
لم تكن أحسان من النساء اللاتي يتراجعن حين يصبح الخطر أقرب من النجاة، لكنها كانت تعرف أن الشجاعة وحدها لا تكفي لاستعادة طفلها، وأن الاندفاع إلى المكان الذي تحتجزه فيه كارمن قد يمنحها فرصة واحدة للموت، لا أكثر
كانت تعرف أين يوجد نوح، لكنها لم تكن تعرف كيف ستصل إليه دون أن تمنح كارمن الفرصة التي تنتظرها منذ فشلها في قتلها
جلست أحسان إلى جوار الطاولة، وأمامها ورقة بيضاء، بينما كانت سارة تتحرك في الشقة بقلق واضح، تتوقف بين حين وآخر لتراقب صديقتها التي بدت هادئة أكثر مما ينبغي، وكأنها اتخذت قرارها بالفعل ولم يبقَ سوى تحويله إلى خطوات قابلة للتنفيذ
قالت سارة وهي تجلس قبالتها
ـ إنتِ فعلًا مصممة تعملي ده؟
رفعت أحسان عينيها إليها
ـ أيوه، ومش هتراجع قبل ما أرجع نوح
ـ أنا عارفة إنك مش هتتراجعي، بس لازم تفكري كويس، كارمن مش واحدة ممكن تواجهيها بسهولة، دي عندها رجال وفلوس ونفوذ، والمكان اللي مخبية فيه نوح أكيد مش سايباه من غير حراسة
ـ عشان كده مش هواجهها لوحدي
توقفت سارة عن الحركة، وحدقت فيها باهتمام
ـ تقصدي إيه؟
ـ أقصد إني هحتاج رجال أقدر أثق فيهم، رجال يعرفوا ينفذوا اللي هطلبه منهم من غير ما يبيعوني لكارمن مقابل شوية فلوس، ومش هختارهم لمجرد إنهم أقوياء، لازم أعرف مين هم، وإيه اللي ممكن يخلّيهم يغيروا موقفهم في نص الطريق
تنفست سارة بارتياح نسبي، لكنها لم تتخلص من قلقها
ـ دي أول حاجة عاقلة تقوليها من ساعة ما قررتي تروحي للمكان ده، بس منين هتجيبي الرجال دول؟ وإزاي هتضمني إنهم مش تابعين لكارمن؟
أجابت أحسان وهي تسحب الورقة نحوها
ـ مش هتحرك حد قبل ما أتأكد منه، ومش هقول لأي حد كل اللي أعرفه، كل واحد هيكون عارف الجزء اللي محتاج يعرفه عشان يقوم بدوره، ومش هسمح لحد يتصرف من دماغه ويضيّعنا
وقفت ساره فى نص الصاله، لو كان على بطاطا معانا كان يقدر يعمل كل دة
مش عارفه ليه بثق فيه رغم انى معرفوش زيك
رفعت احسان ايدها، على بطاطا اختار طريقه ولازم احترم قراره ،دى مش معركته
همست ساره، لكن تقدرى تطلبى مساعدته ؟
مش عايزه مساعدته وصمتت أحسان لحظه، ثم حتى لو هطلب مساعدته انا معرفش عنوانه ولا الاقيه فين
على بطاطا مدانيش رقم تليفون، اختفى ذى ما ظهر
وكانت فى داخلها غاضبه من على بطاطا وتتوقع مساعدته
بعدما عرف قصتها
اعتقدت انها تعرفت على رجل مختلف، لكن فى النهايه بانت حقيقته
لو كان هنا كنت هقعد وانا مطمنه همست أحسان فى سرها
قالت احسان، مفيش شخص هيقبل بالمهمه دى غير لو كان مجرم، لانه عارف انه ممكن يموت
انا هعرض مبلغ كويس يارب يكون كفيل يخليهم معايا للنهايه
فكرت ساره ،ولازم تقابلى راجل يقدر يجمع الرجاله او على الاقل عنده رجالته ذى ما كارمن بتعمل
اصل الناس دى إلى احنا عايزينهم مش موجودين فى الشارع؟
بدا الأمر معقد أكثر مما يبدو، كلما تعمقت أحسان فى الترتيبات شعرت انها ضائعه
فى كل منطقه يوجد زعيم بلطجى، لو قدرنا نوصل لواحد منهم ونبرم معاه صفقه اعتقد هننجح
ومع كل فكره كانت تلعن على بطاطا فى سرها
نصحها على بطاطا طلب حماية الشرطه، رغم انه اكتر شخص ممكن يكره الشرطه
فية عشر رجاله على الاقل بيحرسو المكان، رفعت احسان وشها لازم اشوفهم بنفسى قبل ما اخد اى خطوه
نهضت ولبست سترتها انا رايحه هناك هراقب من بعيد
رجلى على رجلك همست ساره مش هسيبك لوحدك
ثم انا اعرف المنطقه اكتر منك.
كان هناك حراس يدخلون ويخرجون ،وحراس على نقاط متابعده
دى هتكون حرب
اختفيا خلف شجره ثم فجأه حل صمت رهيب ،لاحظتا حركه غريبه فى المكان
توقفت سياره سودة ونزلت منها كارمن
برقت عيون احسان ،الهانم شرفت كمان ،نفسى اسحب مسدس وافرغه فى صدرها
وبعد دقيقه تجمع الحراس، ولاحظت ساره انهم يتحركون فى مجموعات
احنا انكشفنا همست ساره وهى بتلاحظ ان الحراس شكلو دائره حواليهم
ورغم الظلام كانت حركتهم واضحه ،لازم نهرب بسرعه؟؟
اتأخرنا همست ساره وهى بتشاور على حارسين جايين من وراهم
اتفضلو معانا من غير شوشره أمرهم الحارس المسلح
انهارت أحلام أحسان وكادت تبكى
المره دى كارمن هتتخلص منهم للأبد
مشت ببطيء كأنها تسير على الجمر، ثم فجأه سقط الحارس على الأرض والحارس إلى جنبه صرخ ووقع على الارض
استدارت أحسان وساره قابلهم وجه على بطاطا
راحت احسان تتكلم لكن على بطاطا كتم انفاسها ،ولا حركه
جر احد الحراس وارتدى ملابسه وحمل سلاحه وصوبه على نفوخ أحسان أمشى قدامى
همست أحسان هندخل لوحدنا ؟
لازم نجيب رجاله معانا
فات الميعاد همس على بطاطا بغيظ، انتى بوظتى كل خططى
لو مشينا مش هتشوفى ابنك مره تانيه
جرهم خلفه حتى وصل نقطة الحراسه وقبل أن يصل
صفع احسان على وجهها بقوة وركل معدة ساره بعنف
الهانم طالبه البنتين دول
رمقه الحارس بغير اهتمام وسمح له بالمرور
دلفو بين حراس مدججين بالسلاح وأمام كارمن ضرب على بطاطا احسان فى كل مكان فى جسمها ولما راحت تفتح بقها
صفعها بعنف وقسوة حتى نزلت على الأرض
البنات يا هانم قال على بطاطا وهو يعرج تجاه الجدار ليقف فى انتباه جوار بقية الحراس
حذرتك مره يا احسان
قولتلك نوح إبنى وملكى، لكن أزاى لازم تعملى فيها بطلة
واحده غيرك كانت حمدت ربنا انها لسه حيه بسبب خيانة كلب ولا يسوى عض الأيد إلى اتمدت ليه
شاورت لحارس واخدت السلاح منه ،المره دى هتموتى بايدى
انتى والكلبة إلى بتجرى وراكى فى كل مكان
اعتقدتى ان عيونى عاميه لكن انا كنت براقب كل حاجه
وضعت يدها على الزناد
وانقطعت الكهرباء عن المكان كله
صرخت كارمن ايه إلى بيحصل؟
فيه خيانه
التف الحراس حول كارمن فى دائره وشغلو اضأة الكشافات
عوض صرخت كارمن، اقبض على الدخيل وهاتو هنا تحت رجليه
سقط رجل خلفها وواحد جوارها وتدحرجت الكشافات الضوئية على الأرض
كان العدد يتناقص، ولا صوت للرصاص، صرخت كارمن كل الحراس يجو عندى واى حارس يعترض يبقى هو الخاين
راح الحراس يركضون ولم يتبقى سوى شبح أسود جوار الباب
صرخت كارمن هو ده اقتلوه
منحته كارمن فرصه ذهبيه ،جمعت كل الحراس فى مكان واحد
ارتمى على بطاطا على الأرض وتدحرج ولان عدد الحراس كبير كانت كل رصاصه تخرج من سلاحه تسقط رجل
لازم ناخدك على غرفه جانبيه جذبها عوض من ايدها
حمايتك هى الأهم دلوقتى
انسحبت كارمن مع تلت حراس والباقى فضل قدام الباب
احتمت احسان وساره خلف اريكه ملتصقه بالجدار
ووضعت كل واحده منهم يدها فوق اذنها
تقدرو تقومو ،سمعت احسان صوت على بطاطا المطمأن
كانت الأرض مغطاه برجال يصرخون من الوجع
افتح الباب يا عوض صرخ على بطاطا
وصله الرد برشقة رصاص فجرت خشب الباب وكادت تصيبة
دورو على نوح أمرهم على بطاطا ،سيبو عوض والى معاه ليا انا
ثم وقف واشعل سيجاره وأخرج قماشه مبتله بالجاز من جيب بنطاله اشعلها وتركها تحت الباب
راح الدخان يرتفع واشتعلت النار فى بدن الباب، ثم حدث كل شيء بسرعه وتوقفت كل الأصوات.
عادت احسان مع ساره تحتضن ابنها نوح لكنها وجدت الصاله غارقه فى الظلام
نادت على بطاطا انت فين؟
لم يأت رد وسمعا صوت محرك سيارة ينطلق فى الخارج
سيارة كارمن
شغلت احسان كشاف تليفونها، وساره كمان بحثو بين الجثث
لحد ما دخلو الغرفه ذات الباب المحترق
هناك كان هناك اربع جثث بينهم جسد على بطاطا
قوم متموتش، مش ممكن تموت صرخت احسان وهى بتحضن جثة ،ضربت صدره بعنف وهى تبكى وبعد دقايق
همست ساره لازم نمشى يا أحسان على مات
واكيد الشرطه او ناس تبع كارمن هيوصلو فى اى لحظه
جذبتها ساره بالقوه وغادرتا المبنى.
مضت الايام بسرعه ،دخلت احسان فى نزاعات قضائيه مع كارمن، اتهمتها بمحاولة قتلها وخطف نوح
لكن لم توجد اى ادله، الا ان نوح اعترف انه كان مع كارمن
وكانت وقعت على عدم التعرض
وبعد تدخل عمر مهران تنازلت أحسان عن القضيه مع ضمانات بعدم اقتراب كارمن منها او ابنها مره تانيه
كان مضى نصف عام كامل، دخل الشتاء بعواصفه والسماء مكفهره بالغيوم
وقبل صلاة العشاء انهمر المطر مثل نهر جارى
كان البرد شديد واحسان متلفحه بمعطف وقفازات جوار المدفأه عندما رن هاتفها برقم غريب
سألت احسان مين؟
لم تتلقى رد
فقط صوت أنفاس من الطرف الآخر
مين؟
كررت السؤال بفضول
افتحى الشباك
أمرها الصوت وشعرت انه ليس غريب عليها
ازاحت احسان ستارة الشرفه ،كان هناك رجل يقف فى الشارع
ينظر إلى الشرفه والمطر يغرقه
كان يرتدى قميص موف وبنطال نبيتى ووشاح أزرق، احتاجت احسان لحظه قبل أن تتعرف عليه وتصرخ
على بطاطا....
تمت بحمد الله