ا
ا
رواية الاخ الاكبر
الفصل الثامن عشر
بقلم حبيبه
لحظات صمت رهيب مرت على الجميع ...
روان: محمد ا...
محمد بغضب: بسس ايه اللي انا سمعته ده ياروح
روح:..........
محمد بصوت عال نسبيآ: انطقي ايه اللي سمعته
روان: محمد اسمعني ارجوك
محمد: اسمع ايه تاني مالاستاذه المتربيه قالت كل حاجه ايه ناقص اسمعه
روان: محمد افهمني الله يخليك
روح: اه اللي سمعته صح انا بحب عز بحبه بس الهانم المحترمه خطفته مني طمعت فيه وفي فلوسه رخيصه
كف اخذته روح من محمد: اخرسي لسانك ان نطق بغلط تاني في اختك هاقطعه فاااهمه
روان ببكاء: يامحمد اهدى الله يخليك واسمعني
روح: يسمعك يسمع ايه تاني انتي ماتتكلميش خالص كل اللي حصل ده بسببك بسببك انتي انا مش عارفه انتي اذاي كده اذاي عامله نفسك بريئه وانتي شيطان اذاي
محمد بغضب: بس اخرسي خالص انتي اكيد مش طبيعيه انتي واعيه لنفسك بتقولي ايه لاختك انتي بتقولي كده لروان روان اللي كانت معتبراكم اولادها مش اخواتها دلوقتي بقت وحشه ايه نسيتي اللي عملته ليكي انتي واخواتك دي شالتكم في عنيها رفضت تكمل تعليمها علشانك انتي واختك شالت هم البيت كله على كتافها علشان ماحدش منكم يتعب ويعمل حاجه
روح بأنفعال: اه شيطانه فكرتها بتحبني وعاوزه مصلحتي بس مثلت عليا الحب علشان توقعه وياخدها هيا وانا كنت عاميه لما فكرتها بريئه كنت عاميه لما فكرتها طيبه كنت عاميه كنت مش شايفه وسا****
#كف اخر يهبط بغضب على وجه روح ليجعلها تلتزم الصمت...
محمد بغضب: الظاهر انك مش متربيه كويس وقلة الاداب عندك ذادت عن حدها وانا هاربيكي من تاني..
#تتراجع روح بخوف للخلف خوفآ من اخوها ومن غضبه...
روان بخوف على اختها: محمد وحيات لا إله إلا الله تهدى
محمد: اهدى اذاي عاوزاني اهدى اذاي وانا سامع اختي الصغيره بتقول كده عن اختها الكبيره انتي قوليلي ياروان اهدى اذاي اهدى اذاي وانا شايف قدامي تربية واخلاق بابا بتقع في الارض على ايد اختي قوليلي اهدى اذاي والهانم بتقولي بكل وقاحه وقلة ادب انها بتحب اللي هايبقى جوزك يعني بتحب جوز اختها وبعد ده كله عاوزاني اهدى
#نزلت دمعه من عين محمد رغم غضبه
روان بهدوء: اذكر الله ياحبيبي واهدى المشكله مش هاتتحل بالضرب او الغضب روح اكيد ماتقصدش الكلام اللي قالته هي بس علشان متعصبه مني شويه قالت كده لكن عمر تربية بابا لينا ماتتهد اخلاق بابا مزروعه فينا واتربينا عليها اذاي بقى عاوزها تتهد بسهوله كده
روح: بلاش كدب كتير بقى واظهري وشك الحقيقي بقى
ندى: بس اسكتي بقى الله يخليكي اسكتي بقى كفايه كده
روح: يعني مش شا....
#هنا وصمتت روح بصدمه بسبب ذلك الكف الذي ولاول مره يرفع عليها..
روان بقوه : بس بس اخرسي بقى قولتي كل اللي جواكي خلاص وسمعنا منك بما فيه الكفاية بس خلاص بقى اخرسي واقفلي بوقك ده لازم تفهمي حاجه واحده واجباري عنك هاتفهميها هو مش بيحبك وعمره ماهايفكر يحبك ياريت تفهمي ياروح انتي لسه صغيره وقدامك حياتك فكري في جامعتك ومستقبلك وبس فاهمه
ندى: خلاص اهدى ياروان تعالي ياروح
روح:........
ندى: روح ارجوكي امشي معايا يلا
روح:.........
ندى: روح يلاااااااا ارجوكي
#استسلمت روح وذهبت معها
محمد: روح
توقفت روح...
محمد: انتي من النهارده لا اختي ولا اعرفك اختي من النهارده ماتت
#صدمه والجمت الجميع وخاصه روح التي توقف جسدها عن الحراك وكأنه صنم
روان بدموع: بعد الشر ماتقولش كده يامحمد ارجوك دي اختك حبيبتك الصغيره
محمد: ياريت لسانك مايخاطبش لساني تاني وانسي ان ليكي اخ اسمه محمد بس واقسم بالله اقسم بالله ان فكرتي بس تزعلي روان بكلمه لادفعك تمن زعلها غالي اوي فاهمه
#ظلت روح تنظر ارضآ بصدمه وصمت ولكن خانتها دمعه ونزلت رغمآ عنها
#نظرت ندى بدموع لاختها واخذتها لغرفتها......
روان بدموع: ليه يامحمد قولت كده ليه يامحمد
محمد: يلا ياروان ماما مستنيانا تحت
روان: محمد
محمد: يلا ياحبيبتي ماما اكيد قلقت علينا
روان بأستسلام: حاضر
مر اليوم على ابطالنا منهم السعيد والحزين......
استيقظت روان ادت صلاتها لربها وقراءت وردها ثم كالعاده ذهبت لتوقظ باقي العائله وقررت زيارت اخيها الصغير اولآ
روان: عماد عمده حبيبي
عماد: تعالي ياقلبي
روان: ياترى القمر عامل ايه النهارده
عماد بسعاده: سيبك مني دلوقتي الف الف مبروك ياحبيبتي والله فرحتيني عارفه عاوز ارقص وافضل ارقص من هنا لبكره من فرحتي
روان بأبتسامة حزن:ارقص ياروحي وافرح
عماد: مالك ياروان انتي كويسه
روان: انا بخير ياحبيبي وذي الفل اهو
عماد: روان ماتكدبيش عليا انا متاكد ان فيكي حاجه وبعدين هاتخبي عني دا انا عمده حبيبك
حاولت روان ان تخرج من الموضوع: سيبك انت المهم عاوزه اسمع منك انك بقيت ذي الفل وبعدت بعد تام عن الطريق الغلط
#علم عماد انها لا تريد التكلم الان فاستسلم لرغبتها: انا الحمدلله بقيت تمام وعارفه بقيت بلتزم في صلاتي وكمان بقيت بصلي قيام الليل والفجر وختمت المصحف مرتين وبداءت تاني من اوله وعارفه كمان عملت حاجه حلوه اوي
روان بدموع سعاده لاخوها: ايه ياحبيبي
عماد بعفويه: عملت ورد يومي من التسبيح وكمان بصلي ركتعين لله تسبيح بس.....كنت ببحث على النت ولقيتهم وحبيت اصليهم
#احتضنته روان بسعاده وهي تبكي واخذت تحمد ربها وتدعوا له بالثبات...
#شعر عماد بدموع على ظهره قلق بشده: روان في ايه مالك ياقلبي بتعيطي ليه
روان بدموع: فرحانه ياروحي فرحانه اوي اوي
#ازال عماد دموعها بيده وهو يبتسم: وهو ياختي اللي فرحان يعيط هو انتي بتعيطي وانتي زعلانه وبتعيطي وانتي فرحانه
ابتسمت روان وسط دموعها: ههههههه معلش بقى ياحبيبي انا كده المهم بما ان حبيبي بقى كويس وقمر كده يجي معايا بقى
عماد: اجي فين
روان: هاجيب دهبي النهارده ياحبيبي
عماد: بجد طيب انا ها.... ولا اقولك لا بلاش خليني بكره
روان: ليه ياحبيبي مش انت بقيت كويس خلاص
عماد: اه بس هو كده كده فاضلي بكره فاخليها بكره
روان: ياحبيبي انت الحمدلله بقيت كويس خلاص.....
عماد: لأ بلاش خليني لبكره علشان وعدي لمحمد اني هافضل لاسبوع
روان: خلاص ماشي ياقلبي اللي يريحك
يلا هاسيبك دلوقتي ماشي انا جبتلك الفطار
عماد: خلاص ماشي
لا حول ولاقوة الابالله العلي العظيم
ذهبت روان لغرفة اختيها ظنآ انهم نائمين كالعاده ولكن الا ان دخلت حتى راءت روح تحضر نفسها امام المراءه
روان: روح حبيبتي تعالي علشان تفطري قبل ماتروحي الجامعه
روح:..............
روان: روح حبيبتي كلي الاول ماتنزلي
روح: خلي حبك المزيف ده لغيري علشان انا مابيمشيش عليا الكدب ده تمام
روان: ليه بتقولي كده انتي عارفه ومتاكده اني بحبك يابت انتي بنتي مش اختي
روح: حب ههههههه تصدقي خلتيني اضحك
روان: روح
روح: ماتنطقيش اسمي علي لسانك بسببك انتي بس اخويا عداني ونسي ان ليه اخت اسمها روح بسببك بسببك انتي وبس انتي السبب فى كل مأساتي عارفه انا بكرهك بكرهك
روان: روح والله ماقصدش ازعلك والله
روح: يلا ياندى اتأخرنا
#جاءت ندى من الحمام: يلا روان
صباح الخير ياحبيبتي
ازالة روان دموع عينيها وابتسمت: صباح النور ياروحي يلا تعالي افطري
ندى: حاضر يارو....
روح: ندى يلا اتأخرنا اخلصي
ندى: تمام حاضر
#استدارت روان لتذهب .......
ندى: روان
روان: نعم
ندى بأبتسامه: ممكن تعمليلي الفطار سندوتشات واخدهم معايا الجامعه علشان متأخره وجعانه وبحب فطارك العسل اللي ذيك ده...
روان بأبتسامه: عيوني ياقلبي حاضر
روح: انا مستنياكي تحت
#انتهت روان من تحضير الطعام لندى واعطته له...
ندى: تسلم ايدك ياروحي الحق انا علشان سلوكه تحت
روان: سلوكه مين ده
ندى: سلوكه يابنتي ماتعرفيش سل. .. اه قصدي اسلام
روان: ههههههه عيب يابت ماتقوليش كده
على ابن خالتك
ندى: بدلعه يابنتي
روان: بس يابت عيب
ندى: حااااضر يلا هامشي انا السلام عليكم
روان: وعليكم السلام ورحمة الله وبركاته
في حفظ الله
#ذهبت روان لغرفة اخيها واخذت تترق علي الباب
روان: محمد يامحمد اصحى ياحبيبي
محمد: صاحي ياروان ادخلي
روان: صباح الورد ياحبيبي اول مره القيك صاحي لوحدك كده
محمد: ههههههه انا مانمتش
روان: ليه كده
محمد: عادي حاولت انام بس ماكنش جايلي نوم ماتقلقيش انا كويس
روان: هاتتعب طيب نام شويه
محمد: يابنتي والله ماجايلي نوم انا بخير والله
روان: بخير اذاي وانت دبلان كده وتحت عينك اسود قولي عاوزني اصدق انك بخير اذاي يامحمد انا السبب فى كل ده ايوه انا السبب انا السبب
محمد: بس يابت ماتقوليش كده علشان مازعلش منك والله وايه انتي السبب ده
روان بدموع: اه انا السبب بسببي زعلت مع اختك بسببي اختك بعدت عني بسببي اول مره تمد ايدك على اختك انا السبب فى كل ده
محمد: بس ياروان انتي مافيش حاجه بسببك دا بلاء من سبحانه وتعالى واحنا لازم نصبر وان شاءلله خير وروح مش عارفه الصح من الغلط وبكره تفهم ان اللي حصل ده كان الصح ليها سبيها دلوقتي وبأذن الله لما تفهم هاتندم وهاتجيلك لوحدها
روان: بجد اختي هاترجع لحضني تاني يامحمد
محمد: اه ياقلبي المهم يلا بينا نفطر علشان جعان وكمان تلحقي تجهزي علشان شويه وهاتلاقي عز طابب علينا
روان: حاضر
عز: نووووور
نور: ايه يابني في ايه
عز: يلا تعالي افطري واجهزي علشان نروح لعيلة روان ياختي
نور: عز ياقلبي انت شايف الساعه كام
عز: 8
نور: ولما شايف انها 8وانت قايلهم اننا جايت الضهر بتجعر من دلوقتي ليييييه
عز: ايه يابت ماهو انتي بتاخدي يجي عشر ساعات لحد مابتخلصي فاببلغك من دلوقتي
نور: لا اتطمن هاخلص بدري ياخويا
عز: ههههههه ماشي
نور: عز هو انت بتحب روان
عز: مش عارف بصراحه لان انتي عارفه اخوكي عمره ماحب بس بقيت حابب اسمع صوتها كل ثانية ببقى عاوزها تتكلم في ايه حاجه حتى لو حاجه تافهه مش مهم بقيت عاوز اشوفها كل شويه كنت بتحجج بأي حاجه علشان اروح عندهم واشوفها بقيت كل مااصلي اطلبها من ربنا سبحانه وتعالى لو ده حب فاانا بحبها وبعشقها وعاوزها تكون حلالي وفي بيتي النهارده قبل بكره.....
نور بسعاده لاخوها: رربنا يسعدك ويفرح قلبك ياحبيبي وان شاءلله روان تنور بيتنا قريب يارب...
عز: امين يارب
عبدالله: قصدك تضلمه مش تنوره
#التفت عز ونور اليه
نور: ليه بتقول كده يابابا روان بنت متربيه وعسل وتتحب والله
عبدالله: دي بنت مش متربيه شرشوحه تربية شارع.
عز بغضب: استاذ عبدالله انا ماسمحلكش انك تتكلم عنها كده وبعدين ياريت تراعي انها هاتكون مرات ابنك قريب.........
ياريت فاحاول تحترمها يااااا يابابا
عبدالله: عمرها ماهاتبقى مرات ابني انا ماقبلش نسب يعر ذي ده فاهم
عز بأبتسامه: هاتقبله قريب يابابا هاتقبله نور
نور: نن نعم
عز: اجهزي يلا وخلي الداده تجهز علشان هاتيجي معانا
عبدالله: انت رايح فين
عز: لهو انا ماعرفتكش يابابا اصل رايح اجيب دهبي دلوقتي