.jpg)
رواية عشقتها رغم صمتها
الفصل الثالث والثلاثون 33
بقلم حبيبه
استيقظت ورد من نومها مبتسمه.....
ورد: امممممم زمان الواد علي نايم اما اروح اكلم.....
...............
وقبل ماتكمل ورد كلامها افتكرت اللي حصل فصمتت بحزن شديد ونزلت دمعه من عينها
ورد بااستغراب: مالك ياورد في ايه معقول بتعيطي بطلي هبل خليكي قويه انتي مش كده ياورد طب ليه انا بعيط علشان علي يمكن علشان بعزه اوي واتعودت عليه اه اه اكيد علشان كده
بس لاء مش انا اللي تكلم حد باعها هو شكله مابقاش طايقني خلاص براحته اما اقوم اخد دش والحق اصلي والبس واطير علي الشغل
علي: لاء
يونس: لاء ليه مش فاهم
علي: عادي يايونس
يونس: عادي ايه في ايه يابني فهمني مالك كده
علي: قولتلك مافيش يايونس يلا سلام عندي شغل
يونس: استنى هنا هو ايه اللى تمشي كده من غير ماافهم ماتنطق ياعلي فى ايه والله ماهاتخرج من الباب ده غير لما افهم
قعد علي على الكرسي خلفه واخرج تنهيده حاره بحزن شديد
علي: بحبها يايونس بحبها اووي والله
يونس: بتحب مين مش فاهم
علي: ورد
يونس بفرح: بتهزر
علي: لأ بجد انا مش بس بحبها انا بعشقها مش قادر ابطل تفكير فيها بحلم بيها هي وبس لما بتزعل قلبي بيوجعني انا بحس اني هاموت فى بعدها
يونس: تؤتؤتؤ ياقلب امك ياعلي دا انت وقعت على وشك ولا حدش سمى عليك ياحبيبي للدرجه دي بتحبها ياعلي
علي بحزن: واكتر من كده مش عارف اشوف غيرها قدام عيني يايونس
يونس: طب مستني ايه ماتروح تدخل البيت من بابه وتتقدم يابني
علي بتنهيده حزينه: لأ مش هاينفع
يونس بااستغراب: مش هاينفع ليه لامؤخذه
علي: علشان اتخطبت لواحد تاني
يونس: ننعم طب اذاي هي مش بتحبك
علي بتنهيده: مش عارف
يونس: اذاي مش عارف
علي: مش عارف يعني مش عارف يايونس
يونس بنفاذ صبر: فهمني ياعلي هي بتحبك ولا لاء ومخطوبه اذاي
علي: مش عارف انا مش معرفها اني بحبها وهي اصلا مش بتحب خطيبها دي وافقت بس علشان امها بس
يونس: بص ياعلي مش هاقولك غير حاجه واحده مادام هي مش حابه خطيبها ده وانت لو بتحبها المفروض تتمسك بيها وتحارب علشان تبقى ليك لكن تسيبها كده وتسكت يبقي مش بتحبها ياعلي
علي: طب انا ماعرفش بتحبني ولا لا
يونس: اتاكد ياعلي فيها ايه يعني قرب منها واتاكد بس بلاش تبعد عنها يابني كده انت بتضيع حبك باايدك يااهبل اتمسك بيها ياض ...
علي بفرح: حبيبي ياابو الانس هات حضن ياض
يونس: غور ياض من هنا بقرف
علي: ماشي يايونس ياابن امال
يونس: غور ياض من هنا
علي: هههههه ماشي هاروح انا اصالحها واجي اصل ذودتها اوي امبارح
يونس: طير
علي: سلاموز
ليلى: مستر يونس يوسف بيه بره عاوز حضرتك
يونس: خليه يتفضل
يوسف: يونس باشا واحشني
يونس: اهلا اهلا يوسف بيه مش شيفينك من ساعت اخر شغل بينا
يوسف: ظروف والله وشوية مشاكل في الشغل يايونس بيه
يونس: ربنا يعينك يارب اتفضل اتفضل تشرب ايه بقى
يوسف: مالوش لزوم تتعب نفسك انا بس جاي اقولك حاجه وهامشي علي طول
يونس: لا تعب ولا حاجه يلا قولي الاول تشرب ايه وبعدين تقولي
يوسف: خلاص ماشي لو كده يبقى ياريت لو قهوه مظبوط
يونس: ليلى
ليلى: تحت امرك يافندم
يونس: اتنين قهوه مظبوط بسرعه
ليلى: حاضر
يونس: ها قولي بقى ياسيدي كنت حابب تقول ايه بقى
يوسف: كنت بس عامل حفله بسبب اخر صفقه كسبتها وكنت حابب تشرفني وتنورني
يونس: شرف ليا طبعا اكيد هاجي انا والواد علي
يوسف: الحفله هاتنور بيكم يلا بعد اذنك انا هاستأذن
يونس: طب والقهوه يابني
يوسف: معلش بقى مره تاني
وصل علي للمشفى ووصل لمكتب ورد دخل ملقهاش سأل عنها عرف انها بتشوف مريض وجايه فقرر يستناها.
انتهت ورد من شغلها وراحت لمكتبها لقت علي
علي: مفاجأه مش كده
ورد: عاوز ايه لو سمحت انا عندي شغل يافندم
علي: لسه زعلانه منى ياوردتي.......
تركته ورد وذهبت لمكتبها وجلست عليه تعمل في بعض الاوراق
ورد: لو سمحت يافندم عندي شغل
علي: ورد رودي عليا
..................
لم تعيره ورد اي اهتمام واكملت عملها...
علي ينفاذ صبر: ورد في ايه ماتردي عليا
....
لم تنظر له ورد.
علي: ورد انا بكلمك علي فكره مش بحب الاسلوب ده...
غضبت منه ورد وقامت وضربت علي المكتب بغضب.......
ورد: اسلوب اسلووب
اسلوب ايه يااستاذ علي
انهي اسلوب بالظبط طب خليني غلطانه..
انت بقى عاوزني اقولك ايه امبارح تهني وتهين كرامتي وتقفل في وشي السكه وجاي دلوقتي عاوز تهزر وتضحك وخلاص اييييييييه هو انت ماعندكش دم مابتحسش باللي حواليك انت عاوز ايييييييه عاوز تغلط وقت ماتحب وتهين وقت ماتحب ولما وتعوز تصالح عاوز تيجي تلاقيني بقولك حاضر عنيا انت تأمر يلا نرجع ذي الاول.
ليه لدرجه دي مافيش عند امي دم ماعنديش كرامه.
علي: ولا عاش ولا كان اللي يقول عليكي كده انتي ست البنات ياقلبي
ورد وقد بداءت الدموع تتلقلق فى عيونها: عاوز ايه ياعلي بعد ماقولتلي روحي لخطيبك وحلي عني عاوز ايه بعد ماحسستني اني برمي نفسي عليك دا انت الوحيد اللي كان ليا واحب اتكلم معاه ياشيخ وبحب اكلمه دا حتى اللي اسمه خطيبي ده مش بحب اكلمه تقوم تيجي تقولي كده ياعلي كلامك جرحني اوي ياعلي زعلت من نفسي اوي ....
سبني ياعلي فى حالي وابعد عني ارجوك سبني في حالي...
علي: لأ
ورد بدموع: لأ ايه بقولك ابعد عني يااخي مش ده كان طلبك...
علي بحزن: لأ ياروحي مش هابعد عنك ياورد اطلبي من روحك تطلع من جسمك بس انا مش هابعد ياورد مش هابعد
ورد: بس انا اللي مش عاوزه اعرفك تاني ياعلي
علي: وانا مش هابطل اتأسف ليكي علشان تسامحيني ياوردتي.
اسف اسف اسف اسف سامحيني علشان خاطري اللهي يارب لساني كان اتقطع وقتها
ورد بدموع: بعد الشر
علي: طب خلاص والنبي ماتزعلي كنت متعصب وقتها والله وللاسف جت فيكي انتي خلاص بقا علشان خاطري ماتزعليش انا اسف
دا انا لولو.
ورد باابتسامه: ماشي ياعلي هسامح المره دي بس او اتكررت تاني صدقني مش هاعرفك تاني ياعلي.
علي بفرح: لا تاني ولا تالت ولا رابع حتى توبه من دي النوبه مش هاكررها تاني.
ورد: هههههه ماشي يامجنون المهم انا فاضيه وماعنديش شغل وهاموت من الجوع قوم اعزمني علي كشري.
علي: مفجوعه من يومك عمومآ الواد يونس عامل عزومة غدا وعازمك عليها
ورد: طب وماما لازم اعرفها وبعد خطوبتي دي اكيد هاترفض..
علي: اممممممممم بصي احنا نكلم الراس الكبيره يشوف حل
ورد: مين ده مش فاهمه
علي: ابو الانس حبيب قلبي الغالي استني بس
اخرج هاتفه وضغط علي بعض الازرار
انتهى يونس من عمله وكلم ياسين ان يذهب للبيت وخرج للذهاب
نظر يونس لليلى
يونس: ها ياليلى اسيا فهمت النظام
ليلى: اه يافندم شرحتلها كل حاجه وهي فهمته وبدات تشتغل.
يونس: طب كويس
ليلى: بس ماعلش يافندم هي هاتبقى سكرتيرت مين
يونس: انا
ليلى بااستغراب: طب وانا يافندم
يونس: هاتشتغلي مع استاذ علي
ليلى: بس استاذ علي عنده سكرتيره يافندم
يونس: مضطره تسيب شغلها بسبب جوازها وانشغالها علشان كده هاتمسكي انتي مكانها علشان انتي فاهمه شغلها كويس وانا بثق فيكي
ليلى: اه تمام يافندم تحت امرك
.......................
ثم نظر لاسيا وجدها تنظر لبعض الاوراق وايضآ رافعه نصف كم يدها وقالعه جزمتها وتضع القلم فى فمها
مما ذاد من غضب يونس بشده.
يونس بغضب حاول يداريه: مش يلا يابرنسيسه ولا ايه
نظرت له اسيا وجدته ينظر لثيابها بغضب شديد
خافت من نظرتها لها وعلمت ماسببها وبسرعه غطت يدها وجريت علي بره
خرج يونس خلفها وهو يتوعد لها....
خرج يونس لقى اسيا فى العربيه تنتظره
ركب عربيته وانطلق بها بدون كلمه واحده
يونس في سره: بقى بتعاندي معايا وحيات امي لانفخك يااسيا الكلب انتي ماشي انا هاعرفك اذاي دراعك يبان مااااااشي
اسيا فى سرها: بصي يااسيا ياعسل انتي اول ماتوصلي للبيت اجري علي اوضتك وتربسيها صح صح فكره حلوه برضو علشان لو الفكره دي ماتعملتش هايطلع عين امك دا اهبل ومجنون وغبي ويولع فيا لو اتعصب ويبقى الله يرحمك يااسيا يابنتي احيه احيه
.............
سمع يونس رنة هاتفه
يونس: ايوه ياذفت عاوز ايه ياعلي
علي: ايه يابني مالك كده اهدي يابيضه
يونس: اخلص ياعلي قول عاوز ايه انا مش فايقلك.
علي: عاوز حل ياسيدي علشان والدت ورد توافق اجيبها علي عزومة الغدا
يونس: كلم زينه تكلم والدت ورد وزينه هاتعرف تقنعها.
علي: حبيبي ياابو مخ عسل انتي هات بوسه ياض
يونس: غور ياعلي قبل ماارجع في كلامي
علي لاء ياعم خلاص سلاموز
قفل يونس الهاتف وانطلق وهو غاضب
ولم تستطيع اسيا النظر اليه حتى وظلت تنظر من النافذه بجانبها
رن جرس المنزل
امال: ام سيد ياام سيد
زينه: دي في المطبخ مسحوله ياماما
امال: طب قومي انتي افتحي
زينه: حاضر يااامي
فتحت زينه الباب وكان ياسين ....
نفخت زينه...
زينه: يافتاح ياعليم ايه رياح الخماسين اللي هبت فجأه دي. دي عملت ريحه ذفت.
#يتبع:
اشوف تعليقات وبأذن هاتشجعني انزل البارت الجاي بسرعه لو ده عجبكم