
رواية لانني فقيره الفصل السادس عشر 16 بقلم شوشو محمد
كانو قاعدين في العربيه والهدو كان سيد المكان بيان بقت تعاين فالشارع وتفكيره كلو انه كيف حتسافر براها اسبوع بدون امها او اختها قبلت على زياد لقتو سايق براحه وبهدو
بيان محاوله تفتح موضوع: اذن استاذ زياد انت من متين شغال الحارس الشخصي بتاع استاذ ريان
زياد عاين ليها بهدو وبقى مراقب الطريق وبيان عاينت ليه لقت هدو واضح انو م عايز يتكلم ف رجعت عاينت فالشباك اما زياد حس بالزنب انو سفهه
زياد بهدو: من وفاه ابوي الله يرحمه
بيان قبلت عليه باستغراب
زياد بهدو: ابوي الله يرحمه كان الحارس الشخصي بتاع سيد ريان وايان من هم صغار كان شايفهم زي اولادو لمن مات كان عمري وقتها 17 سنه واوصاني انو اكون الحارس الشخصي بتاعهم وفعلا بقيت من وقتها
بيان عاينت ليه
بيان: ربنا يرحمه ويغفر ليه ويجعله من اهل الجنه يارب
زياد : امين يارب
دقايق ووصلو محل الجوازات بيان نزلت ومشت بورا زياد
زياد : انسه بيان انا حاخش اعمل الاجراءت واسمك وكل شي انتي خليكي هنا عشان الصوره
بيان بتردد: بس استاذ زياد انا م بعرف اسم جدي ولا حاجه كيف حتملي
زياد : م تخافي بتصرف انتي اقيفي دقايق وبجيك
بيان هزت راسها وراقبتو وهو بدخل وبقت قاعده منتظراه وبتراقب في الماشي والجاي وكلها خوف من السفره دي لانها لاول مره حتكون براها
بيان بخوف وتردد: يارب لو فيها خير خليني امشي ولو فيها شر م تخليني امشي
اخد نص ساعه لحدي م جاها
زياد: خلصت كل شي وفضل الصوره والجواز حيجهز بكره وحسلمو لي الشركه لحدي م تستقيلي او يحصل حاجه الجواز حيكون مع الشركه
بيان: طيب كيف حطلعوها بدون اسم الجد بتاعي
زياد: م تخافي اتصرفت
بيان بقت تعاين ليه باستغراب نفسه تعرف اتصرف كيف ( زياد كتب اسم جدها النور تتزكرو هو عارف لمن فتش لي ريان معلوماتها ف كتب اسم جدها والجواز حيفضل مع الشركه لانو ريان م عايزه تشوف اسم جدها لحدي م يعرف الحقيقه )
بقو منتظرين لحدي م جاء دورها واخدت الصوره وكانو عايزين يطلعو وقفهم صوت بت
: زياد
زياد وبيان قبلو لقوها بت واضح من شكلها انها قدر بنان كانت بتعاين لي بيان بغييره
: زياد دي منو
زياد بملل: نبيله ارحمينا من اسئلتك دي
نبيله بغيره: زياد دي منو جاوبني
زياد: م يخصك
وسحب يد بيان قدام نبيله واتحركو على العربيه وده كل تحت عيون نبيله الدموعه جرت وهي شايفه ماسك يد البت
بيان اتخلعت من مسكت زياد لي يدها بعد بعدو شويه
زياد باحراج: اسف كان لازم ابعده بالطريقه دي
بيان باحراج: لا ولا يهمك
زياد باحراج ووشو قلب احمر من الحصل : نمشي
بيان: ارح
وركبو وعم الصمت تاني
بيان بمزاح عشان تزح حاجز الاحراج بيناتهم: شكلها البت معجبه
زياد باحراج: م عارف
بيان بضحك : ده كلو م عارف هي تقريبا كدا كانت ماشه تديني كف
بيان انفجرت من الضحك على الموقف الغريب الحصل ليها زياد عاين ليها وهي بتضحك وكانت ضحكته ساحره ابتسم ليها
( خلو بالكم بيان عملت العجائب السبعه اول شي خلت ايان يحبها وخلت ريان بروحو يبتسم واسي زيادد 🌞💔)
وصولو الشركه وبيان شكرت زياد ونزلت وزياد بقى متابعه لحدي م دخلت وهو اتحرك عشان يركن العربيه
................................
كان قاعد ومركز فالشغل قطع تركيزو صوت تلفونو عاين للمتصل وشال التلفون ورد
ريان ببرود: نعم؟
ايان: كيفها؟
ريان: منو ؟
ايان بزهج: لي اسبوع بتصل عليك وبسال نفس السوال يعني حيكون منو م بيان
ريان ببرود: تعال اسالها براك
ايان بغيظ: م انا لو قادر كان حجيك يعني
ريان باستفزاز : وانا شايفني حمام زاجل عشان امشي اشوف ليك اخباره
ايان بغيظ: اصلو الزول م يتكلم معاك بهدو الا تطلعوو من طورو ي ريان
تيييت قفل الخط ريان ابتسم وخت التلفون رفع راسه لقاها طالعه من الاصانصير رفع التلفون وانتظره تقعد بعداك اتصل
بيان عاينت لي التلفون برن بصدمه ورفعت راسها لقتو بعاين ليها اشر ليها نظام تعالي وقفل التلفون بيان بقت تعاين ليه بصدمه كيف لحق يشوفها ده زاتو قامت بتعب وكالعاده خبطت الباب دقيقه واذن ليها
بيان باحترام: استاذ ريان طلبتني
ريان وهو برجع ضهرو في الكرسي وماسك القلم بلعب بيه: عملتي الجواز ؟
بيان باحترام: ايوا استاذ ريان
ريان: كويس بعد بكره سفرتنا اربعه ونص حرسل ليك زياد يجيبك المطار معاه
بيان: طيب ي استاذ
ريان: وشيلي الاوراق دي وديها لي عصام يطبعهم لي
بيان: حاضر سيد ريان
ريان : يلا اتخارجي
بيان: بعد اذنك
وشالت الاوراق ونزلت الطابق التحت ومشت على جهه مكتب عصام لقت المكتب فاتح ولكن عصام ماف
بيان وهي بتخش في استغراب انه ماف وكانت عايزه تطلع فجاه سمعت صوت حركه من تحت الطربيزه عاينت باستغراب ودنقرت راسها عشان تشوف في شنو فجاه تلقه راسه بتتمده ليها بيان صورخت من الخلعه ورجعت. لي ورا وعصام صورخ ونطه وخبط راسه فالطربيزه
بيان بخلعه: انت بتعمل شنو تحت الطربيزه
عصام كان عاوز يصورخ بس رفع راسه وشافه البت السمحه
عصام بهيام : اووه يجمالك
بيان عاينت ليه بصدمه
عصام: اووبس قولته بصوت عالي صح
بيان عاينت لي بغرابه وخوف منو واقتنعت تماما انه الراجل ده مجنون
عصام نظام توريه اسمو: اتفضلي ي انسه ااااااا
بيان: اتفضل استاذ ريان قال ليك اطبعهم
( ضربوو يحكممم مرتين ي عصامم لكن م بالغته🤣🤣🤣🤣)
عصام كتم الغيظ بتاعو منها
عصام : طبعا طبعا جيبي الورق
بيان مدت ليه الورق واتاكدت انه بعدت منه خطوتين بما انه مجنون في نظره عصام بدا يطبع ليها فالورق وخلص وشالته منو وشكرتو وطلعو عصام بقى يعاين ليها بغيظ
عصام : م عايزه توريني اسمك انا حعرفو براي
......................................
خلص اليوم عادي بعد طلبات ريان الكتيره وبيان المن م رجعت من الجوازات م قعدت من مراسيل ريان الكتيره انتهى اليوم بيان شالت شنطته واتحركته بسرعه خوفا انو ريان يرسله برضو نزلت واتجهت لمحل المواصلات وقفت قريب الاربعين دقيقه حته لقت مواصلات ركبته وبقت واقفه نسبه انو كان زحمه لحدي م وصلت محطته نزلت ودخلت الحله ودخلت البيت لقت امها فالمطبخ سلمت عليها وسالتها من بنان
حنان بحيره: شوفي اختك دي الليله م عاجباني
بيان باستغراب: لي ماله
حنان بحيره: بري م عارفه سرحانه من قبيل
بيان : طيب بشوفه
دخلت الاوضه لقته قاعده بتسرح في شعرها وسرحانه
بيان : عبدالسرحان
بنان لا رد
بيان: بنان
بنان لا رد
بيان خبطته بخفه في يدها
بنان : ها بيان انتي جيتي
بيان: رجعي لي العالم اخيرا وين سرحانه
بنان: م سرحانه
بيان بسخريه( ريان رقم اتنين): صح صح لي ساعه بنادي في الكديسه صح
بيان بجديه: مالك؟
بنان : مالي
بيان: امي قالت انك سرحانه وبتاع
بنان لاول مره تكذب على اختها: لا لا ماف شي
بيان: متاكده؟
بنان هزت ليها راسها: بي اي
بنان بتغير الموضوع: بيان صحي انا لقيت شغل
بيان: بجد وين وهو شنو؟
بنان: في مطعم حكون شغاله نادله في *******
بيان باستغراب: بس دي المطاعم الغاليه وم بتقبل بشهاده كيف قدرتي تلقي
بنان بكزب : ااا القيتو ده كانو ديرين نادله ضروري ف قبلو بي
بيان حست انو بنان مخبيه عنها شي بس خلته: طيب تعالي برا عايزه احكي ليك انتي وماما شي
بنان: طيب وفعلا طلعو لقو حنان بتعمل ف الاكل
بيان: ماما
حنان: ايوا ي بتي
بيان بتردد: انا حسافر سفره عمل
بنان بصدمه: كيف وبتين وبي ياتو قروش وجواز
بيان حكت ليهم بكل العملو ريان
حنان بتردد: لكن ي بتي نحن الناس ديل م بعرفهم عشان اخليكي تسافري برا كمان
بيان وهي بتبوس يدها: ربنا هو الحامي ي ماما
حنان: طيب حتسافرييي كم يوم؟
بيان :اسبوع
حنان: بس ده كتير
بيان : اعمل شنو بس
حنان : طيب ي بتي خليني اجازف ليك شنطه من سناء
بيان. طيب
حنان شالت تلفونها وطلعت الحوش وقعدت بعيد من البنات واتصلت على سنا
حنان: اي ي سناء اسمعيني حامشي لي النور بعد بيان تسافر
وهي بتسمع رد سنا
حنان: اصبري بحكي ليك بكره بس انتي جهزي لي شنطه ليها عليك الله ولازم استقل فرصه انه هي ماف دي واصل لي النور
وتسمع الرد بتاعه
حنان : طيب يلا لي بكره
وقفلت الخط وبقت تعاين فالحوش والفرصه دي جات من الله لازم توصل لي النور ب اي طريقه ممكنه
استووووب 🤭 💗 ..