
رواية بين النفوذ والقلب الفصل الثالث والعشرون 23 بقلم نسرين نادر
عهد تحت سقف واحد
صلي على النبي 💕
كانت سيارة آسر الحديدي الفارهة تشق طرقات القاهرة الهادئة في ذلك المساء. لم يكن آسر يرى الأرض من فرط سعادته؛ فعقله يرفض تماماً مغادرة ملامح هنا. أخيراً، تخلص من كابوس آيتن وعادل الراوي، وبدأ يشعر بانتصار حقيقي، ليس لأنه استعاد شركته وهيبته، بل لأنه استعاد قلبه الذي نبض لأول مرة.
وعلى المقعد المجاور له، كان صديقه المقرب عمر يتابعه بنظرات جانبية مرحة، قبل أن يطلق ضحكة خافتة قائلاً:
"جرى إيه يا فهد؟ أول مرة أشوفك سايق بالهدوء ده! وبعدين فك التشنج اللي في كتفك ده شوية، إحنا رايحين نخطب مش داخلين اجتماع مجلس إدارة!"
التفت إليه آسر ورمقه بنظرة غضب حادة ومستفزة تداري توتره الشديد، بينما عدّل ياقة قميصه الأبيض الفاخر قائلاً بغيرة وقلق لم يستطع إخفاءهما:
"عمر.. تفتكر البني آدم اللي اسمه سامي ده ممكن يظهر هناك؟ الشقة جيرانهم، وأنا مش عايز يلمحها ولا يبقى في بينهم أي تقارب أو كلام بأي شكل النهاردة."
ضحك عمر بقوة وربت على كتف آسر مطبطباً:
"يا عم اهدى! أنت خطبتها قدام صحافة البلد كلها والكل عرف إنها تخص الفهد. سامي مين ده اللي يجرؤ يقرب؟ ركز في فرحتك وبلاش غيرة مجنونة من أولها كدة!"
وفي نفس الوقت، داخل الشقة البسيطة لعائلة الشناوي، كانت الأجواء تنبض بالحركة والبهجة الدافئة.
في الصالون، كانت نسمة لا تتوقف عن الحركة بنشاط وحب؛ وقفت تعدل فازة الورد الكبيرة الموضوعة على الطاولة الرئيسية، وتنسق ألوان الزهور بعناية لتليق بجمال الليلة، ثم رتبت المفارش بلمساتها الرقيقة وهي تدندن بابتسامة واسعة. بعد أن اطمأنت أن كل شيء في الصالة يبدو مثالياً ومرتباً، اتجهت بخطوات سريعة نحو غرفة صديقتها.
دلفت نسمة إلى الغرفة لتجد هنا تقف متوترة أمام المرآة، فاقتربت منها وساعدتها بلمساتها في تنسيق باقة الورد الصغيرة وتعديل فستانها اللافندر الهادئ الذي يبرز رقتها الشديدة وحجابها الأبيض الأنيق. التفتت نسمة إليها وقالت بمرح:
"يا أرض اتهدي ما عليكي قدي! إيه الجمال ده كله يا هنو؟ بجد طالعة زي الملاك، وعريسك زمان ركبه بتخبط في بعضها برا دلوقتي."
ابتسمت هنا بخجل ودق قلبها بعنف، لكن الابتسامة تلاشت تدريجياً وحل محلها القلق وهي تتذكر صرخات آيتن الهستيرية: "والله لأحسرك عليها يا آسر!". انتبهت والدتها أمينة التي كانت تقف خلفهما لتوتر ابنتها، فرأت عينيها تلمعان بالدموع.
اقتربت هنا من والدتها وأمسكت يديها قائلة بنبرة مرتجفة حنونة: "أنتِ بتعيطي يا ماما؟"
دمعت عينا أمينة بالدموع واحتضنتها بحنان جارف وهي تبتسم:
"دي دموع الفرحة يا حبيبتي.. كبرتي وبقيتي عروسة يا هنا، وهتتزفي لأجدع راجل. صونيه يا هنا، وحطيه جوة عينيكي."
احتضنتها هنا بقوة، وحاولت جاهدة أن تطرد وساوس الخوف من عقلها لتستمتع بليلتها.
وفي إحدى شقق الزمالك الفاخرة، كان سامي يقف في شرفته المظلمة، ممسكاً بكأسه وعيناه تشعان بذكاء حاد يغلغله خبث شديد. رن هاتفه، فظهر اسم آيتن الراوي.
أجاب بنبرة باردة وواثقة، ليأتيه صوت آيتن المليء بالبكاء والغل والجنون:
"أنت فين يا سامي؟! أبويا حبسني في البيت ومانعني من الخروج بعد الفضيحة اللي آسر عملها لنا! الشركة بتنهار، وآسر خلاص خطوبته على الجربوعة دي النهاردة في بيتها.. أنا بموت يا سامي، مش هسيبهم يتهنوا!"
ابتسم سامي ابتسامة خبيثة غامضة وهو يأخذ رشفة من كأسه قائلاً بصوت منخفض حاد:
"اهدي يا آيتن.. اهدي خالص ومتقلقيش. خطوبة البيت دي مجرد ورق على الفاضي.. اللعبة الحقيقية لسة هتبدأ، وأنا محضر لمفاجأة تليق بمقام الفهد الحديدي."
سألت آيتن بلهفة وجنون: "مفاجأة إيه؟! هتعمل إيه يا سامي؟ قول لي!"✏️📖بقلمي نسرين نادر
تحدث سامي بنبرة هادئة ومخيفة دون أن يكشف عن خيوط خطته:
"آسر مفكر نفسه ملوش نقطة ضعف.. بس هنا وعيلتها البسيطة هما الثغرة اللي هندخل له منها. إحنا هنلعب على خوفهم وتوترهم، وهخليهم هما بنفسهم اللي يترجوا آسر يبعد عن بنتهم ويسيبها في حالها خوفاً على حياتهم.. الصبر حلو يا آيتن، واللعب على الهادي بيكسب دايماً."
دق جرس الباب في شقة الشناوي معلناً وصول عائلة الحديدي.
تحرك عبد العظيم ليرحب بضيوفه، بينما وقف زياد (أخو هنا) بجانبه بابتسامته العفوية الشقية. دخل عمر أولاً وهو يحمل علب الحلويات الفاخرة، وبابتسامة واسعة قال بمرح وخفة دم:
"مساء الورد والياسمين على أهل البيت الجُمال! يا جماعة وسعوا السكة كدة.. أنا داخل بعريس متوتر لدرجة إنه سألني تلات مرات في الطريق لو لون كرافتته لايق على الشقة ولا لأ!"
ضحك عبد العظيم وزياد من قلبهما، وتقدم زياد ليصافح آسر بحماس قائلًا بهزار ومشاكسة:
"أهلاً يا آسر بيه! منورنا والله.. أنا لغاية دلوقتي مش مصدق إن جوز أختي هيبقى راجل مهم زيك كدة.. يعني من بكرة هلاقي اسمي في الجرائد وصوري مع الفهد الحديدي؟"
ضحك آسر من قلبه على عفوية زياد وربت على كتفه قائلاً: "منور بأهله يا زياد، ومن غير بيه.. أنا أخوك الكبير من النهاردة."
وفي تلك اللحظة، اقترب عمر بخبث من خلف آسر، وقرصه قرصة خفيفة ومفاجئة في رقبته وهو يغمز لزياد ويقول بصوت مسموع:
"عشان يحصل لك بقى في جمعتك يا عم ويغمى عليك من التوتر كدة!"
انفجر الجميع بالضحك على حركة عمر العفوية، وعلت الضحكات في الصالون لتكسر كل التوتر الجليدي، وضحكت جيجي بشدة وهي تتابع شقاوة عمر وتلقائيته.
دخل بعدها شريف الحديدي بهيبته، وسناء والدته الحنونة، وجيجي التي كانت تلتفت بلهفة باحثة عن هنا.
جلس الجميع في الصالون، وتقدمت سناء (والدة آسر) وجلست بجوار أمينة (أم هنا) وقالت بنبرة دافئة ممتلئة بالود:
"ألف مبروك لينا يا أمينة يا حبيبتي.. إحنا بجد اتشرفنا بيكم وبمعرفتكم، ومبسوطة جداً إن هنا هتبقى مننا وعلينا."
ردت أمينة بابتسامة حنونة: "الله يبارك فيكي يا سناء هانم، الشرف لينا إحنا يا حبيبتي.. هنا بنتك من النهاردة."
وفي تلك اللحظة، خرجت هنا برفقة نسمة وهي تحمل صينية القهوة بيديها المرتعشتين من الخجل. بمجرد دخولها، وقف آسر تلقائياً وتلاقت عيناهما في نظرة طويلة مليئة بالحب والدفء. تقدم برفق وأخذ منها الصينية ليخفف عنها توترها، وتلامست أصابعهما تلامساً غير مقصود جعل وجه هنا يشتعل حمرة، وهمس لها بصوت دافئ: "مبروك يا هنايا.. طالعة تجنني."
جرى اللقاء وسط أجواء دافئة، حيث التفت جيجي (أخت آسر) نحو هنا بسرعة واحتضنتها بحب قائلة بعفوية ومرح:
"ألف مبروك يا هنو! أنا بجد مش مصدقة إنك خلاص هتبقي خطيبة أخويا وعروسته.. كلها حاجات بسيطة وتبقي معانا في البيت وتنوريه، ومستنياكي على نار عشان نخطط لكل حاجة سوا!"
نظرت هنا لجيجي بابتسامة دافئة وقالت برقة: "حبيبتي يا جيجي، الله يبارك فيكي يا رب.. وعقبالك إن شاء الله وبسرعة كمان!"
تصلبت جيجي مكانها، واشتعل وجهها خجلاً وحمرة مفاجئة، وابتسمت بتوتر وهي تحاول النظر للأرض وسط نظرات عمر الجانبية المبتسمة، مما زاد الجو ألفة ولطفاً.
التفت شريف الحديدي نحو عبد العظيم وقال بنبرة وقورة تفيض بالتقدير والأبوة:
"يا أستاذ عبد العظيم.. إحنا يشرفنا ويسعدنا النهاردة نطلب إيد بنتنا هنا لآسر ابني. وإحنا الحقيقة بنشتري نسبكم وأصلكم الطيب قبل أي حاجة ثانية."
نظر عبد العظيم لآسر بمعزة وتقدير، ثم ابتسم برضا تام وربت على كتف آسر قائلاً بحنان ووقار الأب:
"وأنا يشرفني يا بني.. آسر راجل، وأنا وثقت فيك وأمنتك عليها.. تحافظ عليها يا بني، دي أغلى ما أملك في دنيتي كلها."
نظر آسر لعبد العظيم بصدق ورجولة نادرة وقال: "في عيني وقلبي يا عمي.. أمانتك في رقبتي ليوم الدين."
فتحت سناء علبة الشبكة الألماسية الرقيقة التي تلمع ببريق فخم يناسب رقة هنا، وتعالت زغاريد جيجي ونسمة لتمتلئ الشقة ببهجة حقيقية. تقدم آسر وأمسك كف هنا برفق ولبسها الدبلة والشبكة وعيناه تلمعان بصدق، وهمس لها وهو يضغط على يدها بلطف:✏️📖بقلمي نسرين نادر
"من النهاردة، أنتِ في حمايتي.. ومفيش قوة هتقدر تقرب منك طول ما أنا عايش."
وفي غمرة هذه السعادة العارمة والضحكات، رن جرس الباب بعنف غريب وسريع.
عقد عبد العظيم حاجبيه وقال باستغراب: "مين اللي ممكن ييجي في وقت زي ده وبيرن بالطريقة دي؟"
تحرك عمر سريعاً ومعه زياد وقالا: "إحنا هنفتح نشوف مين."
فتح عمر الباب، ليجد طيار دليفري يقف بتوتر واضح وهو يحمل صندوقاً خشبياً أسود فخماً، ومحاطاً بشريط أحمر قاني يشبه لون الدم تماماً.
قال الرجل بتلعثم: "العلبة دي مبعوتة للبشمهندسة هنا عبد العظيم.. ومكتوب عليها عاجل جداً ولازم تفتحها دلوقتي حالا!"
عقد عمر حاجبيه بشك وريبة جارفة، وأخذ الصندوق بعد أن انصرف الرجل. بمجرد أن دخل عمر بالصندوق، لاحظ آسر أن الصندوق تنبعث منه رائحة غريبة ومنفرة، ومكتوب عليه اسم "هنا" بحبر أحمر فج يشبه الدم الجاف.
تراجع الفرح فجأة وحل محله توتر ثقيل. تراجعت هنا خطوة للخلف وقبضت على يد والدتها ونسمة بخوف، بينما تقدم آسر بخطوات سريعة وعينين تشتعلان بالشك.
وضع آسر الصندوق على الطاولة، وبحذر شديد فتح القفل الخشبي ورفع الغطاء..
لتنطلق شهقة ذعر جماعية هزت أركان الغرفة!
داخل الصندوق الأسود، كان يرقد عصفور أبيض صغير مذبوح وغارق في دمائه بطريقة وحشية، وبجانبه بطاقة بيضاء صغيرة مكتوب عليها بخط أحمر عريض وواضح دون توقيع:
(مصير الرقة والبراءة دايماً بيكون الذبح.. مبروك الخطوبة يا هنا.. ابدأي عدي أيامك اللي باقية، لأن العد التنازلي لحياتك بدأ النهاردة!)
تراجعت هنا للخلف بصدمة شلت أطرافها، وأطلقت صرخة مكتومة قبل أن يغيب وعيها تماماً وتسقط مغشياً عليها في حضن والدتها ونسمة اللتين صرخوا برعب هز أركان المنزل: "بنتي!!! الحقونا بنتي هتروح مننا!"
اندفع آسر نحو هنا كالمجنون يحاول إفاقتها وقلبه ينبض برعب حقيقي، وصرخ بصوت زلزل أركان الغرفة وهو يوجه حديثه لعمر وزياد بنبرة قاطعة وصارمة لا تقبل النقاش:
"عمر! اتصل بالرجالة فوراً.. من اللحظة دي حراسة مشددة على الشقة هنا وعلى البيت كله.. وتتحرك فرقة كاملة تأمن كل خطوة للأستاذ عبد العظيم وأمينة وزياد.. سامعني؟! من اللحظة دي محدش فيهم هيتحرك خطوة واحدة برا عتبة البيت ده إلا ورجالتي محوطينه وتحت حمايتي التامة!"
تصلب جسد آسر بالكامل لاحقاً وهو ينظر إلى الصندوق الملعون، وتحولت عيناه إلى كتلة من الجمر تشتعل برغبة عارمة في الانتقام، وقبض على حواف الطاولة بقوة كادت تكسر الخشب وهو يهمس بفحيح مرعب تملؤه الكراهية والغضب:
"وحياة دموع هنا وخوف أهلها.. اللي عمل كدة هيدفع التمن من روحه وعمره!"✏️📖بقلني نسرين نادر
فصل خفيف انهاردا 😹🔥هنا صعبانه عليا مش عارفه تفرح وجهولها كلمه تقويها شويه💕💕
1. هل هينجح مخطط سامي الغامض في زرع الرعب بقلب عيلة هنا بالصندوق ده؟
2. إزاي آسر هيوزع الحراسة ويحمي هنا وعيلتها من التهديد ده؟
3. هل آسر وعمر هيعرفوا يوصلوا للراجل الدليفري اللي جاب العلبة دي ويكشفوا اللي وراه؟
شاركوني توقعاتكم النارية يا مبدعين في التعليقات واي رأيكم ف الفصل كامل مستنيه تشجيعكو ي حبايب قلبي 💕....