روايه وجع حنين الفصل الواحد والعشرون 21والثانى وعشرون 22, بقلم رحانة الجنه
بقلم ريحانة الجنة
((الحلقة الحادية والعشرون ))((الثانية والعشرون ))
يوم الفرح يوسف واقف قدام البيت مستني حنين تنزل وكان لابس بدلة سوداء شيكة وكان زي القمر كل اقارب حنين وصحابهالما شافوه كانوا حيتجننوا من جماله وفي منهم اللي كان بيحسدها عليه ومستكتره عليها يوسف كان مجهز عربية اسبور مكشوفة من فوق ومزينها بالورد الابيض وكاتب عليها اسم حنين بالورد الاحمر جوا قلب كبير وحنين نزلت وهي ماسكة ايد باباها وحنين كانت لابسة فستان ذهبي شيك اوي ونقاب وكاب ذهبي وكانت شكلها تحفة يوسف راح عليها
يوسف:ينفع كدة يا عمي الجمال ده طب اخبيها من عنين الناس ازاي بس
عبد الرحمن :ههههههه هي من ناحية جميلة فهي جميلة ده انا حتي رقيتها فبل ماتنزل
يوسف :خير ماعملت . عمي ممكن حنين تركب معايا واحنا رايحين . خلاص كلها نص ساعة ونكتب الكتاب
عبد الرحمن :وماله يابني تركب معاك خلاص زي مابتقول كلها شوية وتبقي مراتك
يوسف :اتفضل يا ملكة قلبي . يوسف فتحلها الباب وركبها وطلع بالعربية وشغلها عمرو دياب
(الليلة دي سيبني اقول واحب فيك وانسي كل الدنيا دي وغمض عنيك . ده انت نور حياتي كل املي شوق الدنيا كله مش كتير عليك والله كل حاجة فيا بتنديلك ايوة كل حاجة فيا بتنديك . قالويا ما ان القمر عالي وبعيد والملايكة مستحيل تلمسها ايد وانا الليلة دي كل ده في ايديا يمكن في الدنيا اكون انا الوحيد والله كل حاجة فيا بنتيلك ايوة كل حاجة فيه بتناديك )
وكانوا هما الاتنين في منتهي السعادة بس عمار مكنش مبسوط كالعادة ومش طايق يوسف
هند مرات عمار:انا بصراحة مش عارفة انت مضايق ليه ده فرح اختك
عمار:انا مبقبلش البني آدم ده انتي مش شايفة عامل ايه مشغل اغاني ومحسسني ان اللي راكبة جنبه واحدة بفستان كب ومني جيب . لا وكمان هي مبسوطة انا مش مصدق ان دي حنين
هند :والله انا شايفة عادي ده يوم معلش وبعدين انت بنفسك بنقول مبسوطة خلاص بقي احنا مالنا
عمار:انا مش عارف هو اتجوزها ليه انا مش مصدق انه بيحبها وجو النحنحة ده واشمعن هي وحبها امتي لا انا قلبي مش مطمن
هند :ده علي اساس ايه بقي حيكون اتجوزها ليه مش فاهمة
عمار :مش عارف بس حاسس ان الواد ده هو اللي حيقضي علي حنين .
(في مشيخة الازهر )
كل عيلة حنين واصحبها واصحاب يوسف وامير طبعا ومراتوا ايمان كلهم موجودين والمأذون كتب الكتاب واول ما خلص يوسف قام وراح لحنين
يوسف :اظن يا عمي دلوقتي اقدر امسك ايديها
عبد الرحمن:هههههههه ايوة امسكها يا خويا انا عارف انك كنت حتموت وتمسها
يوسف:مسك ايدين حنين الاتنبن حنين وباسها . مبروك يا روحي يااللي طلعتي روحي وباس راسها
أمير:صفر صفارة . ايه يا عم عايز تحبسنا احنا لسة في المشيخة خلي الكلام ده بعدين
يوسف :هههههه وانت مالك انت ماتلمي جوزك يا إيمان
إيمان : من تحت ضرسها . معلش صاحبك بقي وانت عارفه
أمير:مالك حتفرقعي من كتر النفخ
إيمان :ماماليش ماانا متنيلة كويسة
أمبر :طب افردي وشك احنا في فرح
إيمان :ايوة الفرح اللي ماكنتش اعرف عنه حاجة الا من يومين
أمير:وحتفرق في ايه من يومين ولا شهرين
إيمان :انا بصراحة مش مصدقة ان ده يوسف . ايه الرومانسية دي وكل ده علشان مين علشان دي
أمير :مالها دي علي فكرة حنين دي بنت ناس ومحترمة وكمان يوسف بيحبها
إيمان :انا مش عارفة عجبه فيها ايه
أمير:لقي فيها اللي ملقهوش في كل الستات اللي عرفهم . ويلا بقي خلينا نلحق نحصلهم
إيمان :نحصلهم علي فين احنا مش حنروح بقي في اليوم ده
أمير :لا يوسف عازمنا كلنا في مطعم علي النيل علشان حنين معملتش فرح . وحنروح معاهم وكمان حنوصلهم الفيلا . ولو مش عجبك خدي تاكسي وروحي انا مش حسيب صاحبي في يوم زي ده
في مطعم علي النيل وده المطعم اللي يوسف قابل في حنين أول مرة
كلهم قاعدين اخوات حنين وامرتاتهم واجوازهم وعيالهم وباباها ومامتها وشيرين اخت يوسف وجوزها وأمير ومراتوا
يوسف :مبروك ياحبيبة قلبي
حنين :الله يبارك فيك
يوسف :مش كنتي خلتيني اعملك فرح واجبلك عمرو دياب يغني كمان
حنين :ههههههههه لا ياعم كدة كويس وبعدين مش كفايه انا هاريني عمرو دياب كمان الناس . حرام عليك
يوسف :بصوت عالي . احمم طبعا يا جماعة انتوا عارفين ان حنين مرديتش تعمل فرح وبصراحة انا كان نفسي اعملها احلي واجمل فرح في احسن فندق في مصر بس هي مش عايزة وكمان معملناش خطوبة وحتي الشبكة طبعا حنين لبستها لوحدها علشان كان ممنوع امسك ايدها بس كان نفسي البسها خاتم جوزنا بنفسي
حنين تسمحيلي . يوسف طلع من جيبه علبة قطيفة فيها خاتم سوليتر تحفة الكل اتهبل عليه واولهم حنين
حنين :مش معقول ده علشاني انا
يوسف :طبعا يا روحي وانا عندي غيرك . مسك يوسف ايد حنين وقلعها الجونتي ولبسها الخاتم وباس ايديها وحضنها
يوسف: وهو بيهمس لحنين اول مرة احضنك ومتبعديش عني
حنين : مكسوفة . علشان خلاص بقيت مراتك
يوسف :حضنها جامد اوي وباس راسها . دي بس مؤقتا لحد ما نروح
أمير:صفارة اعلي من الاولنيه . ايه يا روميوا احنا قاعدين ماتهدي كدة وتسيب حاجة لما تروح
كلهم ضحكوا جدا
يوسف :انت تاني انت بتطلعلي منين وبعدين انا مصدقت اصلا هههههههه
شيرين اخت يوسف:راحت لحنين . مبروك يا حنين مبروك يا يوسف متعرفيش انا فرحانة علشانكم ازاي اخيرا جو النساء اتجوز . هههههههه
يوسف :هو حد قالك انا جايبك من امريكا علشان تهدي النفوس
شيرين :اعمل ايه اصلك اول مرة يطلع زوقك حلو كدة . مقولكيش يا بنتي ده كان بيعرف ستات ولا بلاش. احسن
حنين :هههههههه لا ماهو قالي وبعدين خلاص ربنا تاب عليه ومتقلقيش انا حتوبه اكتر
شيرين :ياربت اهو يبنوبك فيه ثواب
يوسف :امشي يا بت ارجعي امريكا انا غلطان اني جبتك
شيرين :خلاص ماشية بس استني . اتفضلي يا حنين هديتك
حنين : اخدت منها علبة كبيرة فتختها لقت فيها طقم كوليه واسورة وخاتم وحلق شيك جدا وغالي اوي
حنين :ايه كل ده بس ده كتير اوي متشكرة اوي يا شيرين
شيرين :مفيش حاجة تغلي علي مرات يوسف وبعدين انتي متعرفيش اليومين اللي انا قضتهم معاكي حبيتك ازاي
إيمان :مالك عينك حتطلع هناك ليه
أمير :مفيش ولا طالعة ولا حاجة
إيمان: والله مش هي دي شيرين الحب الاول
أمير:ولا حب ولا نيلةوحدة واتقدمتلها ورفضت فين الحب في كدة
إيمان :ماشي عموما انا مش فايقالك دلوقتي خليني في اللي انا فيه . سوليتير جايبلها خاتم سوليتير عيني عليا
أمير :انتي هو انت فيه حاجة بتملي عينك . واسكتي بقي بدل ما انكد عليكي قدام الناس
وخلص العشا وراحوا كلهم يوصلوا يوسف وحنين لفيلتهم . وقدام الفيلا حنين بتسلم علي ولادها وبتعيط
يوسف :يا حبيبتي لو عايزة تخليهم يباتوا معانا من النهاردة مفيش مشكلة انا مش مضايق
حنين :بدموع لا يا حبيبي احنا اتفقني حيقعودوا عند ماما اسبوعين
يوسف :طيب متعيطيش متوجعيش قلبي مبقظرش اشوف دموعك
حنين :خلاص مبعيطش انا اسفة
يوسف :لا متتأسفيش ظي احلي حاجة فيكي احساسك وحنيتك دي . يلا بقي ندخل بيتنا
حنين اول مادخلت لقت الفيلا كلها بلالين حمرا وورد في كل حتة وشموع
حنين :حطت ايديها علي وشها . يوسف مش مصدقة كل ده علشاني
يوسف :كل ده ايه بس انا كان نفسي اعملك اكتر من كدة . اسمحيلي بقي اشيل النقاب
حنين : مش حتعرف انا حطلع فوق وافكه علشان ممسوك مع الكاب
يوسف :مين دي اللي تطلع انتي حتتشالي. تعالي
حنين :يوسف يا مجنون اوعي تستني طيب
يوسف شالها وطالعها فوق في الاوضة
حنين :بقولك ايه اطلع برة لحد ما أغير هدومي
يوسف : امممم رفقا بيكي بس وبكسوفك ده حخرج . انا حروح اخد شاور في الحمام التاني واجيلك تكوني خلصتي اوك
يوسف اخد بيجامته وخرج وحنين قلعت الكاب والنقاب وعايزة تفك سوستة الفستان مش عارفة السوستة رفيعة والفستان ضيق .
حنين :يا ربي وبعدين ده انا لو ندهتلو ما حيصدق اصلا . حاحاول
حنين تحاول تفتحها اتفتحت نصها ومش عارفة تكمل . يوسف كان خلاص اخد الشاور بتاعه وخرج ولبس بنطلن بيجامته وبس لان دي عادته مبيحبش يبلس حاجة من فوق وهو نايم راح لحنين وفتح الباب لاقاها بفستنها
يوسف :صفر بإعجاب . ايه ده هو انتي كنتي لابسة الفستان ده طول الفرح
حنين :ايوة بس مكنش باين علشان الكاب واسع
يوسف:ايه الشعر ده يخربيت حلوتك انت ايه بس
حنين :ابوس ايدك اسكت انا مش مستحملة
يوسف :هههههههه مالك وشك احمر ليه كدة . ومقلعتيش ليه كل ده
حنين : ااااصل السوستة مش عايزة تتفتح
يوسف :ههههه هو ده اللي كاسفك طب تعالي وانا افتحهالك
حنين :تخليك مؤدب
يوسف :مسمعكيش تجيبي سيرة الادب دي النهاردة خالص فاهمة. تعالي لفي . ايه الظهر ده
حنين :يوسف اخلص حرام عليك انا والله دايخة من الكسوف
يوسف :طيب خلاص اهو يا ستي فتحتها واساعدك بقي واشيلهولك خالص . تعالي
حنين :جريت بعيد بقولك ايه اطلع برة انا عايزة اخد شاور وبعدين انا عايزاك تهدي ومتستعجلش يعني مفيش مشكلة لو مفيش حاجة حصلت النهاردة
يوسف :نعم يا اختي سمعيني تاني كدة هو ايه ده اللي مش حيحصل ده قتيلك النهاردة وبعدين انا نفسي اعرف انتي عملتي ايه اول مرة هاه
حنين :ولا حاجة محصلش حاجة اول يومين حصل بعد تلت ايام
يوسف :لا والله يعني سابك ونام ليلة الدخلة . طيب علشان نبقي متفقين بس ومتقوليش عليا متوحش ولا همجي انا مش حنام النهاردة الا وانتي مراتي فاهمة . انا حسيبك 10 دقائق ارجع الايكي خلصتي يالا يا شطورة
حنين :يادي. الليلة اللي مش فايتة
جريت تقفل الباب باللوك بتاعه مبيقفلش
يوسف :فتح الباب بتعملي ايه ريحي نفسك انا معلق اللوك علشان كنت متاكد انك حتعملي كدة يالا يا روحي علي الحمام
حنين :اوففف ودخلت حنين اخدت شاور وخرجت لابسة البرنس وكان كاب وقصير جدا وواقفة قدام الدولاب تمسك في الهدوم .
حنين :لا ده قصير اوي .. وده ظهره عريان .. لالا ده عريان اوي
يوسف :فتح الباب ودخل .
حنين :اتخضت وقعدت تداري نفسها بالهدوم اللي كانت ماسكاها . يوسف اطلع برة حلبس والله واندهلك
يوسف :تؤ تؤ انا مش خارج من هنا تاني.
حنين :يوسف . يوسف
يوسف :هشششششششششششششش
(في بين أمير)
أمير :احنا مش حنام في الليلة السودا دي بقي ماتتهدي بقي
إيمان :وانا عملتلك ايه . ماتنام
أمير:انام ازاي وانتي راحة جاية كدة زي اللي بتولد انا مش عارف انتي ايه اللي مزعلك واحد جايب لمراتوا خاتم سوليتير انتي مالك
إيمان : انت عارف الخاتم ده بكام . ده بتمن الشقة اللي احنا ساكنين فيها دي
أمير :احمدي ربنا غيرك مش لاقي . اطفي بقي النور ده عايز انام
إيمان :اهوه النور اهو وسايبالك الاوضة كلها وخارجة
إيمان :... الو ايوة يا رانيا انتي فين بقالي يومين بكلمك مبتروديش
رانيا :ازيك يا إيمان وحشاني بس والله ماما كانت تعبانة وكمان انا اللي ماسكة السنتر بتاعها لحد ماتخف
إيمان :انتي حتيجي امتي . دبي خلاص بقت بتريحك
رانيا :معلش ماما بس تفوق وانا انزل مصر علشان انتي واحشاني قوليلي مال صوتك متخانقة مع أمير
إيمان : عادي احنا علي طول متخنقين بس مش ده اللي مضايقني
رانيا :اومال ايه
إيمان :اصل احنا لسة جايين من فرح يوسف وطبعا البيه شاف شيرين هناك
رانيا :يوسف ؟ !! يوسف جوزي
إيمان :جوزك ايه يا رانيا مانت متطلقين من زمان
رانيا :وهو اتجوز مين بقي حد نعرفه
إيمان :لا دي واحدة كدة اسمها حنين بس ايه مدلعها علي الاخر ده جبلها خاتم سوليتير يا رانيا
رانيا :إيمان انا عايزاكي تعرفيلي كل حاجة عنها فاهمة وكمان عرفها فين وازاي وانا حنزل الشهر اللي جاي مصر ومتقلقيش حجبلك هدية حلوة
(في فيلا يوسف)
حنين بتتعدل وتغطي نفسها بالغطا
يوسف :مسك ايدها وباسها . مبروك يا روحي
حنين :مكسوفة وبتعدل شعرها . الله يبارك فيك
يوسف:لسة مكسوفة . تعالي في حضني
حنين :نامت في حضن يوسف
يوسف:ياه يا حنين ده انتي تعبتيني اوي
حنين : بخبث ليه وانا كنت عملت ايه
يوسف :مش عارفة . ماشي عموما انا انا كنت مستحلفلك بس صعبتي عليا كنت ناوي اطعك النهاردة
حنين :انا مبخفش علي فكرة
يوسف :كدة طب نعالي بقي
حنين :يوسف هههههه خلاص خلاص انا اسفة
يوسف :دلوقتي حتعملي قطة . والله ما انا سايبك تعالي
❤❤❤❤
((الحلقة الثانية والعشرون ))#ريحانة
في الصباح . حنين فتحت عنيها لقت نفسها نايمة في حضن يوسف ورفعت وشها لقته صاحي ومبتسم وبيبصلها
حنين :صباح الخير يا حبيبي
يوسف:باسها . صباح الخيروالحب والورد والجمال علي احلي حنين في الدنيا وكان كل كلمة معاها بوسة
حنين:ههههه كله ده . قولي انت صاحي من امتي
يوسف:بصراحة بقالي كتير
حنين :وماصحتنيش ليه
يوسف:اصحي مين انا اول ما فتحت عيني لقيتك نايمة في حضني خفت حتي اتقلب لتصحي وكمان بصراحة كنت مبسوط
حنين: يعني كنت مكتفاك ومعرفتش تنام مني
يوسف:اااه ااااه يا ريتك كنتي كتفتيني كدة من زمان . تعرفي انا اول ماصحيت افتكرت اني كنت بحلم وان كل اللي حصل امبارح ده كان حلم من كتر ما كنت بحلم باليوم ده . بس اول ما اول مالقيتك في حضني صدقت اني مش بحلم وانك حقيقة . بحبك يا حنين . بحبك اووووووييييي
حنين : هههههه طيب بس اوعي خليني اقوم اخد شاور علشان احضرك الفطار
يوسف:مين اللي يحضر الفطار تؤتؤ انااللي حضرك الفطار بنفسي
حنين :امممم خالي بالك انا ممكن اتعود علي الدلع ده
يوسف:اتعودي براحتك هو انا اطول وبعدين انتي لسة ماشوفتيش دلع يا روحي
حنين : بحبك بحبك اوي يايوسف
يوسف:اه المفروض انا بقي بعد الكلمة دي اعمل ايه ايه . من بذمتك منحقي اقطعك دلوقتي
حنين:تاني مش كفاية اللي عملتوا امبارح ده انت متوحش
يوسف:بجد هو انا كنت متوحش اوي كدة . اسف بس اعذريني انا مصدقتش انك بالجمال ده كنت عايز اكلك. قوليلي في حاجة بتوجعك
حنين :هههه علي فكرة انا بهزر معالك انت كنت رقيق وحنين خالص
يوسف:طيب ماتيجي اوريكي شوية رقة وحنية
حنين :ههههه لااوعي عايزة اخد شاور
يوسف:طيب حاجي معاكي
حنين:لا طبعا . بطل قلة ادب وبعدين انت مش قلت حتكضر الفطار . روح حضره بقي لحد ما اخلص
يوسف:فطار مين دلوقتي انا جاي معاكي مليش دعوة
حنين: كدة طب خلاص مش داخلة الحمام
يوسف:طوعيني . حتندمي
حنين:لا هاه
يوسف:كدة طب تعالي بقي انا حشيلك وادخلك بنفسي
حنين:يوسف استني ... يا مجنون اوعي...... يوسف
وبعد شوية كتيييييييييير
يوسف:تسلم ايدك يا روحي ايه الفطار الحلو ده
حنين :تسلم ايدي علي ايه انا معملتش حاجة كلها جبن وانا بس عملت الاومليت
يوسف:وانتي مستهترة بالاومليت ده. ده احلي اومليت كالتوا في حياتي
حنين : ميرسي يا حبيبي ربنا يخليك ليه خليك كدة اقعد جاملني كتير
يوسف:اجامل ايه بس والله بتكلم جد . انتي عارفة انا بقالي قد ايه ماأكلتش أكل من البيت من يوم ماما ما ماتت
حنين :يا قلبي . خلاص ياروحي شوف انت نفسك تاكل ايه وانا اعملك اللي انت عايزه
يوسف:قرب منها وباسها . عايز اكلك انتي
حنين :لا بجد شوف تحب تتغدي ايه وانا اعملك بإيدي
يوسف:لا احنا النهاردة مش حناكل في البيت اصلا
حنين :من اولها هناكل برة انا لعلمك مبحبش اكل المطاعم
يوسف:معلش يا روحي اصل احنا حنسافر
حنين: نسافر !! نسافر فين
يوسف:الجونة حنقضي الاسبوعين دول هناك
حنين :الجونة .
يوسف :اه روحتيها قبل كدة
حنين :بصراحة لا رحنا شرم والعين السخنة قبل كدة بس الجونة لا
يوسف:انا متأكد انها حتعجبك حاجة كدة سحر
حنين :بس يا حبيبي كفاية كل ده امبارح خاتم والنهاردة نسافر كدة كتير
يوسف: مفيش حاجة تكتر عليكي وبعدين انا اصلا كان نفسي اخدك ونسافر فرنسا او إيطاليا او حتي تركيا بس عارف انك حترضي
حنين :لا ياعم عايزنا نروح هناك وتقعد تتفرج الستات الاجانب بعينك
يوسف :ههههههه هما دول ستات برداو الستات اللي بجد هما انتي يا موزة
حنين :هههههه طيب انت حجزت فين
يوسف:محجزتش احنا حنقعد في الفيلا بتاعتي اللي هناك
حنين :انت عندك فيلا هناك
يوسف:اه يا حبيبتي وان شاء الله اتمني انها تعجبك . خلصي فطار بقي وروحي حضري شنطتك بسرعة علشان نلحق الطيارة
حنين : هي الطيارة الساعة كام
يوسف: الساعة 3 ودلوقتي 12 يعني يدوب نلحق نوصل المطار
حنين :طيب تحب احضرلك ايه في شنطتك
يوسف:لا يا حبيبتي انا محضرها من امبارح
حنين :ندالة
يوسف:ههههههه الحق عليا قولت اوفر عليكي وقت . وبعدين خلاص انا جاي احضر معاكي شنطتك
حنين :لا يا سيدي شكرا كدة مش حنسافر اصلا
يوسف:دايما ظلماني كدة والله حبقي مؤدب متخفيش
حنين :لا
يوسف:هو ايه اللي لا انا جاي وراكي مش حسيبك .........
(في الطياره)
حنين: نايمة علي كتف يوسف
يوسف :ههههههه .
حنين :بتضحك علي ايه
يوسف:اصل بصراحة وانتي نايمة علي كتفي كدة افتكرت حاجة كدة
حنين :افتكرت ايه . اوعي تقولي ان كان معاك واحدة في الطيارة ونامت علي كتفك قبل كدة وافتكرت والله اموتك
يوسف:ههههههه لا لا تعالي بس انتي قومتي ليه تعالي في حضي وانا حقولك بس اوعي تزعلي
حنين :اهو نمت قول بقي
يوسف :فاكرة لما بباكي دخل المستشفي
حنين :اه ليه
يوسف:فاكرة اول يوم جيتلك هناك .وانتي خرجتي لقتيني برة ساعتها انا قاتلك اني خبط ومدخلتش . وده مش حقيقي انا دخلت وقعت اتفرج عليكي وانتي نايمة
حنين :اخس عليك يايوسف كدة بردوا
يوسف:انتي كل شوية تقومي ليه تعالي بس انا لسة مخلصتش . انا كمان حضنتك وبستك من شافيفك
حنين :يا نهار ابيض وانا نايمة ومحستش
يوسف:هههههههه انتي زعلتي انك كنتي نايمة ولا علشان محستيش
حنين :بس يا رخم . عموما انت اللي اخدت الذنب انا مليش دعوة . رفع القلم عن النائم
يوسف :ههههه ماشي نادلة من يومك نامي بقي لحد مانوصل
(في الجونة في فيلة يوسف )
يوسف :هاه ايه رأيك عجبتك
حنين :جدا دي تحفة. انت زوقك حلو اوي يا يوسف
يوسف:طبعا مش اخترتك تعالي بقي علشان المفاجأة اللي جاية
حنين :تاني لسة في مفاجأت
يوسف:طبعا تعالي معايا الاوضة
يوسف فتح شنطته وطلع منها 3مايوهات واحد اصفر في اسود بيكيني والتاني احمر بيكيني بردوا والتالت اسود بس قطعة واحدة
حنين :تنحت . ايه دول بتوع مين
يوسف:هههههه اكيد مش بتوعي . بتوعك طبعا
حنين :انت اكيد بتهزر البسهم ازاي
يوسف:عادي زي الناس
حنين :يوسف بتكلم جد البسهم ازاي وانا منتقبة بس
يوسف:هو حد قالك انك حتلبسيهم قدام الناس . انتي حتنزلي بيهم البيسين هنا في الفيلا
حنين :لا يا يوسف احسن حد يشوفني
يوسف:اولا البسين داخلي ومحدش حيشوفك . ثانيا انتي متخيلة اني ممكن اخلي اي حد يلمحك حتي
حنين :بس اصل انا اتكسف اوي . وبعدين انت عرفت مقاسي ازاي
يوسف :ههههههه اصلي يوم ماكنا في المستشفي رفعت المقاسات ههههههه
حنين :زعدته في كتفه . قليل الادب
يوسف :اي ايى خلاص بقي يالا شوفي حتختاري ايه
حنين :اممممم مش عارفة اختار انت
يوسف :انا بصراحة حموت واشوفهم التلاتة عليكي . بس عموما البسي الاصفر في اسود
حنين :طيب اخرج برة بقي خليني البسه
يوسف : قعد علي السرير اخرج فين انا حقعد اتفرج
حنين :بطل رخامة بقي
يوسف:والله ما خارج ولو مخلصتيش حقوم البسهولك انا
حنين :يووووه بقي رخم
.............................
يوسف :صفارة طويلة يخبيتك ايه الحلاوة دي والله انتي نزلتي كدة علي البحر حيتحمل عليكي حفلة
حنين :هههههههه بس بقي انا اصلا مكسوفة ومش عارفة حنزل كدة ازاي
يوسف :ماقولتلك محدش حيشوفك . يلا بقي تعالي
(في البيسين)
يوسف : يلا تعالي انزلي يا جبانة
حنين :يا يوسف انا بقالي سنين منزلتش الميه
يوسف :هههههههه طب انزلي انا معاكي. بصي نزلي رجلك واناحشيلك
حنين :نزلت رجلها .
يوسف:ايوة كدة تعالي بقي
حنين :مش ممكن يا يوسف انا بقالي كتير مانزاتش البسين ولا حتي البحر
يوسف:مبسوطة
حنين :مبسوطة دي كلمة قليلة اوي انا بجد مش عارفة اقولك ايه انا كل يوم بحبك اكتر
يوسف:وانا مستعد اعمل اي حاجة علشان اشوفك سعيدة ومبسوطة
حنين : يوسف انت بجد حقيقة انا مش مصدقة ان انت معايا وبتعملي كل ده
يوسف:لا صدقي يا روحي انا خلاص جيت حياتك علشان اسعدك اتمني انتي بس وانا عليا التنفيذ.
يوسف حضن حنين واقعد يلف بيها في البيسن وقضوا وقت جميل اوي اوي مع بعض
يتبع ......