
مهران: من النهارده الحكم بالحديد والنار وكل الجوامع تتجفل
شيخ الجامع: ازاي يعني تجفل بيوت ربنا
مهران: خليك بعيد يا شيخ مش عايز ابتدي بيك انته
شيخ الجامع: اياك والتجبر والتكبر
مهران: شديد عنتر خدو الراجل ده وحطوه ف مخزن الجصر هاه مين تاني عايز يجرب
لينكس جميع الرجال رؤسهم
مهران: جدعان وبتسمعو الكلام ياله علي بيوتكم ومن جبل الفجر تكونو ف الأرض ثم يتركهم ويذهب الي القصر ليجد الجميع جالسين وزوجه خاله تتحدث مع نجمه بغضب
فايزه: جيتو خربتوها وشكم شوم علينا ومش بعيد تكونو انتو اللي عملتوها ايوه ماهو مين اللي ليه مصلحه غيركم ولا حتي يجدر يعمل كده اسم الله علي شبابك يا الهام يا بتي ولا الست الكامله ست البلد والصعيد كله
مهران: كفايه وجع راس واد يا ساجد من بكره تنزل الأرض مع المزارعين تزرع وتجلع معاهم وانتي يا ست نجمه انتي وبتك تشتغلو ف المطبخ
نجمه: حاضر بس متزعلش نفسك انته
فايزه: ماعاش ولا كان اللي يزعل كبيرنا
مهران: حد دخل عند امي وشافها
فايزه: اه دخلت عنديها وحالها يوجع الجلب
مهران: وعزب مشي
ساجد: اه راح الجيش
مهران: طيب خشي يا مرت ابوي اعملي فنجان جهوه ساده
نجمه: كده يا ولدي من غير اكل
مهران: ملكيش صالح انتي
نجمه: امرك يا ولدي بس عايزين نجيبو واحده تخدم الست كامله
فايزه: مش جالك خليكي ف حالك بعد اذنك يا ولدي هجيب بت اخوي تجعد مع ستنا وتخدمها
مهران: هاتيها
فايزه: من عيوني ثم تتصل علي سعيد ولدها هات بت خالك وتعالي
سعيد: طياره
اما في منزل فيروز فها هيا بعد أن تحدثت مع ساجد ونجوي وأماني فها هيا تدخل علي والدتها
فيروز: اما انا متعودتش اخبي عليكي حاجه
عقيله: خير يا بتي
فيروز: هجولك وانا بتكلم مع نجوي وأماني ساجد دخل معانا ف المكالمه وجاللي ايه رءيك تاجي تمرضي مرت ابوي اهو ينوبك ثواب فيها وخصوصي أن عزب خلاص راح الجيش
عقيله: هو عزب عارف انك عايشه هنا معايا ف البلد
فيروز: له هو عارف اني عايشه ف مصر مع ناس المرحوم ابويا
عقيله: والله ما عارفه اجولك ايه
فيروز: صوت الباب يا اما حد بيخبط
عقيله: طاب خشي جوه ومتطلعيش مهما حصل
فيروز: حاضر
لتفتح عقيله الباب
عقيله: محسب ايه اللي جابك هنا وعرفت طريجي منين
محسب: بتنا فين
عقيله: بتكم مين
محسب: فيروز بت اخويا وديتها فين
عقيله: فيروز مش بتكم بتي وحدي
محسب: متخليش السلاح هو اللي يتكلم
عقيله: البيت جدامك خش دور فيها فيروز مش هنا وديتها عند ناسي ف دمياط
محسب: يبجي اخدك معايا لغيت ما بتنا تظهر
عقيله: امشي احسنلك يا محسب احسن جسما بربي اجول بووه والم عليك خلجه انته ف عزبه ابوالليل يعني أهل العزبه يجطعوك هنا
محسب: انتي ناسيه انا مين
عقيله: انته مين ديتي ف بلدكم وبعدين كلكم علي بعضكم كبيركم وصغيركم ملكمش عازه من غير بتي اسم النبي حارسها فيروز
محسب: طاب متاجي نتفجو اتفاج
عقيله: جول
محسب: متاجي اتجوزك وفيروز حبيبه عمها تعيش معانا
عقيله: جصدك عشان تاخد ورثها
محسب: بشر مش احسن ما اموتهالك خالص
عقيله: بتمثيل خلاص انا موافجه اتجوزك بس بشرط
محسب: أمر مش شرط
عقيله: تضمنلي حياه بتي
محسب: جصدك خواتي متخافيش انا كلمتي نافده عليهم
عقيله: خلاص انته تاجيني كمان يومين اكون شيعت جيبت بتي واعرفها كل شيء
محسب: لا يا بت بجد خالت عليا
عقيله: ويعني انا هروح منك فين مكاني وعرفته حتي بيت ناسي انتو عارفينه
محسب: خلاص خليني اصدجك المره ديه لكن لو لعبتي بديلك رصاصتين ف جلبك انتي وبتك
عقيله: عيب عليك أجله هتريحني من الشجا اللي انا فيه
محسب: انا ماشي ويومين وراجع
عقيله: اعمل حسابك هنمشو معاك
محسب: إن كان كده ماشي
عقيله: بخبث وانا طبعا هكون كبيره البيت لكن مرتك ارزعها ف بيت تاني
محسب: يا سلام تحت امرك
بعد انصراف محسب تخرج فيروز علي والدتها غاضبه
فيروز: ايه اللي سمعته ديتي يا اما ممكن اعرف وليه نكرتيني وليه طول عمرنا ملناش أهل وايه اللي اتفجتي عليه مع الراجل
عقيله: براحه عليا يا بتي اول حاجه احنا لازما نهملو البلد عرفو طريجنا ومش هيهملونا ف حالنا هيجتلوكي يا بتي دول ميعرفوش ربنا
فيروز: مين دول ويجتلوني ليه عرفيني فيه ايه
عقيله: الاول نهمل البلد وبعدين اجولك كل حاجه اجولك اتصلي علي نجوي بسرعه
فيروز: ونجوي مالها باللي احنا فيه
عقيله: يا بتي اسمعي الكلام
فيروز: حاضر
لتتصل فيروز علي نجوي لتجيب عليها نجوي
عقيله: جوليلها اديني امك
فيروز: حاضر
ثم تجيب عليها رابحه
رابحه: خير يا عقيله في ايه
عقيله: مش خير الشفايجه عرفو مكانا ومحسب لساه ماشي من عندي بس انا خبيت فيروز والحمد لله مشفهاش
رابحه: طاب هاتيها وتعالي ف اسرع وقت
عقيله: مش هينفع محسب عارف شقه مصر
رابحه: والحل ايه طيب
اماني: امي خليكي مع خالتي ثواني وانا هحل الموضوع ده
رابحه: يارب يا بنتي اصبري يا عقيله اماني هتتصرف
وهاهيا اماني تتصل علي ساجد
اماني: ساجد اسمعني كويس خالتي عقيله وفيروز ف خطر ومش لاقيين مكان يقعدو فيه
ساجد: وهيا فيروز هنا
اماني: مش ناقصه غباء عندك حل
ساجد: بتفكير اه خليهم ييجو هنا القصر وانا هقول أنهم قرايبي
اماني: طاب ايه رءيك ننفذ الخطه فيروز تبقي الممرضة بتاعت مرات ابوك وخالتي عقيله كاءنها خالتك
ساجد: ماشي
اماني: وكمان هنقول أن فيروز خرسا عشان متتكلمش مع حد خالص وكده كده هيا لابسه النقاب ومحدش هيعرفها
ساجد: تمام خليهم ييجو وانا هستقبلهم
ثم تغلق اماني الهاتف مع ساجد لتبلغهم بما حدث
رابحه: حل حلو اوي وكده محدش من أهل المرحوم جوزك يقدر يهوب ناحيه القصر ده قصر ابوالليل
عقيله: ايوه بس
رابحه: مافيش بس ياله يا حبيبتي عشان تلحقو وانا هكلم ساجد وافهمه وكمان هكلم نجمه وارسيها علي الدور
عقيله: ربنا يسترها
رابحه: هقفل انا معاكي وانتي جهزي حاجتك لغيت ما ساجد يجيلك وانا هبقي اطمن عليكي
لتغلق عقيله الهاتف مع رابحه
فيروز: ممكن افهم بجي في ايه
عقيله: طاب لما نمشو هجولك
فيروز: انا عايزه دلوك
عقيله: يابتي حرام عليكي متجلبيش ف النار وانا ماصدجت ما هديت وبجيت رماد
فيروز: انا من حجي اعرف
عقيله: لله الامر من قبل ومن بعد أنا هشيل الحمل من علي صدري واجولك كل حاجه
فيروز: جوللي وانا سامعه
عقيله: انا اصلا من دمياط ناسي علي جد حالهم وابوكي الله يرحمه كان ف زياره لواحد صاحبه وشافني وعجبته وكلم ابوي وأبوي وافج ما هو أصله مكانش يتعيب والجوازه تمت بسرعه جوي وبعدين ابوكي خدني وروحنا علي بلده ناسه غناي جوي وعنديهم كتير لكن لما عرفوا اني اتجوزت ابوكي زعلو جوي وجامت عركه كبيره لكن جدتك أم ابوكي وجفتلهم لكن مجدرتش عليهم ابوكي وجتها جاللي هنهملو البلد وننزلو مصر ونزلنا مصر وسكنا ف شجه جار خالتك رابحه وخالتك عزه ام ساجد الله يرحمها وعدت الايام وجيت حملت فيكي ابوكي جاللي لازما افرح امي وخدني وسافرنا الصعيد تاني وجدتك لما عرفت فرحت جوي بس عمامك وعماتك جلبو الدنيا وجدتك أدت ابوكي جرشين وجالتله خلي بالك من مرتك والعيل اللي جاي وانا هبجي ازوركم وعدت الشهور وخلفتك ابوكي فرح بيكي جوي واتصل علي اخواته يفرحهم واداهم العنوان وجم كلهم عملو نفسهم فرحانين واتفجو مع ابوكي اننا نسافرو الصعيد ونعيشو مع بعضينا وابوكي فرح جوي وبعد ما مشيو جعدنا يومين زي الفل لكن ابوكي وجتها نزل يشتري حاجات جامت خبطته عربيه وجعد تعبان كذا سنه وجدتك بتودنا وواجفه جارنا وعرضت عليه كتير جوي أننا نسافرو نعيشو معاهم ف بلدهم لكن ابوكي مكانش بيرضي ولما سنك بجي عشر سنين ابوكي حالته اتحسنت وجاللي انا بجيت زي الفل هنزل اشتري تورته عشان عيد ميلاد رزه لكن نزل ومرجعش حد خبطه بالعربيه مره تانيه ولما خالتك رابحه خبطت عليا وجالتلي جريت ف الشارع زي المجنونه لجيته بيجوللي اخواتي اللي عملوها خدي فيروز واهربي من هنا مش هيسيبوكي عشان امي كتبت كل حاجه لفيروز انا عارف ان كده غلط بس هيا عارفه انهم مفتريين اهربي يا عجيله
وبعدين اتشاهد ومات