روايه وجع حنين الفصل السابع27 والعشرون والثامن وعشرون 28,بقلم رحانة الجنه
(((الحلقة السابعة والعشرون ))((الثامنة والعشرون ))
وعدي شهر كمان وكل يوم حنين ويوسف بيستنوا البيبي بفارغ الصبر
(في البيت)
يوسف نايم وحاطت راسوا علي رجل حنين وبيملس علي بطنها وبيتكلموا
يوسف :ياه يا حنين كل اللي اتمنيت اعيشوا واعملوا عيشتوا معاكي فاكرة لما كنا في الجونة وقلتلك نفسي اشوفك حامل والمس بطنك وهي فيها البيبي واشوف السونار . انتي حققتيلي كل ده واكتر . امتي بقي تولدي انا عايز اشوفه
حنين :ههههههه ومستعجل ليه ده انت حتصدع من كتر الزن
يوسف:اصدع مين انا حعمله كل حاجة ولو كان يبفع ارضعه كنت رضعته كمان
حنين :هههههههههههههههه مش ممكن انت فظيع. بس خالي بالك انا كدة حغير . شكلك حتدلعوا وتنساني
يوسف:قام وباسها . وانا اقدر بردوا ده انتي قلبي ونور عيني انت الاساس يا موا عتريس
حنين :ايه عتريس دي لا اوعي تقول كدة تاني وبعدين انت ايه اللي عرفك انه ولد مايمكن بنت
يوسف :يا حبيبتي ولد بنت مش مهم. المهم يجي بالسلامة وان كنت عايز اعرف ليه الدكتورة ماقلتلناش لحد دلوقتي
حنين :يا حبيبي انا لسة في التالت وبعدين هي بتقول مش باين ولما تتأكد حتقول. وبعدين انت مستعجل ليه
يوسف :علشان نجهزلوا الأوضة بتاعته ونحضرله السرير واللعب وكمان نعرف حندهنها لونها ايه
حنين :ههههههه ايه كل ده هو يعني حيتولد بيلعب باللعب لسة بدري علي كدة
وكمان هو مش حيحتاج الاوضة الا بعد سنتين
يوسف :ليه بقي اومال حينام فين
حنين :معانا هنا يا حبيبي في أوضتنا
يوسف :نعم يا ختي لا انا بحب ابقي براحتي وبعدين الواد يلقت حاجة كدة ولا كدة
حنين :لا ماتخفش هو حيبقي صغير ولما يقرب يا سيدي علي السنتين نبقي نجهز الاوضة تمام
يوسف :تمام . وهو انا اقدر اقول حاجة ماخلاص انتي تؤمري وانا انفذ . امممم. بقولك ايه هو مش احنا امبارح كنا اجازة
حنين :اممممم مش فاكرة
يوسف :والله . لا بقي انا فاكر . تعالي بقي علشان موضوع النهاردة مهم اوي
وابتدي الوجع يرجع لحياة حنين في اليوم ده
بعد اسبوع يوسف في المعرض
يوسف :بيتكلم في التليفون. خلاص يا روحي والله قربت اخلص وحاجي بسرعة
حنين :متتأخرش يا حبيبي بقي انا ماكلتش ومستنياك
يوسف :حاضر يا قلبي والله ماحتاخر بس انتي كلي اي حاجة لحد ماارجع زمان الواد جاع جوة حرام عليكي
حنين :حاضر بس تعالي بسرعة علشان وحشتني
يوسف :لا انا بعد وحشتني دي حجيلك طاير .. سلام يا روحي
يوسف تليفونه رن تاني بس. رقم غريب
يوسف :مين ده . الو ..... رانيا انتي عايزة ايه
رانيا :الحقني يا يوسف طليقي بعتلي بلطجية علي البيت وبخبطوا عليا انا خاية اوي
يوسف: طيب وانا اعمل ايه
رانيا :ارجوك يا يوسف تعالي بسرعة انا لوحدي ماانت عارف ماما بابا في دبي ارجوك
يوسف :طيب ماتتصلي بأمير
رانيا :أمير مسافر مأمورية
يوسف :اه صحيح . خلاص قوليلي العنوان ..............
يوسف :اعمل ايه بس اروح ... طيب وحنين . خلاص لما ارجع حقولها . هي بردوا اكيد محتجالي والا ماكنتش تتصل بعد ماضربتها أخر مرة يلا انا حروحلها ولما ارجع احكي لحنين كل حاجة وحقفل التليفون لحسن تتصل ومعرفش ارد عليها .
يوسف اخد عربيته وراح عنوان رانيا في الوقت ده حنين جلها تليفون
حنين :السلام عليكم
رانيا :وعليكم . انتي حنين مرات يوسف
حنين :ايوة مين
رانيا :انا واحدة عايزة تنبهك انك تفوقي لنفسك وتعرفي ان جوزك رجع يقابل رانيا طلقته علشان لسة بيحبها وهو كمان عندها دلوقتي لو مش مصدقة روحي شوفيه في العنوان ده..........
حنين :انتي كدابة انتي تلاقيكي تبعها اذا ماكنتيش رانيا اصلا اكيد عملالي مصيبة وعايزة توقعيني فيها
رانيا :والله انا قلتلك ولو خايفة لما توصلي لو ملقتيش عربية جوزك هناك متطلعيش سلام .
حنين كانت حتتجنن ومش عارفة تعمل ايه وحست بالم في بطنها ومسكتها
حنين :انا حروح بس ماينفعش اروح لوحدي . انا حكلم علي ........ يااااه مقفول يا علي . طيب اجرب اتصل علي يوسف الاول واشوف حيرد عليا ازاي ...... مقفول لا مش حينفع انا لازم اروح . حكلم عمار ......
عمار :حنون . عاملة ايه
حنين :عمار انت في البيت
عمار :لا انا لسة حروح مالك في ايه
حنين عمار عايزاك تجيني بسرعة واوعي تتأخر .
عمار :انتي تعبانة
حنين :اعمل اللي بقولك عليه بس ولما توصل برة كلمني اخرجلك
عند بيت رانيا . يوسف وصل وطلع علي شقة رانيا ولقي واحد شكله بلطجي واقف علي الباب بيخبط
يوسف :انت عايز مين
البلطجي :وانت مالك خاليك في حالك
يوسف :وانت تعرف حالي منين يا روح امك تعالي بقي علشان انت عايز تتربي علشان ماتجيش هنا تاني
وابتدا يوسف يضرب البلطجي والبلطجي بيضرب فيه ورانيا فتحت الباب لماسمعت يوسف ودخلوا كملو ضرب في شقتها بس الغريب ان البلطجي ماكنش بيضرب يوسف زي هو بيضربه لكن كان مهتم يقطع ليوسف هدومه القميص والبنطلون بالسلاح الابيض اللي معاه وبعد شوية البلطجي جري ومشي ويوسف قام وهوبينهج وهدومه متقطعة وكمان مجروح جرح في صدره
يوسف:خلاص كدة متهيألي مش جيجيلك تاني وبكرة انا حكلم امجد يعملك محضر عدم تعرض لطليقك . انا ماشي
رانيا طيب حتمشي ازاي بس يا يوسف وانت كدة سيبني اطهرلك الجرح ده وكمان اجبلك حجة تلبسها بدل الهدوم دي انا كنت محتفظة بكام طقم من هدومك قبل ما نطلق علشان يفكرني بيك
يوسف :بس .
رانيا :مبسش دي حاجة بسيطة اشكرك بيها انك مسبتنيش لوحدي تعالي ادخل الحمام واغسل وشك لحد ما أجبلك الهدوم والمطهر
دخل يوسف الحمام وغسل وشه
❤❤❤
(((الحلقة الثامنة والعشرون)))#ريحانة
يوسف خرج من الحمام ولافف وسطه بالفوطة ونده علي رانيا مش لاقيها
يوسف:رانيا .. رانيا انتي فين
رانيا :خرجت ليوسف من جوة . بس كانت غيرت هدومها ولبست قميص نوم قصير جدا وعريان وجابت ليوسف الهدوم
يوسف:وبعدبن يا رانيا انتي مش ناوية تجبيها لبر
رانيا :ايه وحشتك .
يوسف:لا طبعا شيلي الموضوع ده من دماغك مستحيل
رانيا :قربت من يوسف وحضنته
يوسف:يا رانيا ابعدي مش حينفع انا لايمكن اخون حنين افهمي بقي
رانيا :قربتلوا تاني وحضنته من رقبه
علشان خاطري يا يوسف مرة واحدة انت واحشني اوي . بجد نفسي اقضي معاك ليلة واحدة زي زمان
يوسف :قولتلك لا واوعي بقي خنقتيني .
بس يوسف بيحاول يشل ايديها من حاولين رقبته ومش عارف ماسكة فيه في الوقت ده باب الشقة اتفتح لان رانيا كانت سايباه مفتوح علشان عارفة ان حنين جاية
حنين وعمار دخلو واول مادخلت شافت يوسف وهو عريان ورانيا في حضنه
حنين :حطت ايدها علي بقها وكتمت نفاسها ودموعاها نزلت في ثانيه
يوسف :حنين. حنين انتي فاهمة غلط والله مش زي ماانت فاكرة
عمار :لا والله اومال ايه ده ان شاء الله هاه انا من الاول قلت عليك زبالة وواطي بس وحيات امي لاوريك يا يوسف
يوسف :ابعد عني انا مش فايقلك . حنين . حنين ردي عليا والله ماخنتك
حنين :ساكتة ومش بترد ومسكت بطنها وساندت علي الباب
رانيا :مالك يا حلوة هوانت فاكرة انه حبك بجد ده يوسف يعني يقدر يقنع اي واحدة انه بيحبها
يوسف :انت تخرسي خالص فاهمة
رانيا :لا مش حخرس وهي لازم تعرف انك ماحبتش غيري انا وبس وان هي كانت نازوة . وانك كنت حتسيبها لولا انها طلعت حامل .
يوسف :انتي بتقولي ايه محصلش . حنين انتي مبترديش ليه حنين اتكلمي
حنين :روحها رايحة من العياط وبتبصله بنظرة قطعته من جواه
عمار :ابعد عنها كفاية عليك الهانم ماانت مايملاش عينك الاالصنف الزبالة اللي زيك
رانيا :الاشكال الزبالة دي تبقي اختك ربة الصون والعفاف اللي عملة نفسها خضرة الشريفة
يوسف:ضربها قلم قلتلك اخرسي بقي انت عايزة ايه كفاية بتضيعي من عمري كله في لحظة
عمار :عموما انتوا الاتنين لايقين علي بعض واكدة رخيصة
رانيا :كدة طيب اسمع بقي اختك المحترمة كانت بتقابل يوسف قبل مايتجوزوا وكان بيروحلها البيت كل يوم باليل وكمان كانت بتروح معاه الفيلا لوحدهم اقولك تاني لما ابوها كان في المستشفي كان بيرحلها بالليل ويقضوا الوقت سوا في الاوضة مع بعض وانت عارف بقي كانوا بيعملوا ايه
عمار :انتي كدابة انا اختي متتعملش كدة
حنين :بصت ليوسف وكانت بتموت . محدش يعرف الحاجات غيرهم . ليه يفضحا ليه يكسرها متحملتش وحاولت تنزل
يوسف :مصدوم مش عارف رانيا عرفت ازاي محدش يعرف الا هو وحنين و .... معقول أمير
عمار :انت تعمل مع اختي كدة انت تخليها ترخص نفسها كدة وحيات امي ما هعتقك بس اشوفها الاول . راح عمار ورا حنين وهو نفسه يقتلها بس هي كانت بتموت لوحدها ومش قادرة تمشي وخطواتها تقيلة
يوسف :انتي جبتي الكلام ده منين
مين اللي قالك
رانيا :عايز تعرف حقولك صاحبك وحبيبك أمير
يوسف :امير .. اه يا ولاد الكلب دمرتوا حياتي بس وديني ما انا سايبكم بس اطمن عليها
لبس يوسف هدومه بسرعةو نزل لقي حنين وعمار راحين يركبوا العربية بس حنين كانت خلاص مش قادرة ووقعت في الارض واغمي عليها
عمار:حنين. ردي عليا . حنين . مالك . حنين
يوسف :جري عليها . حنين . حنين فوقي حنين
عمار :ابعد عنها كفاية اللي جرالها بسببك . وشال عمار حنين علشان يحطها في العربية بس لقي حنين بتنزف وغرقانة دم . اتخض اكتر
يوسف :شاف الدم . اتجنن . حنين . حنين .
عمار :ابعد بقي حتموت بسببك والله لوجرالهاحاجة لقتلك يا يوسف حقتلك
وركب عمار بسرعة وطلع بالعربية ويوسف ركب عربيته وطلعو وراه يوسف كان بيبكي ومش قادر حنين حتروحي مني . حتروحي مني يا حنين
عمار :شايف حنين مابتفقش طلع تليفونها واتصل بالدكتورة بتاعتها علشان تروحلهم المستشفي وكلم امه وابوه واخواته يحصلوه ........ وصل عمار ويوسف المستشفي بس يوسف نزل بسرعة وراح يشيل حنين
عمار :سيبها بقولك ملكش دعوة بيها
يوسف :اقسم بالله لومابعدت عن وشي لفضي الطبنجة في دماغق دي مراتي اوعي
يوسف شالها ودخلها المستشفي
وجات الدكتورة ودخلتلها ويوسف سند ظهره علي الحيطة وقعد في الارض .
يوسف :بيبكي يارب حنين لا انا مقدرش اتحمل اشوفها كدة يارب عاقبي انا بس هي لا يارب يارب اناعارف اني وحش بس ماتعقبنيش بحنين وفضل حاطت راسه مابين ايداه وبيعيط
وجم اهل حنين .
خديجة :بنتي فين يا يوسف حنين جارلها ايه
يوسف :باصلها ومنطقش
عبد الرحمن:في ايه يا ولاد قلقتونا حنين مالها
عمار :اسألوا الباشا
يوسف:سكت مش عارف يقول حاجة
خديجة :وبعدين معاكوا ماتنطقوا بنتي مالها
عمار :انا حقولكم ..................
كلهم اتصدموا وكانوا بيبصوا ليوسف نظرات توجع بس يوسف اصلا موجوع علي حنين فمش فارق معاه نظرتهم
خرجت الدكتورة : يوسف
يوسف:نعم قوليلي حنين عاملة ايه
الدكتورة :حنين بتموت نزفت جامد ولسة بتنزف وانا مش عارفة اوقف النزيف