ا
ا
رواية الاخ الاكبر
الفصل الثامن والعشرون
بقلم حبيبه
وصلت نور للبيت وكانت تشتعل من الغضب: هو مفكر نفسه على ايه يعني بيتكلم كده اومال لو كان حلو شويه كان عمل ايه بلا وكسه ايه اللي بقوله ده هو فعلاً حلو مش وحش لأ وحش ومعفن كمان بطلي كدب يانور هو حلو استغفرالله العظيم واتوب اليه بس يابت وبعدين هو قالك انتي مالك فا لمي نفسك ومالكيش دعوه بيه ان شالله يكلم بنات مصر كلها انا مالي انا مالي
روان: ههههههه بت يانور هي هبت منك ولا ايه بتكلمي نفسك يابنتي...
نور: ايه ده بجد هو انا اتجننت
روان: لا ياقلبي ولا اتجننتي ولا حاجه بس بتكلمي نفسك ليه في حاجه ولا ايه
نور بصوت هادئ: منك لله يامحمد جننتني وخليتني اكلم نفسي ادعي عليك بأيه يابعيد
روان: ايه يابنتي رجعتي تكلمي نفسك تاني
نور: لأ ياقلبي لا بكلم نفسي ولا حاجه انا معاكي اهو
روان: نور لو في حاجه ومحتاجه تكلمي حد انا جنبك ومستعده اسمعك
احتضنتها نور بحب: ربنا يخليكي ليا وميحرمنيش منك ابدا ياروح قلبي
روان بحنان : ولا يحرمني منك ياقلبي انتي عندي ذيك ذي روح وندى. وجنبك دايما في اي وقت ماشي
نور: ماشي
روان: ها مش هاتقولي بقى كنتي متعصبه ليه بقى
نور: اخوكي البارد كان في واحده معاه لابسه ان لا شيئ بقوله مين دي كسفني قدام الناس وقدامها وقالي مايخصكيش عصبني اوي والله
روان: ليه اتعصبتي
نور باارتباك: ها
روان بأبتسامه: بقولك ليه اتعصبتي
نور: عل ع علشان كسفني قدام الناس
روان: بس ماحدش بيزعل من حد او يتعصب اوي كده غير لو كان غالي عليه وبيعمله اهتمام
نور: لأ هو بس علشان كسفني بس هو انا اصلا بطيق اخوكي الرخم ده
روان: متاكده
نور: طبعاً
روان: تمام ياقلبي
#ثواني ورن جرس الباب
روان: مين
عز: انا انا انا
روان: احم ثواني
#ذهبت روان ووضعت نقابها وذهبت لتفتح الباب
عز: عامل ايه ياقمري
روان: احم بخير الحمدلله
عز: يارب دايما ياروح قلبي
نور: احم احم انا هنا ياسي روميوا
عز: ايه الفصلان ده
نور: ايه ياحبيبي اوعى تكون انزعجت مني ازعل
عز: ازعلي
نور: هازعل وانا زعلي وحش
عز: ازعلي
نور: اخص عليك يازوزو عاجبك كده ياروان
روان: ههههه لا مش عاجبني
نور: يخليكي ليا يارب يانصفاني دايما
عز: بس يابت ويلا انكشحي من هنا
نور: ليه ليه ها ليه ليه قولي ليه
عز: وانتي مالك ياتنحه
نور: عبو شكلك بتحبطني دايما انا متنيله رايحه المطبخ اكل ماشي ياخويا
عز: ماشي ياروحي يلا خلي بالك من نفسك
نور: ليه هو انا رايحه احرر فلسطين انا رايحه اكل
عز: يلا ياعسل يلا ياسكر يلا بدل مااهفك بوكس اللزقك في الحيطه
نور وهي تذهب: ماشي ماشي
عز: امشي يابت
روان: ههههههه
#التفت عز الى روان وهو يبتسم على سعادتها: وحشتيني اووي
روان بأحراج: احم احم
عز وهو يقترب منها قليلآ: بقولك وحشتيني اووي اووي عارفه ياروان انتي مش متخيله قد ايه هاطير من فرحتي انك بقيتي ليا وان اقدر اقولك اللي اناعايزه براحتي وكمان احب فيكي ذي ماانا عاوز عارفه انا مبسوط اووي
روان بأحراج: ي يا يارب دايما مبسوط
عز بحب: بحبك ياروان
#هنا ورفت روان نظرها إليه وتنظر له..
عز: والله العظيم بحبك وبموت فيكي يمكن قولتها كتير قبل كده وهافضل اقولها واسمعهالك لحد اخر نفس ليا بحبك ياروان بحبك ومش قادر استحمل كرهك ليا على الاقل حاولي ماتكرهنيش ولا بطالب تحبيني انا كفايه عليا تعامليني كويس ذي الاول حتى
روان: انت فاكر اتقدمتلي ازاي فاكر جبرتني اوافق ازاي فاكر ازاي فضلت اترجاك تصبر على اخويا وبكل برود رفضت طيب عاوزني اعاملك كويس ازاي مش عارفه ياعز حاولت كذا مره اسامحك بس قلبي مش مطاوعني اسفه مش هاقدر اسامحك
عز: بس....
محمد من خلفهم: ماله اخوكي بموضوعك مش فاهم
روان بصدمه: محمد
محمد: اه محمد في ايه وايه الكلام اللي سمعته ده وازاي عز جبرك وتترجيه ليه انا مش فاهم حاجه حد منكم يفهمني
روان وعز:..........
محمد: ساكتين ليه انا بقول حد يفهمني
عز: محمد اهدى ااا ا انا هافهمك كل حاجه
محمد: ياريت اتفضل على جوه فهمني
عز: تمام
#مرت حوالي ساعه وروان تذهب ذهابآ وايابآ بقلق
روان: استر يارب استر يارب وبعدين بقالهم كتير اوي جوه....
#واخيرآ خرج محمد من الداخل واخذ يقترب من روان وهو ينظر لها بصمت
روان بخوف على اخوها: محمد ياحبيبي انت كويس
محمد:.......
روان وهو تقترب منه: حبيبي انت كويس ماتقلقش مشكله وهاتتحل ارجوك ياحبيبي ماتزعلش...
محمد بهدوء: انتي ازاي استحملتي كل ده لوحدك ليه موتي اخوكي ياروان
روان: ماتقولش كده ياحبيبي ربنا يحفظك لينا يارب وميحرمنيش منك يارب وبعدين انا وانت واحد يامحمد انت ضهري وسندي
محمد: ولما انا ضهرك وسندك ليه ماشاركتيش تعبك معايا ولما انا ضهرك وسندك ليه خبيتي عليا اللي انتي فيه ليه ياروان
روان: لقيتك فرحان انت وماما ماحبيتش اضيع السعادة دي ماكنتش عاوزاك تتصدم في واحد اعتبرته اخ ليك وماما شافته ذي ابنها وماعرفش ان البنأدم ده هايطلع بالدنائه دي....
محمد: عز مش دنيئ ياروان
روان: ازاي مش دنيئ واللي عمله ده اسميه ايه
محمد: حب عشق
روان: حب
محمد: اه حب عز بيحبك بيحبك
روان: حب ايه ده اللي يخليه يعمل كده حب ايه ده اللي يكون بالعافيه دا اني حب ده اللي يخليك تجبر الشخص ده علي اللي انت عاوزه حب ايه ده يامحمد
محمد: حب حقيقي
روان: ازاي يعني حب حقيقي
محمد: روان انا من فتره قدرت استلف مبلغ الكفاله من واحد صاحبي وروحت ارجعه لعز بس هو رفض ومارضيش ياخده حتى اني قعدت اتحايل عليه كتير مارضيش ولما قالك الكلام اللي قاله وقت مااتقدملك قاله لانك رفضتيه وهو رايدك في الحلال وماكنش قابل فكرت انك تكوني لحد تاني غيره
روان: يعني ايه يعني كل اللي قاله ده كان كدب دا كان عاوز يحبسك
محمد: كان بيكدب علشان توافقي انا حكيت لعز سبب رفضك لاي حد يتقدملك بس هو برضو صمم عليكي
عز بيحبك ياروان بيحبك بجد علشان خاطري ياحبيبتي جاولي تديه فرصه عز مش ذي الذفت التاني
روان: بس انا.....
عز: روان انا والله العظيم بحبك وعمر ماهاجرحك ولا هاسيبك هافضل جنبك وسندك ارجوكي ياروان بلاش تبعدي عني
روان: تمام
عز: تمام ايه
روان: تمام موافقه اسامحك
محمد: ايه ده يعني مش هات.. . ..
#وضع عز يده سريعآ على فم محمد: كويس الحمدلله يعني هاتعامليني كويس
روان وهي تذهب من امامهم: اه
عز: اعاا.......
روان: انا. ايه مالك
عز: ها
روان: بقولك مالك انت كويس
عز: ها اه اه كنتي عاوزه حاجه
روان: كنت عاوزه اقولك اسفه اني فهمتك غلط
محمد: ههههههه مالك يااهبل
عز بتوهان: اهبل بشكل اختك هاتجنني. قريب بس مش مهم على قلبي ذي العسل
محمد: كلها ياخويا تك وكسه انت وهي ثم خد هنا انت ازاي يابنأدم انت تحط ايدك على بوقي ها
عز: علشان كنت بدل ماهاتكحلها هاتعميها ياخويا
محمد: يابني دي بعد ده كله بتقولك تمام البارده التنحه بعد كل ده تقول بكل برود تمام اول مره اعرف ان اختي تلاجه كده
عز: ياعم انت مالك انت انا راضي وحابب كمان ومش مهم مش عاوز اسمع بحبك كفايه عليا انها تضحك في وشي لما تشوفني تكلمني كويس تناديني بأسمي دا اهم حاجه عندي
محمد: ياعم انا مالي انا راجل رخم اني دخليت بين اتنين هبل ذيكم هو انا ناقص جنان بعد اذنك يااخ
عز: ههههههه رايح فين ياض
محمد: رايح اطفح جعااان
لا حول ولاقوة الابالله العلي العظيم
*هـل تعـرفـين مـن هـي الضـائـعة‼️
*الضـائـعة. هي التي تبكي عندما تسمع أغنية حزينة تذكرها بشخص تحبه..
*والتي تدمع عيناها لسماع الأغاني
*والتي تلجأ للأغاني عندما تشعر بضيق.
*ولا تنزل لها دمعة ولا تتأثر حينما تسمع آية يتشقق منها الحجر مثل قوله تعالى: (( اقْتَرَبَ لِلنَّاسِ حِسَابَهُمْ وَهُمْ فِي غَفْلَةٍ مُعْرِضُونْ))*
*_ عجبا لنا ، نعصي اللّٰـه ونحن لانستطيع الوقوف ف الشمس لمدة ساعة .. !*
*_ فڪيف بنار وقودها النَّاس والحجارة
*_ استغفروا ، ما نحنُ إلا جنائز مؤجلة .
انتهت روح من المحاضره والا ان خرجت حتى وجدت فارس ينتظرها ومعه ماطلبته....
فارس: ايه يااما كل ده دا انتي لو بتصنعي الذره مش هاتقعدي ده كله
روح: يخربيتك انتي جبت بجد
فارس بأبتسامه: طبعاً يعني عاوزاني بعد ماالقمر يوافق يسامحني ماحققلوش طلب صغنن ذي ده
روح: ههههههه لا بجد انت مجنون
فارس: طب يلا بس نوقف رغي دلوقتي ويلا بينا ناكل الاكل هايبرد يابت
روح: ثواني بس حاسه كده اني سمعت غلط
فارس: ايه في ايه
روح: هو انت بتقول ناكل
فارس: اه
روح: اه دا في المشمش
فارس: نعم
روح: نعم الله عليك ياحبيبي مافيش ناكل دي في هاكل واخد بالك هاكل يعني انا بس
فارس: بس انا جايب بذياده يابت وعامل حسابي
روح: انسي ياعسل الاكل ده ليا انا لوحدي وبالذياده اللي فيه. كمان هه...
فارس: بس ده ظلم يابت كده حرام انا جعاان
روح: وانا مااالي
فارس: روح ياعسل روح ياسكر خلي عندك دم وخليني اكل حتى لو سندوتش صغير
روح: نننننننو
فارس: يابت جعان بطني بتجعر
روح: اممممممم صعبت عليا خلاص هاديك ربع واحد
فارس: نعم
روح: شكلك مش عاوزه طب خلاص بلاش خالص...
فارس: لأ لأ خلاص موافق امري لله بقى يلا ياختي خليكي تطفحي.
سبحان الله وبحمده سبحان الله العظيم
انتهت ايمان من محاضرتها والا ان انتهت حتى قررت هي وندى تنفيذ قرار عزموا على تقديمه وهو البحث عن عمل لمساعدت عائلتهم...
ايمان: وبعدين ياختي هانعمل ايه انا حاسه انى مش فاهمه حاجه في اي حاجه وجعانه جعانه لأ دا انا جعانه بالقوي كمان...
ندى: اهدي يابت تعالي في شركه كنت شوفت ليها اعلان من فتره انها عاوزه بنتين يشتغلوا سكرتاريه
بس المشكله انهم عاوزينهم خبره
ايمان: اه واحنا والحمد لله في البطيخ
ندى: عندي فكره احنا نقولهم اننا خبره واحنا كده كده مش اغبيه يعني مخنا معانا وهانفهم بسرعه
ايمان: ازاي ودول هايطلبوا شهادات خبره واحنا طلاب ولا معانا اي حاجه
ندى: هو بصراحه يعني قصدي
ايمان: ايوه قولي ياختي قولي وخرجي كل اللي في عبك قولي بعبعي
ندى: خليت اسلام يزور شهادتين ليا وليكي
ايمان: وكمان تزوير ياختي ياختي ياختييييي اتحبسنا والحمد لله
ندى: بس يخربيتك هاتفضحينا ان شاءلله مافيش حاجه هاتحصل وبعدين يعني اعمل ايه دي الشركه الوحيده اللي مستعده تقبل طلاب بس يكون عندهم خبره
ايمان: ازاي طلاب وخبره دا ايه العبط ده بس
ندى: اتوكلي على الله وربنا سبحانه وتعالى عالم باللي في قلوبنا واننا ملناش نيه وحشه
ايمان: ونعم بالله ماشي ياقلبي يلا بينا
#ذهبت ايمان وندى للشركه والا ان دخلوها حتى انبهروا من اثاثها الراقي
ايمان: يالهوييي ايه الجمال ده سبحان الله
ندى: جميله لو سمحت
موظفة الاستقبال: ايوه
ندى: حضرتك جاين نقدم على وظيفة السكرتاريه
موظفة الاستقبال: تمام يافندم ثواني لو سمحت استاذ هيثم
هيثم: ايوه
موظفة الاستقبال: في بنتين جاين يقدموا على وظيفة السكرتاريه
هيثم: تمام ابعتيهم على مكتب المدير
موظفة الاستقبال: حاضر ........ الدور التالت تالت مكتب على ايدك اليمين...
ندى: تمام شكراً
ايمان: الدور التالت ادعي عليكي بأيه ياندى يابنت ام ندى هو انا فيا حيل ياختي
ندى: ههههههه ياهبله في اسانسير يعني مش هاتمشي
ايمان: طب كويس يلا
#وصلوا اخيرا الى المكتب وانتظروا حتى يأذن لهم بالدخول
هيثم:حضرتك واحده تدخل المكتب ده وواحده هاتيجي معايا
ندى: معاك فين لامؤخذه
هيثم: المكتب اللي جنبك ده علشان انا اللي هاشوف السي في تبعها
ندى: تمام
#طرقت ايمان باب المكتب بهدوء ثم دخلت والا ان دخلت حتى صدمت
ايمان بصدمه: لا احنا كده بنهزر انت ايه جابك هنا