رواية فتاة من نار
الفصل الخامس عشر 15والاخير
بقلم سلوى منير
تتم خطبة ميرفت الى ياسر وتمر الايام الى ان يتم زواج رياض ومها في حفل كبير اقيم في احدى الفنادق الكبرى.
احلام.. رياض.. احمد، جميعهم في استقبال المدعون لحضور عرض الازياء الى ان حضرت خطيبة احمد وقدمها الى رياض واحلام.
احلام : عروستك زي القمر يا استاذ احمد.
خطيبة احمد : ميرسي يا احلام هانم.
يتحرك احمد وخطيبته ويجلسها باحد الاركان بجوار مها زوجة رياض ومشيرة وميرفت وخطيبها ويعود يقف بجوار احلام ورياض، ويبتدي العرض والقلق والتوتر يتملكان من احمد فهو بهذا العرض يكون او لا يكون، وانتهى العرض بنجاح هائل فنسبة كبيرة من الموديلات تم بيعها وهنأ الجميع احمد بنجاحه.
مها بجوار رياض في سيارته اثناء عودتهم للمنزل.
مها : اكيد في مكافأة حلوة على العرض دا.
رياض : اكيد.. بس استاذ احمد ليه النسبة الاكبر.
مها : بصراحة موديلاته جميلة جدا.
رياض : قولي يا بخت من ترضى عليه خالتك.
مها بجدية : قصدك ايه؟
رياض : اديته فرصة مكنش يحلم بيها.
مها بنفس اللهجة : اكيد شايفة انه موهوب.
رياض : كل واحد بياخد نصيبه.
احلام تحادث احمد في الهاتف بعد العودة للمنزل.
احلام : مبروك يا احمد.
احمد : مبروك علينا.
احلام باسمة : انا عند وعدي، واديك اهو هتاخد قرشين كويسين عشان تتجوز.
احمد : انا مهما اقول مش هقدر اعبرلك عن شكري.
احلام : المهم متنساناش.
احمد : نتقابل بكرا في مكانا عشان اشكرك بنفسي.
ميرفت مع الشلة في احدى النوادي يتجاذبان الحديث.
ميرفت لاشرف : انت يبني مش قولتلي هتعرفني المكان اللي بتجيب منه.
اشرف باسما : انتي خلاص ادمنتي ولا ايه؟
ميرفت : مش الفكرة دي بس لزوم القعدة.
يتدخل محمود : في بقى حاجة احسن من كل دا بس غالية شوية.
ميرفت : ايه هي؟
محمود : حقن.. بس مفعولها اعلى.
ميرفت مندفعة : تعالى نجيبها.
يتحركان سويا ويستقلا سيارته الى حيث مرساهم ويشترون ما سعوا اليه.
محمود : تعالي نروح الشقة الاول بعد كدا نرجع النادي.
ميرفت : انتوا الدنيا عندكوا غريبة كدا ليه؟
محمود : مفيش حاجة بينا اسمها فلان لفلانة، كل واحد منا يدور على الحال اللي يريحوا سواء انتي او سارة او راندا.
ميرفت : انت جريئ اوي.
ثم يصلا الى الشقة ويجلسان بها وحدهم ويجهز محمود الحقن ويأخذ جرعته ويعطي لميرفت جرعة ويجلسا سويا على الارض.
ميرفت : تصدق فعلا مفعولها اقوى.
ثم تقترب منه وتقبله ويتطور الامر بينهم.
مشيرة مع اسلام في شرفة منزلها.
اسلام : قدامنا تقريبا شهر والشقة تخلص ونقدر بعدها نحدد معاد الفرح.
مشيرة : مستعجل يا اسلام؟
اسلام ضاحكا : طبعا بدل مانتي منشفة ريقي كدا.
مشيرة : انا مستعجلة اكتر منك..، بس خلاص هانت.
احلام مع احمد على الفراش تسترهما ملاية بيضاء.
احلام : يا ترى ناوي بعد الجواز متنسانيش؟
احمد : مش عارف انا حاسس انك بتجري في دمي.
احلام : ايه بتحبني ولا ايه؟
احمد : انا عارف ان عمري ما اكون ليكي بس في نفس الوقت.. مش قادر استغنى عنك.
احلام باسمة : معادلة صعبة اوي.. بس اكيد ليها حل.
احمد : نفضل زي محنا.
احلام : و خطيبتك؟
احمد : كل واحدة منكم ليها دور.
احلام باسمة : انا قبلت دوري.
ميرفت مع ياسر في احدى الكازينوهات.
ياسر : حاسس انك بعيدة اوي عني.
ميرفت : منا جنبك اهو.
ياسر : بجسمك مش بعقلك.
ميرفت : متنساش اننا في فترة تعارف يعني لازم ناخد وقت على ما نفهم بعض كويس.
ياسر في ضيق : اشمعنا انا فهمتك بسرعة.
ميرفت : العيب فيا انا، فهمي بطيئ.
ياسر : انا بتكلم جد.
ميرفت ماسكة ليده : انت مكبر الموضوع، سيب كل حاجة على طبيعتها والايام هتثبتلك حبي.
ياسر : يعني صحيح بتحبيني؟
ميرفت : اومال اتخطبت لك ليه؟
ياسر : مهو دا اللي محيرني.
ميرفت : لا تحتار ولا حاجة انت بس حساس شوية.
تمر الايام ومع حلول راس السنة الميلادية تقيم احلام حفل تدعو اليه الجميع، وفي ذلك اليوم تخرج ومشيرة للكوافير واحلام تباشر الاستعداد للحفل وتعود مشيرة وتسأل عن ميرفت وتخبرها الام بخروجها منذ قليل، ويمر الوقت ويبدأ المدعون في الحضور والقلق يزحف الى قلب احلام لتأخر ميرفت الى ان يرن جرس الباب فتجري مشيرة لفتح الباب معتقدة انها ميرفت، ولكنها تجد ظابط بوليس يسأل عن امها وتحضر الام ويسألها عن ميرفت فتخبره انها ما زالت بالخارج فيخبرها بأسف انهم وجدوا جثتها على رصيف باحد ضواحي المعادي المهجورة.
يغمى على احلام بعد سماعها الخبر ومعرفتها لموت ابنتها بسبب جرعة هيروين زائدة، يذهب اسلام ورياض وياسر مع الظابط وفي قسم البوليس يخبرهم الظابط انهم حولوا الجثة الى المشرحة لمعرفة السبب الرئيسي للوفاة.
الام في حالة يرثى لها وكل ما يجول في خاطرها ان ذلك عقاب السماء لما اقترفته في حياتها، ونظرة اللوم والعتاب من مشيرة لاحلام تؤثر فيها اكتر وكأنها تتهمها بأن اهمالها في تربيتها هو سبب وفاتها، ويأتي تقرير الطب الشرعي ليؤكد تعاطيها المخدرات بصورة مكثفة خصوصا الهيروين.. وكانت المفاجأة الكبرى للجميع انها فقدت عذريتها، في بداية الامر اتهمت احلام ياسر خطيبها ولكن التقرير افاد انها فقدتها من قبل الخطوبة.
خيم السكون على حياة احلام لقد زهدت الدنيا وترسخ داخلها انها سبب مباشر في موت ابنتها، واتجهت الى الله وابتعدت عن العمل والحياة عموما وطلبت من اسلام ومشيرة ان يديرا المصنع مع رياض وان يتزوجا ويقيما معها في المنزل، وهي قد استعدت لاداء مناسك العمرة حتى يرتاح ضميرها.
تمت بحمد الله
وايضا زورو قناتنا سما القاهرة للروايات
من هنا علي التلجرام لتشارك معنا لك
كل جديد من لينك التلجرام الظاهر امامك