ا
ا
رواية الاخ الاكبر
الفصل الواحد والعشرون
بقلم حبيبه
اقترب محمد من روح بهدوء تام فخافت روح ظنآ منها انه سيضربها من اجل روان ولكن خالف ظنها....
ندى بخوف: مم محمد اهدى
هبط محمد بهدوء الى مستوى روح اغمضت روح عينيها بخوف عندما اقترب منها ولكن خالف توقعها
قبل محمد راءسها بحنان: فوقي ياروح فوقي انتي بتضيعي نفسك وبتخسري اخواتك فوقي ياروح ارجوكي رجعيلي. اختي روح اللي دايما بتهزر معانا روح الجديده دي هاتبعدك عن اخواتك
#ازالت روح نظرها في مكان اخر غير اخيها
نظر محمد اليها قليلآ ثم ذهب للخارج
ذهبت ندى خلفه
روح: ندى
توقفت ندى واستدارت اليها: نعم
روح: رايحه فين
ندى: رايحه اشوف اخواتي
روح: لأ خليكي معايا هنا
ندى: اسفه
روح: يعني ايه
ندى: يعني اسفه انا وقفت جنبك كتير رغم اني عارفه انك غلط بس كان عندي امل انك تفوقي وتفهمي غلطك بس انتي كل مره كل مابتتمادي اكتر عن المره اللي قبلها فاخلاص اسفه اني مش هابقى جنبك اخواتي محتاجني
روح: انا كمان اختك ومحتجاكي جمبي كلهم بعدوا عني
ندى: كلهم بعدوا عنك ههههههه والله انتي عسل روح انتي اللي بعدتيهم بمزاجك خسرتي اهلك بس تفاهتك اختك اللي كانت شيلاكي في عنيها سمعتيها اسواء الكلام وشبهتيها بناس استغفر الله واستحملت وبرضوا واقفه جنبك وكل ده ليه علشان معجبه بحد عمره حتى مافكر فيكي بتحبيه اه بس هو بيحب غيرك لأ لأ دا مش بيحبها دا بيعشقها ياريت تحسي بقى وتفوقي
روح: ايه اللي انتي بتقوليه ده انتي ياندى تقوليلي كده
ندى: اه بس بقولك كده اه انا بعد اذنك رايحه اشوف اهلي
#ذهبت ندى من امامهم ولم يضل بالغرفه سوى عز الذي ينظر لها بصمت واسلام ايضآ
روح: في ايه مالكم بتبصولي ليه كده
اسلام: للدرجه دي قلبك اسود معقوله انتي بنت عمي احمد المهدي الراجل الطيب مستحيل ياخساره ياروح ياخساره بعد اذنك
روح: حتى انت كمان يااسلام في ستين داهيه كلكم مش محتاجه حد منكم خالص
#ابتسم اسلام بأستهزاء: بكره تعرفي قيمة اهلك اللي مزعلاهم دول وصدقيني وقتها هاتندمي بس هايكون فات الاوان
قال رسول الله صل الله عليه وسلم:
اتقوا الظلم فإنه ظلمات يوم القيامة، واتقوا الشحَّ فإنه أهلك من كان قبلكم»
خرج واخذ يبحث عن روان فوجدها جالسه في زوايا المشفى لكي لا يراها احد وتضم قدمها امامها فسمع شهقات صغيره تخرج منها... فااقترب منها بهدوء وجلس امامها
وضع يدها بحب على راءسها: روان
صمتت روان فجأه ورفعت راسها اليها
روان ببكاء: م مح محمد انا مش وحشه والله والله العظيم مااقصد ازعل ا اخ اختي انا والله بحبها بحبها اكتر من نفسي يمكن ز زع زعلتها بس بسبب اني وافقت عع ع على عز بس والله م مم ما مااقصد
محمد: هوشششش اهدى ياقلبي انتي قمر وقلبك ابيض وقمر ذيك ياروحي ماحدش يقدر يقول انك وحشه عارفه لو حد قالك كده ياعمري يبقى غيران منك يابت وابقي بس عرفيني وانا اضربه بوكس يرقده في السرير شهرين
روان: لا حرام
محمد: ههههههه لا والله حرام وهو مش حرام القمر ده يعيط ياختي سيماله على بنوتي لما تعيط وتحمر كده اه لابسه نقاب بس انا واثق ان خدودك بقت طماطم ههههههه
روان: ربنا يخليك لينا ياحبيبي وميحرمناش منك ومن حنيتك علينا
محمد: ولا يحرمني منكم ياحبايبي
طب ايه
روان: ايه
محمد: هو ايه اللي ايه جعان ياختي قومي فزي خلينا ناكل
روان: ههههههه حاضر
#غفلوا تماماً عن تلك التي كانت تراقبهم
نور في سرها: هو اذاي كده فجأه غشيم اوي ولسانه عاوز قطعه بس عند اخواته وحنية الدنيا كلها فيه وبيحتوي اخواته هو ازاي كده امرك عجيب يامحمد بس ثواني ليه شاغله بالي بيه انا مالي وماله انا أصلا مش بطيقه بس ليه بفكر فيه اوي كده يوووه بت اتهدي وامشي اتنيلي شوفي انتي رايحه فين...
ندى من خلفهم: الله الله وكمان حاضنه اخويا ابت من غيري اخس عليكم
محمد: اهو الصداع اشتغل
ندى: ماليش دعوه انا عاوزه حضن عسل ذي ده ولا روان بنت البطه البيطه البيضه وانا بنت البطه السمرا ياخويا
محمد: اسمها السوده يااخرت صبري
ندى: المهم انهم نفس اللون
محمد: طب يلا ابت هش
ندى: لأ لأ لأ دخلوني وسطيكم
محمد: لأ
ندى: هاعيط واجرسكم في المستشفى كلها وفي ناس هاتزعل والناس هاتجيب ناس تزعل والناس هاتجيب ناس تالته تزعل والموضوع يكبر ويوصل لشيخ البلد
محمد: العبي بعيد ياشاطره
ندى: اعاا.....
محمد: بس بس يخربيتك خلاص تعالي في حضني عبو شكلك شبه رو.....
#صمت محمد بحزن لاحظته روان وندى
روان: طيب مش هاناكل
ندى: اقفش وكمان اكل من ورايا خاينين
روان: ههههههه خلاص حظك انك تيجي بس ان محمد وافق
ندى: ياختيييييييي يبقى ضمنت اني هاقعد جعانه اه ياني يامظلومه ياعسوله ياشرباته ياسكره ياحلوه يامقطقطه ياكيوته ياني
محمد: ياايه ياختي
رفعت ندى نصف شفتيها: كيوته ايه في اعتراض
محمد: اوباااااا الله اكبر اهو ظهرت السرسجيه اللي جواها ماجبتش حاجه من عندي
ندى: احم احم دا انا شرباته
محمد: اتنيلي ماخلاص شوفنا جعفر اللي كنتي مخبياه عنينا
روان: ههههههه طب يلا انا جوعت منكم
نظر محمد لندى وغمز على نجاحهم في سعادت اختهم فنظرت ندى لها بتفاخر
محمد: اتوكسي يلا ياختي انتي وهي في عربية فول بره انما ايه عجب
ندى: فول ال وانا قولة هانضرب كباب كفته فراااخ
محمد: اه معلش لما اكسب بس القضيه وارجع عزبة بابا هابيعها واجبلك كباب امشي ابت قدامي خلينا نضرب فول
ندى: ههههههه يلا
اسلام: وانا وانا وانا
محمد: اهو كان ناقص ياروان ياقلبي انا غلطان اني نطقت وقولة ناكل
روان: ههههههه معلش ابن خالتنا للاسف
اسلام: اه ينوبكم فيا ثواب عصافير بطني بتقاقي ياعيال
محمد: العصافير بتقاقي صبرني يارب يلا اخلصوا قبل مالمستسفى كلها تيجي معانا
اللهم صلِّ وسلم وبارك على سيدنا محمد
ظل عز ينظر لروح بصمت
روح: هاتفضل باصص كتير ياعز
عز: اصلك صعبانه عليا اوي
روح: صعبانه عليك
عز: اه
روح: ليه
عز: بغبائك خليتي اقرب ناس ليكي تبعد عنك
روح: انا مابعدتش حد هما اللي قرروا يبعدوا عني براحتهم
عز: طب وروان
روح: روان دي اكتر بنأدمه كرهتها في حياتي
عز: ليه الحقد اللي جواكي ده لاختك
روح: علشان اختي مش بتحبلي الخير وعشان خدت....
عز: علشان خدتني منك
روح:..........
عز: ايه مش ده قصدك برضو بس احب اقولك اني بحبها وبموت فيها
روح: لأ لأ انت اكيد بتكدب قول انك بتكدب الله يخليك
عز: هاقولك حاجه وياريت ماتنسيهاش انتي اختي الصغيره وعمري مافكرت افكر فيكي غير كده انتي في عيني طفله ياروح ماشي طفله وهاتفضلي اختي الصغيره
روح بدموع: يع يعني ا ان انت مش بب بتحب...
عز: عمري.. عمري مافكرت اشوفك غير اخت صغيره عمري فاهمه ياروح عمري
اختك بس اللي في قلبي اختك اللي بحبها وبعشقها اختك بس ياروح روان في قلبي وهاتفضل هي بس اللي في قلبي
روح:.............
عز: اتمنى تكوني فهمتي وتطلعي اي حاجه من دماغك وتفوقي بقى فوقي قبل مافجأه تلاقي نفسك لوحدك ووقتها هاتندمي اشد الندم سلام
قال رسول الله صل الله عليه وسلم:
اجتنبوا السبع الموبقات: الشرك بالله، والسحر، وقتل النفس التي حرَّم الله إلا بالحق، وأكل الربا وأكل مال اليتيم، والتولي يوم الزحف، وقذف المُحْصَنات الغافلات».
دخلت ناديه الغرفه وجد روح تبكي
ناديه بخوف: يالهوي مالك يابنتي في ايه
روح بدموع: خديني في حضنك ياماما
ناديه: تعالي ياقلب امك
روح: تعبانه اوي ياماما تعبانه اوي
ناديه: مالك يابنتي. في ايه انا قايمه وانتي بخير قوليلي ايه غيرك كده
روح: مافيش ياماما احضنيني وسببيني كده وهارتاح.
........................
عبدالله: الووووو
التوربيني: صدعني
عبدالله: انت مش وعدتني تخطف البت
التوربيني: وانا عيل وبرجع في كلامي
عبدالله: يعني ايه
التوربيني: يعني نويت ابيع سبح
عبدالله: انت بتستظرف ياتوربيني
التوربيني بلهجه مرعبه: اه بستظرف ايه في اعتراض
عبدالله: ل لل لأ بس...
التوربيني: بس ايه
عبدالله بسرعه: بس اللي اعرفه عنك ان التوربيني كلمته سيف وعمره مارجع في كلمه قالها وكلنا بنحترمه علشان واثقين في كلامه مش معقول يرجع فيها
التوربيني: اممممممم اقنعتني طيب وايه المقابل
عبدالله: مقابل ايه
التوربيني: ههههههه عبدالله ماتخلنيش اشك انك بقيت محامي بالغش مقابل قصاده اللي هاعمله اكيد مش هاخطفهم علشان سواد عيونك
عبدالله: اللي تطلبه انا جاهز
التوربيني: 50
عبدالله: 50الف
التوربيني: ههههههه ياعبدالله شكلك خرفت على كبر قصدي 50مليون ياحضرت ال هه ياحضرت المحامي الشاطر
عبدالله: بس دا كتير اوي ياتوربيني
التوربيني: كتير عليا ياعبدوا دا نقطه في بحر فلوسك
عبدالله: فلوس ايه انا ماعنديش فلوس
التوربيني: ههههههه ههههههه تصدق انا ضحكت ههههههه عبدالله ياحبيبي انا التوربيني يابني يعني اللف والدوران ده مش عليا
عبدالله: بس انا مش بلف ودور دا حقيقي
التوربيني: تمام اسف انا مابخطفش حد
عبدالله: لأ لأ لأ ارجوك ط طب خلاص انا مو موافق بس اديني مهله كام يوم لحد مااقدر اظبطهم
التوربيني: يومين واسمع التمام ماشي
عبدالله: ماشي سلام
قال الرّسول -صلّى الله عليه وسلّم-: (ثَلَاثٌ مَن كُنَّ فيه وجَدَ حَلَاوَةَ الإيمَانِ: أنْ يَكونَ اللَّهُ ورَسولُهُ أحَبَّ إلَيْهِ ممَّا سِوَاهُمَا، وأَنْ يُحِبَّ المَرْءَ لا يُحِبُّهُ إلَّا لِلَّهِ، وأَنْ يَكْرَهَ أنْ يَعُودَ في الكُفْرِ كما يَكْرَهُ أنْ يُقْذَفَ في النَّارِ).
وصلت روح للمنزل وضعوها فوق الفراش وكالعاده ذهبت روان لتغطيها جيدآ
ظلت روح تنظر لروان بصمت تاام هي وباقي العائله
روان: هاروح ياقلبي اجهزلك اكل واجي
عز في سره: طب اعمل فيها ايه رغم ان البت مسحت بيها الارض وبرضوا عماله تساعدها اه ياني منها شكلي هاتعب معاكي كتير بس برضو بحبك
#مر اليوم على خير وذهب الجميع لمنازلهم...
ظلت روح في مايقارب اسبوع تلزم الفراش الا ان تعافت تمامآ
ويأتي صباح جديد على ابطالنا
روان: ياندى ياروح اصحوا عندكم جامعه
يابنات قوموا اتأخرتوااااااا
ندى: ايه في ايه انا قومت اهو
#فتحت روح عينيها بهدوء وصمتت
روان: يلا بسرعه البسوا واجهزوا لحد مااجهز اكلكم
روح: شكرا مش عاوزه اكل
روان بهدوء: تمام ياحبيبتي انا هاروح اصحي ماما
ندى: روان جهزيلي فطار من ايدك القمر دي
روان بأبتسامه: حاضر ياقلبي
ذهبت روان ونظرت ندى لروح
ندى: ربنا يهديكي ياروح
صمتت روح واستعدوا للذهاب
محمد: يابنات اسلام مستنيكم تحت
#ذهبت البنات للجامعه
وصلت روح وندى ودخلوا اليها والا ان دخلوها حتى وجد روح من يهجم عليها واخذها في احضانه
فارس: حمدالله بالسلامه ياقمر وحشتيني وحشتيني اوي فينك كل ده
#قذفته روح بعيدآ عنها بعنف واعطته كف رن في اذان الجميع