت عايزو بس نزل المسدس
عثمان بغضب
_ ايه خايفه عليه اياك ولا ايه ؟
_ سيب المسدس يا عثمااان متوديش نفسك فى داهيه
_ كدا كدا ميت يا بت عمى بس لازم احسر قلبك على حبيب القلب الاول...
ادهم رفع عليه السلاح...
وخرجت طلقتين فى نفس الوقت وكل واحده صابت هدفهاا...
نور بصراخ
_ادهم حاااسب !!
ادهم بصدمه وصراخ
_ نووووور !!!!!!
♡♡♡♡♡♡♡♡♡♡♡♡♡
تفتكروا مين اللى اتصاب ؟
وهل عثمان مات ولا لا ؟