روايه وجع حنين الفصل السابع7 والثامن8 بقلم رحانة الجن
أمير: يلا بقي يابني اسمع الكلام وتعالي نخرج شوية وتغير مود الكأبة ده
يوسف :خلاص ماشي يلا بينا
(في ديسكوا شهير)
يوسف :هو ده المكان اللي حيغيرلي مودي
أمير:ماله مش عاجبك محسسني انك اول مرة تيجي هنا
يوسف:لا بس ده آخر مكان كنت محتاج آجي فيه وانا في الحالة دي
أمير: بالعكس بقي ده هو ده اللي حيخليك تنسي كل حاجة حتي حنين نفسها
يوسف:مستحيل الا حنين دي متتنسيش ابدا حنين دي خلاص دخلت قلبي وشكلها مش حتخرج منه ابدا
أمير:طيب بص كدة من جاي علينا هي دي اللي حتروقك
يوسف:ياه هي ناقصة مش وقتها خالص البت دي لازقة بشكل
كان فيه بنتين بيقربوا من يوسف وأمير البنت الاولي قربت من أمير
البنت :باست أمير وحضنته هاي ميرو وحشتني كدة اسبوع بحالو مشوفكش
البنت التانية:بتقرب من يوسف علشان تحضنه وتبوسه جو حبيبي
يوسف بعدها عنها وقام
يوسف :أمير انا ماشي جاي معايا ولا قاعد
أمير:ايه يابني ماشي فين هو احنا لحقنا
يوسف :انا ماشي مع نفسك بقي
ومشي يوسف
البنت:ماله ده حد عمله حاجة
أمير :معلش اصله محنوق شوية وغمزالبنت الاولي بقولك ايه يامزتي حبقي اكلمك ونتفق اوك باي
البنت التانية :شوفتي عمل ايه انا يزقني كدة ويسبني ويمشي
البنت الاولي:خلاص بقي تلاقيه مشغول مع واحدة جديدة بس عادي مسيره يرجع تعالي بقي شوفيلك حد يعوضلك الليلة
البنت:وهو يوسف ده يتعوض ده انا كنت حتجنن عليه اول ما أمير كلمك وقالك انه جاي معاه كنت حموت واشوفه
البنت : طيب يلا بينا انا عايزة ارقص
أمير:انت مش حتبطل أم جنانك ده بقي حد يعمل كدة كسفت البت جامد
يوسف:هي اللي زي دي بتتكسف
أمير:طب والله البت دي بتحبك دي مبتبطلش سؤال عانك نفسها ترجع معاك ايام زمان
يوسف:بتحب مين هي الاشكل دي تعرف تحب دي ميفرقش معاها غير الفلوس والمتعة
أمير: و هو فيه حد يكره المتعة ماتسيب نفسك يا معلم وانبسط
يوسف :تصدق ان انا غلطان اني بتكلم معاك واني خرجت معاك اصلا انا لولا انك سايب عربيتك عند المعرض كنت مشيت وسيبتك
أمير:انا غلطان اني عايز ابسيطك بس انت اللي فقري
يوسف:طب اتكتم بقي مش عايز اسمع صوتك لحد منوصل
(بعد كام يوم )
(في بيت حنين)
حنين نايمة في أوضتها وبتعيط وبتفتكر في يوسف واللي قالهولها آخر مرة وبعد شوية الباب خبط مسحت حنين دموعها
حنين:ادخل
هنا:داخلة معاها صنية فيها سندوتشات وعصير اتفضلي يا ست ماما
حنين:ايه ده يا حبيبتي انا مطلبتش حاجة
هنا : من غير ماتطلبي حضرتك بقالك اكترمن اسبوع مش بتاكلي كويس وطول الوقت قاعدة لوحدك والنهاردة مااكلتيش اي حاجة
حنين:معلش يا حبيبتي انا بس كنت تعبانة شوية
هنا:هو حضرتك زعلانة مننا في حاجة
حنين:لا يا قلبي مش زعلانة منكم انا يمكن زعلانة من نفسي قالتها حنين وهي تقصد احساسها بيوسف وتعلقها بيه
هنا :اصل بصراحة من يوم ما كنا في الرحلة وحضرتك بالشكل ده عموما لو حضرتك زعلانة اننا صممنا نروح وقلقناكي علينا احنا أسفين مش حنروح رحلات تاني المهم متبقيش زعلانة
حنين:حضنت هنا اوي حبيبتي خالص بالعكس انا كنت مبسوطة انكم فرحانين بس خلاص انا ان شاء الله حبقي كويسة متقلقيش قوليلي عمر فين
هنا :خلص مذاكرة وبيلعب بلاي اشتيشن
حنين:طيب روحي قوليلو يخلص علشان ينام في مدرسة الصبح وانتي كمان لوخلصتي مذاكرة روحي نامي
هنا :حاضر يا ماما تصبحي علي خير
حنين حاست ان هنا فوقتها وان هي لازم ترجع زي ما كانت تعيش لولادها وتنسي اي حاجة تانية وخصوصا يوسف وقررت انها حتبقي اقوي ومش حتسمح ليوسف يضايقها تاني
وعدي الوقت وجه معاد الجلسة اللي بعدها
يوسف قاعد في العيادة حيتجنن حنين اتاخرت معقول مش حتيجي حتيجي ازاي بقي يا فالح بعد اللي انت قولتهولها المرة اللي فاتت دي تلاقيها مش طايقة تبص في وشك
شوية وتليفون العيادة رن
دنيا:ألو ..... مدام حنين خير مجتيش ليه جلسة النهاردة ....... ياه ياخبر لا الف سلامة عليكي....... لا متقلقيش انا حبلغها المهم رجلك عاملة ايه دلوقتي ..... طيب الحمد لله وعموما انا حبقي اكلمك واطمن عليكي.... مع السلامة
يوسف سمع كدة اتجنن اكتر دي شكلها تعبان طيب تعبانه ولا بتتحجج علشان متجيش وتشوفني طيب انا اطمن عليها ازاي
قرب يوسف من دنيا
يوسف: احم خير هو فيه حد اعتذر
دنيا:اه دي مدام حنين اصلها وقعت ورجليها اتجزعت وعاندها تمزق في الاربطة ربنا يشفيها
يوسف:ابتلع ريقة بصوبة طيب وهي عاملة ايه دلوقتي هي مقلتلكيش الكلام ده حصل امتي
دنيا:هي بتقول حصل النهاردة الصبح وانها لسة راجعة من المستشفي دلوقتي بس بتقول انها حسن دلوقتي
يوسف حس انه مخنوق وفكر يمشي وميحضرش الجلسة بس في الوقت ده دنيا قالتلقوا
دنيا:اتفضل يا استاذ يوسف الدكتورة في انتظارك
يوسف :دخل وهو تايه ومش مركز
الدكتورة:اهلا يا يوسف ازيك
يوسف : بإبتسامة مكسورة كويس الحمد لله
الدكتورة :جاهز نبتدي
يوسف ملحقش يرد وخبطت دنيا ودخلت
الدكتورة:ايه يا دنيا احنا من امتي بنقطع الجلسات
دنيا :اسفة والله بس المستشفي اتصات بحضرتك وبيقولو ان في حالة تبع حضرتك منهارة ومش عارفين يسيطروا عليها
الدكتورة:طيب حوليلي المكالمة علي جوة معلش يا يوسف استاذنك مش حتأخر
يوسف :اتفضلي
دخلت الدكتورة اوضة تانية جو المكتب ويوسف قام وقف بيفكر يمشي بس اول ما عنيه جات علي المكتب شاف الفايل بتاع حنين ومعاه السي دي بتاعها اللي متسجل عليه كل الجلسات بتاعتها وفجاة خطرت ليوسف فكرة مجنونة انه ياخد السي دي ويسمعه ويعرف كل حاجة عن حنين بس قال لا معقول يا يوسف اخرتها تسرق تؤ تؤ لا مش حعمل كدة .. يا اخي دي مش سرقة انت بس حتسمعه علشان تعرفها اكتر بس وتحاول تفهمها وتقربها منك وبعدين يوسف انهي الصراع اللي جواه واخد السي دي بسرعة وشاله في جيبه ورجع قعد مكانه وابتدي يأنب نفسه انه عمل كدة ولسة حيقوم يرجعه مكانه الدكتورة فتحت الباب ودخلت
الدكتورة:بعتذرلك يا يوسف بس كان لازم ارد
يوسف :لا مفبش مشكلة عموما حضرتك ممكن تروحي تشوفي الحالة بتاعتك اكيد محتاجالك اكتر مني وبصراحة انا تعبان النهاردة ومش حقدر اتكلم
❤❤❤
(((وجع حنين)))
((الحلقة الثامنة ))
يوسف :لا مفيش مشكلة عموما حضرتك ممكن تروحي تشوفي الحالة بتاعتك اكيد محتجالك اكتر مني وبصراحة انا تعبان النهاردة ومش حقدر اتكلم
الدكتورة :خلاص اللي يريحك نتقابل الجلسة الجاية
يوسف مشي وهو مش عارف ازاي عمل كدة بس الفضول حيقتله نفسه يعرف كل حاجة عانها
(في البيت عند حنين )
حنين قاعدة في السرير ورجلها وارمة ومربوطة برباط ضاغط وحاوليها إخواتها مرفت وعلي وجيهان وعمار
علي :سلامة القمر كدة تخضينا عليكي
حنين :الله يسلمك يا ابو علي بس اهو عمر الشقي بقي ههههههه
مرفت :ههههه بعد شر عليكي من الشقي ان شاء الله يومين وتبقي تمام
عمار : دي وقعت قلبي النهاردة سبت الصيدلية وجيت جري اول ما كلمتني
جيهان :طبعا ماهي دي حنين لكن لو انا كنت سبتي اتفلق
عمار:ههههههه ليه بس يا جي جي ده انتي حبيبتي بس انتي معاكي جوزك يجري بيكي انما الهانم بقي طول ماهي منشفة دماغها ومش عايزة تتجوز حتفضل تعبانا معاها كدة
حنين:راحت الابتسامة من وشها. وزعلت من كلام عمار
جيهان ومرفت وعلي بصوا لعمار نظرة عتاب
عمار :انا اسف يا حنين انا مش قصدي انا بهزر مش اكتر انتي اختي حبيبتي وعمري ماتعب منك
حنين: معلش يا عمار حقك عليا انا لولا اني اتصلت بعلي ولقيت تليفونه مقفول مكنتش كلمتك وعطلتك
جيهان:في محاولة منها انها تلطلطف الجو اما انا بقي عملتلكم صنية كيكة احتفالا بوقوع حنين
كلهم ضحكوا
حنين:ههههههه انتي فارحانة فيا وكمان عاملة كيكة
جيهان :طبعا اهو علي الاقل تتهدي شوية بدل مانتي عاملة زي النحلة من بيتك لبيت حماتك لمذاكرة لتنضيف ايه حرام هليكي نفسك اهو دلوقتي حتتربي وتقعدي غصب عانك
علي :هههههه شريرة انتي يا بت يا جيهان
مرفت :طول عمرها عمرها ماحتبطل اقر تلاقيها هي اللي اديتها عين ووقعت
حنين: علي كلمت بابا وماما واتطمنت عليهم
علي :اه يا حبيبتي وصلوا البيت متقلقيش
حنين:والله انتوا كلكم جيتوا و تعبتوا نفسكم كان كفاية التليفون
جيهان :اومال مين اللي كان حياكل الكيكة اللي انا عملتها دي
قعدوا كلهم يضحكوا علي جيهان وخفة دمها
(في المعرض )
يوسف في المكتب رايح جاي متردد يفتح السي دي بس خلاص مش قادر قعد علي المكتب وفتح الاب توب وشغل السي دي وابتدي يسمع كلام حنين من اول جلسة وفضل يسمع كلامها طول الليل لحد الصبح وعرف كل حاجة عن حنين وحياتها اللي فاتت وانها اتجوزت بدري وهي في سنة تانية جامعة وان هشام جوزها كان انسان حنين وطيب وبيحبها جدا وكان بيساعدها في كل حاجة في الدراسة وفي البيت لحد مامات وعرف انها حصلتلها صدمة نتيجة الحادثة بتاعت جوزها وكانت فاقدة النطق لمدة 6 شهور وقتها يوسف حس انه حبها اكتر واتعلق بيها اكتر وصمم انه مش حيسبها غير لما يعترفلها بحبه ليها ونام يوسف في المكتب علي الكنبة من التعب بعد شوية
أمير :حودة ازيك صباح الخير
محمود :أمير باشا صباح الفل
أمير:هاه جو فوق
محمود :اه نايم شكله مانمش طول الليل اطلعلوا
أمير :يوسف ... يوسف انت يا ابني اصحي
يوسف:بصوت نايمان عايز ايه يا مزعج انت علي الصبح
أمير: صبح ايه قول الظهر العصر
يوسف:اتعدل وقد وهو بيطرقع رقبته
وانت مالك ما اصحي وقت ماصحي ده انت بارد
أمير:كدة الله يسامحك قولي بقي ايه اللي كان مسهرك توكنش كان معاك حد هنا امبارح قولي ده انا اخوك وافرحلك
يوسف: والله يا اخويا انت فايق ورايق انا حشرب قهوة اجبلك
امير:ياريت
يوسف :ايوة يا محمود ابعتلي اتنين قهوة بس بسرعة دماغي مصدعة
أمير:سلامة دماغك ما هو اكيد من نومة الكنبة طيب مبتحبش تروح البيت طب حتي نام جوة اومال انت حاطط السرير اللي جوة ده ليه ديكور
يوسف :انا اصلا مكنتش حنام علي الكنبة بس راحت عليا نوما وانا قاعد
أمير :قوللي بقي عملت ايه مع حنين كلمتها
يوسف :اتنهد وسند راسه علي الكرسي لا هي اصلا ماجتش
أمير:ايه لسة زعلانة
يوسف :ده اكيد طبعا بس هي بتقول تعبانة واعتذرت انا قلقان عليها قوي يا أمير ونفسي اطمن عليها بتقول رجلها مجزوعة انا حاسس اني مكتف لا أعرف تليفونها ولا عنوانها ولا اي حاجة انا خايف مشوفهاش تاني
أمير :ما انا قولتلك هات اسمها بالكامل وانت احاول اعرفلك اي حاجة
يوسف :صحيح انا جبتة من المرة اللي فاتت ونسيت اقولك
طيب اكتبهولي وانا حتصرف
يوسف :اهو اتفضل
أمير:تعرف انا جاتلي فكرة ممكن تطمن عليها بيها
يوسف :مبلاش افكارك اللي تودي في داهية حاكم انا عارفك
أمير:كدة طيب خليك كدة حتموت لاطايل سما ولا أرض
يوسف :خلاص متزعلش هاه فكرة ايه
أمير :انت معاك اسمها بالكامل ادخل واعمل سيرش علي الفيس بوك يمكن تكون ليها اكونت ولا حاجة
يوسف :تصدق ماجاش في بالي بس افرض انها تكون مش عاملاه بإسمها
أمير : اقصدك تكون مسمية نفسها الحمامة البيضاء ولا ملاك الليل الحزين والهري ده
يوسف :مثلا ولو اني معتقدش
أمير:طيب ماتجرب ونشوف
يوسف فتح الفيس وعمل سيرش
يوسف : تصدق لاقيتها يا أمير
أمير:متاكد ان هي
يوسف : بعد ما ابتسم اه متاكد في ليها صورة مع ولادها
أمير :انت حتنقطني هو انت كنت شوفتها ولا حتي شوفت ولادها
يوسف :لا بس عنيها مش ممكن اتلخبط فيها ابدا ده غير ان الكومنتس اللي تحت الصورة فيها اسمها واسم ولادها
أمير : اه قولتيلي طب فيه حاجة عن موضوع تعابها ده
يوسف :اه اهو اكتر من حد بيطمن عليها
أمير :مالك مبتسم ليه كدة
يوسف : لا بس اصل عنيها كانت وحشاني اوي
أمير:والله انا مش عارف انت بقيت رومانسي كدة ازاي عمري ماشوفتك كدة مع اي واحدة حتي رانيا طليقتك مشوفتكش حتموت عليها كدة
يوسف:اولا حنين مش اي واحدة ثانيا بقي مفيش وجه مقارنة بين حنين ورانيا
أمير : طيب يا خويا امشي انا ولما اوصل لحاجة حبقي اكلمك
يوسفة:اوك سلام
يوسف اخد صورة حنين واحتفظ ليها علي تليفونه وكبرها وقعد يبص في عنيها اللي كانت واحشاه
(في بيت خالد اخوا هشام جوز حنين اللي مات )
خالد :أمل بقولك ايه ماما كانت قالتلي ان حنين تعبانة ورجلها مجزوعة عايزين نروح نزورها مش واجب بردوا
أمل :بنظرة غضب لا يا حبيبي مش واجب وبعدين خلينا في حالنا وهي في حالها