.jpg)
رواية عشقتها رغم صمتها
الفصل الثاني السبعون 72
بقلم حبيبه
احمد: ان ان انتي بتقولي ايه
ورد: اسفه يااحمد بس بجد مش هاقدر اتجوزك واكمل حياتي معاك
احمد: طب ليه دا انتي لو طلبتي حياتي مش هقولك لأ هو انا غلطت معاكي في حاجه طيب
ورد: لأ والله ماغلطش بس انا مش قادره احبك يااحمد دي حاجه مش في ايدي انت لو نصيبي كان ربك حاطت القبول اتجاهك في قلبي وحبيتك بس والله مش قادره احبك اعذرني يااحمد......
#ثم تركت دبلته امامه
احمد: ههه بالسهوله دي قلعتيها.....
ورد: قلعتها علشان ماظلمكش معايا لو اتجوزنا يااحمد حياتنا هاتدمر لاني كنت هايبقى عايشه معاك كزوجه عليها واجبات وبس وده غلط اسفه يااحمد اسفه ....
احمد: ورد ممكن اسألك سؤال
ورد: اكيد
احمد: ه هو ا ا ان انتي بتحبي حد
ورد:.......
احمد: علي الاقل اعتبريني اخوكي وردي ارجوكي
ورد: بص بصراحه اه
احمد: اعرفه
ورد: ماعتقدش انا اتأخرت ولازم امشي ياريت تنهي كل حاجه يااحمد
احمد: حاضر سلام ياحب عمري
يوسف: ياسين باشا عامل ايه
ياسين: اهلا استاذ يوسف انا الحمدلله بخير انت عامل ايه
يوسف: الحمدلله بخير كنت محتاج منك خدمه لو مش هاتعبك
ياسين: عيب عليك لا تعب ولا حاجه انا تحت امرك واللي فيه الخير يقدمه ربنا....
يوسف: ونعم بالله كان في بنت اعرفها اهلها عملوا حادثه من فتره وهي واختها بس اللي نجوا منها بس للاسف هي واختها افترقوا من صغرهم كنت عاوز تساعدني احاول اوصل للبنت دي...
ياسين: طب مافيش اي دليل يقدر يساعدنا او حتى اشاره اي حاجه...
تقدر تسهل البحث شويه
يوسف: في سلسله هي ادتهالي وقالتلي انها ليهم الاتنين نص معاها ونص مع اختها التانيه
عليها نص كلمه وباين باقي الكلمه مع اختها..
ياسين: خلاص نتقابل وتفهمني كويس والسلسله دي هاحتاجها معايا هتساعدني في البحث عن الاخت....
يوسف: خلاص تمام بعد ساعتين فاضي
ياسين: اه فاضي تمام هقابلك في كافتيريا
تمام
يوسف: تمام شكرا بجد معلش ازعجتك
ياسين: لأ عادي يابني تعبك راحه وبلاش شكرا دي بتجبلي كرشة نفس بعيد عنك....
يوسف: هههههه لأ خلاص بلاها شكرا
ياسين: خلاص خد ناديه هعهعهعهعهعهعهع
يوسف: هههههه
ياسين: يلا بقى هش عندي اشغال اجدع
يوسف: هههههه ماشي ياسيدي ماشي اهو
الله
ياسين: يلا سلام عليكم
يوسف: وعليكم السلام ورحمة الله وبركاته
ظلت اسيا تعمل بجد في التحضير للخطوبه لكي لا تراه.....
مر اليوم على ابطالنا...
استيقظت اسيا ليلآ لتأدية صلاتها لربها
توضأت وادت صلاتها وقرءات وردها اليومي
الي ان انتهت حتى شعرت بحركه خارج غرفتها...
خرجت وبيدها مزهريه ظننآ منها انه حرامي
ظلت تبحث حتى وجدته خلفها
يونس: بتدوري على حد
هداء قلب اسيا حتى وصل صوته الى اذنها..
اسيا: هو انت الحمدلله
يونس: خير مالك وليه ماسكه دي...
اسيا: احيه نسيت اصل كنت مفكره حرامي
يونس: تمام
اسيا: بس ايه اللي مأخرك لحد دلوقتي
يونس: كان عندي شغل كتير
اسيا: اه تمام بعد اذنك هاروح انام انا علشان عندي تحضيرات كتير. بكره...
يونس: اسيا
اسيا: نعم
يونس: متاكده انك كويسه
اسيا: اه طبعا كويسه جداً جداً
يونس: متاكده طب حتى بصيلي وانتي بتتكلمي
اسيا: م متاكده جداً ي يا ياابيه يونس
يونس: ابيه
اسيا: ممكن تسمحلي اقولها ذي زينه
يونس: اسيا خطوبتي على ياسمين بعد بكره
اسيا: اه اه عارفه و و وانا وزينه هانجهز كل حاجه بنفسنا دا انت اخونا الغالي وهانعملك احلى حاجه....
يونس: روحي نامى يااسيا روحي
اسيا: ح حا حاضر تصبح على خير..
يونس ببرود: وانت من اهل الخير..
ذهبت اسيا لغرفتها رفعت نظرها لفوق وهي تبكي وتبتسم...
اسيا: قويني يارب اليومين دول يعدوا على خير قويني بذكرك ياحبيبي.......
ثم ذهبت للنوم...
استيقظت جميله صباحآ على صوت هاتفها
جميله بنوم: ميين
يوسف: قلبي
جميله: ايه المصلحه يايوسف واخلص
يوسف: احيه عرفتي اذاي
جميله: بتستخدم حيل قديمه اوي يابني اخلص عاوز ايه
يوسف: اخص عليكي ياجوجوا دايما ظلماني دا انا بطمن عليكي ياجميل بس....
جميله: طيب انا كويسه وذي الفل باي
يوسف: جوجو جوجو استني يابت...
جميله: عاوز ايه ياذفت
يوسف: بصي بصراحه هاروح بكره خطوبة صديق ليا وعاوزك تيجي معايا....
جميله: لأ
يوسف: ليييه يارخامه
جميله: بيجيلي صداع
يوسف: علشان خاطري والنبي مش عاوز اروح لوحدي والنبي والنبي والنبي والنبي والنبي والنبي
جميله: اووف يوسف
يوسف: علشان خاطري والنبي
جميله: حااضر
يوسف: قلبي ياناس
جميله: اقفل بقى عاوزه اتخمد
يوسف: هههههه سلام
اغلق يوسف الهاتف
يوسف: بحبك ياجزمه بأذن الله هاعترفلك اول ماافرحك برجوع اختك
استيقظ يونس وادي فرضه وارتدى ثيابه وهبط للاسفل.....
وجد الجميع على سفرت الطعام...
يونس: صباح الخير
ردوا جميعا الصباح حتى اسيا....
امال: اقعد ياحبيبي افطر معانا
يونس: تما..
جلس يونس مقابل اسيا تمامآ..
ياسر: اسو ممكن تديني طبق الجبنه ده ياقمري
جأت اسيا لتعطيه اياه لكن يده كانت اسرع منها...
يونس: خد ياخويا واتعلم تجيب اللي عاوزه بايدك ده قدامك يابيضه...
زينه: هههههه ياابيه ياجامد...
امال: اسو جاهزين النهارده علشان نجهز للخطوبه...
نظر يونس سريعآ لاسيا صدم منها
اسيا بأبتسامه هادئه: طبعآ ياماما دا انا متحمسه جداً والبت زينه كمان صح ابت..
زينه: لأ
ضربتها اسيا بقدمها...
زينه: اااه
اسيا: اهو شوفتي..
امال: ماشي ياحبايبي سعاد ياسمين اختارت فستانها
سعاد: اه ياحبيبتي وطلبته
امال: طب كويس وانا طلبت ميكب ارتست للبنات علشان تجهز العروسه والبنات... زينه ابقي اختاري انتي واسيا فساتين ليكم واطلبوها يابنات ماشي...
زينه: ماشي ياقلبي
نظرت اسيا امامها وجدته ينظر لها بأستغراب شديد مقوس الحاجبين....
نظرت الى طعامها لكي تهرب من عينيه...
يونس: لا والله تمام
يلا السلام عليكم ياماما
امال: وعليكم السلام ياحبيبي
زينه: يلا يااسوا نطلع نختار الفساتين.....
اسيا:......
زينه: ذفته
اسيا:......
زينه: انتي يابتتت
اسيا: ها نعم عاوزه حاجه
زينه: نهار كحلي مالك يابنتي ايه اللي واخدك مننا....
ياسر: اكيد سرحانه في عيوني ياجميل
زينه: ابقى اتغطى كويس قبل ماتنام ياعسل قومي يابنتي خلينا نختار الفساتين
ذهبوا لغرفة زينه
زينه: ها يابت ايه رايك في دول
اسيا:اه جميل
زينه: اسوا تعالي نلعب لعبه حلوه
اسيا: خلاص تمام يلا
زينه: بصي ياستي انا هاقول اسامي حاجات وانتي الكلمه اللي تيجي في بالك قوليها بس بسرعه من غيرماتفكري ماشي فهمتي
اسيا: اه فهمت يلا
زينه: النار
اسيا: بكرها
زينه: الشيطان
اسيا: بكرهه
زينه: تعبان
اسيا: بكرهه
زينه: انا
اسيا: بحبها
زينه: ماما
اسيا: بحبها
زينه: يونس
اسيا: بحبه
زينه: بتحبيه يااسيا
اسيا: ها لأ لأ دا بحبه ذي اخويا
زينه: مش عليا ياحبيبتي بلاش كدب يااسيا عينك فضحاكي
اسيا: زينه ارجوكي بلاش تسأليني في اي حاجه دلوقتي لو بتحبيني بلاش دلوقتي علشان خاطري
زينه: حاضر يااسيا وانا هاستنى تحكيلي لوحدك
يلا بينا نشوف اللي كنا بنعمله
اشغل يونس نفسه في العمل ليشغل عقله من التفكير بها....
وهي ايضآ ظلت تشغل نفسها في لتجهيزات الا ان مر اليوم دون اي احداث....
ذذهب علي لشقته وارتمى على فراشه بتعب....
علي: ااااااه ياعضمك يارضا اه ياني ياني اااه
تنشك في معاميعك يايونس على ام التعب ده اااااه ولسه خطوبته بكره اما اتخمد بقى
احيه نسيت ورد
علي بحزن: شكلها كتبت كتابها خلاص يعني بقت لغيري اصحى ياعلي دي أصلا عمرها ماكانت ليك اما اكلمها هههههه ماانا دلوقتي ذي اخوها...
امسك الهاتف وانتظر ردها....
ورد: السلام عليكم
علي: وعليكم السلام ورحمة الله وبركاته عامله ايه ياعروسه اسف والله ياورد كنت مشغول اوي ماقدرتش احضر كتب كتابك
ورد بحزن: انت لو معبرني من يومين كنت عرفت ياعلي بس انت مش بترد عليا...
علي: اعرف ايه مش فاهم...
ورد: مافيش كتب كتاب ياعلي....
علي: يعني ايه مافيش كتب كتاب مش فاهم
ورد: يعني انا فسخت الخطوبه ياعلي خلاص
علي بفرح: بتهزري صح