رواية احببت متلازمه داون الفصل الاول 1 بقلم نوسه حمد
في نص الحصه قلت ليها ثويبه بعدين انا دايره القي علي تمشي معاي قالت لي والله انا م متندمه الا علي المره الفاتت حسام اخوي داير اكتلني قلت ليها حسام هو هين زاتو بتاع بنات قالت لي معليش ي اريج بس حسام اخوي م بتاع بنات قلت ليها خلاص ي عائله الشريف الرضى تمشي معاي ولا كتر خيرك فجاه القا ليك الاستاذه قالت لي بتتكلمي مالك ي اريج انتي م دايره ليك قرايه ولا بتنجحي وبتخربي البنات ديل عاينتا ليها بي افتراء شديد ولويت ليها خشمي قالت لي قومي حيلك انا استاذتك م زميلتك عشان تعايني لي بافترا ي مفتريه م اتكلمت معاها وانا متعوده اكتل اي زول بشاكلني بصمتي قالت لي شيلي شنطتك واطلعي برا الفصل م ترجعي الا بي ولي أمرك ولي امرك م خليتا كملتا سمح شلت شنطتي وطلعت ويا الشارع جاك زول بقيت قاعده من شجره لي شجره عشان تجيني طالعه ثويبه وعلي زاتو م فكوهم من المدرسه لانو كان بقرا في تالت زيي بتاع الدكان ناداني قال لي بتزازي بالشوارع مالك قلت ليهو طردتني الاستاذه قال لي امشي بيتكم م تقعدي ف الشارع قلت ليهو منتظرا صاحبتي قال لي اليوم م خلص امشي بيتكم ي بت الشارع صاني م اشتغلت بي كلامو وهو اصلا نقاق نقه زحيت من الشارع الهو فيهو وقعدت في حجر كبير منتظرا لمن افكوهم وفعلا فكوهم وثويبه جات قالت لي ي حليلك بكره قالو بدقوك ف الطابور قلت ليها التدقني ساي م فارقه معاي وكانت معاها وعد قلت ليها ارح نمشي نلاقي على بكون منتظرني ورا المدرسه قالت لي لا لا م ماشه التمش معاك وعد دي قلت ليها وعد دي م بتبراني ولا شبر وعد قالت لي مالي انا قلت ليها عينك طايره وطوالي بتعايني لي علي انتي مفتكراهو م كلمني وعد قعدت تتحلف لي قالت لي علي كذاب هو البعاين لي قلت ليها علي اعاين لي اشكالك دي اما دا كلام وقلت ليها بي استفزاز قالت لي اي بعاين لي مالي انا فيني عيب ولا فيني عيب قلت ليها ما فيك عيب بس م سمحه زيي قالت لي م خاتيه عليك الاستاذه مفتريه بطريقه غريبه قلت ليها انتي والاستاذه حاسداتني على سماحتي دي قالت لي سماحه شنو وانتي قليله ادب مسكتها ليك من شعرا وزعمطها ليك وفرجت فيها امه لا اله الا الله لمن جو الناس حجزونا ودخلونا المدرسه لقيت الاستاذه الطردتني مع المدير قاعده وبقيت اتمسكن وفتنتها ليك في الاستاذه قلت ليها انا دقيتا عشان قالت لي الاستاذه الطردتك قالت انتي قليله أدب وانا بشتكيكم والله قله ادبي شفتو ليها شنو وعملت ليك فيها دور البريئه مديرنا كان مسكين وخواف بقا اررررجف قال لي معليش ي بتي انا الاتنين بعاقبهن الاستاذه قالت ليهو تعاقبني عشانا فعلا الما بحترم استاذتو قليل ادب انا بقيت ابكي عشان المدير يخاف زياده قلت ليهو شوفا قدامك قالت لي اني قليله ادب انا والله م بخليها ببكي كده امي جات داخله قالت لي سجمي مالك ي اريج طوالي عملت فيها دور المسكينه وقلبت الكلام ليهن هن امي قالت لي الاستاذه انتي مربيه ع شنو اذا انتي بتقولي لي بنات الناس كده وانا والله بشتكيكم كلكم المدير بقا اشيل واعتزر لي امي وحلا لينا المشكله والاستاذه اعتزرت لي وانا بي تحت تحت تاني لويت ليها خشمي بي استفزاز وعاينت ليها بي استهتار لمن قعدت تتضاير مني ومشينا البيت حليت مشكله اني انادي ولي امري
كنت زهجانه عشان م شفت علي وطبعا م عندي في جو القرايه ولا شاطره بمش المدرسه تمامت عدد قلت لي امي عندنا حصه عصر اديني قروش ماشه قالت لي سمح وم تتاخري قلت ليها سمح شلت القروش ولبست احسن لبس غشيت الدكان اشتريت بي قروشي ديك اندومي وشكولاتات وجيت لي ثويبه لقيتا تقرا وكاسره رقبتها اول م جيت داخله اخوها حسام عاين لي ونظرتو كانت نظره اعجاب قلت في سري هسي ح يجي داخل عشان اتحجج ويشوفني قلت لي ثويبه قومي اعملي لينا الاندومي دي وعاوزين قهوه ضروري قالت لي كويس فاتت مني حسام اخوها جا عامل نفسو افتش في الدولاب واعاين لي بي طرف عينو وانا بطبعي م بخجل من الاولاد بقيت مركزه معاهو قال لي انتي اسمك منو قلت ليهو اريج قال لي انتي حلوه كده ليه ي اريج قعدت اضحك وبي افترا قلت ليهو موش كده قال لي وكده الكده كمان انا شفت بنات كتير وقليل بس في جمالك م شفتا وكان واقف جنب الباب نظام اونس فيني واراغب في الباب ولا تعب فيني طوالي لقا استجابه مني قال لي اتاخري معانا عشان اجي اقدمك بعدين قلت ليهو سمح قال لي اوعك القاك طلعتي انا عندي تمرين ابو السريع وبجي هوا عشان اقدمك شكلو لاعب كوره وجسمو رياضي وكبير اكبر مننا بكتير بقرا ف الجامعه الولد كسرني انا قلبي قعد ادق الاندومي والقهوه م فهمت فيهن شي لمن اذان المغرب اذن طوالي ثويبه وقفت لي ع حيلا قالت لي ارح نقدمك قلت ليها انتي طارداني مالك قالت لي لا لا والله ما طارداك بس الزمن اتاخر وامك بتشاكلك قلت ليها م بشاكلوني قالت لي سمح ارح نصلي قلت ليها م علي وهو انا اصلا م بصلي اتحججت ليها وخليتا طلعت مرقتا بدرتي من شنطتي واتريحتا وبقيت قاعده الشمس غابت وبقيت منتظرا حسام لمن جا لمن قلبي قال شح اول م شفتو قلت ليها ارح قدميني قالت لي اقدمك شنو حسام جا ومن عتبه الباب م بخليني اطلع قلت ليها اتصرفي ياخ استاذنيهو قالت لي وريتك لو احماني تمشي براك قلت ليها سمح ومشيت معاها وبقيت اعاين ليهو بدلع هو بقا اتمتم قال لي ثويبه بي نهره انا موش قلت ليك الشمس دي تغيب م تطلعي من هنا قلت ليهو معليش بس انا خايفه قال لي انتي زاتك م تتاخري تاني وارح امرقي قدامي اقدمك انا........... يتبع
موش طلبتو منو روايه م اكون فيها مثاليه اها في الروايه دي ح اخربها ليكم للنهايه 😂😂😂😂ودي ح تكون اول لي روايه اخرج فيها عن المألوف ♥️♥️.