رواية احببت متلازمه داون الفصل الثاني عشر 12 بقلم نوسه حمد
رسلت لي علي رساله قلت ليهو اكتب لي رقمك عاوزاك ضروري وكنت خايفه ثويبه تكلمو وتمنعو انو يتواصل معاي بقيت منتظرا علي يرسل لي او يرد على وفعلا علي رجع لي برساله قلت ليهو عاوزه رقمك م عاوزه ادردش معاك
قال لي اكتبي رقمك كتبتو ليهو طوالي اتصل علي سلمت عليهو وباركت ليهو قال لي عقبالك ي اريج قلت ليهو لا انا م عاوزه انا دمرت نفسي بس انا عاوزاك ضروري لازم الاقيك احكي ليك ح اموت لو م حكيت ليك قال لي خلاص تمام نتلاقي في البحر قلت ليهو نحنا رحلنا ام درمان واهلي مشددين علي م اطلع قال لي طيب نحلها كيف قلت ليهو لازم اطلع ولازم الاقيك عاوزه احكي ليك اي شي دسيتو منك قال لي طيب قلت ليهو انت عرسك متين قال لي بعد ١٥ يوم ثويبه عندها امتحانات تخلصن بس قلت ليهو ظابط انا يوم الجمعه بتحجح لي اهلي وانا م بعرف ام درمان طالبه منك تجي اي مطعم وتوصف لي محل قاعد ولا تجي تسوقني قال لي لا بجي اسوقك قلت ليهو وعد ي علي قال لي ياتو يوم وعدتك واخلفت وغير كده انا بقيت ملتزم غش ونفاق وكذب م عندي قلت ليهو ربنا اثبتك وانا كمان ي علي عاوزه ابقا ملتزمه الدنيا دي كعبه شديد قال لي احسن شي ي اريج وربنا يبعد عنك الشر بكل انواعو قلت ليهو امين قال لي خلي بالك من نفسك ويلا سلام قفل الخط انا شبعت بكا لمن روحي دي طلعت وقومتا من سريري داك اغتسلت واتوضيت وصليت ودي كانت اول مره اصلي فيها وادعيت ربنا انو اثبت علي كده وجدعت الماضي وراي بكل م فيهو م عدا اولادي م قادره انساهم امي لاحظت لي اتغيرت وهي زاتا كانت م بتصلي بقت تصلي زيي وحسيتا بقت حنينه علي لاني اتغيرت والدنيا ادتني في نص راسي
مرت الايام ويوم الجمعه حنست امي عشان اطلع ووعدتها اني م ح اعمل حاجه غلط وحلفت ليها ع كده وسمحت لي وطلعت لاقيت علي
طبعا علي اتغير تغيييييير مبالغه م سلم علي في يدي قال لي معليش بقيت م بصافح انا دموعي كانت قريبه شديد لمن شفت الحنه في يدو قلبي انقطع قلت ليهو مبروكه الحنه قال لي عملوها لي زملائي في الداخليه قبل اجي قلت ليهو م شاء الله
قال لي انتي كيف وامورك ماشه كيف وليه رحلتو حكيت ليهو بي السبب انو اخوي عرف الحصل لي وهو الرحلنا وسالني قال لي الجنين وديتي وين م تكوني كتلتيهو قعدت ابكي قلت ليهو ي ريتني كتلتو ولا جدعتو الجدعه دي قال لي جدعتي وين حرام عليك دي روح قلت ليهو سافرنا الغرب وولدتا هناك وابوي اداها لمره تربيها قال لي ح تتربا وح تعيش ي اريج احسن من تكون معاك بتجيب ليك الكلام قلت ليهو عارف البت دي ابوها منو قال لي منو قلت ليهو ابوها حسام قال لي حسام منو قلت ليهو اخو ثويبه طبعا علي نهاي م صدقني وقال لي انتي كذابه حسام زول محترم وشاكلني قال لي انتي عاوزه تخربي زواجي من ثويبه عشان كده جيتي قلتي لي اخوها هو العمل فيك كده اتفاجأت بي رده فعل علي قلت ليهو علي انت م مؤمن والمؤمن صديق ع الاقل صدقني لو كذابه بتعرف قال لي وانا اعرف كيف صحه كلامك دا. وانتي عارفه انو انا لو كلامك دا صح بطني ح تطم من الزواج ومن ثويبه قلت ليهو لا ي علي انت اديت الناس كلمه وثويبه م عندها ذنب بس ثويبه عامله فيها انها البت المحترمه وانا بت الحرام وشايفه اخوها م بعمل كده انا اتمغست منهم بالاخص لمن رسلت ليها وحظرتني وانا البقاني كعبه اخوها ي علي هو الدمر حياتي هو الهتك عرضي واقسم بالله ي علي انا م بكذب قال لي كدي احكي لي وحكيت ليهو انو ختا لي حاجه ف العصير ووهمني بالزواج عشان كده انا خليتك ي علي قال لي م قادر اصدق قلت ليهو طيب انا بثبت ليك قال لي اها قلت ليهو اديني رقم حسام قال لي لشنو لا قلت ليهو انا اصلا كرهتو موت وم عاوزه منو شي بس عاوزه اثبت ليك اداني رقمو اتصلت عليهو وفتحت الاسبيكر ردا علي قلت ليهو حسام كيفك وكيف اخبارك قال لي منو معاي قلت ليهو اريج قال لي عاوزه مني شنو ي اريج قلت ليهو خلاص نسيت الوعود البينا قال لي وعود شنو ي اريج قلت ليهو انت دمرت حياتي ووعدتني بالزواج والوحيد العارف حقيقه حملي منك قال لي كانت غلطه وكل زول شاف طريقو قلت ليهو اي غلطه ي حسام والسبب م انت عارف السبب منو السبب انا خليت انسان صادق في مشاعرو معاي وصدقت كلامك وانت خدعتني قال لي انا م احميتك الزول الصادق معاك امشي هسي اتزوجي قلت ليهو ي ريت ياخ قلت ليهو عارف الزول دا منو قال لي منو قلت ليهو علي العاوز ثويبه اختك وانا الموجعني انو ثويبه عارفه قصه حبنا كيف ترضا بيهو قال لي دي قسمه ثويبه قسمتا كده وانتي قسمتك كده قلت ليهو لا والله انت الدمرتني كان تخليني اكون واعيه وتشيل الدايرو بس انت م راجل عشان كده ختيت لي حاجه في العصير قال لي اريج ابعدي من طريق ثويبه م تخربي فرحتها واياك تقولي لي علي حاجه قلت ليهو سبحان الله انت اناني عاوز لي اختك السمح وبنات الناس تدمرهم صاح قال لي ياخ خلاص وتاني م تتصلي علي ولو كلمتي علي ولا ثويبه انا م ح ارحمك وتاني م تتصلي علي انا زول متزوج وبي مرتي وقفل الخط طبعا علي بقا م قادر اصدق قال لي اريج انا اسف قال لي تتزكري انا كنت عاوزه اشيل حقك واكتل الزول العمل فيك كده انتي ابيتي تكلميني وهسي انا عرفت الزول وم ح اخليهو الا اشيل حقك انا انخلعت قلت ليهو ح تعمل شنو قال لي م شغلتك وشال التلفون اتصل علي حسام قال ليهو تعال لي في المكان الفلاني ضروري وهسي ماف زمن وقفل الخط وكان زعلان شديد خوفتا منو اكتلو ولا يعمل ليهو حاجه قلت ليهو عليك الله ي علي م تضيع فيهو نفسك انا كده كده ضيعتا خلاص م تضيع نفسك عشاني قال لي م تتكلمي خليك ساكته وبقا يستغفر بدرجه حسستني انو ح يعمل لحسام حاجه ساعه بالكتير وحسام جا وصف ليهو محل واقفين ولمن شافني حسام لمن انخلع وبقا يرجف.
يتبع..