رواية حور عينى الفصل الاول بقلم ملك ناصر
اسكريبت حور عيني ♡
البنت: ماما انا قررت اختمر
الام: بس نتي لسة صغيرة يا حور
حور: وفيها اي وبعدين انا في تانية ثانوي يعني كلها سنة وابقي في الجامعة
الام: لما تدخلي الجامعة وتشوفي شكل البنات هتفكري في انك تقلعيه وساعتها ابوكي مش هيرضي
حور:ما يا ماما آيات صاحبتي مختمرة بقالها سنتين ومفكرتش تقلعه
الام:ملكيش دعوة ب آيات يا حور انتي مش هي
حور: بس يا ماما
الام بمقاطعة: من غير بس يا حور اسمعي الكلام وقولي حاضر
حور بحزن: حاضر يا ماما بعد اذنك هقوم ازاكر
________________________♡في غرفة حور
حور: طب انا هكلم آيات واخد رأيها (قالتها حور وهي ماسكة الفون)
حور: السلام عليكم
آيات: وعليكم السلام، بقالي ساعة برن عليكي مبترديش
حور: معلش كنت بكلم ماما
آيات: ولا يهمك يقمر
حور: كنت عايزة اخد رأيك في حاجة
آيات: ايه قولي
حور: انا كنت بفكر اختمر
آيات بفرحة: بجد يا حور يعني احنا الاتنين هنبقي مختمرين
حور بحزن: بس ماما مش موافقة يا آيات وبتقول اني لسة صغيرة ولما ادخل الجامعة هغير فكرتي
آيات: طب منا مختمرة بقالي سنتين ومفكرتش اقلعه
حور: معرفش بقي اعمل اي
آيات: طب انتي قولتي لباباكي؟
حور: لا قولت لماما الاول
آيات: طب لو انتي فعلا عندك نية في انك تلبسيه قولي لباباكي وهو اكيد هيوافق
حور: طب وماما؟ هتزعل اني حطتها قدام الامر الواقع
ايآت: متخافيش لما تشوفك بيه هتغير فكرتها وهتتقبله متخافيش
حور: طب يلا نقوم نصلي المغرب وبعد ما الصلاة بأذن الله هتكلم مع بابا واحاول اقنع ماما تاني
ايآت: ماشي خلصي وقوليلي اي اللي حصل
حور: اوك باي
ايآت: باي
__________________________♡بعد صلاة المغرب
حور: بابا
الاب: نعم يا حور
حور: بصراحة كنت عايزة اخد رأيك في حاجة
الاب: قولي يا حور
حور: كنت عايزة اللبس الخمار يا بابا
الاب: طبعا انتي فكرتي كويس في قرارك ده مش كده
حور: اكيد يا بابا ومكنتش هكلم حضرتك غير لما اتأكد من قراري كويس
الاب: طيب مبارك يا حبيبتي والحمدلله انك اخدتي القرار بنفسك عشان امك متقولش اني جبرتك عليه
___________________________♡في العشاء
الاب: حور قالتلك انها هتلبس الخمار يا رحمة
رحمة والدت حور: برضو يا حور عملتي اللي فدماغك وقولتي لابوكي وحطتيني قدام الامر الواقع
حور: يا ماما انا نفسي اللبسه من زمان
رحمة: ماشي يا حور اعملي اللي فدماغك بس انسي انك تفكري تقلعيه
حور: متخافيش مش هقعله
رحمة: لما نشوف اخرتها معاكي ايه
حور: اخرتها خير بأذن الله
___________________________♡
حور: الو يا آيات
آيات: انا قلتلك كلميني بعد ما تقولي لباباكي مش بعد العشاء
حور بضحك: مكانتش ساعتين يعني ماتخليك رويح يا ابا رشدي الاه
آيات بضحك: حاضر هخليني رويح، المهم طالما بتضحكي كده يبقي وافقو صح
حور بسعادة: بابا وافق بس ماما خدت وقت شوية
آيات: مش المهم وافقو يبقي خلاص
حور: الحمد الله بجد كان نفسي البسه من زمان
آيات: مبارك يا حبيبتي ربنا يثبتك
حور: حبيبتي يا آيات
آيات: هشوفك بيه بكرة في المدرسة
حور: أن شاء الله بس علميني بيتلف ازاي
آيات: من عيوني
وقعدو يتكلمو بقي وعلمتها ازاي تلف الخمار
_______________________♡صباحا في المدرسة
آيات: اللهم بارك يا حور زي القمر
حور: انتي اللي عيونك حلوة يا يويو
آيات: لا بس اي احساسك
حور: فرحانة اوي
آيات: ربنا يثبتك يا روحي المهم فكرتي هتدخلي علمي ولا ادبي
حور: بأذن الله علمي ونتي
آيات: وانا كمان بأذن الله
___________________________♡بعد سنتين في وقت ظهور نتيجة الثانوية العامة
حور: آيات انا خايفة اوي انا اصلا حاسة اني عكيت في الامتحانات. وبدأت تعيط
آيات: اهدي مش نتي عملتي الي عليكي
حور وهي بتمسح دموعها: انا مكنتش بنام اصلا
آيات: يبقي متخافيش إن الله لا يضيع اجر من احسن عملا
حور: ونعمة بالله
آيات: استني استني السيستم فتح
رحمة وهي بتطلع لهم العصير: اي يا بنات عملتو اي
آيات: لسة يا طنط بنكتب اراقام الجلوس
حور: ها جبتي كام؟
آيات بفرحة: 98٪
حور بسعادة: مبارك يا يويو
رحمة: مبارك يا حبيبتي. وحور عملت اي
آيات: هشوف اهو يا طنط
آيات لحور: جاهزة يا حاجة
حور: جاهزة يبني
آيات:انتي جيبتي.............