.jpg)
رواية عشقتها رغم صمتها
الفصل الثالث و التاسعون 93
بقلم حبيبه
جاء ميعاد العشاء على ابطالنا الاعزاء واجتمع الجميع على الطاوله ومن ضمنهم ورد وزينب
ظلت سعاد تلوي فمها شمال ويمين: ياختي هي كانت ناقصه بلاوي تتحدف علينا ماكفايه عندنا بلوه مش عارفين نخلص منها كتهم الغم...
نزلت زينه ومعها اسيا وكانوا يتحدثون معآ ويضحكون......
زينه: مسا..... ايه ده وردتي اعاااااا وحشاني ياجزمه...
ورد: هههههه قلبي انتي اللي وحشاني اكتر يابت
اسيا: ورد وحشتيني يارخمه بقى ماتكلفيش نفسك وترني تكحي فى وشنا حتى ياواطيه..
ورد: معلش ياروحي كان شغل والله
اسيا: ولا يهمك ياقلبي المهم انك بخير....
ورد: بخير الحمدلله
يونس: بطلوا رغي وزن بقى وتعالوا اطفحوا..
زينه: اخويا ماشاءالله لسانه بينقط عسل شبهوا.....
يونس؛ بتقولي حاجه يابت انتي...
زينه: بقول اخويا قمر كده ليه النهارده ياقمر...
يونس: طب يلا ياحلوه اترزعي......
زينه: هوا ياكبير يلا ياعيال قبل مانتشلوح...
جلسوا جميعآ......
يونس: ثواني ياجماعه في ضيف جاي....
علي: مين ها مين مين مين مين مين مين
ثواني وسمع يونس جرس الباب فتحت له ام سيد
يونس: اهو جه اهلا اهلا بالغالي منور بيت اخوك
يوسف: حبيبي دا انت اللي منوره
يونس: طب يلا بقى علشان جعانين ياعم
اتفضلي يامدام جميله منور بيتك
جميله بهدوء وابتسامه هادئه: ربنا يخليك يايونس بيه...
يونس: لا كده ازعل بصي ياستي عندك تلت بهايم جوه اهم بيطفحوا دول حبايبي واخواتي وانا اخواتي مش بيقولولي بيه انا اخوكي يونس فقط...
جميله بحب اخوي: ربنا يخليك لذوقك شرف ليا انا كان نفسي في اخ كبير والحمد لله يمكن ربنا بعتك ليا علشان تحققلي امنيتي دي...
يونس: وانا تحت امر القمر هي تأمر وانا اقولها شبيك لبيك يونس بين ايديك.......
جميله: هههههه ماشي
يوسف: احم احم حاسس اني راس كرنبه هنا اتلم ياعم انا بغير الله
يونس: ياعسل بتغيري مني يابيضه
يوسف: انا رايح اكل احسن
يونس: هههههه طب يلا بينا
ذهبت جميله تلقائيآ لاسيا......
جميله: عامله ايه يااسيا مش فكراني ولا ايه
اسيا بأبتسامة حب: ماقدرش انساكي ياحبيبتي
ضمت اسيا جميله بحب
احبت جميله ذلك ولكن ظلت تسأل نفسها لماذا الشعور بالارتياح اتجاه البنت دي ليه هي بالذات ليه هي رغم اني ماشوفتهاش غير مره والكلام كان قليل ليه هي بحب اتكلم معاها بحب اقعد معاها اوووف
لازم اعرف لازم....
جلسوا جميعآ في وسط ضحك متواصل دقائق ووصل ياسين....
ياسين: خونه بتاكلوا من غيري اخسسسسي
امال: هههههه منور ياحبيبي حماتك بتحبك يلا تعال
علي: تعال ياخويا ياحبيب حماتك تعااااال
ياسين: مش مطمنلك ياض
علي ببرائه: دا انا طيوبه خالص مالص...
ياسين: ياحنين
يونس: اخرس ياذفت منك ليه واطفحوا
علي وياسين بصوت واحد: تأمر ياكبير
يونس: صبرني يااارب
ياسر: مساء الخير عليكم
ردوا جميعآ السلام
سعاد: ياسر حبيبي كنت فين يابني كل ده
ياسر بهدوء: سامحيني ياامي كنت مشغول
ثم وهو ينظر اتجاه اسيا
بس خلاص فضيت
سعاد: ماشي ياحبيبي يلا تعال اتعشى شكلك هفتان
ياسر: هههه معلش كنت عايش على الدليفري
جلس ياسر، بجانب اسيا غافلآ عن تلك العيون المشتعله ....
ياسر: عامله ايه يااسيا اخبارك
اسيا بهدوء: بخير الحمدلله
ياسر: يارب دايما بخير ياقمر
علي بهدوء لزينه: بت ازينه انتي ابت
زينه: عاوز ايه ياض انت
على: تفتكري هانحضر اكشن النهارده ولا لا
زينه: اكشن احيه احيه عندنا ضيوف ياختييي
علي: هههههه بصي لاخوكي كده
نظرت زينه وجدت يونس اصبحت عينيه تتحول وبداء الغضب بالظهور علي وجهه
زينه: كده ضمنت اننا هانتجرس والحمد لله...
رفعت اسيا وجهها اليه ارتعبت من غضب عينيه وهيئته المخيفه....
ابتلعت غصه في حلقها بصعوبه وعلمت انه سينفجر في اي وقت ان لم تبتعد عن ياسر....
اسيا: احم الحمدلله بعد اذنكم هاطلع اوضتي ارتاح....
جميله: خليكي شوية دا احنا حتى ضيوف عندكم
اسيا بحب: انتم صحاب بيت ياروحي بس بجد تعبانه وعاوزه ارتاح
يلا بعد اذن........
يونس بهدوء مخيف: اقعدي يااسيا
اسيا: بسسس.....
يونس: اقعديي
اسيا: حاضر
جلست اسيا
يونس: احم بماان كله موجود فرح زينه وياسين الخميس الجاي
ياسين بفرح: احلف
يونس: والله
ياسين: لولي لولي لولي
يونس: يارب صبرني علي ام الهبل ده
يوسف: هههههه هههههه
يونس: انت بتضحك
يوسف: هههههه دا انتم مسخره هههههه
يونس: بس ياض انت كمان
سمعت زينه ذلك وتوقف الاكل في حلقها اصبحت
وجهها كاحبة الطماطم.
علي: سيمالله سيمالله سيمالله اهدى يابيضه اهدي ياحلوه خلاص ياختي الراجل الوحش ده هايعمل منك كوارع هههههه
اسيا وورد: هههههه هههههه ياقلب امك يازوزو....
وكزته زينه في بطنه بغيظ.....
علي بألم ااااه يابنت ال....... ينعل ابو شكلك يابت انتي....
زينه: احسن احسن
علي: غوري يابت بدل مااضربك....
ياسين: تضرب مين عدم لامؤخذه ياعسل
علي: لأ ياحبيبي بقول اضرب نفسي بس انت مش سامعني كويس...
ياسين: اه بحسب...
علي: هوووف الحمدلله فلتنا منها......
يونس: صحيح ياواد ياعلي فرحك علي ورد
علي بصدمه: علي ميين
يونس: علي انت يااهبل
علي: لا ياراجل احلف
يونس: اه والله
علي: اعاااااااااااا يعني اخيرآ هاتجوز واخلف وابقى ام والبت ورد تبقى اب....
#ضحك الجميع عليه
كانت ورد تشرب الماء حتى سمعت ماقاله يونس حتى بصقت الماء بالكامل في وجه علي....
علي: الصبر ياارب اعمل فيكي ايه الله يقرفك ايه بس يارب الغلب ده اولع فيكي يعني...
ورد: اخس عليك يالولو
مستخسر فيا انك تغير هدومك...
علي:كلي فداكي ياقلب لولو....
يونس: يانحانيح
ضحك الجميع عليهم...
امال: احم ي يونس ياحبيبي
يونس: نعم
امال: مش ناوي تفرح قلبي ياحبيبي وتتجوز بنت خالتك وتحقق امنيتي قبل ماااموت...
رفعت اسيا نظرها اليه سريعآ وجدته ينظر لها بعمق وهدوء تام اخذت تنظر لها بقلب متألم ينزف الم....
يونس بكل هدوء تاام: لأ ياامي
امال وقد فاض بها:تاني تاااااني يعني اييييه يعني هاتفضل رافض لحد امتى لحد امتىىىى
بتعمل كده لييه بتعمل كده ليه ليه رافض تحققلي امنيتي ليييه
كل ده علشان مين علشان دي دييييي
يونس بغضب: اه ياامي علشان دي اه علشان دييييي....