رواية ما اخفته القلوب الفصل السادس عشر 16 بقلم مريم احمد البابلي
داليدا... هو في ايه ؟!
عاد أمير كلامها و هو بيحاول يفهم ليه هشام اتكلم معاه كدا
أمير... ابن خالك
فضل يفكر اذا كان زعلها ف حاجة و هي حكت لعيليتها عشان كدا هشام اتكلم كدا
بس اتحول لغضـ ـب لما سمعها بتقول
داليدا... كان خطيبي
كملت كلامها و قالت
داليدا... و انا نهيت الخطوبة بسبب ان شخصيته مكانتش عاجباني؛ مبحبش صفة التكبر و الغرور و قولتله كدا و هو كلم بابا و ماما و طلب منهم اننا نرجع قبل ما تيجي تتقدملي بيوم واحد و انا موافقتش حس ان كرامته اتجر.حت و بقى مضا.يق مني و اكيد مضا.يق منك عشان افتكر انك مدتنيش فرصة افكر تاني ف اننا نرجع نتخطب
فضل أمير ساكت و متكلمش و عمر قاله
عمر... خلاص يا أمير
اتكلم هشام نيابة عن اخواته و قال
هشام... هنمشي احنا بقى يا جماعة
اتكلمت نجوى و قالتله
نجوى... ماشي يا هشام
و سلموا عليهم و مشيوا
اتكلمت نادين اخته و قالت
نادين... هشام انت تخطيت الموضوع صح
سكت و هو مش عارف يقول ايه بس بعدها قال
هشام.... إن شاء الله، كل شئ قسمه و نصيب اكيد هي مش خير ليا ولا انا خير ليها
كان باين على أمير انه مـ.ـضايق ف اتكلمت داليدا و قالتله
داليدا.... انا مش فاهمة الصراحة انت مضا.يق ليه
مردش أمير عليها و دا ضا.يق داليدا جدا
اتكلم عمر و قالهم
عمر...خلاص يا جماعة اقفلوا الموضوع
أومأت داليدا بتأييد و قالت
داليدا... ياريت بجد
و صمتوا هما التلاتة و بعدين كل واحد اخد عيلته و مشيوا
.......
بعد يومين
كانت داليدا هي و رهف كل واحدة نازلة شغلها
بس وقفوا مكانهم لما لاقوا هدى بتبص لداليدا و باين عليها انها عايزة تعيط
استغربت داليدا و راحتلها فورا هي و رهف
داليدا... مالك يا هدى؟
فضلت هدى بصالها و مبتتكلمش و داليدا سألتها تاني و قالتلها
داليدا... دودو انتي كويسة ؟
بكت هدى و قالتلها
هدى... انتي مبقيتيش تحبيني يا داليدا و بقى عندك اهتمامات تانية اهم مني و انك حتى تسألي عليا... كل يوم ترجعي من الشغل و متسأليش فيا عملت ايه ف الامتحان و انتي عارفة اني بمتحن امتحانات اخر السنة... أبيه عمر و رهف بيطمنوا عليا و يجوا ياخدوني من المدرسة و انتي لا معملتيهاش.... حتى رهف بترجع من الشغل تذاكري للإمتحان و ساعات أبيه بس انتي لا؛ انتي اصلا متعرفيش انا امتحنت كام امتحان و خلصت امتحاناتي ولا لسه
اتفاجئت داليدا جدا من كل اللي هدى قالته و هي مكانتش واخدة بالها منه هي فعلا متعرفش هدى خلصت امتحاناتها ولا لسه ولا تعرف عملت ايه ف امتحاناتها هل حلت كويس ولا لا
اتكلمت و هي مصدومة و حزينة و قالتلها
داليدا.... انا اسفة
ردت هدى و هي بتقولها بلوم
هدى.... حتى أول امبارح كان يوم اجازتك و قولتيلي هتتكلمي معايا زي الأول و معملتيش كدا و سيبتيني
صمتت داليدا؛ مش عارفة تقول ايه
و رهف اتكلمت بدل داليدا و قالت لهدى
رهف... هدى يا حبيبتي داليدا غصب عنها انتي مش عارفة هي بتحبك قد ايه... هي بس عشان شغلها ف غصب عنها مش عارفة تتكلم معاكي زي الأول لكن هي فعلا بتحبك
اعترضت هدى على كلام رهف و قالتلها
هدى... طب ما انتي و أبيه بتشتغلوا بس بتطمنوا عليا و تكلموني، لكن داليدا لا
حضنتها داليدا فورا و قالتلها بصوت مخنو.ق يكاء يكون مسموع اصلا
داليدا... انا اسفة
طبطبت رهف على هدى و قالتلها
رهف... متزعليش ممكن
أومأت لها هدى و داليدا قالتلها
داليدا... اوعدك اني هاخد بالي بعد كدا و اكون حريصو اني مزعلكيش تاني
أومأت لها هدى و هي عندها شوية أمل أن اختها ترجع تتكلم معاها تاني زي الأول و تذاكرلها
قالتلها داليدا بوعد
داليدا... هجيبلك هدية و انا راجعة انهاردة ان شاء الله
فرحت هدى و قالتلها بحماس
هدى... هتجيبيلي ايه!!
حست داليدا بحز.ن لما شافت اختها نسيت زعلها منها بالسرعة دي
اتكلمت و قالتلها
داليدا... قولتلك انها هدية و مينفعش اقولك عليها
أومأت هدى ليها بتفهم و بصت. لرهف و هي مبتسمة و مبسوطة
ابتسمتلها رهف و داليدا و سلموا عليها و مشيوا
كانوا ف اتجاههم لعربية داليدا
اتكلمت رهف و قالت لداليدا
رهف... على فكرة هدى خلصت امتحاناتها امبارح
سكتت داليدا و أومأت لها
اتكلمت رهف تاني و قالتلها
رهف... داليدا انا عمري مشوفت حد مضا.يق او زعلان منك قد الفترة دي الموضوع وصل كمان لأختك..، حاولي توفرلي للناس و لعيلتك شوية وقت ممكن ؟
أومأت داليدا و قالتلها
داليدا... حاضر
و انطلقت بالعربية و هي ف طريقها للجامعة اللي شغالة فيها رهف توصلها و بعدها هتروح على الشركة
......
بعد وقت وصلت داليدا الشركة لاقيت الشركة فيها حالة توتر
سألت داليدا الموظفة و قالتلها
داليدا... مالكوا في ايه؟
ردت عليها باحترام و قالت
سلوى... مستر أمير هنا
أومأت داليدا بتفهم و قالت
داليدا... كويس
سابتها و راحت على مكتبها بس وقفت لما أمير كان في الممر و كان حواليه موظفين
أمير... الشغل دا مخلصش من امبارح ليييه؟؟ الشغل متعطل لييه يا كمال!
رد كمال بتوتر و أسف و قاله
كمال... اسف يا مستر أمير
اداله أمير الملف و كان لسه هيمشي بس داليدا اتكلمت و قالت
داليدا... مستر أمير ممكن اتكلم مع حضرتك شوية
بص ف الساعة و قالها بسخر.ية
أمير... تأخير ربع ساعة
ردت داليدا و قالت باعتذار
داليدا... اسفة كنت بوصل رهف الجامعـ...
قا.طع كلامها و قالها
أمير... متدخلينيش ف تفاصيل حياتك !!
صمتت باستغراب هل عنده انفصام ف الشخصية ؟
من يومين زعل منها انها مقالتلوش عن خطوبتها السابقة و دلوقتي بيقولها متدخلينيش ف تفاصيل حياتك!!!
فاقت من تفكيرها و هي بتسمع جملة
أمير... مخصوملك الشهر دا على التأخير
اتفاجئت جدا هي متأخرتش كتير و كمان هي بتهتم بشغلها كويس
و كان الموظفين مستغربين جدا هل عمله مهم لهذه الدرجة! هل سيخصم من راتب خطيبته حقا !!
أمير... على شغلك
تجاهلت حديثه و قالتله
داليدا... انا محتاجة اتكلم مع حضرتك دقيقة
أومأ بنفاذ صبر و قالها
أمير... اتفضلي
داليدا... ممكن اشتغل من البيت؟
قالها برفض
أمير... لا
ردت داليدا و قالتلها
داليدا... بس انا فعلا لازم اشتغل من البيت
عاد كلمتها و هو بيقولها بتحذ.ير و دهشة
أمير... لازم؟؟؟
هل تقصد أن قراره ليس مهما ام تتحداه
اتوتر.ت داليدا و قالتله
داليدا... انا عندي مشكلة بسبب الشغل و مضطرة اشتغل من البيت
رد عليها بكل بساطة و قالها
أمير... خلاص سيبي الشركة انا ميرضينيش ان الشركة تسبب للموظفين مشاكل اوي كدا
صمتت هل وجودها ف الشركة سهل الاستغناء عنه لهذه الدرجة!!
هو بنفسه شكرها كذا مرة على فترات مختلفة بسبب كفائتها ف شغلها
حست بالإهانة خصوصا ان الموظفين كانوا واخدين بالهم
اتكلمت داليدا و قالتله باحترام
داليدا... تمام يا مستر أمير، عن اذنك
مفهمش وقتها هي بتقوله تمام انها خلاص هتحل مشاكلها و تفضل ف الشركة ولا انها فعلا هتسيب الشركة
قلـ ـق؛ هي مينفعش تسيب الشركة!... هي عشان امبارح كان يوم اجازتها و مجاتش الشركة في شغل كتير جدا اتأخر و دا اللي كان معصبه
هو عارف و متأكد انه صعب يلاقي مدير كفاءة شغله زيها
اغلب الناس بتشتغل عشان الفلوس لكن هي كانت بتشتغل عشان بتحب شغلها اكتر من الفلوس
لكنه سكت و متكلمش و قرر يستنى و يشوف هي هتكمل شغلها ولا هتسيب الشركة
مشي أمير و راح الفرع الرئيسي للشركة
......
كانت ف مكتبها حاسة انها هتعيط و هي بتفتكر كلامه
اخدت نفّسها و لمت حاجتها و فورا و هي بتحاول متعيطش
و بعدين بصت للمكتب بصة أخيره و لإسمها اللي موجود على استاند المكتب
و مشيت و هي رايحة تقدم استقالتها
اتكلمت إحدى الموظفات و هي بتقولها بحز.ن و خضـ.ـة
نرمين... داليدا هانم حضرتك هتمشي؟
بصتلها داليدا و قالتلها
داليدا... اسمي داليدا بس يا نرمين... و ايوا خلاص همشي
صمتت نرمين بحز.ن و داليدا قالتلها
داليدا... اشوفك على خير
قالت جملتها و مشيت، مشيت و سابت اثر إيجابي و نجاح كانت عملته للشركة بفضل الله اولا الكل اتفاجئ منه
.......
كانت الساعة ١١ الصبح
كانت نجوى بتتأكد ان الشقى كلها نضيفة
راحتلها هدى و قالتلها
هدى... ماما اقولك على حاجة
أومأت لها نجوى و قالتلها
نجوى... قولي يا حبيبتي
حكتلها هدى اللي حصل و كلامها مع داليدا و نجوى فرحت و قالتلها
نجوى... المهم انتي مش زعلانة
نفت هدى و قالتلها
هدى... لا خلاص مش زعلانة
سمعوا صوت مفتاح باب الشقة استغربوا جدا و راحت نجوى فورا تشوف مين رجع
و لاقيتها داليدا
قالت نجوى باستغراب
نجوى... داليدا!!
ابتسمت داليدا لوالدتها و هي بتحاول تخفي حزنها و قالت
داليدا... ازيك يا ماما
أومأت لها نجوى و قالتلها
نجوى.. الحمدلله
و بعدين قالت بإستغراب
نجوى.. رجعتي بدري انهاردة... بدري اوي
أومأت لها داليدا و قالت
داليدا... ايوا
و بعدين بصت لهدى و قالتلها
داليدا... جبتلك الهدية
قالتلها هدى بحماس
هدى... ايه هي بقى
ادتها داليدا شنطة هدايا
و هدى خدتها منها بحماس بس قالت بفرحة
هدى... الشنطة اللي كان نفسي فيهاا
ابتسمت داليدا عليها بس نجوى كانت مركزة مع داليدا رجوعها بدري اوي كدا غريب خصوصا انها كانت بتشتكي بسبب الشغل و داليدا كانت بتصبرها انها بتحب شغلها
حمدت هدى الله أولا و بعدها شكرت داليدا
ابتسمتلها داليدا و قالتلها
داليدا... لسه زعلانة مني ؟
نفت هدى و قالتلها
هدى... اساسا كنت صالحتك من قبل ما تقولي انك هتجيبيلي هدية
قالتلها داليدا و هي كل حرف بيجر.ح قلبـ.ـها
داليدا... من انهاردة هتلاقيني طول اليوم قدامك
مش عشان هتفضل مع اختها و عيلتها لا، عشان تركها لشغلها اللي بتحبه و عشان اها.نتها اللي حست بيها و قد ايه وجودها مش فارق رغم ان أمير اكتر. واحد عارف انها وجودها ف الفرع فرق فرق كبير و رغم كدا خيرها بين الشغل أو عيلتها و اكيد هي مش هتسيب عيليتها
اتكلمت هدى بإستغراب و هي بتقولها
هدى... طب و شغلك
داليدا... مبقاش في شغل خلاص، قدمت استقالتي و طول اليوم هبقى معاكوا هنا
فرحت هدى جدا و قالتلها
هدى... يعني هنرجع نتكلم تاني زي قبل الشغل
أومأت داليدا ليها و قالتلها
داليدا... إن شاء الله
فرحت هدى جدا و كل دا نجوى كانت ساكتة، كانت متأكدة ان رجوع داليدا بدري وراه سبب و ف النهاية عرفت انها سابت الشركة
اتكلنا داليدا و قالتلهم
داليدا... عن اذنكوا
و راحت ناحية اوضتها
اول ما دخلت اوضتها و اختفت من قدامهم بكت ، بكت بكاء ملهوش اخر و هي بتحاول متبينش صوت عياطها عشان والدتها
كانت بس بتعيط و هي مش عارفة بتعيط عشان كلامه و احراجها قدام الكل و انها طلعت مش مهمة اوي كدا ولا عشان. شغلها اللي سابته
زاد بكاها لما شافت دروع التكريم و الشهادات على مكتبها مت الشركة
خبط الباب مسحت داليدا دموعها فورا و قالت
داليدا... اتفضل
دخلت نجوى و قالتها
نجوى... ايه اللي حصل
صمتت داليدا و نجوى قالتلها
نجوى... انا عارفة و متأكدة انك كنتي بتعيطي في ايه سيبتي الشغل ليه مش دا كان شغلك اللي بتحبيه ولا انا بيتهيألي!
حكت لها داليدا اللي حصل و انها حاولت تشتغل من البيت عشان هدى متبقاش زعلانة و نجوى سمعتها للأخر
اتكلمت داليدا بحز.ن و هي بتقولها
داليدا... انا بس اتفاجئت ازاي يكلمني كدا قدام الموظفين و ان كمان وجودي مكانش فارق اوي كدا ولا ليه لازمة في الشركة!
قالتلها نجوى و هي بتدعمها بكلامها
نجوى... لو وجودك مكانش مهم ولا فارق ف الشركة مكانش مكتبت هيبقى عليه الدروع دي ولا كانت الحيطة هتكون عليها براويز الشهادات دي يا داليدا
قالتلها داليدا و هي بتعيط
داليدا... طب ليه قال كدا يا ماما
صمتت نجوى و هي مضا.يقة جدا من أمير بس حاولت تهدي بنتها و قالتلها
نجوى... يمكن كان في حاجة مضا.يقاه ف الشغل يا داليدا
ردت داليدا و قالت
داليدا... انا ذنبي ايه !!
قالتلها نجوى و هي بتحاول تدعمها
نجوى... لا انتي لازم تعتبري اللي حصل دا زي تدريب كدا، عشان فيما بعد وارد جدا يرجع من الشغل مضا.يق وقتها اوعي تضايـ ـقي انتي كمان لا كدا هتحصل بينكوا خنا.قة و مينفعش يا داليدا لازم تفضلي هادية و متضايـ.ـيش و هتلاقيه بعدها بيعتذرلك انه اتعصب عليكي بدون سبب
صمتت داليدا هي اصلا كان بيدور ف بالها انهم يفشكلوا و انها مش هتكمل الخطوبة دي
قالتلها نجوى
نجوى... اوعي تكوني فاكرة عشان هو صاحب الشركة يبقى كدا مش مضغوط او شايل هم الشغل لا دا ضغطتة الشغل بتبقى اكتر بكتيييير كفاية انه بيبقى طول الوقت قلقان غلطة تضيعله شقى سنين ف الشركة
اتكلمت داليدا و هي بتمسع دموعها
داليدا... بس انا زعلانة منه اوي يا ماما
طبطبت عليها نجوى و قالتلها
نجوى... متزعليش و انا متأكدة انه مش هيهون عليه زعلك
في الفرع الرئيسي
كان أمير بيحاول يتابع شغله بس كل شوية يفكر ف قرار داليدا
قا.طع تفكيره خبط على باب المكتب
أمير... اتفضل
دخل وليد و قاله برسمية
وليد... مستر أمير في حاجة لازم اقولهالك
استغرب أمير و قاله
أمير... في ايه؟!
رد وليد و هو بيقول
وليد... استاذة داليدا قدمت استقالتها و الفرع مفهوش مدير حاليا يديره
صمت أمير و هو مش قادر يحدد شعوره هل مصدوم ولا كان متوقع دا
هو عارف ان داليدا عندها عزة نفس جدا بس برضو عارف انها بتحب شغلها اوي
صمت و هو عارف ان خسارتها للشركة خسارة مش هتتعوض او هتتعوض بس بعد معاناه
وليد...هنعمل ايه؟
رد أمير و قاله
أمير... دير انت الفرع دا و انا هروح الفرع التاني لحد ما نلاقي مدير كويس
أومأ وليد بموافقة و قاله
وليد... تمام
يتبععع
ليه يا أمير تزعل داليدا كدا!!😡
استغفر الله العلي العظيم الذي لا إله الا هو الحي القيوم و اتوب اليه عدد خلقه و رضى نفسه و زنة عرشه و مداد كلماته و عدد قطرات المياة و حبات الرمال و الحركات و السكون♥️🥰.