
رواية لانني فقيره الفصل الخامس 5 بقلم شوشو محمد
رجعت البيت بتعب لقت امها قاعده تصلي المغرب دخلت الغرفه واول شي قعدت فالسرير وبقت تتزكر في ايان(ريان) الشافتو دموعه نزلت بالغصب وبقهر
بيان لنفسها : انا حبيتك من كل قلبي ي ايان بس انت عملت شنو كسرتني بطريقه عمري م حسامحك فيها
مسحت دموعه لمن سمعت صوت امها بتنادي فيها
حنان:انتي جيتي؟
بيان بيسمه مزيفه: ايوا ي ماما
حنان باستغراب: مالك
بيان: ماف شي تعبانه. بس
حنان: خلاص قومي صلي بنان بتجي اسي نغرف الاكل
بيان هزت ليها راسها بهدو ومشت الحمام اتوضت وغيرت هدومه وطلعت صلت ودعت ربها انو يجبر بخاطره ويساعدها تلقه شغل وتنسى ايان الشافتو
سمعت صوت الباب بفتح طلعت لقته بنان
بيان : اوووه بنون
بنان : غريبه تجي بدري
بيان بضحك: ايوا جيت
بنان بتعب: زحي لي يختي انا حموت تعبب مافي عضمه ف جسمي م واجعاني حاسه روحي فالتلانينات
بيان ابتسمت ليه بحزن واضح ودخلت الغرفه بنان استغربت اول مره اختها م تهظر معاها دخلت سلمت على امها وبعداك دخلت الغرفه لاختها لقته شارده
بنان بقلق: بيان
بيان بهدو بدون تعاين ليها: لاقيت ايان الليله
بنان بصدمه : كيييف وقال ليك شنو
بيان بهدو مريب: م شافني لاقيتو ف مطعم وكان واضح عندو اجتماع
بنان سكتت وهي تتزكر لقاءها مع الحيوان ده
بنان بغيظ: هو زاتو جاء الكشك
بيان عاينت ليها: قال ليك شنو
بنان بغيظ: بقى يقول كلام خارم بارم وعايز يلاقيك
بيان بتعب: استغفر الله العظيم واتوب اليه
قبل ماف زول يتكلم سمعو حنان بتناديهم للاكل بيان وبنان قامو ومشو قعدو واتونسو فالاكل مع امهم وبنان كانت بتحاول تطلع اختها من التفكير في ايان خلصو الاكل
حنان : بيان شيلي النوكيا حقي خلي معاك
بيان باستغراب: لي ي ماما وانتي حتتواصلي مع بنان كيف
حنان: ي بناتي انا قاعده فالبيت والله هو الحافظ شيلي معاك ي بيان
بيان هزت راسها وشالت التلفون فعلا دخلتو شنطتها واستاذنت منها طلعت هي وبنان الحوش عايزين يوضبو المراتب
بنان : بيان حتعملي شنو لي ايان؟
بيان بهدو: م حعمل شي طول م هو م عارف مكاني يكون كويس
بنان : الود ده خطير على المجتمع العايزو لازم يشيلو
بيان عاينت ليها وسكتت وبنان بتتزكر كلامه البغيض داك
بنان بغيظ: م عارفه حبيتي واحد متعجرف زيو كييف قال انا اهم من وزير الوزراء زاتو عشان الاستاذ عندو قروش
بنان بغيظ وهي بتستغفر ربها ورجعت تشتغل وبيان عاينت ليها وابتسمت وبقو شغالين يوضبو وطلعو المراتب الحوش وجهزوها عشان ينومو بنان اول م ختت راسها نامت حنان وبيان ضحكو فيها
حنان : بيان
بيان عاينت لي امها
حنان: انا ابتديت افتش على اهل ابوك
بيان وهي بتقوم من السرير وبتعاي لي امها: لي ؟
حنان: ي بتي بنان حتقفل ال 19 سنه خلاص وم قرت الشهاده السودانيه وانتي م تميتي جامعتك
بيان : بتصرف انا حجمع لي بنان قروش الشهاده لكن م عايزين اي قرش من اهل الراجل ده
حنان: وانتي؟
بيان : وانا شنو
حنان: حتفضلي كدا انتي لي قريتي زي الناس ولا كنتي زي البنات الطبيعيات الفي عمرك انتي مفروض تكوني اتخرجتي
بيان وهي بتقبل الجهه التانيه: انا م مهمه
حنان ودموعه بتنزل: مهمه ي بيان م بقدر اشوفك انتي واختك بتعانو كدا لازم جدك على الاقل يعرف بوجودكم
بيان سكتت من امها ودموعه نزلت وحنان عاينت ليه بتها بوجع وقبلت الجهه التانيه
بيان بوجع وهمس: يارب الطف بينا
ونامو على كدا الصباح صحو صلو الفجر بنان رجعت نامت وبيان طلعت على الشغل فالضهر كدا حنان مشت صحت بنان عشان تمشي لاختها فعلا بنان قامت استحمت واتوضت وصلت واكلت وشربت الشاي ودعت امها وطلعت كالعاده وصلت الشغل لقت اختها بتشتغل
بنان : يديك العافيه بيون
بيان ببسمه: الله يعافيك اها جاهزه
بنان وهي بتفرك يدينها: كالعاده جاهزه
بيان : يلا امسكي خليني امشي افتش شغل
بنان : اوكي
بيان ادته المحل واتحركت وبنان بدت تشتغل
.......................
وصل الكشك وقف عربيتو بعيد وبقى يراقب في بنان وهي بتشتغل طلع تلفونو واتصل على الرقم
ايان: امشي
فعلا دقايق وفي كميه رجال جو وقفو قدام بنان وبنان عاينت ليهم بحيره
بنان : في شنو؟
الراجل : بعد اذنك فضي المكان لاننا عاوزين الحته دي
بنان بصدمه: كيييف انت بتقول في شنو ده مكان الكشك حقي
الراجل: نحن اخدنا اذن واتسمح لينا ناخد المكان وندمر والسيد حقنا يبني العايزو
بنان : السيد منو؟
الرجل : ايان النوور عاوز يبني هنا مكان الكشك
استووووووووب🤭💗💗💗
الليله ايان عاوز يتجاوز حدو كمان😂💗
تتوقعو حيحصل شنو؟...