رواية ما اخفته القلوب الفصل الثامن 8 بقلم مريم احمد البابلي
تاني يوم
كان يوم اجازة لسلمى من الجامعة
كانت قاعدة مع امها بتساعدها في الفطار
عزيزة... مش عارفة رانيا متصلتش بيا من امبارح ليه
سلمى... ممكن زعلانة من حاجة ؟
قالتلها عزيزة بعدم معرفة
عزيزة...مش عارفة
سمعوا صوت باب الشقة
عزيزة... اهي جت
بس لما خرجوا من المطبخ لاقوا آسر اللي جيه مش رانيا
سألته سلمى
سلمى... اومال رانيا فين يا آسر !
اتكلم آسر بضـ ـيق
آسر... سابت البيت امبارح و راحت عند خالتي
اتخـ ـضوا جدا و عزيزة سألته و هي بتقوله
عزيزة... من غير ما تعرفني !!!!
اتكلمت سلمى و هي بتقول لآسر
سلمى... ليه انتوا اتخا.نقتوا؟!
قالها آسر و هو بينهي الموضوع
آسر... كدا احسن
و بعدها قال لرضوى
آسر... يلا عشان اوديكي المدرسة
خدت رضوى شنطتها و خرجت من باب الشقة
سألته عزيزة
عزيزة... مش هتفطر؟
قالها بنفي
آسر... لا يا أمي فطرت فوق
و بعدين قالهم هما الاتنين
آسر... يلا سلام
....
في بيت الهام مامة رانيا
كانت رانيا قاعدة ف اوضة و كانت مضـ ـايقة شوية
جت هدير و قالتلها
هدير...مالك يا رانيا، لما رجعتي امبارح كان شكلك مـ.ـضايق عكس ما كنت متوقعة
سألتها رانيا و هي بتقولها بحزن
رانيا... قوليلي يا هدير هو انا غلط لما سبت تعليمي
سكتت هدير شوية و بعدين قالتلها
هدير...بصراحة ايوا
رانيا... طب ليه مش كانوا ديما بيقولوا ان ف النهاية التعليم للبنت مش مهم و ان الراجل هو اللي يشتغل بشهادته؟
هدير... و اهو انتي الوحيدة ف العيلة اللي سمعتي لكلام الناس زمان و ف الاخر انتي اللي ندمتي
عيطت رانيا و هدير طبطبت عليها و قالتلها
هدير... متعيطيش يا حبيبتي
و بعدين اقترحت اقتراح
هدير... أية رأيك تطوري من نفسك
استغربت رانيا و قالتلها
رانيا... إزاي
هدير... خدي كورسات لغة
قالتلها رانيا بسخرية
رانيا... بقولك اتخـ ـنقت مع آسر على ٥٠٠ جنيه امبارح تقوليلي خدي كورس و اقل كورس لغة ب ٢٠٠٠ جنيه !!
.....
كانت داليدا في الشغل حسة ان رقبتها هتتكـ.ـسر من كتر ما كانت شغالة بتركيز شديد
خبط الباب و دخلت موظفة و هي بتقولها
ايمان... داليدا هيتبعتلك ايميلات اتأكدي من ان المعلومات اللي مكتوبة فيها صح قبل ما ننشرها
سكتت داليدا و لإنها كانت خلاص تعبت ٤ ساعات بتقرأ و تراجع و تصحح الأخطاء الإملائية و تكتب مقالات بنفسها
قالتلها ايمان بأسف
ايمان... معلش يا داليدا بس زي ما انتي عارفة نور معاها اجازة غصب عنها و مفيش غيرك
سألتها داليدا و هي بتقولها
داليدا... مينفعش حد من الفرع التاني يتبعتله الايميلات بدالي؟
قالتلها ايمان بخـ ـضة
ايمان... لا طبعا مينفعش انتي عايزة مستر أمير يرفدنا ولا اية، كل فرع و ليه شغله مينفعش لا يساعدونا ولا نساعدهم
أومأت لها داليدا و إيمان قالتلها
إيمان... هروح انا بقى اكمل شغلي
و سابت داليدا بتراجع ورق قدامها
سمعت صوت من جهاز الكومبيوتر قدامها لاقت ان اتبعتلها 14 ايميل لازم تراجعهم
.....
عدى الوقت و جيه وقت البريك و كانت داليدا لسة فمكتبها بتشتغل
خبط الباب
داليدا... اتفضل
دخلت ايمان و قالتلها
ايمان... انتي مش هتيجي الكافيتريا معانا ولا أية؟
قالتلها داليدا برفض
داليدا... لا لا انا عايزة اخلص الشغل عشان اروح ف معادي
ايمان... طب تعالي افصلي دماغك عن الشغل ١٠ دقايق حتى
كانت فعلا داليدا حاسة ان دماغها مصدعة و كمان مكنتش عارفة تقرأ كويس من الكمبيوتر
داليدا...حاضر
و راحت معاها للكافيتيريا
سألتها ايمان و قالتلها
ايمان... انتي كويسة؟
داليدا... الحمدلله، دماغي مصدعة بس و عينيا مزغللة شوية
ايمان... من الشغل اكيد
أومأت لها داليدا و ايمان قالتلها
ايمان... هجيبلك قهوة معايا
داليدا...ماشي
راحت ايمان تجيب القهوة و كانت داليدا لوحدها
جت هدير و هي بتقولها
هدير... الشغل كتير حظك بقى مفيش غيرك محرر اخباري دلوقتي
كانت نور واخدة اجازة مرضية بسبب ان رجليها اتكـ ـسرت
اتكلمت داليدا و قالتلها
داليدا... ايوا ان شاء الله نور لما تبقى كويسة و ترجع ..الشغل هيبقى اخف
هدير... مضايقـ ـة ؟
اتكلمت داليدا و قالتلها
داليدا... اكيد محدش بيبقى مبسوط و كل حاجة على مسؤوليته يا هدير هانم
في الوقت دا جت ايمان و داليدا اخدت منها القهوة و قالتلها
داليدا... شكرا
مشيت هدير و داليدا قالت لإيمان
داليدا... هروح اكمل الشغل
......
مر شهر و داليدا كانت خلال الشهر بتشتغل لوحدها برضو بسبب كـ ـسر نور و كانت بتزورها كل فترة في وقت مناسب انها تروحلها
و سلمى مبقاش اي حد بيضا.يقها ف الجامعة ولا شهد ولا اي حد
و رضوى كانت متفوقة في مدرستها جدا
و هدى كذلك
اما رهف ف كانت بدأت تتعافى من فسـ ـخ خطوبتها هي و كريم و ممكن نقول انها تجاوزت الموقف اصلا
.....
في يوم كانت داليدا ف طريقها للشركة
ظهرها رسالة على تليفونها و كان محتواها
" لقد تم تحويل ٨٠ ألف جنيهًا لحسابك من شركة A.S للصحافة و الاعلام "
استغربت داليدا جدا لإن مرتبها اصلا ٤٠ ألف بس
وصلت داليدا الشركة و اول حاجة عملتها راحت لإدارة الحسابات
داليدا... لو سمحتي انا اتحول لحسابي ٤٠ ألف زيادة. عن القبض
رحمة... امتى
بصت داليدا للفون تشوف معاد الرسالة و قالتلها
داليدا... من ١٧ دقيقة بالظبط
راجعت رحمة الكومبيوتر و بعدها بصت لورقة الملاحظة اللي قدامها و قالتلها
رحمة... لا مش بالغلط يا داليدا
استغربت داليدا جدا
داليدا... إزاي؟
قالتلها رحمة بتوضيح
رحمة... انتي كنتي بتشتغلي شهر كامل شغل لاتنين موظفين مش موظف واحد بسبب ان نور كانت اجازة، ف ٤٠ ألف مرتبك الاساسي و الـ ٤٠ ألف التانيين مرتب. شغل المحرر الإخباري الإضافي اللي اشتغلتيه
اتفاجئت داليدا جدا من دقتهم و عدم ظلمهم ليها خصوصا كانت فاكراهم هيزودوها الشهر دا خمس او عشر الاف مثلا متخيليتش اصلا انهم يدوها مرتب كامل إضافي لشغلها
داليدا... تمام متشكرة ليكي
رحمة... العفو
مشيت داليدا على مكتبها و اتفاجئت لما لاقيت نور
داليدا...حمدلله على السلامة
نور... الله يسلمك
داليدا... كنت هجيلك انهاردة اطمن عليكي
ابتسمت نور و قالتلها
نور...انا اللي جيتلكوا الشركة اهو
داليدا... نورتي
.....
عدى وقت الشغل و كانت داليدا ماشية هي و نور بس وقفت مكانها لما نور قالتلها
نور... مش دي سلمى ؟
بصت داليدا مكان ما نور كانت موجهة نظرها بس مكانتش شايفة بوضوح ١٠٠%
قالتلها نور
نور... تعالي نروحها شكلها زعلانة
افتكرت داليدا ان تكون شهد ضايقـ ـت سلمى تاني و بعد ما راحولها
قالت سلمى لداليدا
سلمى... هو انتي زعلانة مني ف حاجة!
اتخضـ ـت داليدا و قالتلها
داليدا... ليه كدا !
سلمى... كنت بشاورلك و انتي بصتيلي لما نور قالتلك و وديتي وشك الناحية التانية
اتصدمت داليدا لإنها مكانتش شايفاها اصلا و اتخضت اكتر لما لاقيت سلمى بتقولها بحزن
سلمى... داليدا انا اعتذرتلك عن اللي أمير قاله عن الشغل لما كنتوا عندي...
قا.طعتها داليدا و هي بتقولها
داليدا... سلمى انا مش زعلانة منك انا بس مكنتش شايفاكي نظري بيزغلل بقالي فترة
قالتلها نور
نور... هي فعلا انهاردة مكانتش عارفة تركز ف شاشة الكومبيوتر يا سلمى متزعليش
قالتلها سلمى بقلق عليها
سلمى... طيب تعالي نروح نطمن ممكن نظرك ضعف
أومأت لها داليدا بالموافقة لإنها فعلا كانت محتاجة تكشف نظر
و بالفعل راحوا و طلع نظرها ضعف بسبب الشاشة بتاعة الكومبيوتر و التركيز و عملت النضارة و استلمتها فوري
و روحت البيت بعد م نور وصلتلها و مشيت
اول ما عمر شافها فضل يضحك عليها
اتكلمت داليدا و هي بتقوله بخنـ ـقة
داليدا... أنت بتضحك على اي ؟!
عمر... شكلك متغير
داليدا... لو فقدت الثقة ف نفسي هيبقى بسببك
اتكلمت امهم و هي بتقولها
نجوى... بيهزر معاكي يا داليدا
بس عمر قال و هو بيرخم على اخته
عمر... لا بقى مبهزرش شكلها متغير فعلا
قالتله نجوى بحد.ة
نجوى... اسكت شوية بقى
اتكلمت داليدا و هي بتقولهم بفرحة
داليدا... طيب بعيدا عن كل حاجة مش انا كنت بشتغل لوحدي الشهر دا ؟
انتبهوا ليها و هي قالتلهم
داليدا... لاقيتهم حولولي ٨٠ ألف الشهر دا مش ٤٠
فرحوا جدا ليها و هي قالت
داليدا... مبسوطة اوي حاسة اني ممكن اجيب عربية قريب
سـ.ـخر منها عمر و قالها
عمر... عربية كارو اكيد، تبيعي عليها تين شوقي او بصل
اتنهدت بنفاذ صبر و نجوي قالتله بتحذ.ير
نجوى... عــمــر
عمر... بتقولك عايزة تجيب عربية و هي ممعهاش غير ٨٠ ألف
داليدا... و الاربع شهور اللي قبل دا يعني قول مثلا معايا
٢٤٠الف و قبل م اشتغل ف الشركة كنت بشتغل برضو وقتها فكنت بشيل فلوس على جنب مجمعة منهم ١٠ آلاف غير اللي بصرف منهم و انا رايحة الشغل و راجعة الحمدلله
اتفاجئ عمر و قالها
عمر... يعني انتي معاكي ربع مليون جنيه !!
أومأت بفرحة
داليدا... ايوا
و نجوى قالتله
نجوى... قول تبارك الله الانسان ممكن يحسد نفسه
عمر... تبارك الله ربنا يزيد و يبارك يا رب
و بعدها اتكلم و هو بيضحك على داليدا
عمر... برضو ربع مليون دلوقتي ميجيبوش عربية تليق بالشركة اللي انتي فيها
سكتت داليدا بيأس منه و نجوى اتكلمت و هي بتقولها بفرحة
نجوى... بتعرفي تحوشي فلوس زي امك
اتكلم جمال بسخرية و هو بيقول لنجوى
جمال... انتي و رهف الفلوس بتطير من ايديكوا يا نجوى دي طالعة لأبوها و انا فخور بيها
.....
في بيت عزيزة
كانوا متجمعين كلهم بيتغدوا
اتكلمت عزيزة و هي بتقول لسلمى
عزيزة... صاحبتك عاملة ايه ؟!
سلمى... ندى ولا سهيلة ؟!
عزيزة... داليدا
سلمى... قابلتها انهاردة روحت معاها عملت نضارة تخيلي افتكرتها زعلانة مني طلعت مكانتش شايفاني اصلا؛ نظرها ضعف
اتفاجئت عزيزة و قالتلها
عزيزة... نضارة دايمة ؟!!
نفت سلمى و هي بتقولها
سلمى... لا الدكتورة قالت وقت ما تبص لشاشة الكومبيوتر مثلا و عشان كانت بتشوف مزغلل الدكتورة كتبتلها قطرة عشان إرهاق عينيها من الشغل
أومأت لها عزيزة بتفهم و بصت لأمير اللي مكنش مهتم بكلامهم اصلا
عزيزة... خليها تاخد اجازة يا أمير
قالها أمير بجدية
أمير... هي مطلبتش اجازة بنفسها مش هديها اجازة من نفسي يا أمي
قالتله رضوى بخوف
رضوى... ساعات بخاف تكون بتحب الشركة اكتر مننا
استغرب أمير كلامها و هي قالتله
رضوى... مصلحة الشركة عندك رقم واحد
أمير... لما تكبري و تبدأي مشروع صغير تفضلي فيه سنين لحد ما تبقى شركة كبيرة بفضل الله هتخافي عليها و هتبقى عندك رقم واحد
اتكلمت رضوى و قالتله بخنـ ـقة
رضوى... مش عايزة. ابقى مهندسة؛ بكرهه الرياضيات
أمير... انتي تطولي تبقي مهندسة اساسا
رضوى... و مبحبش الغرور كمان
ضحكوا عليها لإنهم عارفين ان أمير بيهزر فبرغم اهتمامه الشديد بالشركة عمره م ظهرت فيه صفة التكبر او الغرور
.....
كانت داليدا مع امها و رهف و هدى في الصالة
رن تليفونها
داليدا... دي سلمى
قالتلها نجوى بحب
نجوى... سلمي عليها
ابتسمتلها داليدا و ردت
داليدا... ازيك يا سلمى، ماما اول ما عرفت انها انتي قالتلي اسلم عليكي على طول
فرحت سلمى و قالتلها
سلمى... انا بقى عايزة اقولك اني برن عليكي عشان ماما عايزة تطمن عليكي لما عرفت انك عملتي النضارة
داليدا... هاتيها اكلمها
أدت سلمى التليفون لعزيزة، و عزيزة اتكلمت و هي بتقوله
عزيزة... عاملة اي يا داليدا ألف سلامة عليكي
قالتلها داليدا بحب
داليدا... الله يسلم حضرتك يا طنط
ردت عليها عزيزة بلوم و هي بتقولها
عزيزة... بقى من ساعة ما جيتي الشهر اللي فات و كانت هي المرة متجيش تاني و انتي وعدتيني هتيجي وقت تاني تتغدي معانا
قالتلها داليدا بأسف
داليدا... حقك عليا يا طنط غصب عني معلش
أعجبت عزيزة باحترامها و ذوقها و قالتلها
عزيزة... طيب لو فاضية بكرة نورينا
ردت عليها داليدا و هي بتحاول تنسحب من العزومة
داليدا... انا جيت المرة اللي فاتت تعالي حضرتك نورينا المرة دي بقى
ضحكت عزيزة عليها انها بتنسحب من العزومة و قالتلها
عزيزة... يعني مش عايزة تيجي قصدك
اتحرجت داليدا انها فهمتها و بعدها قالت
داليدا... تعالي حضرتك نورينا
كملت كلامها لما امها شاورتلها تديها التليفون تعزمها
داليدا... ماما عايزة تعزم حضرتك بنفسها
خدت نجوى التليفون من داليدا و قالتلها
نجوى... ازيك يا حبيبتي عاملة اية
جالها صوت عزيزة و هي بتقولها
عزيزة... اهلا و سهلا بيكي انا عزيزة
نجوى... اتشرفت بمعرفتك يا عزيزة معاكي نجوى
عزيزة... فرحانة اني اتكلمت معاكي يا نجوى
ابتسمت نجوى و قالتلها
نجوى... زي ما انتي فرحانة فرحيني بقى و تعالي نورينا بكرة اتغدي معانا اعملك احلى اكل انا و داليدا
اتصدمت داليدا لما امها جابت سيرتها ف عمايل الغدى لإن رهف كمان بتعرف تطبخ بس هي فهمت امها
جيه صوت عزيزة و هي بتقولها
عزيزة... هي بتعرف تطبخ ؟
قالت نجوى بكل فخر
نجوى... طبعا و نفّسها حلو ف الاكل زي امها بالظبط
فرحت عزيزة و قالتلها
عزيزة... لا كدا اجي بكرة و اشوف بنفسي طبخها عامل اية
نجوى... تنورينا يا حبيبتي
و قفلت المكالمة مع عزيزة
بصت داليدا لأمها و قالتلها
داليدا... يا ماما ليه قولتلها اني بعرف اطبخ
نجوى... انا واثقة و متأكدة انها عايزة تخطبك لأبنها و حقي افتخر ببنتي انها شاطرة
كملت بثقة و هي بتقولها
نجوى... انا ديما قلبي بيحس بيكوا و انا حاسة اوي باللي بقولهولك ان شاء الله
اتفاجئت داليدا جدا و بعدها افتكرت كلمة عمر لما قالها و هو بيوصلها الشركة ساعة الانترفيو
عمر ..." حاسس ان هيبقى ليكي مكان هنا يا داليدا..... و مكان كبير كمان بإذن الله
يتبع
استغفر الله العلي العظيم الذي لا إله الا هو الحي القيوم و اتوب اليه عدد خلقه و رضى نفسه و زنة عرشه و مداد كلماته و عدد قطرات المياة و حبات الرمال و الحركات و السكون♥️🥰.