رواية ما اخفته القلوب الفصل الثاني عشر 12 بقلم مريم احمد البابلي
مرت الشهور سريعا جدا و كانت داليدا كفائتها في شغلها بتزيد مع الوقت و فعلا عملت تغيير ملحوظ ف كفائة فرع الشركة و تم بناء فرع تالت داخل مصر
كان أمير عامل اجتماع لرؤساء الفروع اللي ف مصر
اتكلم أمير و قال
أمير... داليدا تقدري تسافري إيطاليا تديري الفرع اللي هناك الاربع شهور دول ؟
أومأت بنفي و قالت بأسف
داليدا... للأسف لا
سكتت أمير و هو بيفكر و قال
أمير... خلاص انا هروح المهم الفرع الجديد لازم يتأسس كويس جدا و ميقلش عن الفرعين التانيين اللي هنا ابدا
أومأوا له بتفهم
و أمير قال
أمير... وليد هترجع الفرع الاساسي الاربع شهور دول على ما ارجع و مصطفى هيدير الفرع التاني
وليد... تمام
استغربت داليدا لإنها هي اللي بتدير الفرع التاني بس سكتت لما أمير كمل كلامه و قال
أمير... و داليدا هتروحي تديري انتي الفرع الجديد عشان يتأسس كويس و هتكون معاكي منار
داليدا...حاضر
اتكلم أمير بتحذيـ ـر و قالها
أمير... انا كنت عايز ابقى انا اللي بدير الفرع بنفسي بس بما انك مش هتقدري تسافري ف الفرع هيبقى ف ايدك، متخلينيش اندم على قراري
سكتت شوية و بعدها قالت
داليدا... إن شاء الله خير
أومأ و قال
أمير... إن شاء الله
و كمل كلامه
أمير... الفرع الجديد مش بعيد اوي، فمش عايز اي اهمال ف الشغل هناك انا عايز الفرع دا زيه زي الفرعين التانيين بالظبط مش عايز اي غلطة و الموظفين اللي كانوا مقدمين على شغل موجودين ف قايمة الانتظار منار هتبعتلهم ايميلات بمعاد شغلهم و عنوان الشركة اظن كدا كل حاجة تمام مش محتاجين حاجة غير إشراف و شغل
أومأوا له كلهم بتفهم و منار كانت حاسة بشوية توتر بس على عكسها داليدا كانت مقتنعة جدا بفكرة انها تعمل اللي عليها و النتيجة مش بتاعتها
قال أمير و هو بينهي الكلام
أمير... الاجتماع انتهى تقدروا تروحوا على شغلكم
خرجوا جميعهم من مكتب الاجتماع
اتكلمت منار و قالت لداليدا
منار... يلا نروح هناك
سألتها داليدا و هنا ماشيين
داليدا...هو فين الفرع الجديد؟.
اتكلمت منار و هي بتشوف ال GPS
منار... ف المهندسين
وقفت داليدا و قالت بصدمة
داليدا... لا المهندسين ايه دي بعيدة عن بيتي مش اقل من ساعة ساعتين
اتكلمت منار بقلة حيلة و قالتلها
منار... تفتكري هتقدري تعترفي خلاص الاجتماع خلص
كملت ببساطة
منار... و بعدين يا داليدا ما انتي اهو الحمدلله جبتي عربية هتوصلي ف نص ساعة ساعة الا ربع من الطرق المختصرة متقلقيش
أومأت لها داليدا و قامت بفتح قفل سيارتها بجهاز التحكم من مفاتيحها
و انطلقت هي و منار في طريقهم لفرع الشركة الجديد
.......
وصلوا و اتكلمت داليدا و هي بتوجه كلامها للموظفين
داليدا...صباح الخير ... انا داليدا جمال مديرتكم هنا ف فرع الشركة...و قبل ما اكون مديرة كنت رئيسة مجلس التحرير و قبلها كنت موظفة ف التحرير الإخباري اي حد اتعطل معاه الشغل ف القسمين دول انا تحت أمركم بس اهم حاجة ملاقيش اي تقصير ف الفرع نهااائي انا عايزة الفرع دا ميقلش ولا ب ١% أهمية عن الفرعين التانيين اللي ف مصر بل بالعكس يكون من اهم الفروع عموما ف مصر و خارج مصر... عايزة مستر أمير لما يرجع من السفر بعد اربع شهور ميقولش اي ملاحظة سيئة عن الفرع بإذن الله مفهوم
أومأوا لهم جميعهم بتفهم و هي قالت
داليدا... ربنا يوفقنا يا رب
قالت كلامها و طلعت مكتبها و منار راحت مكتبها برضو
كانت داليدا قدامها شاشتين كومبيوتر عبارة عن تسجيلات مباشرة بكاميرات مراقبة من الفرع كله
بدأت تشوف شغلها هي كمان و هي مش ناوية على اي تقصير خلال الاربع شهور اللي أمير مسافرهم
.....
كانت رهف ف الكلية بتابع شغلها
انهت محاضرتها و كانت فطريقها لمكتبها بس وقفتها طالبة و هي بتسألها عن كذا حاجة و كانت رهف بتجاوبها شكرتها الطالبة و مشيت
و رهف وصلت مكتبها بس لاقيت هناك دكتورة
استغربت رهف و قالتلها
رهف... صباح الخير.
مردتش نسرين عليها و قالتلها
نسرين... ازيك يا رهف
أومأت لها رهف و قالت
رهف... الحمدلله
ابتسمت لها نسرين و قالت
نسرين... اتمنى تكوني سعيدة باللقب الجديد
رهف... ايوا الحمدلله
و بعدها سألتها و قالتلها
رهف.. في حاجة يا دكتور ولا اي ؟
نفت نسرين و قالتلها
نسرين... لا ابدا حبيت اسلم عليكي بس
قالت جملتها و تركت رهف ف المكتب لوحدها و خرجت
استغربت رهف بس افتكرت الكلام اللي داليدا قالتهولها
داليدا... " هيجي عليكي وقت ف الشغل خصوصا لما تثبتي نجاحك هتلاقي ناس بتحاول توقعك اهم حاجة خليكي مكملة فطريق نجاحك و متلتفتيش لأي حد "
........
مر اسبوع... اتنين... تلاتة و كانت داليدا بتشتغل حتى من البيت كان ديما اللاب توب بتاعها شغال و لو فصل كانت بتتابع الشغل من اللاب التاني اللي جابته احطياتي بس من بعد الفرع الجديد مبقاش احتياطي نهائي بقى موجود عشان لو اللاب التاني فصل تكمل شغلها من اللاب الجديد
و بدل ما كانت بتشتغل ٨ ساعات ف اليوم بقت بتشتغل ف الشركة ١٠ ساعات و كام ساعة زيادة لما ترجع البيت
كانت كل ما تتعب من الشغل تفتكر ان الفرع بينجح و كل دا و مكملش شهر واحد بس
مقدرتش تقسى على الموظفين او تظلمهم مقدرتش تإذيهم ف شغلهم حتى لو حد قصر كانت مراعية انها متبقاش ظالمة
و كانت كل ما تلاقي الشغل بيزيد بتعلن عن طلب موظفين و بعد مقابلة الانترفيو و التحقق من انهم فعلا جديرين بالثقة بوظفهم فورا ف الشركة لحد ما بقت الشركة مش محتاجة موظفين و مفيش ضغط شغل على الموظفين الموجودين
كل واحد كان شغال بدون اي ضغط كان شغال شغله الطبيعي الا هي فكانت بتديرهم جميعا و تتأكد من كل حرف ف اي خبر انه موثوق و مؤكد قبل ما يتم نشره و كانت تراجع الشغل بتاع الموظفين بنفسها حتى لو كان تم مراجعته من الرئيسيين نفسهم
......
كل دا كان أمير متابعه و هو في إيطاليا و كان مطمن جدا على الشركة
و كان عارف كل خطوة داليدا بتعملها و عارف انها بتعين موظفين جداد ف الشركة و كان ظارهله كام عدد تم تعيينه من خلال ابليكيشن الشركة اللي محدش يعرف عنه حاجة غيره هو و وليد و بس
و فيوم كان بيتابع الاخبار شاف منشور بصورة لفرع شركة أمير السويفي الجديد و مكتوب
" تهنئة خاصة من رئيس شركات M.K للمهندس أمير السويفي على كفاءة و نجاح الفرع الجديد لسلسلة شركاته التي دائما تتميز بنجاحها الملحوظ حتى و ان كان الفرع لم يتعدى مدة تشغيله شهر "
رن تليفونها برقم وليد
أمير... الو
جاله صوت وليد و قاله بفرحة
وليد...قولت اطمنك على الفرع الجديد و لو إن كفائته دي ميعتبرش جديد خالص
ابتسم أمير عليه و قاله
أمير...متابع الاخبار و عارف كل حاجة الحمدلله
قال وليد بفرحة
وليد... الشركات بتهنيك يا هندسة و صاحبك بيهنيك و كلنا مبسوطين ليك "
ضحك أمير على تشجيع و فرحة وليد ليه
أمير...الحمدلله كله بفضل ربنا
كمل كلامه و قال
أمير... و بعدين انا مقدمتش اي حاجة للفرع
كان يقصد إن داليدا هي اللي قدمت كل تعبها للفرع لحد ما نجح بسرعة و بقى خبر معروف للجميع
.......
كانت داليدا لسه راجعة. من الشغل و يادوب حطت الاب ف اوضتها
لاقيت امها بتقولها بلوم
نجوى... يعني قولتلك تيجي بدري و متتأخريش عشان عزيزة و سلمى جايين تروحي تيجي برضو الساعة ٧ يا داليدا!
استغربت داليدا و قالتلها بأسف
داليدا... انا مخدش بالي غصب عني
قالتلها نجوى بضـ ـيق مخفي
نجوى... انا بدأت اتخنق من موضوع الشركة دا انت مالك بكل دا دي لو شركتك مش هتبقي كدا !
داليدا... دي أمانة و مسؤولية كبيرة يا ماما فمينفعش أقصر فيها خالص
أومأت لها نجوى بتفهم و داليدا قالتلها
داليدا... و بعدين اهو كل يوم بتشوفيني احسن ما كنت اسافر إيطاليا
قالتلها نجوى برفض
نجوى... و انا اصلا مكنتش هخليكي تسافري إيطاليا لوحدك
داليدا... ما انا كنت هاخد عمر معايا
ردت عليها نجوى بسخرية
نجوى... بتكلميني كإنه عاطل معندوش لا شغله ولا مشغلة
سكتت داليدا لإنها اصلا مكانتش حابة تسيب مصر و تسافر و حمدت ربنا انها رفضت تسافر عشان مبتحبش تقول كلمة و تخلف بيها
اتكلمت داليدا و قالتلها
داليدا... طيب كنت عايزة اتكلم معاكي ف موضوع كدا
نجوى.. اتكلمي
داليدا... كنت بفكر بما ان يعني ربنا كرمني الحمدلله من واسع فضله ان اجيب شقة ف المهندسين و...
اضا.يقت نجوى و داليدا قالتلها بسرعة
داليدا... لا مش هروح لوحدي احنا كلنا ننقل هناك
قالتلها نجوى
نجوى... و مالها بقى مصر الجديدة يا داليدا. هانم!!
نفت داليدا و قالتلها
داليدا... لا لا حلوة و انا بحبها بس هناك هتبقى اقربلي كتير للشغل و كلنا نروح هناك ايه رأيك
نجوى... هبقى اقول لأبوي و لو وافق تمام
ف الوقت دا خبط الباب
اتكلمت نجوى و قالتلها
نجوى... عارفة انك راجعة تعبانة من الشغل بس معلش دول ضيوف عندنا و صاحبتك كمان
أومأت لها داليدا و قالتلها
داليدا...حاضر من نفسي مكنتش هسيبك يا ماما
ابتسمتلها نجوى و دعيتلها و راحت استقبلت هي و داليدا عزيزة و سلمى
و كانت سلمى باين عليها انها زعلانة من داليدا
بصتلها داليدا و قالتها
داليدا... متزعليش مني
سكتت سلمى و عزيزة قالت لداليدا بلوم
عزيزة... اختفيتي مرة واحدة لا بتسألي ولا بنشوفك ولا حتى بتقابلي سلمى ف الكافيه اللي عند الجامعة زي الأول
اتكلمت داليدا و قالتلهم
داليدا... للأسف من ساعة ما مسكت فرع المهندسين و انا مبقتش بروح زايد خالص حقك عليا يا سلمى انا حتى مش بتجمع معاهم هنا ف البيت و برجع من الشركة لو في لسة شغل بتابعه من البيت على ما مستر أمير يرجع
ظهرت عليهم معالم التفاجؤ و عزيزة قالتلها
عزيزة... هو انتي اللي بتديري الشركة !!!
أومأت لها داليدا و سلمى قالت لداليدا بفرحة و تحذير ف نفس الوقت
سلمى... انا اول مرة اعلم أمير مقالش اي حاجة و كمان برافو عليكي اساسا ازاي أمير وثق فيكي لدرجة سلمك الفرع انتي اللي تأسسيه.. اقصد يعني..
قاطـ.ـعت داليدا كلامها و قالتلها
داليدا... فاهماكي كان المفروض اسافر اشتغل ف فرع إيطاليا بس مكنش هينفع خالص ف هو قالي اني أدير الفرع الجديد خصوصا بعد نجاح الفرع التاني اللي ف زايد يعني و كمان حذ.رني انه يند.م انه سلمني مسؤولية زي دي
أومأت لها سلمى بتأكيد لإن اخوها مبيثقش ف اي حد و معنى انه وثق ف داليدا انها فعلا موظفة ممتازة ف شغلها
قالتلهم بأسف
داليدا... عشان كدا غصب عني الفترة اللي فاتت كنت مشغولة و مش بتكلم او بسأل اعذروني
كملت ببساطة
داليدا... بس خلاص كلها اسبوعين يعتبر و مستر أمير يرجع و يدير هو الفرع بنفسه
نفت سلمى و قالتلها
سلمى... مظنش
استغربت داليدا
داليدا... يعني ايه
سلمى... بما انك انت الي أسستي الفرع بنفسك لحد ما بقى من الفروع الأساسية للشركة ف الوقت البسيط جدة دا ف استحالة أمير يخليكي تسيبي مكانك كمديرة للفرع
ضحكت على اخوها و قالت
سلمى... ممكن يفكر يبني فرع جديد بقى ما احنا فاضيين
ضحكت عزيزة عليها لإن فعلا أمير كل اللي يهمه سلسلة شركاته
رن تليفون سلمى و كان أمير قالت
سلمى... أهو بيرن
داليدا...روحي البلكونة متقلقيش مفيش حد هنا غيرنا بابا و عمر ف زيارة لصاحب بابا
أومأت لها سلمى و راحت البلكونة
اتكلمت و هي بتقول لأمير
سلمى... كنا لسة جايبين ف سيرتك سامحنا بقى
استغربت و قالها
أمير... اسامحكوا؟!
و بعدها سألها و قال
أمير... انتي فين ؟
سلمى... انا و ماما عند طنط نجوى و داليدا
سكت ثواني و بعدها قالها
أمير... و كنتوا جايبين ف سيرتي بتقولوا ايه بقى
سلمى... ابدا هنقول ايه غير انك اهم حاجة عندك الشغل داليدا كانت بتعشمة انك جاي كمان اسبوعين و هتدير انت الفرع بدالها بس انا قولتلها استحالة يعمل كدا بما انك انتي اللي أسستي الفرع اكيد هيفكر يبني فرع جديد
ضحك أمير على سلمى انها فاهماه و قالها
أمير... حفظتيني يعني
قالتله بدهشة
سلمى... مش أخويا !!!
أمير... طب استعدي بقى عشان تخلصي اخر سنة كلية و تديري الفرع الجديد بنفسك
اتخضـ ـت و قالتله بنفي
سلمى... استحاااالة
قالها بتحدي
أمير... طب هتشوفي كلام مين اللي هيمشي
اتكلمت و هي بتغير الموضوع
سلمى... كنت بترن ليه
أمير... ابدا كنت هقولك اني خلصت الشغل هنا و راجع مش ضروري استنى الأسبوعين ف قولت أسألك لو عايزة حاجة من هنا اجيبهالك بما انك كنتي عايزة تيجي
قالتله بسرعة
سلمى... ايوا ايوا عايزة المحفظة اللي كنت قايلالك عليها من هناك و تكون جلدها اصلي ١٠٠%
قالها بتأكيد
أمير... جبتهالك انهاردة في حاجة تاني ؟
فرحت و قالتله
سلمى... لا شكرا خلاص كدا
أمير... تمام يلا سلام
سلمى... سلام
قفلت المكالمة و رجعتلهم تاني كانوا بيشربوا عصير
قالتلها نجوى
نجوى... تعالي يا سلمى خدي العصير بتاعك اهو
راحت و خدت الكوباية و بعدها قالت لداليدا
سلمى... باين عليه فرحان اوووي
فهمت داليدا انها قصدها ان فرحته على فرع الشركة فأومأت لها بابتسامة حاولت تخفيها
قالتلها سلمى و هي بتضحك
سلمى... أية دا.. دا انتي كمان طلعتي فرحانة اووي
اتكلمت داليدا بدهشة و هي بتقولها
داليدا... مش شغلي و حققت فيه نجاح الحمدلله !!
اتكلمت سلمى و هي بتحاول تكتم ضحكتها
سلمى... طيب... مبروك يا شركة
بصتلها داليدا و قالتلها
داليدا... انا مش متأكدة انتي بتتكلمي عن ايه
أومأت لها سلمى و ضحكت عليها و داليدا كانت مستغربة
......
عدى اسبوع و كانت داليدا بتتابع شغلها
أمير مجاش الفرع ولا مرة هل فعلا هيسيبلها الفرع تديره بنفسها!!
كانت عارفة انها ف منصب عالي براتب عالي للغاية فلم تكن تتوقع أنها تقبض بالدولار
لكن هي مكانتش محتاجة الفلوس كانت محتاجة تعيش حياتها تاني و فنفس الوقت تبقى بتشتغل و تحقق ذاتها
بس واضح ان مفيش حاجة بتمشي زي ما الانسان بيرتبلها ١٠٠%
كان جيه معاد البريك و داليدا كانت خلاص صد.عت من الشغل
خدت فونها و راحت للكافيتيريا الشركة
داليدا... ممكن تعمليلي فنجان قهوة ؟
لاقيت حد بيكلمها و كان أمير اللي قالها بشكر
أمير... ، الصراحة متخيلتش تعملي الانجاز دا كله ف ٣ شهور و نص متشكر جدا
اتكلمت داليدا باحترام و قالتله
داليدا... العفو دا واجبي
لكنها صدمت لما قالها انها هتفضل مديرة الفرع دا زي ما هي و مشي هو اصلا كان جاي يتابع الشركة و خلاص خلص شغله
هي كانت عايزة ترجع تاني لحياتنا بس من الواضح ان دا مش هيحصل
مشيت على مكتبها و رن تليفونها برقم سلمى
ردت داليدا و قالتلها
داليدا... توقعك طلع صح هفضل هنا يا سلمى
سلمى... شوفتي بقى اخويا و حفظاه يا بنتي
صمتت داليدا و لم ترد و سلمى قالتلها
سلمى... مامتك كلمتك؟
استغربت داليدا جدا و قالتلها
داليدا... لا ليه ؟
اتكلمت سلمى و قالتلها
سلمى... لا ولا حاجة خلاص كانت ماما من كام يوم كلمتها على حاجة كدا و بس خلاص مش مهم دلوقتي
أومأت داليدا و قالتلها
داليدا... طيب تمام
و قفلت المكالمة كملت داليدا شغلها و مشيت
اول ما دخلت البيت لاقيت امها و ابوها مستنينها
اتكلمت نجوى و قالتلها
نجوى... تعالي يا داليدا
استغربت داليدا و راحت و هي بتقولها
داليدا... نعم يا ماما
اتكلم جمال و قالها
جمال.... في موضوع مهم لازم نتكلم فيه
أومأت بتأكيد و قالت
داليدا... اكيد يا بابا اتفضل
جمال.... أمير السويفي صاحب الشركة عايز يجي يتقدملك
يتبععع
استغفر الله العلي العظيم الذي لا إله الا هو الحي القيوم و اتوب اليه عدد خلقه و رضى نفسه و زنة عرشه و مداد كلماته و عدد قطرات المياة و حبات الرمال و الحركات و السكون♥️🥰.