رواية ورقة نجاة الفصل الرابع عشر 14 بقلم حميده عبدالحميد
حيلي برد وانا شايفه محمود واقع قدامي وهو جثة هامدة دا الإنسان المتكبر الكان شايف نفسو على دا الإنسان الكان دايما يقول لي وين أهلك؟ انتي م عندك اهل أهلك خلوك وجرو منك عشان انتي تافه دا الإنسان من يوم عرستو م ضقت معاهو طعم للراحه ولا للحياة. دا الكان بيعذبني ويضربني ويشتمني ب أكعب انواع الألفاظ دا الإنسان الخاض في عرضي وشوه سمعتي. دا الكان شايف نفسو على دا الضقت معاهو الوجع والعذاب وخلاني اتمنى الموت في كل ثانيه٠٠٠ دا الانسان القتل زهرة شبابي وخلاني بدون روح ٠٠٠ الليله وينو؟ هدا واقع قدامي لا حول له ولا قوة والشال لي حقي منو؟ اخوي
اخوي ود امي وابوي ٠٠٠ ضحكت وف نفس الوقت بكيت اي بكيت على بشاعة منظرو وضحكت عليهو. واتذكرت كل وجع ضوقني ليهو بس هو ضاق اضاعفوا الليله٠٠٠
يامن هدأ وقال كنتي بتعاين صح قلت ليو م قدرت م اعاين قال لي اعفي لي عشان شوفتي منظر زي دا ٠٠٠ قلت ليو ابدا م زعلانه بالعكس. احسن شفت محمود وهو بيتعذب. قدامي صح م كانت حاجه ساهلة على قلبي ويمكن المنظر الشفتوا الليله مستحيل انساهو طول عمري بس ح يشفي قليلي َ وح يبرد قلبي ٠٠
واتلفت اتجاه مروان وكان شبه بقي مجنون. وبعد م شاف اخو وراسو كلو. بقي اشلا وكان عبارة عن جسد بدون راسي ويد مكسورة واصابع مقطعة. بقي يضرب في وشو. وهو بيصرخ. قلت لي تميم خليهو م تأزيهو قال لي فاطمه هو ازاك مستحيل اخليها ليهو تعدي كدا ساي قلت ليو شوف حالتو بقت كيف دا براهو عقاب ليهو هو حاليا م عارف نفسو حي ولا ميت. وموتت اخوهو ح تكون ليهو خنجر في قلبوا. وخلي ضميرو يأذبوا كدا لمن يموت. واهلوا برضو ح يكون دا عقابهم وح يعيشوا كدا همم. متعذبين على ولدهم
يامن قال لي صح كلامك بس كانو مصرين شديد هو وتميم انو يقتلوا وانا قدرت اقنعهم ف النهايه وخلوهو
تميم اتلفت على واحد من العساكر وقال
شهاب ٠٠٠
رد ليهو احكي ي تميم
اتلفت اتجاه جثة محمود وقال ليو. ترفعوا جثة محمود ومعاهو اخو وتودو البيت لي اهلوا عشان يدفنوا قال ليهو تمام وأشر على اتنين عسكري جو رفعوهم وطلعوا بيهم برا
يامن مسك يدي وقال لي ارح نطلع من المكان دا
قمت على حيلي ومسكت يدو بقوة كنت م مصدقة بجد كانت حاجه وكانها خيال. اليوم انا ماسكة يد اخوي سندي وقوتي من بعد اليوم م ح اخاف انا وراي أسد ٠٠٠ ضحكت والفرحه دخلت قلبي ٠٠٠
طلعنا برا والمنظر كان فظيع جثث مرمية في الأرض وكمية من الجيش ٠٠٠ ودموم وحاجات كدا الحمدلله
جا واحد ووقف قدام تميم وقال
تيمو شنو ي زول اول لقاء لينا بعد كم سنة يكون كدا؟؟
ضحك وقال ليو حال الدنيا ي مقداد.
وإتسلاموا سلام حار
جا على يامن سلم عليهو بالكتف وقال ليو ٠٠٠
وأخير الأصدقاء التلاته اتلاقوا بعد زمن وفي مداهمة كمان. ياخ الناس ديل معقوله زمنهم دا كلو ماف زول قادر يوقفهم في حدهم.؟
تميم قال ليو لمن يكون في خونة في النص دي النتيجة ي مقداد بس بإذن الله البلد ح تنتضف من اي. قمامه. ٠٠٠
يامن انسحب من نصهم وقال لي اخوانك الباقين ح يجوا ويمكن يكونو وصلوا واحتمال هم في المدينة. وح تسافري معاهم قلت ليو عندي اخوان غيرك يعني؟ ضحك وقال لي عندك أربعة اخوان زي الجبل وعلفكرة انا اخر واحد في اخواني واخونا الكبير اسمو حذيفه. وحاليا مدثر جاي هنا والباقين سافرو بس بعد م عرفو بقصتك كلهم ح يجو ان شاء الله
ابتسمت وقلت ف سري يعني انا بت وحدة وسط خمسه ولد ي سلام ي فاطمه انتي محظوظه بجد ٠٠٠
قلت ليو قبل اسافر واشوف امي عايز ارجع حقي من ياسمين قال لي م تخافي انا اي زول ازاك ح ارجع ليك حقك منو ٠٠٠
تميم ومقداد كانو مشغولين مع بعض يامن قال ليهم نتحرك بعدا ونشوف باقي المواضيع لانو قدامنا مشوار طويل وفي أسرة محمود ووووو٠٠ كلام كتير
تميم قال ليو ايوا لسه في كتير ي يامن والحصل الليله كان ذرة بس من ال ح يحصل في الأيام الجايه
ركبنا واتحركنا وانا ركبت مع اخوي يامن. طول الطريق كان بيحكي لي عن اخواني وامي وانو ح يعيشوني زي الأميرة وهو مبسوط قدر شنو لمن عرف عندو اخت
كنت بس بسمع في كلامو وانا مبسوطه شديد. وماقادرة اعبر عن فرحتي ٠٠
دخلنا المدينة الساعه ١٢ ونص ولقيت اخوي مدثر حارسنا على جمر من نار. باقي العربات واصلت طريقها بي ناس تميم ونحن بس وقفنا. يامن قال لي شايفه الزول داك قلت ليو اكيد مدثر وبيشبهك كتير. قال لي ايوا صح ذكية وارح انزلي نزلت. ومدثر كان على بعد خطوة مننا. اول م شافني دموعوا جرو. فتح لي يدينوا وم صدقت جريت وحضنتوا طوالي وبكيت معاهو مسح شعري وقال لي الحمدلله ي فاطمه الحمدلله انو ربنا جمعنا بيك. الحمدلله
رفعت راسي وقلت ليو الحمدلله دايما وابدا على نعمة الاخوان بجد مبسوطه شديد وماقادرة اعبر ليكم عن فرحتي بيكم و م قادرة أصدق حاسه نفسي بحلم بحلم
ضماني تاني وقال لي كلنا م قادرين نصدق ي فاطمه وانا شايفك قدامي زي الحلم
جا يامن وقال لي وعد مننا ي فاطمه ح نعوضك عن كل شي تعب وانتي اميرتنا الصغيرة وحتعيشي وسطنا زي الملكة ٠٠٠ قلت ليو يخليكم لي يارب
مدثر قال لي يامن اجرت بيت مفروش و ح نقعد فيهو الليله وبكرة ح اسوق فاطمه ونسافر قال ليو لالا فاطمه ح ترجع معاي ي مدثر عشان في كم موضوع كدا ح نحلوا مع بعض وكان في محكمه طلاق بس يلا الحمدلله محمود ومات بلا وانجلا قال ليو تمام تلاته يوم بس وم ح نزيد عليهم قال ليو عديله. اتوجهنا على البيت الجديد. وانا مبسوطه وسط اخواني وصلنا َوكان حلو شديد وفيهو كم غرفه ٠٠٠
قعدنا في الصالة ومدثر قال لي اعملي لينا قهوة وتعالى نتونس قلت ليو حاضر ي اخوي دخلت المطبخ وبديت أجهز فيها
في جانب آخر ٠٠٠
كو كو كو كو ٠٠٠٠
ي بت يا نسرين امشي شوفي دا منو في الباب
اقعدي بمشي انا
خلاص ي امي ابوي فات يفتحوا ٠٠٠
طلع من الصالون بخطوات كلها غرور وكبرياء
مد يدو نزل السقاط وفتح الباب
السلام عليكم ورحمة الله وبركاته
وعليكم السلام ورحمة الله
انتو تبع كتيبة تميم صح؟
ايوا
العسكري اتلفت وراهو وقال نزلوهم
جو اتنين عسكري شايلين محمود في السرير ومغطنوا ب الملايه نزلوا جنب الباب وبعدو نزلو مروان وهو شبه نصيح أو مجنون رسمي
بسم الله الرحمن الرحيم
=دا شنو؟؟
العسكري اتكلم وقال
تميم وصل ليك سلامو وقال ليك اتسلم عيالك وقال ليك. وعد منو انو البلد دي ح تنضف منك ومن اشباهك. ولا عذر لمن انذر٠٠٠
وركبوا العربية داسوا فرامل وفاتو
دنقر. تحت ويدينوا كانو بيرجفوا
زح الملايه واتفاجأ بي محمود بدون راس. ومروان قعد يعمل في حركات غريبه ٠٠
خت يدينوا في راسو وصرخ ب أعلى صوت. وبقي يضرب وشو في الأرض ٠٠٠
يبت نسرين دا ابوك القعد يصرخ؟ اي امي اجري نشوف مالو يارب
جرو على الباب
طق وقفت لمن شافت المنظر
ورررب جات واقعه في الأرض
لاحول ولا قوة الا بالله
وااااااااااااااااااااي وااااااااااااااااااااي
وااااااااااااااااااااي
سجمي الليليه وب علي الليله كر علي وااااااااااااااااااااي ي سعاد الليله ي سعاد سجمك ي سعاد دا ولدك الكبير ي سعاد الليله محمود وب عليك ي محمود الليله انا بعيش بدونك كيف ي ولدي. الله ينتقم من العمل فيك كدا ي محمود حييينا ي محمود كر علي ي محمود الليله انا بعيش بلاك كيف ي محمود ودا منو العمل فيك كدا ي محمود الليله ولدي الكبير وينو حشاي وينو ولدي قتلوا ولدي لسه م شاف حياتو ولدي لسه م عاش شبابوا ولدي م شاف جناو.الله ينتقم منك ي فاطمه
امي ي امي قولي بسم الله ي امي ٠٠٠٠ وااااي ي اني محمود مات اي مي
زحي مني كدا انا م امك ولا بعرفك. الليله محمود ولدي مات. اختوني وزحوا مني ٠٠٠
الشارع اتملى ناس والنسوان كلهم طلعوا من البيوت
الخبر انتشر . والخالات والعمات كلهم جو دقو صيوان العزا. وسعاد دخلت في غيبوبة ٠٠٠
بعد مرور ثلاثه ايام ٠٠٠
عدو تلاته يوم. وطول الايام دي م. شفت تميم جا مرة وحده بس وحاليا هم مشغولين شديد عشان ينفذو خطتهم ٠٠٠ وياسمين. عرفو مكان قاعدة قلت لي يامن يوديني ليها عشان اديها كف يخلي وشها كلو يمشي يمين بس رفض ٠٠ بس اكيد ح امشي ليها وح. انتقم منها
بعد المغرب عملت لي قهوة ظريفه واخوي مدثر للأسف سافر جاهو موضوع مهم بس ح يرجع بكرة كنت انا ويامن بس عايشين سوا٠٠ ٠٠٠ الباب ضرب افتكرتو يامن مشيت عشان افتحوا بس قلبي اكلني قلت في سري لا دا م يامن يامن عندو المفتاح معقولة يكون زول من اهل محمود.؟ واكيد م ح يخلو الموضوع دا يعدي ساي. اترددته مسافه وصوت طرق الباب. بد يزيد اكتر.مشيت وعاينت ب فوق كانو اتنين مرا لابسين تياب ومبلمين يعني قافلين وشوشم٠٠٠
عايزين مني شنو يارب؟!
قويت قلبي وقلت يلا ي فاطمه احتمال يكونو جيران ساي وجو يسلموا عليك
مشيت وفتحت الباب ٠٠
كانو ساكتين قلت ليهم سلام عليكم
م ردو
قلبي اكلني وطق قفلت الباب وجريت جوا الغرفه . طلعت تلفوني الجابوا لي يامن اتصلت ليهو ع طول وقلت ليو حصل كدا وكدا قال لي خليك جوا وم تتحركي نهائي . تميم قريب منك ح اتصل ليهو هسي دي وح يجيك وانا بعيد شويه لكن ح اصلك بعد نص ساعه
قلت ليو تمام. قفلت الخط وانا خايفه. وزاد خوفي اكتر انو شكلهم من زي شكل الرجال يعني منظرهم م منظر نسوان ٠٠٠
في جانب آخر
كان يجلس داخل مكتبٍ حكوميّ تتسم جدرانه بالبساطة والصرامة؛ طاولةٌ خشبية عريضة تتكدّس فوقها بعض الملفات والأوراق الرسمية، وإلى جانبها هاتفٌ أرضي ودفتر ملاحظات، بينما تتدلّى على الجدار صورةٌ رسمية وشعارُ الدولة، وتتوزع على الرفوف ملفاتٌ مرتبة في حافظاتٍ مختلفة. وكان في الغرفة عددٌ من الكراسي الخشبية والمعدنية المخصصة للمراجعين، مصطفّةً أمام المكتب في هدوءٍ ثقيل.
أسند رأسه إلى حافة الكرسي، وقد بدت على ملامحه أماراتُ غضبٍ شديد؛ عقد حاجبيه، وضاقت عيناه، بينما كان صدره يعلو ويهبط بثقلٍ متتابع. مرّر يده بعصبية فوق سطح الطاولة، ثم قبض أصابعه فجأة وضربها بقوة، فارتجّت الأوراق فوقها وتناثرت قليلًا.
تبًّا...... ..!
ااااااااااخ ااااااااااخ يامن وتميم ومقداد. عايزين تبقو لي مشكلة كبيرة
. لازم تنزلو والا اي . شي انا خطط ليهو من زمان ح ينتهي بسببكم ولو ابيتوا وركبتوا راس ح ازيلكم بالقوة. ايوا بالقوة دا شغلي وانا خطط ليهو من سنين ومستحيل اخليكم تنتهوا منو في أيام بس
رفع التلفون. واتصل
الخط فتح
_الوووووووو
=هلا نعمان
اسمعني ي ي عمر
هسي دي تتصل تلفون وتقول لي تميم ويامن ومقداد يسلموا اي شي وينزلوا من مناصبهم رسمي وشعبي ويسلموا السلاح برضو
بس ي نعمان. التلاته ديل م بنقدر عليهم
ضرب الطربيزة بقوة ماف شي اسمو م بنقدر عليهم.!!
=بس هم جيشهم معاهم ولو نزلناهم كتائبهم كلها بتنزل معاهم يعني دي تعتبر خسارة ٣٨ الف جندي ودي خسارة كبيرة للدولة
يعني انت شايف كدا؟
ايوا
خلاص صفوهم
نغدر بيهم يعني؟
ايوا بالضبط
تمام ي سعادتك٠٠٠
في الطريق ٠٠٠
كللن كللن. كللن ٠٠٠
ي هلا
اهلين تميم اسمعني ياخ انا بعيد شويه . وحسب علمي انت اتحركت من القاعدة وتقريبا قريب ل بيتنا
ايوا صح خير ان شاء الله
فاطمه اتصلت لي هسي وقالت في اتنين مرا واقفين ليها جنب الباب ولمن طلعت منظرهم كان غريب شديد المهم قلبي م مرتاح وشاكي ليهم علاقه بي الجماعه ديلك
=تمام ح امشي عليها هسي
قفلت الخط. وطلعت ع شارع البيت القاعد فيهو يامن وفاطمه ٠٠٠
وبعد م جا يامن لقيت انو هو أولى بحمايه فاطمه. ما إنو وقت كنت حاميها كنت مبسوط شديد وكنت مستعد افديها ب روحي٠٠٠
هزيت راسي وضحكت
أصحي ي زول دي اوهام ساي ٠٠٠
وصلت بعد ٥ دقائق بس. وقفت العربية ومشيت ع الباب دقيتوا بس ماف زول فتح رجعت ودقيتوا بقوة بس نفس شي. بديت اخاف بس اوع تكون حصلت ليها حاجه٠٠٠٠
عايز اكسرو بس فاطمه فتحت
وقفت جنب الباب وقالت كنت عايز تكسرو صح؟ اااا طبيعي انت ويامن كدا ماشاءالله م عندكم زمن نهائي
ضحكت وقلت ليها متعودين عشان كدا وبعدين إتاخرتي لحدي تفتحتي قالت لي اي كنت بلبس في توبي لانو يامن كلمني ح تجي قلت ليها اها حصل شنو ؟؟ حكت لي بنفس الكلام الحكاهو لي يامن قلت ليها ح. اقعد جنب الباب لحدي م اخوكي يجي قالت لي طيب هي دخلت جوا وانا ركبت ورا العربيه وقعدت فوق وبقيت اتامل في منظر الشارع ٠٠٠
بعد دقائق جات فاطمه طالعه وهي شايله كباية قهوة في الصينيه مدتها لي رديت ليها وانا بشيلها
شكرا ي ستي َ م كان تتعبي نفسك
وهنا طق انتبهت لي نفسي انو قلت ليها ستي!!
نزلت راسها وقالت ولو العفو حاجه بسيطه في سبيل الحاجات القدمتها لي ي تميم
ابتسمت وقلت ليها واجبنا ياخ٠٠
قالت لي ممكن اسالك سوال؟
قلت ليها اتفضلي.
قالت لي غير اخوك تيم الله يرحمه تاني م عندك اخ أو اهل اوو... كدا
سرحت مسافه وقلت ليها ماعندي غير اخوي واهلي ماتو بعد ولادتنا بي ٧ يوم بس ووربتنا خالتي. لحدي َ بقينا في سن ١٨ سنة وهي برضو اتوفت. ربنا يرحمها قالت لي ربنا يرحمها يعني حاليا عايش وحيد قلت ليها اي عايش وحيد. بس بعد م شفتك انتي بقيتي كل أهلي وهنا لساني فلت للمرة التانيه ضغط على عيوني وقلت ليها اسف ياخ ٠٠
سكتت مسافه ويمكن فهمتني. اتنهدت وهي ماسكة الصينيه وقالت لي تميم انا مستعدة ابقى كل أهلك وصدقني يسعدني ويشرفني انو اكون انا جزء من حياتك
القهوة وقفت في حلقي كنت م مستوعب معقوله هي قالت لي كدا اكيد م قعد احلم
عايز ارد ليها بس شفت نقطه حمرا بتمشي وتجي في قميصي ٠٠٠
لا حول ولا قوة الا بالله قناص عاينت لي فاطمه وقلت ليها م تتحركي وخليكي طبيعيه قالت لي في شنو قلت ليها م تخافي بس في قناص مترصد لينا فوق ٠٠٠
يتبع .....